|
هل هناك فرق في المستوى التعليمي بينك وبين زوجك\زوجتك؟
السلام عليكم
كيف الحال والأحوال:26: في موضوعي اليوم ابغى نتناقش عن الفرق في المستوى التعليمي بين الزوج والزوجة00 واللي عندهم فرق هل لاحظتوه؟ هل يضايقكم هالشي؟ لما تدخلو بمواضيع هادفة اوقوية او مستقبلية هل يكون هناك تفاهم؟ لما تتناقشون عن الحياة والتعليم والثقافة واحسست ان الطرف الاخر(الاقل تعليم) مايفهم كلامك بالضبط00 ماهو شعورك؟ |
ياحبيلك ياشوبارد ومواضيعك
اذا شفته غصب ابتسم الله يسعدك ويوفقك ومابقول موضوعك الا اني احول ارفع من مستوى الطرف الثاني بالمعلومات لان المرحله التعلمية مو دايم دليل على الثقافة وياقلبي انتبهي انك تحسسينه الطرف الثاني انه اقل مستوى تعليم وثقافة منك |
سؤال حلــو
على أني غير متزوجه لكن جواب هالسؤال مهم لي لأنا لو لا حظنا أكثر المتزوجين من الرجال حاليا زوجاتهم أعلى تعليم منهم بعكس أول الرجل أعلى تعليم من المرأة سأنتظر الإجابات |
الله يسعد قلبك ياريفان
طيب ماقلتي عندك فرق ولالا؟ ماقصد ثقافة وبس ترى العلم يجعل الشخص مدرك واعي وفاهم |
[quote=شوبارد]السلام عليكم
كيف الحال والأحوال:26: في موضوعي اليوم ابغى نتناقش عن الفرق في المستوى التعليمي بين الزوج والزوجة00 واللي عندهم فرق هل لاحظتوه؟ هل يضايقكم هالشي؟ لما تدخلو بمواضيع هادفة اوقوية او مستقبلية هل يكون هناك تفاهم؟ لما تتناقشون عن الحياة والتعليم والثقافة واحسست ان الطرف الاخر(الاقل تعليم) مايفهم كلامك بالضبط00 ماهو شعورك؟[/quo وعليكم السلام اانا والله من اشد الناس المتاذين من هالناحيه انا عندي الثانويه العامه فقط وهو جااامعي ويكبرني بالسن 9 سنوات انا يضايقني كثثثثثثثثثثثثثر احيان لماااجي اتكلم وياه يسكتني ويقولي انتي مو دارسه وش دراك دائمااااا دائمااااااااااااااااااا تكون مشاكلنااااا من هالقبيل ماندخل بكلام هادف او قوي لانه شايفني صعير ومااافهم والسؤال الاخير مو لي له لكن جبتها على الجرح هذا دائماااااااااااااااااااااااااااااااااااااااااااااا ااااااااااا سبب خلافنااا وشكرا |
لما تزوجت كنت مكملة الثانوية وزوجي شهادته إبتدائية ..
وبعدين شجعته وأخذ الإعدادية .. وسجل في الثانوية بس ماكان متحمس كثير وماكمل .. وكل سنة يقول بيسجل في المدرسة الثانوية مرة ينسى .. ومرة زامات العمل ماتساعد .. ومرة ظروف .. بس إن شاء الله أنا باشجعه يكملها .. بالنسبة للفروقات الفكرية .. أنا ما أدخل معاه في نقاشات كبيرة بصراحة .. عشان ما أحسسه إني فاهمة اكثر منه .. بس هو عنده ثقافة متوسطة يعني تفكيره قريب من مستواي العلمي .. في النهاية ماحسيت إن الإختلاف العلمي أثر علينا بأي شكل من الاشكال .. |
اقتباس:
اية عندي فرق ياقلبي وفرق كبير شوي بعد بس مافية حل الا انك تحولين تطورين الطرف الثاني من خلال المناقشه وقراءة الكتب وسماع الاشرطة بس بطريقة غير مباشره ومع الوقت بيتغير بس يبي صبر <<كل صبرنا راح على ازوجنا واهلهم :d احس الصبر يقووووووول مليت منك وتوك ياقلبي باول الطريق يما بيطلع لك:26: بس مالك الا سعة الصدر والصبر |
متساويان والحمدلله
حتى من ناحية العمر ليس هناك فرق يذكر |
سلااام يا عروسا ممكن طيّب أحول السؤال لك << تبغى تستفيد :25: |
[QUOTE=الفرويه]
اقتباس:
حاولي اعرفي تفكيره واهتمامه واقري وتعلمي هالامور عشان لما تتناقشون تصيرين فاهمة |
اقتباس:
انا لي كم شهر ومتزوجة واحس بتاثير :30: بس ماهو كبير ولله الحمد |
طيب انتي نفك ياشوبارد ماجاوبتي
|
اقتباس:
بس ماتوقعت انه راح يكون فيه تأثير لما اشوف غيري اكيد بيهون الموضوع شوي:21: |
اقتباس:
|
اسئلك سؤال شوشو وبجوابه تعرفي انه المستوى الثقافي ولا شئ.
شو كنتي بتعملي اذا زوجك يحكي لغة إنت ما تفهميها منو أهون اللغة والا المستوى الثقافي كل شئ بالصبر و التأقلم بينحل أم وليد |
انا وهو متخرجين من الثانويه ..
والحين انا وهو ندرس .. وان شاء الله بناخذ البكالوريوس.. |
اقتباس:
ايوه فرق انا جامعية وزوجي الله يحفظه معاه الثانوية تفكيره وتعامله الحمدالله والشكر تمام لكن لما ندخل بمواضيع دينية او تعليمية ندخل بنقاش عقيم وفي النهاية للأسف يسكتني:29: وبصراحة في النهاية اسكت اخاف يحس بشي ويتضايق لأني مرة قلت له تراني متعلمة وفاهمة ليه لما اقولك شي تقولي من وين جايبة هالكلام؟؟ واجيب له دليل من الكتاب والسنة ويسكتني وحسيت انه متضايق فقفلت الموضوع وبس لما نجلس عند برنامج علمي ولما يكون بالصدفة عن تخصصي اتحمس واقعد اشرح واتكلم اشوفه في البداية مبسوط مررررررة ويشجعني وبعدها يقول ترى كلامك هذا كله ماله فايدة كل شي بيد رب العالمين لاتشرحين لي من وين وكيف اشكال واسباب الامراض كل هذا من فضل رب العالمين! اقتباس:
|
اقتباس:
|
السلام عليكم
لنا نفس المستوى الدراسي انا وزوجي لكن احسه اكثر ثقافة مني بحكم عمله وخبراته وهو من النوع اللدي لايعجز كثير القراءة والبحث عن كل ما هو جديد لكن عنده مشكله واحده فقط انه لايتكلم اللغة العربية ولايفهمها فقط بعض الكلمات وبعض الايات من القران , والحمد لله استفيد منه الكثير بالجلوس معه والاخد والرد في الكلام والمناقشة في بعض الامور شكرا على الموضوع الحلو والله يسعدك يارب مع زوجك ويرزقكم ماتتمنون ان شاء الله تحياتي |
هلا والله بشوبارد
انتي عارفه اني مو متزوجه بس حبيت اشارك معاكم بالموضوع الظريف اعرف مدرسات ماشاء الله رجالهم معاهم الابتدائيه بس ويقولون عادي ماعمرنا حسينا بهالفرق نهائي وبعض الرجال مامعاهم شهادات كبيرة وثقافتهم واسعه وكبيرة لانهم يحبون القراءة والاطلاع احسن من المدرسات الى معاهن بكالريوس ودكتورة والعكس صحيح |
اختي الكريمه شوبارد
موضوع جيد وله شجون كثيره...ولكن لو كان السؤال عن الفرق الثقافي وليس العلمي لكان اوضح وافضل:26: اسمحي لي اختي ...هناك الكثير من الفروقات تتضح للمتزوجين في ما بينهما وهناك العديد ممن لم يتموا المراحل العلميه العليا...لديهم معلومات عامه وثقافه عاليه فانا احمل شهاده جامعيه...وزوجتي لا تحمل الا الثانويه..واحيانا اجد ان لديها العديد من المعلومات التي لا املكها...وتتمتع بثقافه جيده جدا لك كل الاحترام اختي واسف على الاطاله اخوك |
انا اشوف ان المستوى التعليمي لا علاقة له بالثقافة
انا وزوجي نفس المستوى التعليمي جامعي ولكن احس ثقافته بسيييييطة للغاية واستغرب انه جامعي وثقافته محدودة حتى في مجال تخصصه وارى هناك ناس بدون شهادات ولكن ماشاالله ثقافتهم واسعة في كل مجال |
indienne
غموض السنين عذبة العربي شكرا لكم |
انا شهادتي ثانويه وهو جامعي بس وهو مثقف جدا وانا لدي ثقافه نوعا ما لاني احب القراءه
واذا تناقشنا يتفلسف على وغصب يسكتني |
هلا شو شو
بالنسبه لي انا بكالريوس وهو ماستر و يدرس الدكتوراه اكتشفت انه زوجي قرئ درجه اولى ما شاء الله ما شاء الله موسوعه متنقله الله يحفظهوهذا كان سبب الاختلاف الثقافي لاني كنت اكره اقرا بصراحه غرت منه وقمت اقرا اكثر |
انا عندي شهادة جامعيه وهو شهادة ثانوية لكن عنده معلومات اكثر مني بحكم قرائته الدائمه واطلاعه الكثير على البرامج الثقافيه والتعليميه يعني بعض المرات الثقافه تجي عن طريق الاطلاع مش الدراسه مشكورة على الموضوع |
انا وزوجي جامعيان ولكنني الآن افكر في دراسة الماجستير وهو متردد وحجته انني ممكن اهمل في البيت،
ولكنني ما زلت افكر فيما يقوله ولم اتخذ خطوة جادة في الموضوع. وأجد اننا متساويين من الناحية الثقافية ولكن ساعات لما يحتد النقاش اضطر اسكت حتى ما يعصب ويزعل حتى لو كانت حجتي اقوى. |
أنا جامعي وزوجتي ثانوية عامة
وكلانا يعتبر مثقف أود ان أذكر أن الشهادة ليست دليل على الثقافة واحد من أبناء عمومتي جامعي وثقافته صفر على الشمال حتى في تخصصه وأتذكر عندما كنت طالبا في الجامعة كان يدرسنا دكتور (أستاذ مشارك) والله أنه لايشرح الا والكتاب مفتوح امامه وعيناه على الكتاب وشرح المصطلحات من الشروحات التي في الكتاب لايزيد ولا ينقص حرفا وإذا سألناه عن نقطة في الدرس او موضوع قريب عنه يتهرب او يجيب إجابة مبهمة |
انا وزوجي جامعيين واعمارنا متقاربه
لاكن هو واهله من المستحيل ان تتناقش في امر وتكون افهم منهم |
انا جامعية و زوجي دكتور وما اشوف فيه فرق كبير في المستوى الثقافي,, مشكوره حبيبتي ع الموضوع |
متساووين نفس المستوي
واهم شي الثقافه والمعلومات العامه موضوعك حلو يالغاليه تحياتي |
| الساعة الآن 09:57 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©