|
لماذا يرفض الزوج ذهاب زوجته للكفيهات؟؟
السلام عليكم.........
بصراحة أنا هادي أول مشاركة ليا في المنتدى بس دايما أدخل وأقرأ المواضيع وتعجبني بالمرة:23: المهم::لا أطول عليكم بس حابة أسأل سؤال وابغى الاولاد خصوصا يجاوبوني وبكل صراحة عليه ومافي مانع ومع احترامي لكم ياالبنات بأجوبتكم....... وهو:[ليش يالأولاد ماتأيدوا روحة البنات مع صحباتهم أو أمهاتهم للكافيهات (كوفي شوب)]؟؟؟؟؟ ومو شرط الواحد يروح الكافيه عشان المعسل أوحاجة بس عشانه مكان هادي بدون ازعاج ... أتمنى تجاوبكم معايا وبكل وضوح. الاشراف: تم تعديل العنوان ليناسب النص.. |
لا أختي هذا شغل الشباب ..
الي يغار على اهله مايخليهم يروحون هالأمكان غير المحترمة .. لأنها لاتخلوا من شباب ودخان وشيشة ومعسل رايح ومعسل جاي .. النساء المحترمات لا يفكرون بالذهاب الى هذه الاماكن بل يبحثون عن الاماكن الي تسترهم عن الناس .. |
بس ياأبو فلان ومع احترامي الشديد لك ولرأيك الكافيهات كلها فيها قسم للشباب وقسم للنساء يعني مفصولة عن بعض... وهاذي كلها في الاخر وجهات نظر ...
|
ربما لأن الإنطباع السائد لدى الكثير بأنها أماكن يلتقي فيها الشباب مع الفتيات ...ربما
|
تريدي الصراحه خذيها
انا لمى اروح للكوفي مع زوجتي هذا وانا لساتي متكملك اجل شلون بعدين اشوف شي مو طبيعي البنات الحين خلاص مافي حياء اول ماتجلس البنت تشيل العبايه وتطلع الشعر ولاتتغطى عن العاميلن وضحك وصوتهم والله اعلى من صوت الرجال لمى تروح زوجتي مع هالاشكال انا مابيها تتاثر بالي حواليها والمثل يقول " إن القرين بالمقارن يقتدي " .. تحياتي واي استفسارات جاهز |
صباح الخير
بما أنني أمراه لا أحب ذهاب البنات الي الكوفي شوب لان ما شاء الله علينا لو أجتمعنا مع بعض تزداد السوالف وتعلو الضحكات .... |
:d:d
طيب يفتحوا لنا كفيهات خاصه نسائيه:22: اعترف ان في كفيهات مالها داعي :( بس الحمدالله لازم الزوج او الاخ يكون واثق في اخته او زوجته وصحباتهم يعني انا لازم اسبوعين او كل اسبوعين اطلع كوفي مره مع اختي وبنات خالتي ومره مع صديقاتي انا واختي ومره انا وامي ولنا كوفيهات محدده محترمه الحمدالله وبعدين يحتاج الواحد يغير جو:17: لحظه (((( كنت زمان مااحب الشباب اللي يروحون للقهاوي))) :29: كنت انظر لهم نظره:29: ومره اخويا صور لي القهاوي وعلمني ايش يسون الشباب وقالي مثل مافي بنات محترمات وبنات سيئات هناك شباب محترمين وشباب سيئين وغير نظرتي للشباب وانا فعلا اوقات اكون في الكوفي واشوف بنات سيئات الله يهديهم ولكن بنفس الوقت اشوف بنات قمة في الاحترام والالتزام وبعدين (( العود على اول ركزته))) التربيه والاخلاق والصحبه الصالحه لها دور على فكره في كوفي كله بنااااااااااااااااااااااااااااااااااااات:17: لدرجه اني شكيت انه نسائي بس ومع الاسف طلع عوائل والعماله رجال:29: تمنيت يغيروا العماله ويخلوهم نساء عشان نرتاح اكثر:17: بس لعل وعسى تكون خطه مستقبليه:22: |
بصراحه انا احلى كوفي شوب شفته في حياتي في حديقة المنزل ومع ام العيال نشرب احلى كوفي وخاصة عند الغروب والعيال يتراكضون قدامك ويلعبون والله احلى من مليون كوفي شوب
|
اقتباس:
صح :22: |
اقتباس:
الله يعطيك العافية على هذا الرد :d |
اقتباس:
|
بالنسبه لي من المدمنين علي الكافيهات
والمحترم يفرض علي الناس احترامه |
اقتباس:
معليش اذا ممكن اعلق على رايك البنت ماهي طفلة صغيره تتاثر باي شي تشوفه حولها وماهو حل انه يمنعها .. لان هالنوعيه من البنات بكل مكان ,, وانت اكيد مابتتزوج وحده الا واثق فيها وعارف ان ايمانها قوي وين ماراحت بس فرض الوصاية شي مرفووض :29: انا لو كان زوجي يمعني من روحة بعض الاماكن بحجه خوف التاثير على تفكيري ماراح ارضى انه يعاملني على اني سفيه مااعرف الصح من الخطأ ياعالم تراه كفي .. مو بار اعوذ بالله الوحده من حقها تطلع تتنفس وتعزم صديقاتها برا البيت .. اريح واخف رسميه واقل كلافه وتغير جووو تغيير الجو ماهو حصر عالشباب بس .. ترانا ب2007:11: |
اذا مافيه مراكز صحية ورياضية للمرأة
ولا فية جمعييات ثقافية للمرأة ولا فيه مسارح وسينمات ولا ولا ولا وتطول اللسته وين نروح ؟؟؟ النفس محتاجة ترويح والمحترم محترم عسى لو يقعد في مرقص |
اقتباس:
كلمات في قمة الروعة والعفة والجمال ، ليس قبلها وبعدها ولا تحتها ولا فوقها كلمات تكتب أو تقال ، فليقرأ هذه الدرر ، من يطالبون ويؤيدون الشباب والبنات على الذهاب إلى الكافيهات المحترمة !؟ هل هناك كفي محترم !؟ أتقوا الله وسموا الأشياء بأسمائها الصحيحة، حسبنا الله ونعم الوكيل. |
شكرا يامو محتارة على كلامك الحلو معاك حق
واشكر كل اللي أبدوا بأرائهم...ويعطيكم الف عافية؟؟ |
بالصراحه
في اماكن محترمه وهادئة انا زوجي لا يمانع اذهب الى الاماكن الهادئه والمحترمه"اماكن لا تقدم الشيشه" لكن انا لا احبذ الاماكن التي تقدم الشيشه ولا احب اروحا اول ما انخطبنه زوجي كان يحب الذهاب وضحت له من البداية اني لا احبذ هذه الاماكن الاني من انصار محاربة التدخين بكل انواعه ولا احبذ هذه الروائح اهو طبعا ما يدخن بس يذهب مع اصدقائه لان بعد مرور مده من زواجنا لا يذهب كثيرا ويعرف اني اتضايق بذهابه هو في الحقية يقلل من ذهابة الى الاماكن خصوصا المغلقه تحياتي |
الصراحة البنت اذا ودها تغير جو مو لازم كافيه في مليون ومليون مكان غير الكافيه انا يكبر بعيني الريال اللي يمنع خواته واهله من روحة الكافيهات لانها مو مكان لتجمع النساء واصلا ممكن اللي تدش الكافيه بنت محترمة وشريفة لكنها بمجرد دخولها الكافيه يمكن الناس تنظر لها نظرة خاطئة
|
للرفع
|
والله الطالح غلب على الصالح وأفسدوا الاماكن هذه بحركاتهم الماجنه وأغلب أسباب المنع من وجهة نظري لعدم الاقتداء بهم فالتواجد المستمر معهم قد يجعل الرذيله فضيله ويعتاد الانسان على أفعالهم ويموت قلبه |
دائماً الكافي يكون فيه فله وإنبساط بس للبنات صعبه شوي
|
صراحه هذا الكلام لا يدخل في عقل البيت الملتزم
وامور الكافي انا ان الله رزقني وتزوجت زوجتي طاهره ولا تختلط بهذه الامور او الكافي ومع الاسف بان كثير كثير ينظرون اليها انها كفي شب ولكن هو في الاغلب مكان مختلط ومبرج ومكان اصلا ما خلوه اله للشيشه والخربطه واكثرهم يشيشن ولا فيهم ذرة حيه ولا خوف من الله والي يودي اله كوفي شوب ومختلط مااقول اله الله المستعان سلام |
الأصل بقاء المرأة في بيتها بنص القرآن (( وقرن في بييوتكن ولا تبرجن تبرج الجاهلية الأولى )) يقول العلامة السعدي في تفسيره : (( أي : لا تكثرن الخروج متجملات أو متطيبات ، كعادة أهل الجاهلية الأولى ، الذين لا علم عندهم ولا دين ، فكل هذا دفع للشر وأسبابه )) ومع الأسف الشديد أصبح موضوع فسحة المرأة قضيتنا الكبرى ! مع أنه هناك أماكن أخرى يستطعن أن يقضوا أوقاتهم فيها كدور التحفيظ والأماكن التي تعلم بعض المهارات ، أو التمشي والتنزه في أماكن خير مختلطة مع من هب ودب .
المقاهي النسائية فضلاً عن الرجالية ماذا يدار فيها : الأغاني والدخان بأنواعه ، أما النساء الضحك والغنج بصوت مرتفع فضلاً عن الملابس التي تبرز مفاتن بعضهن ! ولذلك أخبر النبي صلى الله عليه وسلم أن شر الأماكن الأسواق لأنها أماكن فتنة وبعد عن ذكر الله ، قال النبي صلى الله عليه وسلم : (( من اضطجع مضجعا لم يذكر الله تعالى فيه إلا كان عليه ترة ( الترة النقص ) يوم القيامة ومن قعد مقعدا لم يذكر الله [ عز وجل ] فيه [ إلا ] كان عليه ترة يوم القيامة )) فالواجب على الجميع تجنب الأماكن التي هي بعيدة عن ذكر الله وليس فيها فائدة فقط إضاعة وقت ! . وهناك وسائل كثيرة جالبة للتسلية والفائدة والإنسان الحصيف هو الذي يفكر ويعرف كيف يستغل وقته بما يعود عليه بالنفع . |
لا أؤيد لأن هذه الأماكن ترتادها الناس الغير ملتزمة .. ومن عاشرة القوم أربعين يوماً صار منهم .. ورجل الإنسان تصبح خفيفة على هذه الأماكن السطحية
|
اقتباس:
........ ليش 2007 اختلفت عن 1990 ؟ مشكلتك انك تشوفي الغلط وتروحين لمه او مع الخيل يا ........زي اذا قال لك احد طب في النار طبيتي لا والف لا انت شوفي الصح واتبعيه وشوفي الغلط واجتنبيه بعدين من قال اني قايل بار او حرام انا لا اؤيد الفكره ابدا بعدين صراحه لو ناويه تعزمين اعزمي ببيتك والايه القرانيه تقول ( وقرن في بيوتكم ولا تبرجن تبرج الجاهليه الاولى ) هذا مو كلامي كلام الله سبحانه !! تحياتي الاشراف :- عذراً لكن :- نرجو إلتزام التفريق في الحوار بين الجنسين ., |
انا مستعد بأن أحضر لها الكوفي والقعدة الحلوة في احلى مكان في البيت واجبيلها النت لعندها واجيبلها نفسي واعمل نفسي قهوجي والشيشة وكل الي تبغاه وتشلح العباية وغير العباية :23: وننبسط على السطوح احلى كلام
|
والله صراحة انا ما ادري ميين العاقل اللي يودي اهله لذي الاماكن خصوصا للكفيهات
اذا البنت تبي تعزم صديقاتها تعزمهم في بيتها واذا الزوج بيطلع زوجته عنده الف مكان يطلعها فيه والله ان كلها شر في شر والله اني اعرف سوالف يشيب لها الراس كلها تصيير في الكفيهات |
اقتباس:
|
| الساعة الآن 02:14 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©