|
إلى جميع البنات ,,, اذا تقدملك شخص .....؟؟ محتاجة رأيكم
أخواتي العزيزات
اذا تقدملك شاب .. سمعتي عنه إن أخلاقه طيبة .. و مايدخن .. و أهله طيبين و موظف وظيفة حلوة .. لكن ما عجبك شكله .. فهل رح توافقين عليه والا رح ترفضينه ؟؟؟ أدري بعضكم رح يقول الرجال ما يعيبه شي لكن الكلام هذا مايمشي عند كل البنات يعني تخيلي نفسك فجأة عايشة مع شخص فيه عكس كل المواصفات اللي كنتي تحلمين فيها و خصوصا اذا كنتي من النوع اللي ما يقتنع بسهولة .. و تتأثرين بأي رجل وسيم ممكن تشوفينه سواء في التلفزيون أو في الأماكن العامة .. و تتمنين إن هو زوجك في بنات كثير من النوعية هاذي .. فرجاءا لا تستنكرون الوضع يعني زي مافيه شباب يبون يتزوجون من جميلات عشان يحصنون أنفسهم .. كمان فيه بنات محتاجين نفس الشي فاذا كنتي غير مقتنعة بشكل الشخص اللي متقدملك .. فهل من الحكمة إنك توافقين عشان ما يفوت عليكي القطار ؟؟ والا رح ترفضين عشان لا تظلمين نفسك و تظلمين ابن الناس معاكي ؟؟ بليييييز محتاجة آرائكم جميعا .. و بدون استثناء |
رأيي بكل بســاطة و بدون مثاليات لا أوافــق..
صحيح الإنسان بجوهره و ليس منظره.. لـــــــــــــــــــــكن لازم أتقبــل شكله..لازم يكون شي بشكله عجبني..ما أقول أريد واحد وسيييييييييم.. للتوضيح أكثــر.. ممكن أقبل بشخص شكله ليس مثل ما أريــد 100%..لكن فيه شيء عجبني..و مع شخصيته و اخلاقه أشوفه أحلى واحــد..لأنه جوهره غطى على شكله..يعني لو أنتظر واحد مثل ما أريد شكلاً يمكن أنتظر كتير فلو تقبلت شكله و الباقي كان تمام ليش ما أوافق! و العكس صحيح..لو كان وسيييم جداً لكن شخصيته و أخلاقه :29: ..أشوفه عادي و لا شي يميزه.. المسألة برجعلك أختي..إستخيري أفضل شيء..يمكن يكون ابن حلاال و بشخصيته تشوفيه:22: وفقك الله و ادعيلي ربنا يوفقني كمان |
انا كنت متزوجة من رجل مقبول الشكل .غير وسيم يعني ......ومع دالك اخلاقه ومحاسنه غطت على هدا الجانب الكبير ..بس بيني وبينك اكيد الجمال له دور كبير في العلاقة اللتي تربط الزوجين ببعض ...على الاقل ما تنظر لغير زوجها .ان رات وسيما ولو بالصدفة وتفكر بينها وبين نفسها الى هدا الجانب الناقص عندها ..... عني انا لو ساتزوج للمرة التانية فلن اقبل الا بوسيم هههههههههه...لو تقدم لك وسيما وفي نفس الوقت له صفات اخرى جيدة يبقى انتي محظوظة جداااااا والدنيا لا تمنحك كل شيئ خديها مني نصيحة ....
|
امشي على المثل اللي يقول
الرجال مخابر مو مظاهر |
مشكورة أختي وينقز أوف هوب
والله الموضوع محير جدا .. أوقات الوحدة تحس إنها مو قادرة ترفض ولا تبغى توافق !!!!! وأنا معاكي إذا كان فيه لو قدر بسيط من الجمال .. المهم تكون فيه كم صفة عاجبتني بس المشكلة لما مايكون فيه ولا شي عاجبني في شكله .. الله المستعان و ربنا يوفقك و يرزقك بالانسان اللي تتمنيه |
مشكورة أختي ياسمين
وأكيد رح أفكر في كلامك القيم يعطيكي العافية |
زوجة محبوبة شكرا لمرورك
أنا معاكي .. وأكيد لو تقدملي شخص وسيم وأخلاقه سيئة مارح أوافق لكن المشكلة .. اذا كنتي تتمنين شخص بمواصفات معينة ويجيك واحد مافيه ولا صفة وحدة منها رح تتضايقين اكيد .. مزبوط والا لأ ؟؟ عالعموم يعطيكي العافية |
المسألة تحير صج ان الرجال مخابر ماهي مناظر
والجمال جمال الروح بس على الاقل الشكل يكون مقبول ودرجة القبولية مختلفة :s واوقات الشكل ماياثر حتى لو كان ملك جمال زمانة الراحة النفسية للمتقدم لها دور كبييييييييييير من جد الله المستعان |
مشكورة أختي Id123
مرورك أسعدني |
الحلم شيء والحقيقة شيء ثــــاني
إنزلي لأرض الواقع ، وإرضي بأفضل الحلول أمامك متفهمة إحساسك ونظرتك للأمر ، لكن من ناحية الزواج أنصحك لا تتعجلين الأمور مادام الرجل المتقدم ليس فيه عيب خُلقي أو خَلقي فلا أنصحك بالرفض ومؤكد بعد الإستخارة والراحة إذا لم يوافق أحلامك من ناحية شكله فلا يعني إنه مافيه شي راح يعجبك ! وأضمن لك ومن نظرة فتاة مثلك ، لـو إنه تكلم معك وأخذتي وعطيته معه وأعجبك منطقه راح تنسين شكله << لاتستغربين من كلامي شوفي كم وحده تحب واحد وتموت فيه كـزوج طبعاً وإنتِ تستغربين كيف تحبه وهو شكله مو حلو لأنه أكيد مالك إلا الظاهر منه وإنه ماوافق مزاجك لكن لأنها شايفه منه كلام وأخلاق ومعاملة ومشاعر صارت تشوفه بعين غير عيون الناس له طبعاً أنا ماأقنعك بشيء معين ، إنتِ وصلتِ مرحلة تقررين حياتك لكن أنصحك بالإستخارة أولاً وبالتأني والتفكير بـعقل وبروية وبالمستقبـــل وضعي في الإعتبار أخلاقه ودينه والله يكتب لك اللي فيه خير لك . |
سوف استخير اتوكل علي الله فهو حسبي ...
واذا كان من نصيبي وسوف يرضيني الله به ... واذا كان ليس من نصيبي سوف احمد الله علي كل حااااال ^ــــــ^ |
المظهر أم الجوهر , بالنسبة لي الجوهر طبعا
طيب وحدة من البنات حريصة على المظهر وجاها كل شي تووووب ماعدا المظهر , تضيع الفرصة ؟ لا يالغالية , فكري شوي , ممكن يجيك واحد شكله تووووب بس إنه أخلاق زفت وتعامل زفت , راح تكرهين شكله من تعامله , وبالمقابل راح تحبين شكل الأول مع الوقت من تعامله , حتى الرجال أنفسهم مع حرصهم على الجمال يكرهون ذات الخلق السيء ويرتاحون لذات الخلق الحسن , بالرغم من جمال الأولى وقبح الثانية , أنتِ قيسي على نفسك , لو شفتي وحدة جميلة بس تعاملها زفت , راح تشوفينها قبيحة ولا يكون لجمالها عندك اعتبار , بخلاف اللي أخلاقها حسنة وهي قبيحة , مع الوقت تحبينها ولا يأثر شكلها على معزتها عندك , اللي أبي أوصله لك إن المظهر يجذبك للشخص لكن تأثيره وقتي وإن الجوهر يجذبك على طووول وتأثيره دائم . فاختاري لنفسك ويمكن الفرصة الحلوة ماتتكرر , وحطي لمطالبك أو لويات , وعلى أساسها تنازلي أو لاتتنازلي , وأنصحك أن يكون المظهر مطلب ثانوي بحيث تغطي الصفات الحسنة على القبح , والله يوفقك |
شوفي حبيبتي.نصيحة لك, لاااااا تتوقعين ابدااااا انك بتاخذين واحد بنفس المواصفات اللي في بالك,سواء في الشكل او الشخصية, ونصيحة اقبلي باللي جايك (اذا كان شكله مقبول) والا ترا بيفوتك القطار:25: .... تردد البنت في اختيار شريك حياتها هو السبب في التاخر عن الزواج,,, والله يوفقك يا اختي ويكتب لك اللي فيه الخير |
الله يكتبلك الخيرة وين ماكانت
|
اذا حبيتي زوجك تستلطفين شكله حتى لو ماكان وسيم وتشوفينه مقبول
من ناحيتي الشكل مهم من ناحيه الاولاد .. لانه 50% يطلعون يشبهون له |
الحلو ما يكمل
|
حبيبتي الجمال هذا نسبي واللي تحب زوجها حتشوفه احلى رجل في العالم بس ما حيبقى الا الدين والاخلاق والقلب الحنون
|
حبيبتي الجمال هذا نسبي واللي تحب زوجها حتشوفه احلى رجل في العالم بس ما حيبقى الا الدين والاخلاق والقلب الحنون
|
استخيري اولا .... قبل كل شي ... واذا ارتحتي وافقي ... عمره ماكان الجمال مقياس للقبول اصلا ...
الله يوفقك يارب ... هموووم |
انا مع كلام غالية بالتماااااااااااااااااااااااااااااام
الصراحة قالت كل الي كنت حقوله ووفرت علي الكتابة اختي الغالية انا من الناس الي تجذبني الاشكال و احب اذا نظرت في بيتي ارى امامي خلقة حسنة و سوية واذا كان الرجل غير وسيم ولكنه مقبول و نظيف و تتوفر فيه كل الصفات الجيدة من دين و خلق فتوكلي بعد الاستخارة و تزوجي منه حبيبتي اذا احببتيه يا الله سترينه اجمل انسان وجد في الارض بالذات اذا كان من الناس الحنونيين و الي يدورو راحة زوجاتهم خذي نصيحة مجربين حبيبتي وتوكلي على ربك الله يسعدك |
السلام عليكم ورحمة الله و بركاته
أنا أقول بالنسبة لي ليس شرطا أنني أريده وسيما ,,, لكن على الأقل عندما أراه ارتاح له ,, استأنس ,, اطمئن مهما كان شكله ,,, أتصور هناك فرقا يا أخيتي قد يخطبك وسيما لكنك قد لا ترتاحي له من ناحية أخرى قد يخطبك انسان شكله عاااااادي جدا لكنك ترتاحين له أكثر .. ربما بساطته طيبته هي التي تجعلك تشعرين بالراحة,, أهم شيء الراحة النفسية حسب وجهة نظري هذا طبعا بعد الدين و الأخلاق ,,, كما قال رسولنا الكريم صلى الله عليه و سلم .. كما أنصحك بالاستخارة و استشارة الأهل ... و الله يوفقك أخيتي ,, |
بصراحة سأقبل...لأانني في وضع لا يمكنني ان ادقق..فسأفرح لأان اخلاقه جيدة وهذا اهم شيء وخاصة انه صعب في مكاني ان نوجد زجل ذو اخلاق...والأصعب أيجاد رجل من الأول...فلم يكن بيدي غير ان اوافق وخاصة انني مستعدة ان اوقف على حتى اقل من هذا
|
عن نفسي راح ارفض
لنفس الاسباب اللي ذكرتها ثانيا سبحان الله الواحد اذا ماارتاح من البداية تتخزن الصورة بعقله الباطن .. وتصير تاثر عليه غصب عنه .. وهذا اللي مااحد يتمناه تحياتي |
غالية ,, إنسان ,, أم عالية ,, زوجة أحمد ,, رشروشا ,, الوفية لوالديها
ياحياااااااااتي إنتو والله كلامكم على العين والراس .. و مقنع جدا بس اللي من جد مخوفني وشايله همه إني أضحي بالصفة هاذي .. و يطلع بعدين مايستاهل التضحية لأني مو متأكدة من حسن أخلاقه .. صحيح سمعنا عنه كلام طيب .. بس هذا مو كفاية الواحد مايعرف الإنسان إلا بعد العشرة معاه يعني خايفة إني أخسر بكل الأحوال .. و يطلع في الأخير لا شكل ولا أخلاق الله المستعاااااااان |
غرشوبة دبي مشكورة على مرورك العطر
|
غموض السنين .. تسلمين ياقلبي الله يعطيكي العافية
|
هضبة من الجهل ,, تتنهام وبس
شكرا لكم .. مروركم أسعدني |
همووووووووم
يعطيكي العافية ياعسل و شكرا لمرورك |
مشمشة عمري
الله يوفقك يارب .. و يرزقك بالزوج الصالح اللي يهنيك و يسعدك و شكرا لمشاركتك |
أختي العزيزة موحتارة
بالفعل هذا اللي خايفة منه إني أضغط على نفسي .. وبعدين ماأقدر أكمل معاه أو أكتشف إنه ماعنده أخلاق .. لأني مو متأكدة من حسن أخلاقه و هذا الموقف صار لوحدة مقربة مني جدا الله يكون في عونها |
اول شيء استخيري الله
وهو يكتبلك الخير وبخصوص شكله انا معاكي اذا مو مقتنعه فيه لاتوافقي الزواج عشرة عمر وارتباط مؤبد اذا مو مقتنعه فيه 100% لاتجازفي وانت استخيري الله اكثر من مره يمكن يكون هذا نصيبك وسبحان الله تشوفيه في يوم وليله حلو الله يوفقك ويسعدك |
انا شخصيا اذا كان يهمني الشكل ويشكل لي احد الإهتمامات بهذا الشخص الذي سأعيش معه
فلا اعتقد انني سأوافق عليه... لكن كنصيحة مني الإنسان لا يعيش بشكله ولكن بأخلاقه ودينه.. فأكسبي خلقه ودينه ... |
لو ما عجبك شكلا لا توافقي عشان اسباب ثانية
الله يدلك على اللي فيه الخير |
مغرورة بأمي ,, أنا الأمل ,, عذبة
الله يعطيكم العافية .. ماقصرتوا أنا استخرت .. لكن نهائيا مو مرتاحة أحس إني رح أندم لو وافقت و سبحان الله كل مااحد يجيب سيرته .. على طول أحس بضيقه ماأحس إني فرحانة لأني إنخطبت والمشكلة اللي معذبتني .. إن الوالد الله يطول في عمره و يعطيه الصحة مبسوووووط فيه لأنه من الجماعة وانا ماودي أكسر بخاطره .. ولا ودي أضحي بنفسي والله محتاااااااااااارة |
حبيبتي الوالد رايه على الراس والعين بس مو هو اللي رح يعيش معاه
فكري اكثر واذا مااقتنعتي لا توافقي عشان احد ربي يسعدك لا توافقي الا على شخص تقتنعي فيه عشان ما تظلمي نفسك ولا تظلميه |
عذية ,, فديتك أنا
مشكورة يالغالية ,, وأنا فعلا قررت إني أرفض الله يعوضني |
| الساعة الآن 03:32 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©