|
شلون ادللــــه ؟؟؟ ولكن بحسب مفهومه!!
السلام عليكم ورحمة الله وبركاته
اخوتي واخياتي شعب عالم الحياة الزوجية مساكم الله بالخيرات اصطدمت بالكلام مع زوجي البارحة في مفهوم تدليل الزوج والطرق الي تدلل الزوجة فيها زوجها وطال الحوار وتفرع لعدة اشياء فقلت له انا ادللك بحسب مفهومي للدلال اي اترجمه لك افعال انت تراها من خلال تعاملي معاك في حياتنا فإذا ولا فعل من افعال الي اقصد فيها الدلال واسويه لك ولا تعتبرها دلال فشنو هو مفهومك للدلال انت؟ علشان ادللك على حسب مفهومك ؟؟؟؟؟ قال تسوين لي ليالي حمراء رمانسية وحركات- ماتمنعيني عن نفسج لو اطلبج في اي وقت - تعملين لي بعد كل لقاء مساج والمساج الي انا احبه مساج الراس- تعبين لي البانيو وتحمميني - توكليني بيدينج - تلبسيني ملابسي- تعطريني - تنومني.. انتهى...... وقعد يضحك ماعنده حجة لانه عارف اني اسوي كل هذا له انا ساكته واتسمع له لانه كان على التلفون الكلام هذا وكل الي قاله عن الدلال انا اسويه له بدون مايطلب مني باستثناء الليالي الحمراء مش كل مرة على حسب مزاجي وزيادة على ذلك انتقي له احلى الملابس يثق في ذوقي وااايد - المسجات ارسل له رسائل غرامية وعشق وشوق وايميلات والخواطر والاشعار اكتبهم فيه مع اني مااجاري كتباته لانه شاعر - حتى سنونه احيانا اغسلهم له من باب المداعبة والمزحة بس اقصد فيه دلاله - ابخر ملابسه - احلق له وجه - انظف لمناطق الحساسة احيانا له - اهتم بانوثتي - اهتم بمتطلباته بس احيانا اتكاسل شوية في الطبخ الحين اذا كل هذا مايعتبر دلال فشنو مفهوم الدلال بالنسبة للرجال؟؟؟؟ علشان اعرف ادلل زوجي فلاسمع الاجابة من الرجال ومنكم يانساء ذوات الخبرة وعليكم سلام الله مني |
هنيئاً لزوجك ..
وليحمد الله على ذلك ... فغيره يطر من زوجته اطراره كلمة واحدة فيها نوع من المشاعر ..( من غير مبالغة ) الحمد لله رب العالمين .. |
الدلال : انك تحرميه عشان يحس بالفرق , وما احترامي لعقلية زوجك , عمر الدلال ما يجي بالطلب
لأنه سيصبح كأداء الواجب |
ماشــــــــــــــــــــاء الله أذكروا الله ياناس
الله يسعدكم |
الله يسعدكم ويهنيكم ....
|
اقتباس:
اهلا وسهلا اخوي او اختي ماعرف انتي ولد او بنت الله يعين كل واحد مننا يشتكي الحمدلله على كل حال بس من جد انا تفاجات منه لما قال ليش ماتدلليني ؟؟! فسألته اذا عنده مفهوم ثاني اسمه دلال غير الي نسويه احنا على هذا الكوكب؟؟!! شكرا للمرور والتعقيب اسعدني تواجدك |
اقتباس:
اهلا ومرحبا فيك اخوي رادع اهو اصلن محروم طول الاسبوع ومايلاقي الاهتمام هذا الا بنهاية الاسبوع او في الاجازت الي تمتد اسبوعين او شهر انا بدون طلب منه اسوي له كل هذا بس فاجاني سؤاله قلت يمكن انا فاهمة الدلال بطريقة غلط فقلت اسألكم ادلوني شكرا لحضورك اخوي |
ماشاء الله تبارك الرحمن , الله يوفقكم (آمين)
|
اقتباس:
ماشاء الله علينا لا اله الا الله ويسعد الجميع يااارب بس شاركنا الرأي وش هو مفهوم الدلال بالنسبة لكم يارجال هل انا كل ماسويه كان خارج مفهوم الدلال ؟؟! او انا بالغت ؟؟! اسعدني تواجدك سديد الرأي شرفتني |
اقتباس:
هلا فيك ام محمد تسلمين على الدعوات الطيبة هذي ياطيبة ويسعدج ويخليج ياارب ensaaan تسلمين يالغلا على الدعوات الطيبة لا هنتي ربي يخليج ويعطيج كل الي تتمنيه انا غلطانة ياجماعة؟؟ وفاهمة الدلال بطريقة غلط ولا شنو او هل كان قصده في الدلال شي ثاني بس يتعلل بهذي الافعال الي هو ذكرها وماحب يقول لي ؟؟! |
ياريت الي يدخل من الرجال يسجل مفهوم عنده عن الدلال
علشان احصر معنى الدلال والتدليل او افكار ثانية للدلال علشان مايقيم علي حجة ماحب يحسسني اني مقصرة وياه |
والنعم فيكي اختي على تفكيرك الراقي وعلى اهتمامك لزوجك الله يوفقكم لبعض
اختي من حاولي التغير والمفاجأت هذي الشيئين لها اثر على قلب الرجل |
اظن زوجك دلوع او طماع والا وش يبي اكثر من الي تسويه علميه ان فيه نساء مايسوون ربع الي تسوويه وانا منهم
والله يديم السعاده بينكم ويمكنه يتغشمر بكلامه |
اقتباس:
الله ينعم بحالك اخوي الداعي ان شاء الله اخوي شكرا على نصيحتك ماقصرت مع اني مو مقصرة في المفاجات اركد شوي وارجع له بمفاجأة مايتوقعها اسعدني تواجدك في مشكلتي الله يقضي حوائك يارب |
طبعا هذا يعتبر دلال.. انا بعد سويت كل هالاشياء لزوجي.. وكان يقول لي انتي مدلعتني.. وللحين يتكلم عن دلعي له ..
ماتوقع في اكثر من جذي.. بس يالغلا انتي ابتكري اشياء قبل ماهو يطلب منك .. |
اقولج حبيبتي شو قصده بالدلاااااااااال اللي يباه .........اللي تسوينه ما شااءالله تقريبا معظم المتزوجات فعلنه او يفعلنه مع ازواجهن صدقيني حتى جداتنا كانوا يدللون ازواجهن بطرقهن الخااصه ويظل جدي يحكي لأولاده عن زوجته الفلانيه انها افضل من الأخرى تدهن له جسمه وقت البرد وتحني له لحيته ووو الخ
الدلال حبيبتي ... سوي الشي اللي حابه تسوينه مو كأنه وااجب او ام تحمم ولدها او تفرش له اسنانه او اطبق نصيحة فلانه او البي طلبه ...احممه بطريقه خاصه افرش له شوي واقووول له كمل ...امشط له شعره في وقت ما يتخيله ابد افاجأه بليله حمراااء يدخل الغرفه يتفاجأ فيك وانتي !.......شكل تاني ...! ارجو ان يكون قصدي واااضح ...ضعي بصمتك في كل جهد تقومي به !! |
اقتباس:
الظاهر صج صار دلوع كسر خاطري مع حالته الي تكسر الخاطر يوم كان عزوبي كانه من اللاجئين الافغان حياته كلها مكركبه:24: وبعد يمكن صج صار دلوع لانه بعيد عني ماجوف الا بنهاية الاسبوع يومين لا يختي مايتغشمر اصلن هو ياخذ راحته في التلفون يقول الي يبيه لانه يدري ماطوله فاجتهد وافعل المستحيل علشان ادللـه واباريه انا اخر مرة جاني فيها قبل اسبوعين كانت تعبانة ومرضانة وجاية من العمرة الصبح وهو يوم ثاني الصبح عندي مامداني حتى اتجهز زين له ومالي بارض اجهز شي مثل كل مرة بس لبست له وتكشخت وكلام حلو وحنان معقولة برايج حكم على اخر مرة اني ماسويت له مثل كل مرة طبخ حلو ولبس وشياكة ودلال ؟؟؟ وهل خطأي اني عودته على جذيه في كل مرة ياختي احنا نباريهم ومانقدر عليهم اهتمي في زوجج الله يخليج وربي يسعدكم ويخليكم يارب ربي يخليج تسلمين على الدعاء يالغلا |
اقتباس:
والله احترت يام وداد ان شاء الله خيوتو بحاول اعصر مخي اجوف افكار ثانية ترضيه تسلمين يالغلا على التعقيب وربي يخليج ويجمع شملج مع عايلتج ويجمع شملي مع زوجي يارب |
اقتباس:
تسلمييييييييين ياغزالة فتحتي عيني على نقطة مهمة ماكانت في حسباني انا مرات كنت احممه ع السريع لانه بنطلع او مشغولة انا اكون وكان بداية ماكنت احممه فكان يسخر مني يقول لي بعد قلبي انا العروسة حقتك تحمميني اثاريه كان يقصد الاسلوب انه يبي اني احممه بس مو زي البيبيز بس والله ياختي هذي مرات والله معظم حمامنا يكون مفرفشين وسوالف ولما يتحمم في البانيو اسوي له مساج داخل الماي وسوالف شكل غير وحب بالنسبة للي قلتيه عن الليالي الحمراء او اني امشطه او المفاجأت انا اصنع ماتقصديه افعل هكذا بالدلع والغنج والانوثة التامة حتى لما احلق له اكون واقف عند الحمام اسولف معاه يقول لي تعالي حلقي لي وجهي وطبعا يكون له ميزة خاصة وبلش يروح الحلاق الا حق شعره ههههههه بس يمكن كانت تخوني لحظات الحمام والاكل لما اوكله بيديني على العموم اختي جزاااااج الله الف خير خليتني اتنبه لبعض النقاط الله يخليج ياارب لا تحرميني ابدا نصايحج |
اقتباس:
عذراً على التطفل ..لكن ممكن أعرف ماذا تقصدين بالزيادة على الليالي الحمراء ... |
اخلصي النيه وستجدين ما يسرك اصري على موقفك لانك انتي المستفيد الاول والاخير |
اقتباس:
ازيدج من الشعر بيت ......! جربي تسحبيه للحمام وانتي ساااكته عاد مو سجانه:d يعني ساااكته بأنوثه وتكسري عاد في المشي وانتي موديته للبانيو رااااح يكلمك ولاا كلمه بس نظرااات ومط شفايف :23: وهسسسسسسسسسسسس قلبي ! هالكلمة الوحيده انطقيها :23: وعااااد شوفي النتيجه ......؟! راح تدعين لي من قلبج:d ...... (كشفنا اسرارنا عند الرياييل:11: )........بالتوفيق غاليتي |
رجل الساعة
انا برتب لك الكلام علشان تفهمه انا كنت اقصد بـ ( زيادة على ذلك ) يعني هو يقول يبيني اسوي له : تسوين لي ليالي حمراء رمانسية وحركات- ماتمنعيني عن نفسج لو اطلبج في اي وقت - تعملين لي بعد كل لقاء مساج والمساج الي انا احبه مساج الراس- تعبين لي البانيو وتحمميني - توكليني بيدينج - تلبسيني ملابسي- تعطريني - تنومني.. وانا زياده على الكلام هذا الي قاله انا اسوي له الاتي: l l l v انتقي له احلى الملابس يثق في ذوقي وااايد - المسجات ارسل له رسائل غرامية وعشق وشوق وايميلات والخواطر والاشعار اكتبهم فيه مع اني مااجاري كتباته لانه شاعر - حتى سنونه احيانا اغسلهم له من باب المداعبة والمزحة بس اقصد فيه دلاله - ابخر ملابسه - احلق له وجه - انظف لمناطق الحساسة احيانا له - اهتم بانوثتي - اهتم بمتطلباته بس احيانا اتكاسل شوية في الطبخ الا الليالي الحمراء انا ماسويها باستمرار على حسب مزاجي وعلشان لا تفقد رونقها بس هو حاطنها حجة علي في التدليل الظاهر aboanas اهلا اخوي الحمدلله مخلصة النيه كله لوجه الله تعالى ورضاه عندي بالدنيا بس تفاجأت من سؤاله واصراره على اني مقصرة شكرا لكم اخواني حضوركم وان شاء الله ماخذ بخاطري وايد عليه من هالموضوع |
اقتباس:
ههههههههههه ياخطيرة انتي :d انا علي حركات بس هذي بحاول ارتبها لا يعرف اني ماخذتها من المنتدى :22: يسلموو غزولة |
بسم الله الرحمن الرحيم
اختي الفاضلة ان طبقت ما سلف واستمر زوجك بطلب المزيد فاعلمي انك ملكت قلب الرجل وكيانه حافظي على زوجك وانصحك بعدم التكلم بتفصيل عن بعض الامور التي قد تجلب لك الحسد وفقك الله |
هذا هو الدلال بعينه ماذا يريد اكثر
انا اللي اعرفه عن الدلال مثل مانعامل الاطفال نعامل ازواجنا وانت كفيتي ووفيتي وماقصرتي عليه بشي الله يعطيك العافية |
اقتباس:
اهلا ومرحبا وصباح الخيرات اخوي عمر شكرا للنصيحة وللحرص تسعدني مداخلاتك رزقني الله باخ اكبر مني احبه واخاف عليه لكن لم يرزقني الله حبه وخوفه علي فرزقني الله اخوة حقيقيون يخافون على مصلحتي فلرب اخ لم تلده لك امك شرفتني اخي بزيارتك ونصيحتك وتنبيهك |
الرجل مثل الطفل
اذا دللتي يطلب المزيد والمزيد |
اقتباس:
هلا ومرحبا خيوتو صمت الهوى صح هم يبون نعاملهم زي الاطفال بس يوم فكرت بكلام غزالة دبي يبونا صح نهتم فيهم زي البيبي بس على شكل متطور يعني ماتنسين رجولتهم ويحبون ضعف المرأة جانب رجولتهم انا عنده ماكفيت ووفيت والسبب اسلوبي كان ولا ادري بعد اذا كان شي ثاني يعافيك يغالية تسلمين على الرد والحضور شرفتيني وانتبهي تسوين مثلي بعدين يحس انه اللعبة مالتك او الولد الصغير وانتي امه بس لا كوني له ام واخت وصديقة وعشيقه الله يعينا عليهم ياختي |
اقتباس:
يعني بشنو تنصحيني اختي عذووب اخفف شوي ؟؟ وهذا اخر مرة خففت ماسويت له كل شي وقال مادلليني !!!! يسلمو حبوبة على الحضور بس عطيني رايج |
| الساعة الآن 10:33 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©