|
الرجاء ساعدوني ضروري قبل الليله
السالفه طويله بس باختصار من فتره حسيت من زوجي انه يميل حق وحده من اقاربه وشفت مسج منها له يمكن كان المسج تهنئة بالعيد بس الغريب ان زوجي محتفظ فيه و موراضي يمسحه من تلفونه من العيد اللي طاف يعني صار سنه على المسج ويقول انه يبي يستخدمه ما علينا المهم صارة مناقشات في موضوع البنت كثيره بيني وبينه وما اتوصل معاه لحل الا اني اتوهم كل شي مع ان امه كم مره تصرح ان هو حاطها في باله ويقول لها اخطبيها لي بس مادري صدق ولا لا لان امه مريضه وساعات تقول كلام مو مضبوط بس الام ما تكذب مافيها طبع الكذب .. ما علينا اول امس كنا نسولف احنا البنات عن بيت هذي البنت وعن مدى جمالهم بينا وبين بعض ومنو احلى وحده فيهم فنط زوجي بالسالفه وقال انها هي احلى وحده واصلا هي من البنات الحلوات مع ان انا وجهة نظري العكس وجمالها عادي .. يمكن احلى خواتها بس مو جميله جدا عاديه .. انا انقهرت وما علقت بس امس امه جابت سالفه الزواج وتبي تزوجه ومن هالكلام وما اعرف انه لو غشمره ولا صج جدام اخوي وامي .. بس بعدين قالت ان اللي يبيها خلاص راح تتزوج .. وطبعا تقصد هذي البنت لان زواجها ان شاء الله هذا الشهر .. فوجه زوجي تغير وما عجبه كلام امه وقال لها كيف تقولين كذا طبعا انا رديت ان امه ما تكذب .. وسكتنا بس من امس السالفه في بالي وافكر اسال زوجي عن الموضوع .. انتوا اشرايك ؟؟ هل صج كان حاطها في باله ولا اطنش السالفه واعيش حياتي :(
مع العلم ان زوجي من يوم ما انخطبت البنت هو مو عاجبه شي في الخطبه ويتحلطم على زواجها ويقولي ما تروحين العرس ولو رحتي تكونين بالعباية والشيله مابي مكياج نهائيا والافضل انج ما تروحين ويعلل السبب ان يمكن اهل زوجها يصورونكم مع العلم ان رحت وايد اعراس من اهله واهلي وعمره ما قال هالكلام ولا ابوه ولا اخوانه قالوا لحريمهم نفس الكلام والكل مستغرب من رده فعله .. اسفه طولت عليكم بس جد السالفه مازمتني |
اقتباس:
من جدك انتى او انا فهمه غلط جالسين تتكالمون عن البنت وجماله عند زوجك والله مالومه الغلط منك ياقلبي حرام وصف المراه اجنبيه عن زوجك امام وفي ذالك حديث { لا تُباشر المرأة المرأة ، فتنعتها لزوجها كأنه ينظر إيها } . اقول ياعمري مالك الا الدعاء ان الله يسخر لك زوجك ويقر عينه بك وكثري من الاستغفار بنيه صلح احوالك وزوجك وحولي كسب زوجك بجميع الوسائل من دلل وتجمل وحركات فزوج اذا لم تقصر معه زوجته لايبحث عن غيره وانتبهي توصفين مره ثانيه او ترضين احد يتكالم بالبنات امام زوجك وسالفة البنت سكريه مع زوجك لاتذكرينه فيه ابداااااااااااااااااااا اذا كان عندك عيشيه جو حلو رومنسي مو تذكرينه بالبنت:( هذا الى قدرت اكتبه لان عيوني تكبس بطلع انام |
الله يهديكي بس ترى الرجال بيتزوج بسبب لسانك انتي ماتغاري على زوجك وتوصفي بنات قدامه
باي حق يقعد يقول دي حلوة ودي لا انتي سمحتي له هو حاطها في باله وانتي مع الكلام اللي تقوليه عنها بتخليه يحطها بباله زيادة الله يهديكي |
عمرك ابد ابدا لا تطرين وحدة قدام زوجك ..
انا انحطيت في نفس موقفك .. زوجي ماحط وحدة في باله الحمدلله .. بس في وحدة كانت تتلزق فيه .. وحلوة ماشاء الله .. خليته ينساها وينسى طوايفها ولا كانها موجودة .. انتي سوي نفس الشي.. اغريه دلعيه .. دلليه .. خلي مخه مشغول بك انتي.. واذا طراها خليه يحس انك متضايقه .. وقولي لاهله مايطرون هالبنت كان شي عادي يتزوجها ولا يحطها في باله .. انتي زوجته .. ولازم يعرفون شاللي يقولونه قدامك .. الله يسخر لك زوجك .. |
والله الحق عليكي انتي من كتر كلامك عنها وعن البنات قدام جوزك لازم يصير فكر
الزوج ما بيطلع برا الا ازا كان فيه شي غلط الله يهديكي ديري بالك عجوزك وما تحكي كلام عن البنات قدامو |
يااخواني الرجال شايف البنت وهم يتناقشون عن موضع الجمال بشكل عام .
ماعليينا. شوف ياختي مادام البنت بتتزوج خلاص فماله داعي الشك والكلام هذا كله حتي لو كان فبال زوجك شي فهذا الشي خلاص ماله وجود او على الاقل راح ينساه زوجك بمجرد زواج البنت. وسع صدرك وحاولي تنسين السالفه وتركزين كيف تبسطي نفسك مع زوجك. |
حاولي تنسي وتعيشي حياتك بس الزم ترجعي اخطائك وتهتمي بنفسك اتر وتخلي البيت جو رومانسية دايما وكمان اوعي تذكري مواصفات بنت امام زوجك تاني وال تخلي اصحابك علي صلة بيه ايضا ومتظهريش انك بتغيري من هذه البنت عشان ينسي الموضوع كله بعد زواجها وروحي العرس وخليكي احلي واحدة هناك
|
يا جماعة انتوا فاهمين غلط انا عمري ما اوصف بنت جدام زوجي لان اعرف انه مايصير وحرام اشدعوه عليكم بس المشكله اهله كل شي عادي عندهم يعني هم من النوع الكول على قولتهم فهمتوا يعني يتكلمون على حسن نيه مو عن قصد مادري الوحيد اللي فهم السالفه abadi .. بعدين انا كثر ما اقدر ما اقصر مع زوجي في كل شي والزق فيه وابين له حبي واصلا دايم اطلب منه يكون معاي رومانسي بس مادري والله ما علينا المهم يعني رايكم ما اسال ولا اعور قلبي ولا ابين له اني اغار وموعاجبتني السالفه محتاره
|
شوفي اختي انا ماابغى اضيق صدرك بس حابة اسالك سؤال انتي عارفة من العريس اللي راح يتزوجها ؟
مادري بس حكاية منعه انك تروحي الزواج مشككني .. ادا كنت عارفة خلاص لا تعوري قلبك وتفكري في شي ماوراه الا ضيقة الصدر لانها تتزوج ولاراح يطولها وانتي يلا عاد تعودي من ابليس وقومي صلي ركعتين وتعدلي وتكشخي لزوجك وانسي سالفتها مرة حتى ادا جا طاريها بالصدفة قولي من هي هده مااعرفها ولا تحسسيه انك غيرانه ترى تحلاله السالفة ويرج راسك فيها قولي دايما اللهم سخر لي زوجي وسخرني له واجعله سكنا لي واجعلني سكنا له |
شلوووووووون يتكلمون قدامك عن زواجه و امك و اخوك جالسين
شنوو يعني مفكرين ان ماعندك احساس ؟؟؟ مبين من توقيعك انك عندك بيبي يعني غريبه الأم تبي تزوجه الا اذا بينك و بينها مشاكل ..!!! اسأليه و صارحيه هذا رايي... قولي له ش معنى كلام امك و ليش هذا العرس بالذات ماتبيني اروحه ..!! هو زوجك يبي يتزوج بأي حال من الاحوال والا بس حاط في باله هذي ..@@ عورتي قلبي يا عمري الله يطمنك و يسخر زوجك لك |
أختي Nweerh
طيب اذا هو كان يبغاها ويحبها على كلامك ، ليه تزوجك انت؟؟وما أخذها من البداية؟؟ وانسي الموضوع اختي مادام البنت بتتزوج ، وحاولي تحسني علاقتك بزوجك عشان ما يدور غيرك ، ومادام أمه تقول له بزوجك وقدامك كمان << بصراحة المواقف اللي قلتيها كلها قوووووووووية مدري كيف استحملتيها!!! ادعي الله انه يسخر لك زوجك ويجعله قرة عينك ويجعلك قرة عينه.. |
مشكورين على اهتمامكم والله انكم ريحتوني ... جناين ورد لا يروح بالك وايد بعيد اي اعرف المعرس وشفته بعد الملكه بس سالفه العرس انا بعد مشككتني بس ساعات اقول يمكن هو كذا مع العلم بعد شهرين بنكمل خمس سنين زواج يعني المفروض اعرفه عدل و اول مره يسوي كذا ..
ام مهدي .. الحمد لله مابيني وبينها مشاكل ابد بالعكس بس امه عندها انها كذا تتغشمر وانا بيني وبينك تعودت على غشمرتها بس ساعات ادقق عليها وساعات اطوفها .. وبالنسبه لو يبي يتزوج ما اعتقد ما اتوقع انه عنده نيه بعد الله اعلم تعرفين رجاجيل هالايام ما ينعرف لهم مزاجهم متقلب وما ينصادون بسرعه |
keep it شفت اشلون الرجال بعد ما شبع شكله قام يدور مادري والله على فكره انا متغربه علشانه يعني هو من ديره وانا من ديره ثانيه وكان ميت علي مرتين خاطبني واهلي ردوه بس النصيب .. الحمد لله الله معطيني صبر وتحمل على الحركات اللي تقول عنها قويه وانا احب اكبر عقلي بس المشكله لم الشي ينعاد وايد هنا الواحد يشك بالموضوع .. انا اللي ذابحني ان البنات هالايام ما يحلى بعينهم الرجال الا بعد ما يتزوج والرجاجيل نفس الشي يعني وينكم من قبل ...
على العموم انا سالت امه ليه قالت كذا قالت لي اتغشمر ولا تصدقين ولا تزعلين ... ولم سالت زوجي سكت مارد على واحس مو عاجبه الكلام .. ويقول انتي تعرفين امي مو شي جديد .. قلت طيب ليه ما تدافع عن نفسك تنكر الشي لم يتوجه عليك قول لا انا احبك انتي انتي زوجتي احلى وحده يسكت ما يرد انقهرت ليه ما يرد مادري و اخر شي يقول تعوذي من ابليس ونامي احسن .. وانا سكت... بيني وبينكم اخاف اسكت يقول هذي ما تهتم ويلعب علي واخاف ادقق على اشياء اجيب حق نفسي مشاكل بصراح محتاره وما احب اقول حق اهلي علشان ما اعور راسهم واخلي امي تحاتي وهي بعيده والله محتاره .. واسفه طولت عليكم .. بس احس عندي كلام وابي اتكلم ومنقهره |
والله اختي فعلا رجاجيل هالايام ما يملى عينهم الا التراب ما اقول لك ما تهتمي لاء بالعكس اقول لك اهتمي بس من بعيد لبعيد واذا انفتحت سيرت انه زوجك يبي يتزوج قولي له انت قولي مين تبي وانا بروح بخطبها لك طبعا هنا بتشوفي ردت فعله كيف وانتي بتحكمي لانك بتعرفي زوجك اكثر منا
واقول لك عني انا نفس عمر زواجك يعني لي خمس سنين تقريبا الكل حاسده علي وهو طبعا ماهو عاجبه قبل فتره قام يطرش لي اذا بتزوج وش بتعملين وش بتسوين قلت له بخطبها لك ومن عينتيني الثنتين بس انا مابرجع على البيت وبنتك معك بتبقى علشان انا بعد ابي اشوف حياتي مثل ما انت تبي تشوف حياتك والله قام يفكر ويقول عنجد عنجد شو بتعملي يفكر اني امزح وهل المره يبي اجنبيه تعرفي اجسام الاجانب ماهم مثل اجسامنا والله بعين لكن ربنا وحده عالم بنواياهم لكن مثل ماقلت لك ممكن انك تلبسين وتكشخين كل يوم علشان نفسك اولا وعشان ما تكوني مقصره بحقه وبعدين ان صار شي لكل حادث حديث لكن مثل ما قلت لك راقبيه من ورى لورى وصارحيه بكل شي علشان يدرى انه انتي فاهمه وش يعمل من وراكي واذا بتعطيه شريط او مطويه عن غض بالبصر والله انهم يرفعو الضغط هالرجاجيل هدانا الله واياهم للخير وفقك الله حبيبتي في رعايه الله |
حبيبتي ما في داعي تسألين واتعورين راسج دام ان البنت بتتزوج خلاص انسي السالفه ومافي شي ان شاء الله
|
اقتباس:
السلام عليكم ورحمة الله بركاتة اختي بارك الله فيك بالنسبة لموضوعك هو انكِ لم أخطأتي هداك الله في وصف جمال البنت المتحدث عنها في القصة فلو ان الحديث بين البنات فقط لا باس وإنما وجود رجل بينكم فهذا لاينبغي وهذا خطأ بالنسبة للرسائل الحقيقه أمر غريب أبنت عم تراسل رجل ليس بمحرم لها والخوف ان مثل هذه الامور تتطور فلماذا لم ترسل الا له ولم ترسل لغيرة وإنما ذلك يعد خطأ ان ترسل لزوجك ، كان عليك مفاتحته في موضوع الرسائل ومناقشته بهدوء تام واحساس زوجك ان هذه الامر لايعجبك . الحل في نظري : عدم فتح موضوع قصة البنت المذكورة ولا تذكر اي سالفة متعلقه في بنات البته. عند فتح موضوع كهذا حاولي تغيير الموضوع باي شكل من الاشكال مع ايضاح علامات التعجب على نفسك بحيث يعلم زوجك ان مثل هذه المواضيع لاتعجبك نهائيا وانه من باب الغيرة على زوجك اخيرا الله يصلح الحال مع زوجك وبالله التوفيق امير الشوق |
اقتباس:
:22: :22: |
شكرا لهتمامكم وبكل صراحه ردودكم تصبر والله يوفق الجميع
|
يا أختي لا تكبرين الموضوع وتخلقين لك شيء من ولا شيء ، وأنا من وجهت نظري انسي الموضوع وحاولي تلهين في روحك وبينيله انك مو مهتمه للموضوع، لان الريال إذا تردد الموضوع عليه كل شوي ترى يكبر براسه، وحتى لو ما في شي في باله ترى يصير في باله بعدين.
والله المستعان |
اولا يااختي مايجوز توصفين امراة قدام زوجك
ونصيحة مني لاتتكلمين عن اي وحدة قدام زوجك ترى الشيطان يزين لهم حتى الشينة وثانيا عيشي حياتك واهتمي بصحتك ومظهرك واسعدي زوجك بالكلام الحلو والمسجات الحلوة لاتخلين له وقت يفكر بغيرك واهتمي فيه حتى قدام اهله عشان مايفكرون يزوجونه والله يسعدك ويهنيك |
نسيت اقولك لو مارحتي عرسها ازين
ولاتطرين سالفة العرس قدام زوجك واذا سالك اذا بتروحين قوليله الله اعلم ويوم الزواج تعذري انك تعبانه ومالك نفس تروحين ريحي راسك وابعدي عنهم وخليك مع زوجك |
صمت الهوى مشكوره حبيبتي على النصيحه وانا معاك العرس كله ما يهمني بس المشكله ان ابو العروسه اللي هو خال زوجي زعوول ويتم يذكر اني ما جيت لين مليون سنه وانا ما يهمني خله يزعل بس مابي اسوي مشكله مع اهل زوجي يعني ام زوجي ماراح ترضى على زعل اخوها فهمتي انا اصلا ما يفرق العرس عندي حتى لو ما رحت او رحت نفس الغرب وهذا اللي في بالي اني اروح نفس الغرب من غير ما اتكشخ مثل الاهل وهذا طلب زوجي ومابي ازعله لان هو المهم عندي ..
|
هاوش صار عليك رحتي العرس:14:
|
العرس بعد اسبوعين وليلحين مادري شنو راح يصير .. بس انا بعد ما طلعت اللي بقلبي وسالت زوجي وحتى انه ما جاوبني نسيت كل شي وعايشه حياتي عادي معاه ولا كأن في شي بس لم يجيبوا طاري العرس ما اعلق واقول لهم اني بسوي اللي يبيه زوجي اللي بقولي سويه راح اسويه :)
وشكرا لهتمامك |
| الساعة الآن 05:48 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©