|
باقي على زواجها شهر وودها تكلم زوجها مالحل؟
السلام عليكم,,,,,,
صديقتي تملكت قبل أسبوعين بس لحد هالحين زوجها ما حاول يكلمها أو يرسلها ولا حتى يعرف رقم جوالها ... وهي تقول أنا متضايقة أبيه يكلمني وأتعرف عليه ويتعرف علي .. مع أنه بالملكة ما جلس عندها إلا ساعة بس .. وبعدين طلع قال بودي أهلي للبيت .. الغريب أنه طبيب ومتفهم ومتعلم .. معقوله فيه شباب من النوع هذا .. ما أدري هل هو يستحي وإلا من النوع اللي مهوب جرئ .. وللمعلومية زواجها بعد شهر ... ممكن تفيدوني هل هو طبيعي اللي جالس يسويه .. وش تنصحونها فيه .. الاشراف: تم تعديل العنوان ليناسب النص |
السلام عليكم ورحمة الله وبركاته,
يمكن الرجال مشغول بترتيب الزواج او انه مثل ما قلتي من النوع الخجول ان يطلب رقم الجوال من ابوها او احد من اهلها الله يعلم...واذا البنت تبى تعرف عنه اكثر مش غلط هي تتصل عليه |
حتى لو كان من النوع الخجول هو طيب ما وده يتعرف عليها ....
وأنا سألت واحد خجول مثله قال أنا والله من شفت زوجتي وكانت حلوة يقول ما قدرت أصبر وكل يوم أكلمها .... على العموم مشكور يا ABUSANAD على المرور .. وأحس أنها صعبة هي تطلب يكلمها .. |
من وجهة نظري تخليه لين هو يتصل .. انشاء الله يقعد سنه عشان مايقول عنها خفيفه
بس لامانع اذا جاء تلمح له انه مربوكه منه وخااااااايفه ولا هي بمستسيغته عشان (يتلحلح) ويدري انه لازم يكلمها ويشيل الحاجز اللي بينهم |
المشكلة يا خجل أنه ما أتوقع تشوفه إلا يوم الزواج لأنه ما باقي إلا شهر بس ...
شاكرة مرورك ... |
لا تكلمه ترسل مسج عادي مره وحدة وان عطاها وجه خلاص
وان ماعطاها وجه لا عاد ترسل |
اجل لاترسل ولاشي تخليه لان بعدين بيصير يثقل عليها ويستنها هي تكلمه وتسئل عنه وتجي تراضيه كنه طفل معها في البيت والحرمه تحتاج تحس انها كل اهتمام زوجها
خليها تتناساه لين الزواج مابقى الاشهر تهتم بنفسها وتجهز اغراضها واذا تزوجت تتطلع هالحركه من عينه |
عادي فيه ناس كذا واحد من اصدقائي متزوج وملك وجلس شهر مايكلمها بس اخر اسبوع اتصل عليها وسلم عليها وقال ادعي ربك بالتوفيق لنا وسلام عليكم بس
فيه ناس كذا |
صعبة تبتدي هي
مادام ماكلم خلاص , توكلي على الله ولا يضيق صدرك كلها شهر والدعوة خالصة |
دلوعة غلا .. أحس أنها صعبة ترسل مسج .. هي ودها تجي منه المبادرة ..
صادقة خجل هذا اللي بتسوية وأنا قلت لها نفس الشئ .. طيب غشيان ما تحس أنها صعبة شوي أنها لا يكلمها ولا يتعرف عليها هالحين الزمن هذا أختلف عن زمان أول ... |
الله يوفقهم ويجمعهم على خير ..
يا أخي خل تدق عليه هي وتسأله اشلونك وتسولف معه .. مايصير هذا غريب الأطوار مملك ومايتصل ولا يمر ..!! |
لاتكلمه ولاتتصل والله احراج حتى لو هو اتصل وصار لي موقف والحمدلله عدى على خير لاني مره كنت جالسه الا واشوف رقم مو غريب وادقق الا ويطلع رقمه على طول حطيته على الصامت ومارديت لان عندنا عيب حسيت كأني على قدر يطبخ :d قلت والله هذا جريئ بعدها بربع ساعه الا يجيني مسج ردي انا ام فلان وطلعت خالتي الا وارد واقول مارديت على الرقم لاني مادريت يمه من هذا الرقم له :25: فانا اقول لاتهتم ولاتحاتي وخلال هالشهر بتنشغل ولاراح تلقى وقت تكلمه وووبس :) |
يمكن هذي عادتهم في ناس من عوايدهم مايكلمو الزوجه أو حتى يشوفونها ألى يوم العرس
ترى والله صدق مش مزحه |
ماتدرين يمكن الولد بيختبرها هي راح تدق ولا لا؟؟!! بيشوف هي (ثقيله ورزينه ولا خفيفه )
والبنت كل ماصارت ثقيله بتكبر بعين زوجها اكثر |
يجب ان يكون لك دور , ولا تكوني امرأة سلبيىة تنتظر من زوجها كل شي ..
اعتقد ان اختتارك من بين نساء العالمين وهذا يكفي منه .. وبعد تلومينه على عدم الإتصال ,, |
لا تبادر بالاتصال
فهي لا تعرف ماحصيلته الفكرية ومدى اتساع آفاقه الاجتماعية |
المشكلة يا ensaaan أنها ودها تتعرف عليه أكثر علشان ما تتفاجأ بعد الزواج ..
شاكرة مرورك .. |
اقتباس:
تتوقع عادي لو تكلمه هي أو تدق عليه ... أحسها صعبة شوي .. |
اقتباس:
نفس الإحساس اللي هي حاسة فيه تحس بإحراج وهي مررررة متحمسة على الأقل تعرف طريقة كلامه ... |
اقتباس:
صادقة أختي ندى .. بس نقدر نقول هالكلام من 10 - 15 سنة ومو بزمنا هالوقت وبعدين هو طبيب ومتعلم يعني معقولة هو ما تحمس يكلمها ... |
اقتباس:
هي ما في أمل تكلمه أبداً ورافضة هالشئ بس أنها مستغربة ... شاكرة مرورك .. |
اقتباس:
طيب مو المطلوب أنه هو اللي يتصل مو هي .. يعني المبادرة تجي من طرفه .. بعدين هي تكمل المطلوب .. |
اقتباس:
لا لا لا ما راح تتصل أبداً ... شاكرة مرورك ... |
شاكرة لكل الأعضاء اللي ردوا ...
لكن وش رأيكم ممكن تقول لخوها يلمح له .. بالإتصال . |
هذا الرجل يفكر مثل تفكيري وهذا اللي أبسويه أنا ..:25: :25: يعني بين قوسين هو مايبي يحرق ليلة الدخلة .. صراحة هذا أجمل شي.. إن الواحد مايحرق ليلة الدخلة بشي قبلها ..ولو بمكالمة.. هذا تفكيري وقولوا عني مـــــــــــــــــــــــاتشـــــــــــــــــــــــ ـــــــــــــــــــــاؤن .. وتقبلوا تحياتي... |
أخوي ساكن البحر ... شاكرة ردك ..
المشكلة مو أحراق ليلة الدخلة . المشكلة فيه أشياء كثيرة ما أتفقو عليها مثال : غرفة النوم مو المفروض يتفقون على الأقل لو اللون أو الشكل علشان هي تشتري المفارش المناسبة .. بصراحة أختيار الغرفة بين الزوجين مهم جداً لأنه مو لحاله بينام هي بتنام معه . مثال آخر : السفر وين بيسافرون وكم بيجلسون علشان تجهز شنطة السفر قبل الزواج وأشياء كثيرة ( موعد الدورة) علشان منع الحمل .. الخ . بعدين حلوة المكالمات والشوق لها بيكون كبير مرررة ... وتبادل الهدايا وغيررررره . |
الله ييسر امورها ...
|
عليكم السلام... لاتدق عليه ولاشئ أكيد أنه راح يآخذ رقمهآ خلال الاسبوعين الجايين ويدق عليهآ بس إذا دقت هي يمكن يثقل عليهآ أو ياخذ منهآ موقف والله يووفقك الجميع.... |
لا تتصل فيه ولا ترسله مسج مو حلوه تطلع منها المفروض الريال اللي يبادر خليها تتريا
|
الرجال طبيعي و ما عليه شيء وبعده ما اتزوج ليش انتو مستعجلين و في الزمن العجيب يكون التصرف الصحيح هو الغريب و طولي بالك شوية و المثل المصري يقول يا خبر اليوم بفلوس بكرة مجاني و الله يسعدكم و يتمم لكم على خير .
|
والله عجيبه
استغرب تفكير الشباب اللي عشان مكالمه تحترق ليلة الدخله الا بهذا الاسلووب ممكن تحترق ابو ليلة الدخله من الخوف والربكه انا اشوف مافيها مشكله ولا راح يأثر ابدا على ليلة الدخله اذا حصل اي اتصال او تواصل كل شي له متعه وكل شي له لذه يعني وين المشكله اذا حصل فيه تواصل وتعارف بينهم خلال الفتره بين الملكه والزواج اعتقد مافيها شي احنا ماقلنا مكالمات يوميه وبالساعات يعني بالمعقول كل يوم او يومين يكلمه ساعه او نص ساعه حسب السواليف ولايطول اذا مايبغا يحكي كثير بس فيه اشياء لازم يتفقون عليها ويخططون لها عموما نرجع لموضوعنا بالنسبه لها انا اشوف صعبه هي تبتدي بالاتصال خليها تطنش وتصبر ولا انه ينظر لها نظره مو حلوه وهي الي الان ماعرفت تفكيره ايش فخليها تخلص تجهيزها وتذكر الله وتصلي وتستيخر وتقرأ القرآن وتكثر من الدعاء والتوكل على الله وقولي لها اذا اتصل الحمدالله والشكر واذا مااتصل الله يعينها تصبر وتعزز نفسها الله الهادي لسواء السبيل والله يوفق الجميع |
السلام عليكم ورحمة الله تعالى وبركاته من رايي لا تتصل ولا شئ مو زينة البنت تبادر بالتواصل احسن لها تهتم بنفسها وترتيبات عرسها والاهم بصقل شخصيتها ان اتصل قبل العرس خير وبركة وان ما اتصل قبل العرس بعد العرس بيشبعوا من بعض احسن ماياخذ عنها فكرة ( خفيفة مثلا او جريئة زيادة او ..... ) |
اقتباس:
شاكرة مرررررروك اللهم آآآمين .. |
اقتباس:
هي ما راح تدق عليه ... ولا حتى راح تحاول .. بس أنها بزيادة صارت تقلق أكثر من أول .. جزاك الله خيراً على الرد .. |
اقتباس:
هي جالسة تنتظر وتسمع أخباره من أخوها .. بس مررررررة تعبانه ودها تتعرف عليه أكثر .. |
اقتباس:
أخوي الداوودي حنا ما قلنا أنه مو طبيعي .. بالعكس طبيبعي جداً بس مو بوقتنا الحالي وبزمنا يعني الناس تطورو المشكلة أنه حتى بيوم الملكة حاول أخوي بقدر المستطاع أنه يلبسها الشبكة وما وافق إلا بعد إلحاح من أخوي وبعد ما شاور أمه .. شاكرة مرورك .. |
ممكن تقول لوالدها او اخوها يبلغة انها عايزة تاجل العرس لانها خايفة منه ومش واخدة علية
وهم يفهمو اللى يفهموة بقى او تقول لاخوها يعزمو على العشاء عندهم وتبقى تجلس معاه |
اقتباس:
والله كلامك أخوي روح الغالي يبرد القلب وصادق بكل كلمة .. هي ليش متحمسة يكلمها .. تحاول تهئ نفسها عقلياً وجسمانياً للتعامل معه .. وتخطط لحياتها بشكل مرتب ومنظم .. لكن إلى الآن ما حاول حتى يأخذ رأيها بأثاث البيت بمكان الزواج ... الخ من أشياء مهمة بصراحة الموضوع مرررررررررة متعبها .. لكن الله يسر أمرها |
اقتباس:
شاكرة مرررررورك السراب .. أنا بصراحة ما شجعتها على المكالمة أبداً .. |
اقتباس:
أنقل لها الفكرة يمكن تعجبها ... |
| الساعة الآن 08:39 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©