|
والله أذوق المر والأمر منه؟؟
السلام عليكم
بصراحه بدخل في الموضوع لأن نفسيتي تعبانه وأحس بيجيني جلطه وهي في أم زوجي طبعا قاعده عندي والله يعلم إني مو مقصره معاها أحكيكم مره والله في يوم كانت بنتي الصغيره تعبانه يعني بتموت من السخونه والشر طبعا أنا اللي أطبخ سويت الغدا وباقي أحط الرز قلت لسلفتي حطي الرز عشان بروح بببنتي المستشفى وذهبت أنا وزوجي للمستشفى بعد ماأخذنا الإذن من أم زوجي طبعا قامت القيامه ليه تودي بنتها المستشفى وبعد ماجيت سحبت بنتي مني وقالت بأسلوب قوي قومي على المطبخ وغسلي المواعين وكنسيه طبعا بنتي عندها تبكي من الألم وأنا قمت أشتغل وأنا دمعتي على خدي من صوت وبكا بنتي ومن حرتي على نفسي ويش أسوي مره متسلطه وهذه وحده من مجموعه شي تسويه في ومره صحيت من النوم وانا تعبانه الساعه 11صباحاً وهي تشتكي لأحد في التليفون وقدامي تقول عمرها ماصحيت بدري تفطرنا وهلكتنا جوع عندها وماتخاف الله فينا ووالله العالم بي ويشهد علي الله بس هذيك المره اللي قصرت وماسويت الفطور مع إن شغالتها معاها بس تجبرني أنا وياويلي ومره ومره من المرات سحبت مني بنتي وهي تبكي وتعبانه وقدام الضيوف عندنا وصاحت علي قومي سوي العشا طبخ ونفخ وبنتي رمتها على الأرض والله تعبانه ومريضه وقالت دلع بنات المشكله إني من بيت عز ووالله لويدرون أهلي بحركاتها مايخلوني عندها دقيقه وحده بس قلت أبي الستر عشان أولادي بس هي ماترحمني لأني ساكته وماأتكلم وتدخدم في وسلفتي ما تكلمها لأن سلفتي شخصيتها قويه وترد عليها والمشكله إن أم زوجي تصير خالتي أخت أمي بالله قلولي كيف أتصرف معها ولا أسكت وأشوف القهر والمر منها والله إني خدامه لها ولبناتها وهي شخصيتها قويه وحتى زوجي يخاف منها ـــــــــــــــكيف أتصرف وأخذ حقي قولولي وأنا أول مره أكتب عنها بس من قهري والظلم اللي علي وأكتب ودمعتي على خدي |
احتسبي الاجر عند االله و ان شاء الله ربي ياخدلك حقك
|
المشــكــ انها خالتك ـــــــــــله
ربنا يلطف فيكي ويهديها |
ياحبيبتي لاتسكتين لها روحي علمي اهلك عليها وهم بيقومون بالواجب والله اتموت من الخوف هذه العجوز
واطلبي شقه لوحدك.انابعدام زوجي خالتي اخت امي وفيهانذاله لكن في الوجه ماتسوي شي.امافي القفا اسمعي واسكتي.تطلع عيوبي وتضخمها قدام اللي يسوى واللي مايسوى لكن الحمدلله اناعندي بيت لحالي ونادراماتجي لبيتي. |
اقتباس:
سو يا ابن آدم يسوا لك وأنت بكرة بتصيري خالة وتقول عنك زوجة ابنك انك نذلة، يرضيكي كذا؟ لاحول ولا قوة الا بالله |
كان الله بعونك بس مالك الا الصبر والدعاء
حاولي تناقشيها هي حماتك وعلى العين والراس بس الوحده ماطلعت من بيت اهلها للاهانه من حقها توجهني وتنصحني لوقصرت معها اوبشغل البيت ولاتقولي مافيه فايده معها حاولي بكل طريقه ومانصحك تدخلي اهلك في الموضوع الله يهدي بالك |
طيب دامها خالتك
كلمي امك و خليها تكلمها بهدوء لانها اختها و اكيد تعرف لها و يمكن تسمع كلامها ..!! والا غير كذا يا اختي لا تعلين صوتك عليها وتصيرين زي سلفتك بس بعد لا تسكتين عن حقك ردي عليها بأدب يعني ذاك اليوم لمن تكلمت عليك انك ما جلستي بدري و مافطرتيهم قولي لها يا خاله انا اخدمك بعيوني بس كنت تعبانه شوي يعني بس هذا اليوم طلعتيني مقصره ..؟؟ الله يعينك اذا زوجك يخاف منها اجل انتي ش بتسوين الله يصبرك |
لا تزعلي مني لأنك إنتي ترضيه على نفسك
والله لو أنا منك وأخذت مني بنتي كذا وتنفخ علي والله والله ماأسوي لها شي خالتي على عيني وراسي لكن تهيني وتعاملني كالخدم ولله ماأرضى فيه ياتردي عليهم وتقومي بواجبك إنتي وبس ولا جيبي أهلك يتفاهموا معاها هي وبناتها أما إنك تسكتي كذا وخلاص هذا مايرضي الله سبحانه كل واحد وطاقته وإنتي بنت أختها ومرة ولدها المفروض تعزك وتحبك لا عرفوا قيمتك بيحترموك ومعاملتهم بتتغير الله يعينك ويساعدك تحيــــــــــــــــــــــاتي |
والله يا اختى لك الجنة ان شاء الله
على صبرك وعلى برك بخالتك واحتسابك الآجر من آجل ابناءك والله يا اختى لو اعتبرتيه امك لن تغطبى منها ابدا ولكن كل شىء له حدود وقالوا لفرعون ايش فرعنك قال لم اجدمن يصدنى يعنى اطعيها ولكن فى بعض الآمور مثل اخذ بنتك لا تطيعها مثلا اذا قامت بتصرف مخزى معك لا تستجيبى لها وادخلى غرفتك واطلبى من زوجك ان يذهب بك الى اهلك واجلس كام يوم اولا حتى تقدر قيمتك وانك اذا تركت البيت لن تجد من يخدمها ثانيا حتى تعرف انك لن تقبلى هذا الذل اما المعاملة بأحسان او ستنعزلى لحالك طبعا يا اختى هى لها عشم عندك لانك بنت اختها وفى مقام بنتها لذلك تضغط عليك ولا تفعل هذا مع سلفتك ولكن ليس من العدل تطلب منك الخدمة وبناتيها موجودين ولا يفعلوا شىء اذا كنت مريضة او ابنتك مريضة وهى طلبت شىء افزعى على بنتها وقولوا يا خالة انا مريضة وسأقول الى ابنتك لتفعل لنا يعنى يا اختى بريها ولكن بدون ضعف وذل والا لا تلومى الا نفسك وادعى ان يألف الله بين قلبك وقلبيها ويهديها لك والله الموفق |
بسم الله الرحمن الرحيم
الله يجزاك كل خير على معاملتك الطيبه معها وصبرك عليها لكن في حدود زي ما قالو الاخوات لكن ماتوصل لدرجة الاهانه وانها تاخذ بنتي من يدي صراحه صعبه مووت انتي حاولي لما تجي تاخذ بنتك تحاولي تروحي ببنتك معك كل شي ولا اولادي اللي تعبت عليهم والله هذا القهر الله يعينك اختي ويصبرك ........ |
لو اني مكانك واللخ ما اسكت........
انت راضيه بها الشي من البدايه........الله يكون في عونك....... وزي ما قلتي انك من بيت عز ولو يدرون ما سكتوا وش المانع........ عزي نفسك وقوي شخصيتك علشان عيالك...... |
أخي ابوعزيز
يمكن اكون غلطانه بأني وصفت ام زوجي بالنذاله لأنها اكبرمني وخالتي وام زوجي لازم احترمها واتحملها عشانها ام زوجي لكن اذا تعتبرني زي بنت من بناتها لاتخلي سيرتي على كل لسان ويعلم الله ان ماعمري اسأت لهااوسمعت مني شي لكن الله يهديها تغارعلى اولادها غيره شديده.وغيرتها سببت لنا مشاكل كثير لدرجه ان زوجه ولدهاالكبير راحت لمكان بعيد والزيارات شبه مقطوعه.واناصابره لكن اذا طفح الكيل شكلي بألحق حماتي. |
أعانك الله عليها بس طالما تحبي زوجك اصبري
|
الله يعينك ويصبرك عندنا زيك واكثر بس انا الحمد لله ما اروح لهم الى في الاجازات وفضلو يتحكمو فيه فترة طويله ولما تزوج اخو زوجي جو يتحكمو في زوجته وقالت هي عندكم صارو يخافو منها ويفشو غلهم فيه وطبعاً للصبر حدود لما شفتهم كذه قلتلهم انا كمان المفروض ليه احترامي وليه كلمتي ماني شغالة عندكم طبعا زعلو بس صارو يحترموني ولا يقدرو يتكلمو قدامي باي كلمه عاد من وراي كيفهم الذنب ذنبهم
|
إذا ممكن تطلعون ببيت لحالكم ليش لا , وإذا لايمكن حطي حد لهذا اللي يصير ..
|
طيب وين زوجك مايتكلم .. يعني أنا لو أمي تعامل زوجتي بالطريقة والله ما أسكت لازم أخليلها حدود .. أنا ماتزوجت عشان زوجتي تكون خدامه لأحد والمشكلة إنها تهينك وأنتي تخدمينها .. يقول عمر بن الخطاب ( متى استعبدتم الناس وقد ولدتهم امهاتهم أحرار ) .. أنا أقول كلمي زوجك وإذا زوجك ما بيده شيء كلمي أمك خل تتدخل في الموضوع هذا الشيء محد يسكت عنه او يقبل فيه .. وأنصحك نصيحة لاتكون شخصيتك ضعيفة أما أي أحد .. |
والله الشرهه مو عليك الشرهه على زوجك ليش كذا شخصيته ضعيفه انا مؤمنه تماما ان المشاكل هذي بيد الزوج هو اللي يحلها ... واا تقولين يخاف منها ما يمنع انه يكلمها باحترام وأسلوب زين ويدافع عنك والله حتى بنتك مسكينه بتتعقد تشوف جدتها كذا تعامل امها .. نصيحتي لا تسكتووووووووون ابد واذا كان الامر يستدعي انك تزعلين ازعلي وروحي كم يوم بيت اهلك وقوليلهم السالفه والله حماتك هذي ما تمشي الا بالشده _اسفه على كلامي بس موضوعك يقهر بصراحه شييي لا يطاق...
|
لازم تطلعي لحالك في شقة ان شاء الله غرفة وحماام والله اكرم عليك من الذل قدام اللي يسوى واللي ما يسوى .ولا تنسي زوريهم يوم واحد في الاسبوع فقط علىغدا او عشاء وبس ...................
ولاتغيري هذا النظام لو شو ما صار ....بعدين يمكن تحس بقيمتك وانك قايمة فيها ويمكن سلفتك توريها الشغل وحتتاسف عليك وعلى ايامك الحلوة........... |
الله يكون بعونك والله مادرى هو الغلط فينى ولا فيهم .انا خالتى ام زوجى والله والله انى عمرى مارديت عليها وانى اعزها مثل امى بس هى الله يهديها ما تبينى ولا قالت لزوجى ليه كذه قال مادرى الحين ماعد اروح لهم الا فى المناسبات وولدهم كل يوم عندهم عمرهم ماقالو وين زوجتك وعيالك والله جبت ولدى وخالتى ماشفته الاوعمره 7شهور ومابين بيتى وبيتهم الا 5 دقائق والله ...............
تعبت منها ومن حركاتها حتى امى الا هى اختها ماتكلمها وراحت امى عنده اكثر من مره بس هى الله يهديه مادرى وش السوه معها ان قربت ماسلمت وان بعدت ماسلمت مع العلم ان عنده اولاد متزوجين غير زوجى بس والله الاحترم والتقدير لهم عكسى ماقول الا الصبر الله يعين...... واصبرى علشان عيالك ولك الا جر من الله |
الله يجزاكم خير المشكله إني أخذتني علىصغر وقامت تتحكم في إلى إن شخصيتي ضعفت وإنهارت ماأقدر أرفضلها طلب والله ماأدري خوف منها حتى زوجي يخاف منها وإذا شكيت له يقول أمي ماأقدر أكلمها أخاف تزعل وتنكد علي وعليك ومن يومها يقول زوجي إنتي ردي عليها قلت إذا إنت ماتقدر على أمك كيف أنا
ووالله تخرج مع زوجي يوديها مشاويرها وتتمشى معه ماتقول خذ زوجتك وأولادك معنا شي يجنن ومحد بيصدقني والله أخدمها وإذا عندنا زياره والكل معزوم تشيل نفسها وبناتها وتروح وتخليني كأني خادمه في البيت( قويه) ولو أرد عليها ترد علي بصوت عالي حتى زوجي جاب لي خدامه وطيرتها من البيت وسوت المشاكل عشان مايكون عندي خدامه عشان أخدمها وبناتها عندها على طول جالسين شي يقهر بس ماأقول إلا الله ينصرني عليها |
الله يغينك واحتسبى الاجر
|
اكثري من الأستغفار طوال اليوم رددي استغفر الله الذي لا اله الا هو الحي القيوم واتوب اليه والله يااختي مريت بحاله نفسيه بسبب اهل زوجي واهلي مايعلم فيها الا الله سبحانه ماتركت دكتور نفسي الا رحته واخر شيء التجأت لله سبحانه وماخيب رجاي اللهما لك الحمد كما ينبغي لجلال وجهك وعظيم سلطانك . . الله يوفقك ويفرج همك وييسر لك امرك يارب
|
ياأختي كلمي أمك
مو أختها خليها تتدخل!!! معليش الوضع ماينسكت عليه |
الصراحه
خالتج متسلطه واستحلت السالفه لما سكتيلها الغاليه شوفي الوضع انتي اللي تقدرين تعدلينه لا تترين زوجج ولا امج !! ما دام شخصيتج ضعيفه بهالشكل ما راح يتغير شي من باجر ...لا غدا ولاعشا الخدامه هي اللي تطبخ ليش ماخذينج شغاله؟! عليج من غرفتج وبس واتفقي مع زوجج انه ما يتدخل ابدا |
انتي اذا ضليتي ساكته رح تتعاملي هكذا واكثر بس اذا وقفتي كل واحد عند حده بيزعلو منك فتره اكيد لان هذاراح يكون تغيير مفاجئ ويمكن يقولو لزوجك خذ زوجتك وطلع بس هذا رح يكون في صالحك على الاقل عشان عيالك لما يكبرو ما يحسو انك غير عن نسوان اولادهم الثانين قليلهم زي ماتعاملو سلفتي عاملوني كل وحده لها دور في المطبخ يوم واذا فيه عزيمه نتعاون كلنا
انا جاني موقف زيك لما تقولي اذا جاء عشاء تاخذ بناتها وتطلع بس انا قعت ابكي عند زوجي واقلة ليش تنادي سلفتي تروح معها وانا تخليني في البيت والله ما تطلع انك تطلعني اتمشى انا واولادي وما اجلس كاني مربيه لاطفال عيالها واخذت اطفالي وطلعت انا وزوجي ولاجيت الى وقت العشاء والكل زعلان ولايكلمني بس كيفهم كذا ريحت نفسي وريحت راسي ماعليش اوقفيلهم يوم شهر اسبوع المهم لحد لما يتقبلو شخصيتك الجديده واحمدي ربك اذا زوجك معطيك الاذن تردي او تاخذي حقك انا زوجي يقلي لاتردي ولا بكلمهم هم اهلي لكن اخر شي خذت قراري وكذا احسلي مع ان ام زوجك مارح تخليك في حالك من الكلام عند الناس بس كيفها |
حبيبتي الله يعينك عليها مشكلتك انها خالتك
و الله شكله بس انا اقول لك حاولي شوي شوي تعزلي حياتك عنها قد ما تقدري و سوي اللي يرضي زوجك تجاه امه الله يعينك ان شاء الله |
با اختي اعتبري ان امك بهذه الطباع
ماذا ستفعلي لا شئ لا تملكي شيئا سوي الدعاء قولي ربنا يهديها علي وحاولي تخليها تحبك وبعدين يا اختي بنتك دي برده بنت ابنها يعني لو خلتك تسيبيها هي مع جدتها برده المثل بيقول يا بخت من بات مظلوم و لابات ظالم و بعدين مر ايه اللي انتي شايفاه ادخلي القسم اللي جنبك ( عالم المطلقات ....) عشان تعرفي انك الحمد لله في خير و بعدين مش جوزك كويس معاكي خلاص في حموات بتخرب العلاقة بين الزوجين فخدي بالك متعنديش معاها لحسن تأثر علي علاقتك بجوزك وربنا يصلح الأحوال |
الي يقولون للاخت اصبري واحتسبي ماننكر الصبر واجره لكنا نقول للمريض لاتتعالج واصبر واحتسب ولك الاجر ترى كل شي له حدود يالغاليه قوي من شخصيتك شوي لاتخلينها تتحكم فيك لو ماطعتيها في اوامرها راح تضربك او تطردك من البيت ماراح تسويلك شي راح تطول لسانها عليك لكن انتي لاتردين عليها وقوليلها انا ماني شغاله في البيت سعري بسعر بناتك خليهن يشتغلن واساعدهن لكن اكون شغاله لاهل البيت لا والله انا ملزومه في زوجي وبنتي بس مالاحد شي عندي ويالغاليه كلمي امك عن الموضوع وخليها تحط لها حد مهما يكون اختها وتمون عليها ولو كان عند حماتك بنت عاقله خليها تكلم امها وتوقف هالتسلط عنك الله يرحم حالك اختي ترى مافيه شي اصعب على الانسان من انه يهان وسط بيتة وقدام ضيوفه . |
اوقفي لها بس بالتدريح واول موقف سيكون صعبا وستكون ردة فعلها قوية بس لا يهمك واحذري تغلطي بكلام جارح وقولي الشغل لازم يقسم بين الجمبع لن اقوم بكل شئ وحدي
|
خلي امك تدخل وتجيها بالطيب وتقولها بنتي دايما تمدح فيك وتجيها بالطيب اذا لسه زي ماهي
كبري الموضوع واجلسي معاها وكلميها الله يعينك ويساعدك |
الله يجزاكم خير والله إني أكتب ودمعتي على خدي لأني ماأقدر أسوي شي لأنها قويه ومتسلطه بقوه حتى على زوجها وأولادها يموتون من الخوف منها ولاأحد يقدر يوقف قدامها
بس ماأقول إلا حسبي الله ونعم الوكيل الله ينصرني على من ظلمني يارب وتعبني في حياتي |
والله مادري ويش اقول لج ...الله يعينك ....ويصبرك ....
قلبي معاج يالغالية |
اختي ع قولتهم سوي خير وقطيه بحر<<<معناته كثري من الخير اللي تسوينه وخليك طيبه دايما
ولاتردين عليهااا وان شفتيها غلطت عليج قولي لهااا ...جزاج الله خير خلي لسانك طيب وابدااا لاتسمحين لها ان تتدخل بحياتك واذا على بنتك اذا جيتي تروحين المطبخ خذيهااا معاج ولاتخلينهااا عندها عشان بكره ماتقعد تقول انا سويت وسويت واذا شفتيها زودتهااا كلمي زوجك وخليه يكلمهااا وقولي له ان كل انسان وله طاقته وياقلبي انتي مو مجبوره تخدمينهم اهم شي اخدمي زوجك وبنتك وهي من باب الطيب يعني ماعندها حق تتكلم عليك واذا يقدر زوجك خليه يفتح لك بيت بروحك ع قولتهم روح بعيد وتعال سالم <<< يعني خلك بعيد تسلم من كل شي |
الله يعينك اختي
بس صدقيني انتي بيدك القرار خلي شخصيتك قويه منتي ملزومه فيها وحطي ببالك لو بنتها متأذيه زيك بتراضها على بنتها والله ما اعتقد من اليوم ورايح اخذي بنتك منها ومو من حقها تاخذها منك ومنتي ملزومه تخدمينها عليك بزوجك وبنتك حطي ببالك وعزمي من بكره تتغير معاملتك والله لو انك قويه كان ما تجرأت علييك بالعكس كان خافت منك شئ يقهر الصراحه والي يقهر اكثر انها خالتك الله المستعان اختك بالله جينز |
الله يعينك ويصبرك
|
اسمحيلي بس انتي غلطانه كيف ترضين وتسمحين لاي شخص ان يضرب بنتك قدامك والله حرام عليج خافي ربك في بنتك انتي محاسبه عليها هذي البنت امانة الله عندك المفروض اتحافظين عليها والمفروض اصلا انك ما تسكتين عنها لازم اتخبرين اهلك لاتكونين ضعيفة شخصيه والله لو انا مكانك ما سكت عنها انتي مش وحده من عبيدها عشان اتهينك واتذلك والله الزم ما عليكي كرامتك لاتخلين حد يهينكم قوي شخصيتك ولاتخافي منها ربك موجود والخوف منه وحده
|
وجادلهم بالتي هى احسن
صدق الله العظيم وحاولى تتجنبيها قدر المستطاع حتى لا تجرحيها بكلمه واذا لزم الامر اطلعى بيت بروحك |
| الساعة الآن 05:30 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©