|
عائله زي عدمها ,, الحمدلله على كل حال
السلام عليكم ورحمة الله وبركاته
اخواني واخواتي الكرام ارجو انكم تساعدوني في مشكلتي مشكلتي بختصار اني اصغر اخواتي , و اكثرهم دلال من والدتي الله يحفظها بحكم اني الوحيدة الغير متزوجه بينهم الشيء الي اعاني منه معاملة اهلي ليا , الكل يتعامل معايا بطريقه غريبه , لا ادري هل هدي المشكله في كل اسرتي او انها فيا انا اي احد منهم لما تكون له مصلحه مني يحسن علاقته بي للاخر , ومجرد ماتنتهي مصلحته ولا كاانه يعرفني اكنر شيء صعب عليا ومتعب نفسيتي تعامل اخواتي معايا , انا الان مملكة الحمدلله وزواجي قريب بإذن الله تعالى يعني انا الان في امس الحاجه لمساعدة كل اهلي لي لكن للاسف والله ما احد يسال فيا , او اقلها يسال ايش سويت او يحاول حتى يعطيني اي فكرة او مشورة تنفعني نهائيا ماكاانو في مناسبة زواج حتحصل قريب , كل واحد همه نفسه المشكلة حتى لما اعاتب اخواتي واقولهم انا اعاني من هدا الوضوع واحتاجكم بقربي , ويقولو انتي فاضيه دبري نفسك بنفسك محد فاضيلك علماً ان وحدة من اخواتي قبل فترة كان اخو زوجها بيتزوج , شالتلهم الزواج شيل والله كاانه زواج ولدها مو اخو زوجها ابغاكم تدلوني للطريقه الاسلم في تعاملي مع اخواتي بحيث ابينلهم اني شايله في خاطري منهم واعرفهم اني بيهم او من غيرهم حيتم زواجي ... بس كيف اوصلهم هدا الاحساس انا سرت ماافتح قدامهم تفاصيل تجهيزي للزواج , لكن يعلم الله ان فرحتي ناقصه , ومااحس باطعم الفرح وانا انزل الاسواق لوحدي ولا في احد اخد رئيه او حتى يساعدني ولا حتى في احد يوصلني اقلها للسوق والله ان اغلب فلوسي راحت للمواصلات لان محد راضي يتنازل يوصلني السوق او اقلها بعض المشاوير اضطريت اني انزل الاسواق لوحدي اذا كانت الوالدة مريضه او عندها شيء علماً ان اخواني واخواتي كل واحد منهم عندة سواق واولاد كبار يسوقو سيارات ارجوكم اعطوني حل لهدي المشكله |
ياالله 11 قرئو الموضوع ولا احد عبرني ولا جبر خاطري بكلمه
|
الله يفرج همك لي عوده بإذن الله
|
طيب أختي شوفي أطيبهم وأحنهم عليك واكتبيلها رسالة خطية .. ترى لها مفعول عجييييييييب ...
|
اولا الله يوفقك يارب
ثانيا بصراحه ما ادري وش صارؤ في هاذي الدنيا صار كل واحد نفسي نفسي مو انت لوحدك تعانين بس شوفي ما فيه مثل سياسه الحقران يعني طنشيهم ولا تعطينهم اي تفاصيل عنك وبعدين شوفي اقرب وحده لك (بالنسبه لباقي الاخوات ) وحاولي تتفاهمين معاها وتشرحين لها وضعك وانك ترتاحين لها اكثر من غيرها وصدقيني اكيد بتساعدك ترى الكلام الحلو له مفعول السحر وسوي مثلهم لما تجيهم مصلحه يتوددون لك انت بعد توددي لهم واهم شي حرصي عليها ان اخواتك الباقين لا يدون عنك انت وياها ورح تشوفينهم كل وحده تقرب منك وبعدين اطلبي من الوالده تكلم اخوانك على الاقل يسرسلون لك السائق وحاولي تجمعين اغراضك في اقل مشاوير ممكنه ولا تكثرين الاغراض لا نك بتملين منها |
عائله خطيبي مثلك تماما ولاني عارفه سشوي !!
الي عنده حل لا يقصر .. هموووم |
حبيبتي والله حاسة فيج
الوحدة في هالوضع تكون تتمنى أهلها كلهم حولها معليش حبيبتي شوفي صديقاتج ..يمكن يساعدونج ويوقفون معاج ساعات الصديقة تكون اقرب من الاخت الله يوفقج حبيبتي ومبروك مقدما |
لا تحطين في بالك
[grade="FFA500 FF6347 008000 4B0082"]يعني انت الحين روحي السوق:27: وخذي اغراضك وما تسوى عليكي هالتوصيله اللي حيطلعون عينك عليها :23:
توكلي على الله وترى غالبية الاخوان كذا موانتي بس والله انا اعرف واحد ما يرضى يودي اهله ولا امه ولا اخواته اي مكان وبس تفتح زوجته فمها بطلب يفز يوديها ما يرد لها طلب ياساتر:( فلا تقلقين ولا تحطين ببالك القلق مو زين لك الله يخليلك امك وابوك وعلى فكره يمكن غيرانين منك لانك دلوعة مامه ههههههههه امزح الله يوفقك يارب ترى اللي يصير لك عادي جدا[/grade]:24: :24: |
اختي كان الله بعونك و سهل الله امرك
انتو كاخوات كيف علاقتكم ببعض بالعاده شايلين بعض ولا متعودين على هالعلاقه البارده يعني انت تساعديهم ولا فجاه تذكرتي انهم اخواتك ولازم يساعدوكي بامانه توقفين لهم في ولاداتهم و افراحهم و احزانهم مرضو ولا مرو بظروف توقفين لهم اعتقد التربيه لها دور اهلك كيف ربوكم الله ما يقطع خلي يكون هذا درس الك حتى تربي اولادك يكونون متعاونين و متحابين و بهم صفه الايثار ما فيهم هالانانيه و السعي للتقاطع مع الاسف بدات هذه الظاهره بالزياده اتذكر اني قرات في مكان لا اذكره اخت تشكو اختها و اختها تمر بظروف نفسيه صعبه الله ما رزقها اطفال و ردات فعلها اصبحت غريبه لم تحتوي اختها ولم تلتمس لها العذر كانها امنت انها لم تمر بنفس ظروفها الله يصلح بيوت المسلمين اللهم امين |
مشكورات اخواتي على الردود الطيبه
الله لايوري مسلم بالوحده والله ياام اثير اني اوقف معاهم في كل المناسبات بكل طاقتي وجهدي واحب اساال عنهم واحبلهم الخير , لكن للاسف اعمل او مااعمل كلو واحد عندهم مافي شيء يبان نفسي احس بالفرحه واحس بإهتمامهم ووقفتهم معايا , خاصتا ان الوالدة كبيرة في السن وماسارت تقدر على لفلفة الاسواق ’ وطبعا ذوق البنت مو زي ذوق الحرمة الكبيرو في السن كل مانروح السوق لازم نختلف انا وهيا وترجع زعلانه مني , لاني مااقتنع بااي شيء بسهوله ربنا كريم جربت استخدم اسلوب العتاب معاهم مانفع جربت اسلوب الطناش , حسيته عجبهم بزيادة , كااني ريحتهم !!!!!! مني عارفه كيف اعاملهم عشان يحسو على وجههم المشكله اني اتفشل لما يجو اخوات خطيبي ’ اسير اخلي الوالدة تترجى اخواتي رجاااااااااء عشان يجيو يستقبلو الناس ماشاء الله تبارك الرحمن عائلة خطيبي مترابطه بشكل فضيع ربنا يحميهم ويخليهم لبعض عكس اهلي تماما ً والله فشله |
على فكرة يابنات اكتر وحدة حاقرتني من اخواتي , حتولد قريب ان شاء الله
ايش اسوي معاها ؟؟؟ انا في العادة ارابط معاها في المستشفى من وقت ماتحس باالم الولاده لين ماتولد واحيان انام عندها في المستشفى لكن فكرت هدي المرة اطنشها , وماارح ازورها الا ثاني يوم في المستشفى زي الضيوف يعني , او ماازورها في المستشفى من اصله احسن ؟؟ ايش رئيكم ؟؟ تتوقعو بتحس على نفسها شويه وتذوق الي تدوقني هوا ؟ ولا ماحتفرق معاها ؟؟ علماً اني قد سويت عمليتين ولا زارتني في المستشفى ولا حتى اتصلت عليا , وماشفتها الا بعد ماخرجت من المستشفى بإسبوع لما جات تزور الوالدة في بيتنا |
بصراحة اول ما قريت قلت أكيد وحدة حساسه لكن لما وصلت لدرجة انو لوحدك تروحين للسوق قلت مو معقول ....؟ حسيت بحزن والله
بس بسئلك سؤال ياليت تجاوبيني بصرااحه ... هل الوالدة او الوالدة كانوا يبدونك (يفضلونك) على اخوانك يعني ممكنتفكيرهم خليك لوحدك دامك المفضله او هم حسوا انو ما كو حدا يرغب في وجودهم او مساعدتهم ...او ممكن في مشاكل سابقه بينكم جعلتهم ما يحاولون يقربون ويوصلون رساله للوالد او الوالدة ...... . لكن عالعموم نصيحه اخواتك واخوانك اعذريهم بأي عذر لو مو مقبول إمكن هما حاسين إن ذوقك دايم حلو فمعتمدين أو إن بداية الدراسه بعد العيد أشغلتهم ,,,......أو اي عذر صدقيني إنت طول حياتك بتظلين محتاجتهم لا تندمين بكرة إن كنت قايله شي قوليها بأسلوب ودي إن طعم الزواج من دونهم مايحلا وان مساعدتهم بالنسبه لك مهمه بل ضروريه وأكيد لو صبرت من قبل واسلوبك حلو بيحسون على نفسهم .... واستعيني بالله اولا وأخيرا ولا يشغلك هذا الموضوع عن الأستعداد لحياتك الجديدة مو الزواج وبس يعني أهتمي بجسمك وشعرك واقري زين المواضيع والكتب المهمه والله يوفقك |
انا ما قريت الردود إلا دوب بعد الرد الأول بس كأن العائله عندكم أصلا مو مترابطة من أول ....
ولا تشيلي على أخواتك بالذات اختك إلي على وشك ولادة مو معقولة اعذريها وصدقيني بكرة بتحس على نفسها وبكرة إذا جربت الواج واشغاله ومشاكل الرجال بتعذريهم ولو إن واضح تقصيرهم بس قلبي يقول مو السبب إنتي شكل في سبب خفي او إن زي ما قلت الترابط لديكم ضعيييف ومو زواجتك هي السبب ولا انو ما في اهتمام بك ...........ز أكرر لا تحقدي على اقرب الناس لك وانت في حياتك كله ومستقبلك تحتاجيهم... وتنشغلي عن اشياء اهم |
مشكورة اختي زهور الدعاء على اهتمامك وردك , ربنا يجزيكي كل خير ومايوريكي مكروه
ادعيلي ربنا يبرد على قلبي منهم , هو فعلاً عيلتنا من كبيرها لصغيرها مافيها ترابط اسري ابدا هدا الكلام حاصل من الاجداد الله يرحمهم من بعدهم الاعمام نفس الشيء سبحان الله لكن مااتخيل الشيء هذا يكون له دخل في الوراثه او في طريقة تفكيرنا احنا ناس متعلمين وفاهمين مو معقوله حنعيد نفس اخطاء اهالينا السابقه مع اخواننا الله يهديهم , والله كل مااذكر معاملتهم اني ابكي واحس الحزن من جوووووة قلبي الحمدلله على كل حال |
السلام عليكم ورحمه الله وبركاته
الله يعينك بجد احساس يقهر طيب كلمى اخوانك قوليلهم وضعك مو معقول محد يحس ولا احد يغار كلمى اختك الكبيره قوليلها معقول كدا يعنى يكون هاذا وضعى وكلكم ماشاء الله مانقصكم شى والله اذا اخر شى محد اهتم انزل مع خطيبك احسن لك برغم من انه شى صعب والله بس ايش تعملى كمان نزلتك لوحدك غلط الله يعينك ويفرجها عليك الله يعطيك العافيه لك فائق احترامى |
اقتباس:
|
اختي كوني انت الطفره بالعائله
سني سنه حسنه خليكي على معدنك الطيب تدريجيا يتغيروا خاصه انكم مقيمين بنفس البلد بكره تتزوجي و تنشغلي ببيتك و مسؤلياتك لا تخلي هالشي يتكرر مع اولادك ان شاء الله و بالنسبه لجهازك انصحك لا تكثري لان الجسم يتغير و الموضه تتغير |
اسمعيني يالغلا ... طنشي واتجهزي مع الوالدة ولا وحدة من صديقاتك احسن لك ..
انا ضاق صدري عليك وقلبي عورني.. لا تحسسينهم انك بحاجة لهم .. خلصي امورك من غيرهم .. اما لما تولد اختك ان شاء الله زوريها .. مو بالضروري اتنامين عندها .. زوريها بسرعة واطلعي خليها اتعرف انك مو فاضية .. وبعدين ان شاء الله بتتزوجين .. وبتنشغلين .. ومابتهتمين لهالامور .. الله يعينك ... لو انا عندك كنت نزلت معك .. |
ماء القمر ::
عزيزتي اخواني الرجال , رجال بالاسم بس من جد والله مالهم في الرجوله شيء والله العظيم ان الواحد منهم يخليني اطلع في ليموزين اخلص كل مشاويري لحالي وهما عارفين واكثر منظر احس كل مره يتكرر كاانو اول مره من قوة الالم الي احسه , لما اكون واقفه في الشارع انتظر ليموزين يوقفلي ويكون واحد من اخواني خارج هو وعياله او حرمته وراكبين سيارتهم والله حتى مايقولو نوصلك لو مجامله بس كل واحد رافع يده تماااااما اهم شيء حريمهم وعيالهم وطز في الباقي المشكله اني كل الي ابغاه شيء معنوي , احتاج وقفتهم معايا ومشاركتهم , ماابغى منهم فلوس ولا حتى يوصلوني محل والله عندي بالدنيا لو جاني احد ساالني هاايش سويتي في السوق اشتريتي فستان او لسه ؟؟ ماتتخيلي قد ايش افرح وقتها كاانه جبلي مليون ريال |
ياااااااعمرى انتى ... والله حطمتينى ..
ياالله ليش خواتج كذا يالله الاخوان غاسلين ايدينا منهم من زمااااااااااااااان بس الخوات ليش ما يروحون معاك وجهزولك ويسااعدونك ... بصراحة ربى يعينك ..بس ما لك الا تكلمين امك تقنع خواتك على الاقل كل اسبوع وحدة تروح معاك ,,, وذاا ماكو فايدة منهم شوفى صديقااتك والله بعض الصديقات احسن من الاخوات ........على فكرة تراهم غيرانين منك والله انك غالية امك وابوك.. الله يوفقك يااارب ويسهل امورك .... |
للاسف ماعندي ولا صديقه
الوالدة الله يسامحها من الناس الي تخاف من شيء اسمه صديقات فماخلت لي احد |
السلام عليكم
هدى نفسك ياحبيبتى وشوفى هناك عائلات لا يوجد بها ترابط وانا عائلتى ايضا ليس بها ترابط وبالنسبه لعائلة خطيبى ماشاء الله عليهم وانا اعتبر ما نحن فيه ابتلاء من الله والحمد لله على كل حال وفى حال عدم تغير اخوتك بصدد هذا الموضوع معك لا اريدك ان تتضايقى وتعالى نفكر فى الموضوع من وجهة نظر اخرى انا بدأت فى التفكير بها فى جميع مشاكلى الأن الم تلاحظى عند دخولك للمنتدى هذا ان كللللللللللل الناس عنهم مشاكل من كل نوع هذه مشكلتها زوجها وهذه مشكلتها امها ومشااااااااااااااااكل على كل شكل وكل لون اى ان حياتنا بدون ابتلاء مستحيله والا لن تصبح دنيا وانتى الأن مشكلتك عدم الترابط بين اخوتك وخذلانهم لكى واعتقد ان مشكلة عدم الترابط مشكله قديمه فى عائلتك ولكن انتى لم تحسى بها بهذا القدر الا فى هذا الوقت الذى انتى محتاجه لهم فيه لكن الم يعوضك ربك بخطيبك الذى يحبك وتحبيه وايضا عوضك بعائلته التى هى الأن عائلتك وبها من الترابط الذى تمنيتيه طول عمرك انا ارى ان تتخيلى حياتك مثل الدائرة بها نقطه سوداء وهى عدم ترابط اخوتك فلا تقصرى نظرك على هذه النقطه وارجعى قليلا الى الوراء لكى ترى الاشياااااااء اللأخرى الجميله فى دائرة حياتك انا اشكر الله كثيرا ان الله عوضنى عن عدم ترابط عائلتى بعائله خطيبى المترابطه جداااااااااااا بسم الله ماشاء الله عليهم الله يزيدهم ويزيد عائله خطيبك وموضوع عدم الترابط هذا من المشاكل المزمنه التى لا تنحل بين يوم وليله كنت اريد ان اقول لكى مثلما افعل انا وهو ان تختارى من صديقاتك من تخرج معكى للسوق لكن احزنتينى عندما قرأت ان ليس لكى اصحاب خلاص ليس لكى الا امك وربما خطيبك او اى اخت او قريبه له تحبيها هم الأن عائلتك فلا تشعرى بالحرج منهم وهونى على نفسك ترى وقت قصير وتذهبى الى بيت زوجك وتكونى بعيده عن هذه الحساسيات ولكن افعلى مثلى انا ناويه باذن الله ان اسقى اطفالى الترابط من اول يوم هههههههه(تعقدت) اختك المحبه |
نسيت ان اقول لكى ان تندمجى مع عائلة خطيبك جدا ولا تكتفى بالحرج منهم لأن اخوتك ليسوا معكى وديهم جدا واتصلى عليهم وودى امه اجعليهم يحبوكى جدا اهديهم هدايا انا افرح كثيرا عندما افعل هذا مع اهل خطيبى اشعر انى اعوض نفسى
|
| الساعة الآن 05:07 AM. |
Powered by vBulletin® Version 3.8.12 by vBS
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©