|
صديقتي وزوجها والخادمه
السلام عليكم ورحمه الله وبركاته
أخواني واخواتي اكتب لكم قصه صديقتي والمشكله التي حدثت لها لطلب النصح والمشورة منكم صديقتي في العمل استقدمه عامله من شرق اسيا للعمل لديها وجميع ابنائها في المدارس يعني فتره الصباح مافيه احد فالبيت غير هالشغاله و زوجها ينتهي دوامه الساعه 12:30 ظهرآ وهي وابنائها يرجعون الثانيه ظهرآ (نعمل في مدرسه اهليه) المهم صديقتي هاذي كانت تقول لي انا وزميلاتي انها غير مرتاحه لهاذي الخادمه وفي مرة فكرت تستأذن وترجع بدري حتى تشوف وش صاير في غيابها جت قبل زوجها بربع ساعه او عشر دقايق وتقول يوم فتحت الباب ما اسمع الا ركظت الشغاله وتقول لما رحت لغرفه الجلوس الا والقاها ممدده ولابسه مايوة!!! تقول انصدمت صدمه كبيرة بزعمها ان اللي جا هو الزوج وتقول انها خانقتها وسفرتها بلدها بس الان المشكله هي شاكه في زوجها تقول هل كان له علاقه في هالشغاله او انه هي ودها تبلاه ؟ هي الان واجهت زوجها وطبعآانكر اي علاقه بينه وبينها ولكن صديقتي تقول لو انه ماكان بينهم شي كان ماجتها الجرأة انها تسوي حركتها هذي صحيح انه هالشغالات بلوى الله يكفينا شرهم ولكن ابغى منكم حل تعطونياه اقوله لهذي الصديقه الان هي مابعد صعدت الموضوع اهلها مايدرون شي عن القصه هي في بيتها واذا جاء زوجها البيت قفلت على نفسها في غرفه لين يهديه ربي الى حل فلا تبخلون يااخواني عن الراي والنصح السديد لهذي الاخت :30: |
يالله
الله المستعان قسم بالله قهر ياشين الشغالات ومشاكلهم |
الله ينتقم منه عن جد شي يقهرررررررررررررررررررررر
|
والله مثل مايقولون الكتاب باين من عنوانه
بس الله اعلم ان بعض الضن اثم وبعدين هذا ماشاف حلقه طاش ماخاف على نفسه من الايدز انا ما ادري وش عاجب الرجال في فذولا الفنسان لا وحتى ريحتهم نشمها من بعد كيلو بس فعلا الشيطان يزين المنكر |
مادامت سفرت الشغالة خلاص وش لها بعوار الراس ؟ تفتح صفحة جديدة مع زوجها سواء كان غلطان أو لا
, ولا تدور في الماضي لأنها ماراح تحصل إلا الغثا , الحين عايشة وزوجها معاها وعيالهم بينهم لاتخرب على نفسها . نصيحتي لها تتغاضى عن الموضوع حاليا مادام إنها ماشافته بعينها , ولا هو قال لها شي, وتعيش حياتها , لكن لايمر ذلك بسلام بمعنى أنها تكون على حذر فيما لو استقدمت خادمة أخرى . كذلك تزيد اهتمامها بزوجها. |
وعليكم السلام
اعتقد ان الزوجه الي تبي تحافظ على زوجها من بلاوي وشر هالخادمات! ما تجيب شغاله دائمه و لامانع من الشغاله بنظام الساعات فقط وبدون وجود الزوج بالبيت اثناء عملها الخادمة وبنسبه للزوجة الموظفة : ان كان عندها اطفال تضعهم عند اهلها إلخ الله معك (: اختكــ : مُبتسمة وكلي جروح الله معك |
ابقولكم رايي ولا تزعلون
وش اللي مخلي الزوجات تجيب شغاااااااااااااااااااااااااااااالة؟؟؟ مع العلم ان كثير منهن ساحرات نسال الله السلامة وروحوا لشرق اسيا تشوفون العلم !! اذا كانت الزوجة مريضه فهذا شئ اخر................! لكن الطبخ الان كلها بالات الحديثة ماتستغرق 10دقايق... تجهيز الاكل ..اما بالشراء او بالالات الموجودة (تقطيع الخضار وعصر الفواكة في نهاية الاسبوع) التغسيل ...الة للصحون التنظيف للبيت...مكنسة كهربائية وترتيب الشئ اول باول دورات المياة في نهاية الاسبوع الملابس ..غسل وتنشيف من احلى مايكون في الغسالات الجديدة والحرارية ..والكوي بالبخار.. تعويد الزوج على الاهتمام بالنظافة .. اممم مافيه شئ ... وخلاص تركنا السحر ..والخيانه مع الشغلات ...والسرقات وووو اشياء كثيرة.. اها بقي حاجة واحدة التفاخر اما الناس ان عندك شغالة .. وفروا فلوسها واكلها وشربها (مايقارب 10الاف ريال سنويا) وسافروا فيها الى كل مدن العالم ولاتنسوا تصورون ومن ثم اذا جيتوا تكشخوا عند الناس................! اخيرا:ثقي تماما ان للشغالة رغبة بالرجل اكثر منك ..ومهما سويت ستجد الفرصة المناسبة للاسف.. |
اقتباس:
كلامج صحيح 100% وهذا اللي لازم اتسويه صديقتج |
اقتباس:
اخي هل انت متزوج ؟؟؟وهل زوجتك تعمل ؟؟ نحن لانتفاخر بالخادمات لكن الاحتياج الفعلي لهم هو مايضطرنا مثلا انا بيت اهلي بيني وبينهم ساعه وشغلي بيني وبينه ربع ساعه كيف اودي ابني لهم ومين يستقبل بنتي عند عودتها خاصه اني اوصل الساعه الثانية ظهرا وزوجي الساعة الثانية والنصف حماتي متوفيه ولااحد بالبيت غير عمي وهو رجل كبير السن لايستطيع الحركه كثيرا من يطبخ له ؟؟؟وخاصه ان اكله في مواعيد لانه مريض سكر سلفاتي جميعهن قريبات مني ولكنهن يعملن اضافة الى خواتي والحضانات عندنا بصراحه لاتأمن فيها على الطفل سمعتها مو لها الدرجه اما عن ضرورة عملي فللاسف فاذا اعتمدت على راتب زوجي وحده حنشحت فعملي جدا ضروري اذا فالخادمات للاسف شر لابد منه.. وبصراحه اذا انت مرتاح لدرجة انه عندك غسالة صحون و مكاين لتقطيع كل شي و كواية بخار وماتهتم بادورات المياه لدرجة غسيلها مره في الاسبوع ..فمو الكل لديهم هالامكانيات لانه عندنا نضطر نقطع كل شي باليد والطبخ ياخد منا تقريبا ساعة ونصف ااذا مو اكثر وغسيل دورات المياه يوميا (وتنظيف البيت ياخذ من ساعتين لاكثر حسب الساده الاطفال ايش بخبصو بالبيت )والكوي بالمكوى العادي (يستغرق ساعه اوساعتين حسب الكمية) وغسيل الصحون بالاسفنجة والصابون (يستغرق من نصف ساعة الى ساعة الاربع)>>>حبيت اوضحلك هذه النقطه بس اقتباس:
واذا كانت تستطيع عدم الاعتماد على الخادمه وتستطيع ان تاتي بخادمه بساعات فذلك افضل .. اما اذا اضرطت لجلب خادمه فلتأخذها بيت اهلها خلال فترة دوامها وان لاتستفرد بزوجها ابدا.. والله يوفقهم.. |
انا راي من راي اخي انسان
ليش تعور راسها هل شافت شي غير طبيعي على زوجها ؟؟؟ اذا ما شافت اي تغير عليه ..اذا بطريقتها هذه سوف تنفرة وراح يلاقي له عذر انه يدور على راحته في مكان ثاني خلها تصير حكيمة و تعدي الموضوع على خير لان بتصرفها هذا راح هي اللي تكون خسرانه الله يهدي الجميع |
انا نصيحتي لها
لاتطلع اسرارها ومشاكلها لاهلها لانهم ماراح يسوا شيء غير انها تفضح زوجها واابو عيالها وهي مو متأكدة من خيانته يعني مجرد ظنون وصدقيني ان زوجها ماراح يغفر لها هالشيء لو قامت بفضحه فالبيوت اسرار فاتهام زوجها بإرتكاب الزنا مع الخادمة في اثم عليها لانها لم تشاهد ذلك بعينها قد تكون الخادمة لعوب وتحاول تغري الزوج وتسثير شهوته بداية فالتحسن الظن بزوجها وحسناً فعلت بأن قامت بتسفيرها ولتفتح صفحة جديدة في حياتها ولاتخرب بيت معمور بسبب إمرأه بجسد شيطان ومثل ماقالت اختي كريستال حتى تتاكد تطلب تحاليل من زوجها ويكون هالشيء بينهم فقط |
ان بعض الظن اثم
|
انا رأيي من رأي الاخت اللي قالت لازم زوجها يفحص الدنيا تخوووف لازم تتأكد ولا تخليه يلمسها لين يكشف ما جاب لنا الامراض والبلاوي الا هالاشكال الله يفكنا منهم..
|
يا أختي الخادمة شر لا بد منه لا نستطيع الاستغناء عنه
ولكن الآن تحاول تنسى الشئ الذي مرت به ةانها لما تستقدم خادمة ثانية تكون كبيرة في السن ما تستقد وحدة صغيرة وانها ما تخدم زوجها تحاول انها هي اللي تعمل كل شغل زوجها وتقدم له الأكل وثالث شئ انها ماتقصر مع زوجها بحقوقة الزوجية تحاول كل ليلة واتمنى بعد انها تهد حيلة عشان ما يكون في مجال انه يطالع لغيرها مكتفي من كل شئ وان شاء الله هذا يساعدها ان الشئ لا يتكرر في البت مرة اخرى |
اخوي المتعلم كلامك صحيح
ان شاء الله الله يثبتني وما اجيب شغاله |
أنا اشوف ان مكان المرأه بيتها ومحد بيهلك من الجوع ياناس ياعالم ياهوه ليش تجيبون البلاوي لكم بأنفسكم الوحده منا اذا سفرت الخدامه تحس براحه نفسيه كبيره طبعا لازم في تعب بس الواحد يتحمل عشان نفسيته
|
الله يكفينا شرهم ...
|
اخواني واخواتي شاكرة لكم تفاعلكم ونصحكم لي بس اسمحولي ما أقدر ارد على واحد واحد لان كنت مشغوله معها ومتنكده
هي تقولي الان انه ينام في الملحق وارسلها مسج انه ماسوى اي شي وانها اذا قررت شي تقوله عليه ومقدر منها انها ماوصلت الموضوع لاهلها بس تقول لما فتشت غرفتها لقت ملابس نوم (خاصه للمتزوجين) تقول وانهرت من وين حصلت عليها ولقت عندها موانع حمل خاصه بالرجال وارقام كثيرة وصور لرجال من جنسيه عربيه ولقت عندها لفه فيها تراب واشياء غريبه ما فتحتها وقالت لي عنها قلت لها عطيني اياها اعطيها شيخ يفتحها افضل اطلب منكم يااخواني دلي على شيخ له خبرة في هالحالات عشان يفتحها لنا |
انا مع الاخوان اللي نصحو انها خلاص تظن بزوجها ظن حسن وقلت لها كلام كرستال اللي قالت تجيب وحده كبيرة وتاخذ بالها من زوجها
حتى اللي قالو لها انها تطلب منه انه يسوي فحوصات عشان تتأكد اذا مافيه اي امراض وتقولي اسالكم اذا يبين من الفحوصات الطبيه اذا زوجها خانها او لاء لاني قلت لها مادري والله يعينها ويهدي بالها ويرشده الطريق الصحيح ادعولها |
كان المفروض من اول ما قدمت عليها فكرت بهالشي (لا يخلوا رجل بامراه الا وكان الشيطان ثالثهما )
والدليل واضح وما فيه تصنيف للرجل او المراه ؟؟؟ استغرب حال بعض النساء تترك الباب مفتوح واذا طاح الفاس بالراس قمنا نتحسف ؟؟؟ الله يكون بعونها وعون جميع المسلمين بس رسالتي لكل زوجه ترى زوجك امانك وعيالك بعد حتى الخادمه امانه بعنقك ولا تفكرين تتركين فيه اي خلوه انا عندي خادمه والبيت ما فيه الا انا وزوجي ومعودته من اول ما جت ما يرجع ولا يدخل البيت وهي فيه مو من عدم الثقه لا سمح الله لا بس لان الخلوه حرام وزي ما انا ما اركب مع السواق لوحدي هو نفس الشي وهذا الي عودونا اهلنا عليه وحثنا عليه دينا فان كان لابد من الخادمه خافي الله فيها وفي اهل بيتك تحياتي دلوعه زوجي |
كلامك عين الغقل يادلوعه زوجك وهذا اللي ناويه اسويه لان اللي صار درس لي ولصديقتي انا لي متوظفه الان شهر وكم يوم اذا كملت انشاء الله شهرين بستقيل واتفرغ لبيتي وبنتي وبلاش وجع راس لان هالوظيفه ماجاني منها الا وجع الراس ويليت الراتب يسوا مار الشغالات اللي بالشهر يمكن اكثر مني راتب بس انا كان ودي اخذ خبرة عشان تشفعلي بالوظيفه بس ماقدرت اتحمل واكمل لان بيني وبينكم العمل المرهق بدون مقابل مايسوى اترك بيتي وبنتي حتى صديقتي هاذي لها سنه متوظفه تقولي بتترك الوظيفه وتتفرغ لبيتها لانها ناويه ماتخرب بيتها بيدها والله يعينا ويكفينا كل شر
|
اقتباس:
انا مريت باللي مرت فيه والموضوع اكبر من انه يكون حب لزوجها الموضوع كرااااااااامه وكبرياء انجرح وتدمر نفسيه وقلة ثقه بالنفس الله لايوريك اياها <<<<<< (مجربه) |
الله يعين قلبك ياسردينه ويهدي زوجك ويصلح حاله ويتوب عليه ويارب يهدي صديقتي ويكتب لها الاصلح
|
| الساعة الآن 04:46 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©