|
طفلي الصغير ......... هل هذه مشكلة ؟؟
السلام عليكم ،،، من فضلكم قولوا ماشاء الله تبارك الله ;) طفلي بيكمل السنة بسم الله عليه .. وطيب وصحته تمام الحمدلله .. صح نحيف بس عنده أي مشاكل هضمية الحمدلله ... السالفة إنه الله يخليه لي إذا شافني آكل أي شي يبكي ويصارخ لين أعطيه !! حتى لو كان ماكل وجبته .. يعني مايطلب من جوع .. مشكلتي أخاف عليه من كثرة الأكل "مع إنه نحيف" بس أخاف يأثر على معدته لأنه يحب الشوكلاتات والحلويات وياويلي إذا أكلت وماعطيته ... والمشكلة الثانية إنه إذا شبع مايوقف أكل لأ بس يقعد يحوس ويلعب ويطلع الأكل من فمه كذا أعرف إنه شبع وأنا الصراحة أخاف عليه عند الناس شكله صغييييير وبسم الله على عمره ياكل من التمر وأي حلى أو فطاير يقدمونها وآخذ منه لازم هو ياخذ :d يعني أخاف يلفت نظرهم !! وأخاف عليه تتعب معدته !!! هل هذي مشكلة ؟؟ وكيف حلّها ؟؟ شاكرة لكم ردودكم مقدّما بس لي طلب تكفون !! لاتنسون: ماشاء الله تبارك الله .. وللمشرفين الله يخليكم لاتعدّلون العنوان والله أخاف على طفلي ... |
حبيبتي هاي طبيعي كل الاطفال نفس الشئ ،، الله يخليهم لنا ،،
|
بسم الله ماشاء الله ولا قوة الابالله
مثل ماقالت الاخت ام محمد و هيا والاطفال دائما عندهم حب استطلاع يعني لا تخافين هذا شيء طبيعي والله يحفظه لك من كل مكروه |
عادي هذا الأفضل
واستغلي ذلك بتنويع الأغذية ليستفيد منها أما عند الناس إذا قدم لك أحد شيء فاعطي طفلك أولا ثم أنت واحرصي تأكلينه قبل زيارة أحد ماشاء الله لاقوة إلا بالله |
ما شاء الله تبارك الله.. اختي.. استفيدي من الوضع.. كلي امامه الخيار و التفاح و الاشياء المفيده.. و انتبهي من كثره الحلويات.. و كما قالت احدى الاخوات عند الناس اعطيه اولا ثم خذي لك.. حتى يعتقدوا انك تفرضينها عليه.. ;) |
اهم شي يكون الاكل صحي بغض النظر عن الكميه ..
|
طبببببببببببببيعي ما شاء الله لا قوة الا بالله
بس انتي حاولي ما يشوفك وانت تأكلين الاشياء التي قد تضره لان الطفل يحكم عواطفه ولا يقدر العواقب فاذا رأى شيئ يعجبه يريده دون استشعار مخاطره لا تقلقي طبيعيييييييييييييييييييي الله يحفظه لك |
اختي مافي اي مشاكل بأذن الله
لكن حاولي تتجنبي اكل الحلويات امامة لان كثرتها مو كويسة للطفل وكلي امامة الاشياء المفيدة ويختلف من طفل لطفل بسم الله ما شاء الله ربي يحفظة لك من كل شر |
ههههههههههههههههههه فديته ولدج.. نفس بنتي ودود بالضبط ... ماشاء الله عليهم ..
اتحب الاكل.. ماقدر اشرب ولا اكل شي قدامها ... بس يالغلا ماعتقد انه فيه شي .. احسن شي اتخلينه يحب الاكل المفيد .. انا هذا الي اسويه مع بنتي.. كله اخلي قدامها الاكل المفيد .. ف ما تاكل غيره .. الله يحفظهم من كل مكروه .. |
اقتباس:
الله يطمن قلبك حبيبتي .. طمنتيني .. كنت أحسب الأصل في الأطفال إنهم مايحبّون الأكل ويعتمدون عالحليب .. بس زين علمتيني .. أشكر ردك عزيزتي .. |
اقتباس:
كويس إنه شي طبيعي لأني كنت أحسب طفلي غير :24: شكرا لردك أختي ... |
اقتباس:
صادقة هو الأفضل لو استغليته، لأني الآن كثير أعطيه شوكلاتات وأشياء مو مفيدة .. بس بأغير النظام من اليوم ان شاءالله .. وعند الناس أصير مأكلته وأعطيه على قولك قبل مايطلب بس مو معقولة كل شوي بآخذ عشان ولدي !! لأنه يطلب طول ماإنه يشوف الأكل قدامه بسم الله عليه ... ان شاء الله يكبر وتنتهي هالمشكلة ... شاكرة لك ردك حبيبتي .... |
اقتباس:
إن شاء الله ابتدء من اليوم بأستفيد من هالوضع وأغير مسار أكله ... وعند الناس المشكلة أحيانا يصير واضح إنه هو اللي يفرض علي آخذ عشان أعطيه :d شاكرة لك ردك حبيبتي ... |
اقتباس:
إن شاء الله من اليوم بيكون الأكل صحّي 100 % :22: شاكرة لك ردك عزيزتي ... |
اقتباس:
صادقة حاولت هاليومين مايشوفني والحمدلله الأمور مشت تمام .. بس من يوم يسمع صوت شي يخرفش يتلفت يدور الشوكلاتة ولاالحلاوة :11: هههههههههههههههه شاكرة لك ردك حبيبتي ... |
اقتباس:
أنا بالفعل تجنبت أكل الحلويات قدامه والوضع ماشي تمام إلى الآن الحمدلله ... شاكرة لك ردك حبيبتي ... |
اقتباس:
الله يخليلك وداد ويجمع شملك بأبوها ... شكل كل الأطفال نفس الشي .. بس على قولك إذا كان الأكل مفيد مايضره ان شاء الله ... شاكرة لك ردك حبيبتي وبوسي لي الأمورة الله يخليها لك ... |
ياحياتي الله يخليه لك يارب ويكون قرة عين لكم وتفرحين بعيااااااااااااله قولي اااااااااااااااامين
عادي ان شاء الله صحيح انا مو متزوجه لكن اشوف اعيال خواتي لااله الالله كل شي بفمهم مو بس اكل ريموت تلفزيون علبه ببسي موزة خيارة كل شي قدامهم دخلوة بفمهم يبغون ياكلونه لله يرزقك البنت الى لشفتي ازعاجها وتخريبها وتحوسها بالاكل تقولين يازين شقاوة الولد عند البنوتااااااااات ا |
اقتباس:
آمين .. بس عاد بنت وأشقى من ولد ؟؟ وش بتطلع ذي :d وياااااااااااااااااااااااك :d |
تعرفين ولدك موسمين ليه لأنك ماعملتي له نظام الرسول صلى الله عليه وسلم ماتأكلين ولدك الا اذا جااااع وفكرة الأكل بين الوجبات ألغيها عشان ياكل وجبته صح ويسمن وبالنسبه عندالناس خليه شبعان قبل تودينه واذا أمكن يكون مع الأطفال برا بعيد عن الأكل ولو أضطريتي عطيه ذواقه وأشغليه بأي لعبه عشان اذا جاء وقت وجبته ياكل زين والله يخليه لك يارب
|
اقتباس:
حياك الله منولة ... شاكرة لك نصايحك المفيدة حبيبتي، والحمدلله الوضع بدأ يتعدل الآن .. الله يتمم على خير .. |
| الساعة الآن 08:32 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©