|
ليش الاجانب عم يعاملو ولادنا احسن من اخوانا العرب المسلمين
السلام عليكم ورحمة الله وبركاته اسفة انه حكي دفش بس والله من قهري :19: :19: :19: اليوم مدرسة اولادي بيتلفنو للبيت لانه ابني ارتفع حرارته بروح لأجيبه بلقيه نايم بارض:( :( إنعمى والله ع قلبي :18: ما دريت شو حكيت لا والمدير بيقولي خلقنا من ثراب وابصر شو:29: :29: ليش هو جالس ع كرسي جلد اصلي ما كان يجيب فرشة ويقعد ع الارض بلا علاك فاضي ولا بس ع ابني :15: :15: مدارس الاجانب مجانية ورعاية كبيرة وتفهم وانا عم ادفع كثير مشان ولادي ياخدو دروس عربي ودين وحضرته بيقولي لي ارض وبطيخ اصفر دخلكم هذا شو نحكي معه ولا بشو نجاوبه لانه والله ما عاد فيني عم افكر ارجع ولادي مدارس اجنبية شو رأيكم أم وليد |
بصراحة هذا الشخص عديم أحساس ..
أنا لو منك ما أسكت له .. راح أعطيه رد يبرد قلبي .. أو على الأقل أهدده بالسلطات .. وأكيد راح يعتبرونه سوء معاملة الأطفال .. وهذا على حسب علمي شيء خطير في بلاد الغرب .. عورني قلبي وأنا أتخيله حبيبي مريض ونايم على الأرض .. |
السلام عليكم ورحمة الله وبركاته,
الاخت سلامات للاسف انه صار الاجانب كعموم احسن في التعامل من المسلمين في بعض الدول العربية والرسول صلى الله عليه وسلم يقول "الدين المعاملة" وانا شخصيا اشتغل في شركه فيها اكثر من 200 موظف اجنبي من مختلف الدول الاجنبية وتعاملهم كعمل راقي جدا وان كان بعضهم لا يحب المسلمين ولكن عمله يخليه يحترمني علشان يمشي العمل. يا ريتنا احنا المسلمين نلتزم بحدث الرسول صلى الله عليه وسلم ونكون راقيين في كل شي في حياتنا. |
هدي اعصابك يا ام وليد
مهو هذا حالنا الله يهديكي يعني شو بدنا نصلح لا نصلح انا شخصيا لو يعني تخيرت بين مدرسة اجنبية ومدرسة عربية لادرس فيها ابني رح اختار الاجنبية لسببين الاول قناعتي بان المادة العلمية واسلوب التدريس في المدارس الاجنبية انقى وانجع واكثر فائده منه من المقدم في مدارسنا الثاني " وهذا لمن يقول ان المدارس العربية تعلم لغة ودين " ان الدين والاخلاق واللغة من البيت لا من المدرسة فلو مثلا امضى الاستاذ يوما كاملا في تدريس الولد سورة النبأ وعاد الطفل الى البيت ولم يلق الاهتمام لن يحفظ ولن يستفيد من تدريس الاستاذ شيئا بينما هنالك الكثييييييير من الاطفال يتعلمون قراءة قصار السور ويحفظونها قبل دخولهم المدرسة اذا تعليم الاطفال الدين واللغة وتربيتهم التربية الصحيحة من البيت اولا والمدرسة مكملة لذلك بشكل بسيط الان انا حريص على ابني ان يكتسب خبرات وعلوم جديدة وان يتعلم لغة الجانب وكذلك حريص على ان لا اجعل ابني ينجر وراء هذا العالم ويصبح منهم فاكون حريصا على تعليمه اصول دينه والا اجعله ينسلخ عن عاداته وتقاليده هذا رايي الشخصي يا ام وليد وانا بقول لا تحكي مع الاستاذ ولا تنهمي هذا واقع امة ما رح يتغير بيوم وليلة والله يشافيلكك ابنك ويخليكم لبعض ابو عمر |
اقتباس:
عديم اساس.وبس الا عديم تربية كمان اشكيهم وافضح حالنا هون وهن بيستنو غلطة ليبهداونا بالمجلات والصحف والتلفزة عليم الله لولا خوفي انه ابو وليد بزعل ويبهدلني كان عطيته كفين يئصف عمر ابليسه ما اغباه ببرودة دم فظيعة بيحكيني كأنو انا الغلطانة يسلم لي قلبك وعمرك من كل سوء |
اقتباس:
والله لو حاجتي لهم ما سجلت ولادي عندهم بس شو نسوي قال شو رماك ع المر قال الامر خوفي ع ولادي انهم ما يحكوا عربي زي هو دافعي لاستحمل ثقل دمهم كثير مقهورة مو عارفة شو اكتب تسلم على المرور ويا أهلين |
هدي نفسك ام وليد
شو تساوي الحاجة حواجة ولا اش رأيك؟ |
شوفي ياأم وليد الأجانب يعتبرون العمل عبادة يعني أله
ولذلك هم أرقى من البعض العرب في النظام والدقه والتعامل والتعليم لكن والله مديرتنا تعبت طالبه في أولى نومتها على كرسيها وحطت عليها جكيتها لا وكمان حطت عبايتها زي المخدة لها يعني يختلفون ياأم وليد بس والله ماتنلامين |
شو نسوي ياأم وليد .......
الغرب طبقوا الاسلام بدون مايسلموا ...وحنا مسلمين بدون تطبيق ... |
اقتباس:
يا ابو عمر لهلا ما كنت تعرف مشكلتي لغتي لالاولى منهاعربية ما عم تشوف كيف اكتب بالعامية وما ابغى ولادي ينحطو بهيك مواقف هن يحكو فرنسي بطلاقة والا نجليزي يفهموه بس لعربي شوي يحكوه مكسر فهمت علي امت يتعلمو عربي اذا ما اخدوه بالمدرسة لانه فاقد الشئ لايعطيه انا عم اعاني مثلهم كيف اعلمهم عربي اذا لهجة يفهمو لهجة ابوهم كثير بس بضلها لهجة مو عربي فصحى بس الي بيقهرني انه ما قي معاملة انسانية ليش شو ببقول دينا والا بس شاـ طرين بهالحجابات واللحية فقط وع قولة هذا شيخ وتلك بتعطي دروس بالمسجد فهمت علي هن يدرسوا مقررات الدولة الاجنببة بس مع إضافة العربي الدين والاداب هلكت بالمشاوير تركت مدرسة حد بيتي مشواري 25دقيقة روحة 25دقيقة وجية كرمال الدين بس شو نقول هيك الغربة بتشكر مرورك واعذر دفاشة حكي |
اقتباس:
والله انك صادفة الحاجة حواجة بتعرفي بسأل كثير ليش ما في حدا بيسأل عن هالسلمين في هالغربة والله انه 90 في مية ما يحكو حتى عربي قهر انه تدفعي اكثر من 300 دولار للولد الواحد وبتلاقيه مرمي هيك ريث عيوني انسدت ولا شفتو هيك بتشكر مرورك اختي |
ليش قلتو ان الاجانب تعاملهم افضل ؟؟؟
|
اقتباس:
والله عم تحكي الصدق لما كان وليد بالحضانة اجنبية وإذا مرض بيحطونه بثخت ويعطوه دواء وبيتلفنو لاهله وإذا ما فيك تجي بيراعوه حسبي الله عليهم ارتفع ضغطي مشكورة اختي |
اقتباس:
الله يهدينا وكل مسلم شاكرة مرورك خبير اهلين |
هذا هو واقعنا للاسف الشديد ...
ام وليد لماذا لا تضعي اولادك في مدارس اجنبية وفي عطلة نهاية الاسبوع اقصد يوم السبت ...سجليهم في مدرسة عربي حتى يتعلموا اللغة العربية والدين ايضا ...وهذا ما افعله انا مع اولادي والحمدلله انهم يقرؤن ويكتبون بشكل جيد ...وسلامة وليد يا ام وليد ... |
اقتباس:
وتعامل اللا إنساني لولادي من ـطرف اخوتي العرب والمسلمين |
السلام عليكم
اختي اعانك الله .. و الله حاسة فيك لدي صديقة ،،،،،،،،،،،،،،،،عايشة في المانيا .. هي لم تحصل على الجنسية لكن ابنائها لديهم الجنسية على والدهم.. تقول عندما ازور اهلي لوحدي اجد المعاملة السيئة في المطار و يضيقون علي الى ان اكره عيشتي لكن السنه الماضية ذهبت مع ابنائها لزيارة خوالهم .. المعاملة كانت العكس تماماً حتى عند طريق العودة قامو بتوصيلهم الى باب الطائرة لان اطفالها اجانب نحن حتى في بلدنا نعيش كالاغراب .. مسلمين بلا اسلام.. وفي الغربة عند المشركين نعامل افضل معاملة ولكن مهما يكون الغربة صعبة مراعاه عدم ذكر الدول ،،، بارك ا لله بيك ،،، ام اثير |
لا لا لا أبدا مامعاه حق ومايستحي المفروض يثبت ويعكس تعاليم الدين على نفسه أولاً قبل مايدرسها للطلاب الله يهديه ويرفع عنه الضغوط التي جعلته يتعامل مع الأطفال هيك معاملة أختي ام وليد والله أعلم هذا إبتلاء لكِ فهل تصبرين من أجل هدف أسمى ؟ أترك لكِ الإجابة |
سلامات ياقلبي سلامة قلبك حبيبتي
الله يعين هالبني ادم ههههههههه ضحكني لما بقول اخرتنا للتراب عهيك مفروض نعيش في الصحاري محنا اصلنا التراتب اما منطق غريب ماتزعلي مش كلهم هيك يعني اناقبل متزوجت اشتغلت اكم شهر بمدرسة مبرمجة كمبيوتر بس كنت اشوف الطالبات لما يمرضو ماكانو يترمو عالارض كان الهم سرير للمرضى وحرام يعني معاملة منيحة فهادا المدير العجيب مش الكل متلو ماتزعلي مرة تانية ناقشيه واحكيلو مابنفع هيك واحكيلو انا جايبة ولادي مشان يتعلمو تعليم نظيف مش عشان يمرضو وينامو عالارض . . . ملاحظة خارج الموضوع قال امبارح بقول لزوجي المثل الي تعلمتو منك(حطو الرجال والشيطان في كيس طلع الشيطان يستغيث) الاهوة ضحك وقلي حبيتبي مين قلك لا اصل المثل(حطو المرة والشيطان في كيس........) شايفة هي اخرتنا؟ تحياتي وماتزعلي حالك ابدا |
بتسدقي اول مقريت العنوان في شريط العناوين فوق قلت اكييييييد هاي ام وليد الغالية
فحبيت اشوفو لانو بحب كل مواضيعك اتابعها :) |
اهلا اختي سلامات ياقلبي
والله كانك تتكلمي بلساني فانا عايشه اللي انتي تتكلمي عليه في المدرسه الاجنبيه ولدي يحبها كثير بعكس مدرسه السبت العربيه لا زم يبكي قبل مايروح |
اقتباس:
مو كافي والله بس السبت كثير حريصة انه ولادي يحكو عربي انا مريت بمواقف كثيرما احب ولادي يمرو فيها كله بسبب اللغة الله يعين مشكورة حبيبتي |
اقتباس:
الله يعينها لرفيقتك وكل مغترب يا مية اهلين |
اقتباس:
دائما بدعي انه الله ما يبتليني في ولادي بجن والله بس الحمد لله بفديهم بعيوني بس ما ينقهرون مستعدة اتحمل كل شئ ولا اشوف دمعة بعيونهن بيعين الله مشكور وما بتقصر دائما |
اقتباس:
يخرب ديارهن بيستعبط علي حكيت لزوجي والله زعل كثير بكرا بيحكي مع معلمة وليد والمدير تسلمي يا مزوقة حبيبة قلبي والله ع فكرة كان قلتي لزوجك عمرك شفتي نسمة في كيس :d :d لانه الست حبابة كالنسمة :25: :25: ان شاء الله ما أعدم هيك طلة حلوة |
اقتباس:
تسلمي عيوني |
اختي
ام وليد ما الكم غير حل واحد في اجتماع الاهالي ابو وليد يقوم ويحكي و يبين عيوبهم و انه بيقول هالكلام لمصلحه ا لمدرسه و مصلحه الاطفال و بلا تهديد و لا خناق و شوفيهم كيف حينحرجو ا قدام الاهالي ويحسبو الكم حساب اكلمك عن تجربه ابو الاولاد مسك المدير و الاداره و بين الهم عيوبهم و اخطائهم و حط الكلمه كل هذا لمصلحه المدرسه و وراها ما تصدقي قامو يحسبو النا مليون حساب و ييتصرفو بطريقه و يضغطوا على انفسهم حتى ما يتعرضوا لنفس الموقف في اجتماعات الاهالي اختي ام وليد ليش ما تشتركو في الاداره كل سنه ما عندهم انتخابات يختاروا من الاهل و اعملو على تطوير المدرسه سلامته لوليد الف سلامه ما يشوف شر حبيبي اما ليش الاجانب معاملتهم احسن لان هناك نظام و قوانين و محاسبه ما اله علاقه بالاخلاق لو مافي هالامور الي تضبطهم تعرفيهم عنصريين و ما همهم احد ` |
اقتباس:
الله يهدي اولادنا ويسخرهم ويهدي كمان اخوانا المسلمين شاكرة هالمرور العطر يا أهلين |
اقتباس:
عليم الله انه إلك وحشة قد الدنيا تصدقي انه هالبغل عامل لي حساب يعني لانه انا عضوة في رئاسة إجتماع الاهالي مدري شو بتسموها بكثب لك اياها باجنبي Comite des parents كل شهر يسحب 300 دولار عن الطفل الواحد هذي ما بينساه بس انه يشتري ويجهز قاعة للأطفال المرضى قال احنا من ثراب ثراب يعمي عيونه قليل زوق زوجي اسدي:25: ما يحب هيك إجتماعات لانه كلها حريم ع قولته :) تاركني قال يا كثر حكيكم ما تشبعو رغي شفتي اشلون :29: :29: انسانيا هن ارحم والله يرحمنا برحمته تسلمي قلبي وان شاء الشر ما تشوفينه بتشكر عيوني صرعتكم بهموم أولادي بس شو نسوي ما لي غيركن يا هلا بالناس الحبابة الطيبة |
تسلمي حبيبتي ام وليد
انت الي مزوقه و كلامك كله عسل يا اختي عليم الله اني احبك في الله انت و اولادك الله يخليهم ويحفظهم خلاص انا كنت باسالك اذا كنت عضوه فيComite و طلعتي عضوه فيها اختي انت بالاجتماع اثيري هالمشكله و اضربي مثل على الي حصل معاكي و اعملو توصيه بان يخلو سرير اصلا كيف يسمحو لكم تعملو مدرسه مافيها غرفه تمريض وسرير و اسعافات اوليه وكيف شركه التامين تعمل للمدرسه تامين ما سمع ولا مشي بما يرضي الله هدديه بانك حتشكي المدرسه للجهات المسؤله و حتشكيه هو شخصيا و يجو يسوو تحقيق بمستوى المدرسه و مطابقتها للمقاييس مادام انت بالComite شوفي رائي بقيه الاهل بالاداره و اداء المدرسه اختي من ايش خايفه واحد اصلا مو خايف على نفسه ولا على سمعته لانه عارف انكم ما حتشكوه اشكوه حتى يكون عبره لغيره لان اذا بقي حيسئ و يجي يوم ينفضح و تبقى فضيحه المدارس الاسلاميه من جد بالجرايد و الاعلام فلمصلحه الجاليه و مصلحه المدرسه لازم يوقف عند حده هو و ادارته و المدرسين التعبانين انا رائي هال300 دولار الي تدفعيها لاولادك كل شهر جمعيها الهم و اخذيهم كل سنه زياره لاهلكم و جيبيلهم مدرس خصوصي للبيت و سجليهم بالتحفيظ اذا كانو اولادك حيتربو بالغرب خليهم ياخذوا تعليم بمستوى البني ادمين و ديهم مدرسه بالويك اند عربي و دين احنا هنا الجاليه الباكستانيه يحفظو للاولاد قران و ثقافه ا سلاميه بعد دوام المدارس الاجنبيه و اذا كنتو حترجعو لبلدكم خليهم يتعلمو تعليم المدارس الاجنبيه حتى يضبطو اللغه و يلحقو علعربي يتقنوه من ترجعو لبلادكم اولادك بعدهم صغار الله يصلحهم بكره يكبروا ويصلو لمرحله يحتاج انهم يركزو بالعلوم و الرياضيات و اللغه الاجنبيه حتى يجيبو درجات و معدلات ويتفوقو ما ينفع نمسك العصى من الوسط وانت شايفه بنفسك مستوى المدارس العربيه بالاغتراب ولا حول ولا قوه الا بالله |
اوووف شي يقهر والله ..
هاذا الشخص عديم المسؤوليه .. لكن صعيه ياام وليد انك تنقلي الاولاد مدارس اجنبيه .. راخ تشوفي البلاوي هناك ويتعلمو منهم .. الله يصلح حالكم وحال الاولاد .. ويبعد عنكم شرور الناس .. |
اقتباس:
يعلم الله انو هونتو علي غربتي احبك الله الدي احبتني و اولادي فيه يخلي لي إياك ولا يحرمني منك عزيزة على قلبي صبرك ليجتمعوا والله والله لأوريهم شلون يعاملو الاولاد وما بنساه رمية ابني هيك ما في خوف بخاف من الله بس ما ودي مشاكل مع الزعيم ابو وليد:d لانه حكيت معه قال ياما كنا صغار ونمنا ع الارض:25: قلت انت بهذاك الزمن وهديك الديرة مو اولادي قال بتكبري السالفة وهي الصغيرة شفتي القهر :18: :18: قال خليه يطلع رجال:( كمان نحنا عنا الجالية الباكستانية بترفع الراس بيعلمو الاولاد القران والحفظ سبحان الله لسانهم غير عربي بس احسهم احسن منا بتشكر هالمرور العسل ياعسل إنت:d :d |
أم وليد حبيبتي سلامة وليد وما يشوف شر
هذا أقل شئ تشوفية بالمدارس اللي هيك تقولي عم يطفشوا الطلاب أنا هون في الكويت تعالي شوفي شلون معاملة المدارس الأجنبية لطلاب معاملةراقية وتعالي شوفي معاملة المدارس العربية لطلاب يطفشوا ما أدري على شو المعاملة هي لما تحضري الأجتماع علميهم مين ام وليد خليهم يحسبوا ألف حساب ( ما ينفع معاهم الا الأسلوب هذا ) |
اقتباس:
تعرفي حابة اسميك بإسم دلع بس مع معرفك ما زبط معي شئ :d هذا هو خوفي انهم يتعلمو عادات الغرب تسلمي حبيتي هالمرور الحلو ويا رب نفرح فيك الهي يرزقك زوج حباب رومانسي |
اقتباس:
شو احكي لأحكي مليت منهم طفشت يا اختي ما في رحمة ولا معاملة حلوة اذا انا كرهتهم كيف لصغار بتخيل كيف بتكون المعاملة اذا كانت هالمدرسة مجانية اكيد بيجيبو كرباج ويضربوهن ان شاء الله ما تشوفي شر في غالي ولا عزيز يا هلا |
هدي اعصابج ياام وليد
ولاتحطين ف بالج طوفيها هالمره وان كررو اهمالهم لابنج انقليه الامور بالبساطه تنحل مب بالعصبيه |
اقتباس:
هلا ومية مرحبا بالغالية كيفك وكيف صحتك ان شاء الله متهنية وان شاء ما عم يعذبك ولي العهد:d والله لحظة غضب ومرت الله يلعن الشيطان وساعته خلاني قلت شئ وندمت عليه :o :o :o والله انك صادقة يا هلا بالطيبة |
| الساعة الآن 05:55 AM. |
Powered by vBulletin® Version 3.8.12 by vBS
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©