|
هل صحيح لايمكن ان اتزوج
4 سنوات وانا ابحث عن زوجه مع العلم اني شاب احمل الكثير من المميزات المطلوبة كانت لدي شروط كثيره وتنازلت عنها شيئا فشيئا ولم يتبقى الا شرطا واحدا وهو ان تكون انثى خطبت 25 مره وفي كل مره يفشل الموضوع رايت فتيات كثيرات احيانا اعتذر لانها لم تعجبني واحيانا هم يعتذرون لاني لم اعجبهم ومرات يوافقون ثم يعتذرون بعد شهر او شهرين ومرات اوافق مبدئيا ثم اعتذر ومرات يتحججون باتمام الدراسه او لاسباب اخرى دعيت الله كثيرا وخصوصا في هذا الموضوع ولاكن لم تستجب دعوتي دعوت الله في مكه وفي الحج ورمضان ولاكن لا اعلم مالسبب هل الله حكم علي بالشقاء ؟ لان حياتي متعلقه بهذا الموضوع هل قد يكون احد الفتيات ممن ااعتذرت لهم دعى علي ؟؟؟ وهل انا مذنب ؟ هل انا مصاب بالعين او بالسحر ؟ ماذا يجري ؟ |
الجواز قسمة ونصيب ولسه ربنا لم يأذن لك متستعجلش يارب يسر لاخينا واخواننا واخواتنا امورهم وعجل لهم بالسرور امين يا رب العالمين |
لم يكتب الله لك الزواج إلى الآن هذا كل مايجري .
|
يمكــــــــــــــــــــــــن ظلمت أحــــــــــــــــد من الي تركتهم
فجاتك حــــوبه <يعني بدون محد يدعي عليك> وأنا الصراحه لو أسمع الي خاطبني ,خطب وبعدها ترك...مستحيل أثق انه ما يتركني أقـــول هذا شكله لـــعاب.... انت تتوقع انك اذا خطبت وبعدها وافقوا عليك , وبعدين تــتركها<بدون سبب> شي سهل!!!! |
لا تيأس أكثر من الاستغفار ،، وربي يكتب لك الي فيه الخير ...
|
صراحه موضوعك مثلي بالضبط .......مصيبه هذه واللى يقولك نصيب النصيب بعد الزوج مش قبله
قبل الزواج احس كل شي معتمد على البحث ... انا اضم نفسي معاك لانه نفس المشكله اذا حد عنده حلول يقولها واللى تقول مش سهل البنت تترفض زين والشاب يوم ترفضونه هذا مش سهل بعد لكن اطلعون لكم مبررات انتو عادي |
اخي الفاضل
الزواج قسمة ونصيب وشيل الافكار السوده من مخك الله يبعد الحسد والسحر عن أمة محمد يارب ويمكن ما وصلت سعيدة الحظ وان شاء الله تحصلها قريب والله يوفقك يارب واكثر من الاستغفار. الاشراف: أخي الكريم أرجوا التأكد من مشروعية صلوات التطوع التي ذكرت. |
اخي اكثرمن قراءه القران والصبر مفتاح الفرج
|
النصيب اخي الكريم ومن سوف تكون زوجتك تنتظرك فلا تياس والله يجمعك بها عاجلا غير اجلا
|
يمكن خاطر بنت فيك , (ودها فيك) وبالتالي ماتتم لك خطبة
وهذي صارت لواحد أعرفه , دكتور بالجامعه ثلاثيني مليونير ماشاء الله خطب كثييييييرر له عشر سنوات يخطب ولا تم , وزوجة عمه تبيه لبنتها ... نتوقع نفسهم فيه ( العين حق ) |
اقتباس:
اشكر جميع الاخوه اللي ردوا انا ذكرتني بشغله واخاف هي السبب ارجوكم ساعدوني وهو انني خطبت فتاة وهي متعلقه بي جدا جدا حسب ماسمعت من الاهل وتمت الخطبه بدون ان اراها ولم اراها الا مؤخرا حيث انني طلبت الرؤية الشرعيه ليستريح قلبي فالذي حصل انني رايتها ولم ارتح ليش لعيب فيها ,, بينما هي العكس تعلقت اكثر فاكثر ,,وضغطت على نفسي ووافقت الى ان عرفت انني لااسسسسسسسسستطيع فاعتذرت |
قل للفتاة اللي خطبتها تحللك .. والله يعينك وييسر أمرك.. |
اقتباس:
والزواج قسمه ونصيب لكن حاول تتنازل قليلاً عشان مايمضي بك العمر وانت عزوبي ! اقتباس:
الزم الصلاة مع الجماعه وحافظ عليها اقرأ الاذكار بالصباح قبل شروق الشمس وبالمساء بعد صلاة العص المهم قبل اذان المغرب اقتباس:
اقرأ على نفسك الرقيه الشرعية ولامانع ان تذهب لقاريء يقرأ عليك انصحك بالاستغفار يوميا ابدأ برقم معين مثال : 100 او 500 مره ثم تزيد إلى 1000 الف واكثررررر نصحت بها بنت من المعارف من فتره وعلمت منها انها استمرت فقط 3 اسابيع وماشاء الله تبارك الله تمت خطوبه لها الان وتقوم باعداد وترتيب للزفاف اسال الله ان يتمم فرحتها علما انها كانت بالوتر تصلي وتدعو ايضا وقبل النوم تضع شريط القران سورة البقرة وسماعات باذنه واكثرت ولزمت الاستغفار كانت تستغفر من الف مره إلى 2000 الفين مره باليوم والحمدلله يسر الله لها امر الزواج عمرها 22 سنه ارجو ان الجميع يستفيد مما ذكرته متوهق بعمره : اسال الله ان يسهل امورك ويسعد ايامك(: والجميع الله معك (: مُبتسمة وكلي جروح للجميع طلب : ادعولي بالوظيفة بظهر الغيب بالله لا تنسوني |
موضوع العين والسحر الحل سورة البقره والمعوذات وايه الكرسي والاذكار
لكن ياخي اصلا هذا الموضوع معقد وكثير شباب يعانون منه ويدورون ومومحصلين اذا تعرف خطابه كلمها احسن |
يـامـــــدور ... الــهــيــــن ... تــرى ... الـــكـــايـــد ... أحــلـــى
|
اقتباس:
وهو انني خطبت فتاة وهي متعلقه بي جدا جدا حسب ماسمعت من الاهل وتمت الخطبه بدون ان اراها ولم اراها الا مؤخرا حيث انني طلبت الرؤية الشرعيه ليستريح قلبي اقتباس:
البنت انصدمت وانكسر خاطرها بعدما انت تركتها !ولكن مالك ذنب هذا قدر ويجب عليها ان ترضى بالقدر خيره وشره و لامانع ان ترسل رساله على جوال ولي امرها لانك لو ترسل على جوالها ربما تصير لك مشكله او تتصل بوالدها وتقول يعلم الله اني جاد بامر الزواج لكن لم نناسب لبعض واسال الله ان يعوضها بأخير وافضل مني وارجو ايصال الكلام للفتاه او عن طريق اختك توصل لها الكلام يجب ان تعرف ذلك لا تـــحزن الله معك (: مُبتسمة وكلي جروح |
ابذل الاسباب وتوكل على الله
|
يمكن ربي لسى مااذن بزواجك
صدقني مو بس البنات اللي ينتظرو حتى الرجال برضو اذا مالهم نصيب ممكن مايتزوج ادعي الله كثير ولاتيأس اللله يرزقك الزوجه الصالحه |
سبحان الله
أول مره اسمع عن رجل لم يتمكن من الزواج وهو يبغى اللي اعرفه العكس قادر عالزواج و مايبغى |
دع عنك أكثر الردود ..
أخي الفاضل : الأمر كله خير والله خير لك وأنت لا تعلم فأزدد قرب من الله وطاعه وما تعلم لعل منيتك قريبه ولا تلحق بالزواج .. انت بذلت الأسباب والله لم يكتب لك شيء إلى الآن ليسى معنى ذلك أنه حكم علي بالشقاء .. أعرف أناس تزوجوا وأعمارهم أقل من العشرين قلت أعرفهم وأناس قبل الخامسة والعشرين وأناس بعد الثلاثين وقريباً من الخامسة والثلاثين وكلهم ينعمون بالعيش والذريه .. فلا تستعجل بالحكم على نفسك بالشقاء ولا تيأس وتقنط من رحمة الله .. أخي الفاضل : اكثر من الاستفغار وتب إلى الله وصلح علاقتك معه وأبشر بالخير .. وإن لم يكتب الله لك الزواج في الدنيا ودخلت جنته برحمته عوضك نساء الآخرة التي هي أجمل بكثير كما وصفها الله في القرآن الكريم .. وعليك أخي الفاضل بالدعاء ثم الدعاء ثم الدعاء ثم الصدقة أكررها ثلاثاً فإن الصدقة تطفي غضب الرب والدعاء يحبه الرب .. اسال الله أن يرزقك الزوجه الصالحه المصلحه التي تعينك على طاعته .. آمين آمين آمين |
الله يرزقك الزوجة الصالحة ياررررررررب
|
ياخي الحل السهل ..
يوم بتخطب صل استخاره واتوكل علي الله وكوووووووون واثق ان الخطبه بتم بأن الله لا تعقد الأمور ولا تقوول 25 مره وكذا ولا تحط عقابات للأمووور ان شاء الله كل شي بيتسهل والزوواج في النهايه قسمه ونصيب توكل علي الله واكثر ياخي من الأستغفار ولا تنسي صلاة قيااام اليل وتضرع في الدعاء من كل قلب سبحان بتحس بأحساس ثاااني وبأذن الله بتتيسر امووورك يقول سبحانه ( أنا عند ظن عبدي بي ، إن ظن خيرا فله وإن ظن شرا فله ) . والله يبعد عنك السحر ولا تظن انه سحر وعقب بيتكون عندك الشك عليك بل بقره كل يووووم واذكار الصباح و المساء والله بيبعد عنك كل شر ... والله يرزقك بزووجه صالحه عاجلا غير اجلا .. والله ولي التوفيق |
لن يصيبكم إلا ما كتب الله لكم
اصبر لا تنسى الدعاء وتمنيايت لك بالتوفيق يعني انت دخلت 25 بيت و مالقيت نصيبك وفي ناس من اول بيت لقوا نصيبهم تمنياتي لك بالتوفيق |
الله يرزقك بالزوجه الصالحه ..................
|
الله يرزقك ان شاء الله
بس انت مااذنبت لك الحق ان ماعجبت ولا ارتحت للبنت ان تقول ماتبي. بالنسبه لموضوعك ليش لا يمكن عين بس سحر صدقني لا ماضن, اقرا البقره سبع ايام والاذكار وشغل القران. بس اضن انه كذا لسا ماجاك النصيب ماحس بسبب معين انت كمل واجتهد دورو واخطب وان شاء الله ربي يوفقك ولاتتهاون وتياس وترضى على وحده ماراتحت لها انتبه انتبه, استخير ولما ترتاح بعد الشوفه وافق ونصيحه خلو اول شي الشووفه . |
السلام عليكم ورحمة الله وبركاته
اخي الكريم\\ الله يحفظك ويحيمك مافيك الا العافيه لاعين ولاسحر ولا هم يحزنون كل مافي الموضوع شوي صبر وتوكل على الله صدقني وانا اختك اللي ربي كاتبه بيصير وماعليك من ان في بنات نفسهم فيك ومن هذا الكلام توكل على الله ابتعد عن المعاصي استمر بالتقرب الي الله اكثر واكثر اكثر من الصدقه والاستغفار والدعاء ولاتقول دعيت ومااستجاب صدقني بيوم بتلاقي نفسك عند باب اهل العروس وبعدها بأسبوعين بتلاقي نفسك ملكت عليها وبعدعا بشهرين انت متزوج بتشوف كيف السهوله والتيسير من رب العالمين وقول روح الغالي قالت:22: صدقني راح تشوف الموضوع مثل الحلم وانت بنفسك راح تتفاجأ المهم حبيت اذكرك بحاجه مهمه خلال هذي الفتره اللي انت تنتظر فيها العروس حاول تجمع فلوسك ولاتصرفها في سفريات احكي لك قصة اخويا الكبير تعبنا واحنا نبحث له على عروس ندخل بيت ونطلع من بيت مره هم يرفضونا ومره احنا نرفضهم وووو ومره يمشي الموضوع شوي وبعدين يرفضون وعلى هذا المنوال الين مره اخويا طفش ووسوس عليه صاحبه قاله ايش رايك نسافر:29: طبعا اخويا ماكذب خبر وسافر ووسع صدره وطير الفلوس اللي مجمعها لعروسه واول مارجع قالت له امي في بنت ناس كذا وكذا ونبغا نخطبها لك:( وسبحان الله من اول خطوه مشيت باقي الخطوات خطوبه على ملكه على زواج كل الموضوع مااخذ 4 اشهر هذا اللي اخرنا انه طير فلوس المهر:29: اللي كان مجمعها ولا كان من قبلها متزوج المهم والخلاصه:: جمع فلوسك ولاتصرفها على الفاضي ترى الزواج يبغاله حسبه:( وتوكل على الله وبيجيك النصيب بإذن الله لحظه نسيت اقولك شي شفت التنازلات اللي قلت انك تنازلت عنها عشان بس تتزوج ؟؟؟ صدقني بتلاقي احسن وافضل وفوق ماكنت متصور راح تلاقيه في بنت الحلال اللي هي زوجتك اهم شي خليك متفائل ومستبشر بالله وراح تشوف الخير من ربي واخيرا اسأل الله العظيم رب العرش العظيم ان ييسر امر زواجك ويرزقك ويرزق جميع شباب المسلمين الزوجات الصالحات ويرزق بنات المسلمين الأزواج الصالحين |
صدقني مالك الى الله ادع ربك الى ان يفرجها عليك يالغالي .. الله يحب من يلح عليه بالدعاء
ان الله ينزل في الثلث الاخير من الليل فيقول هل من سائلاً فاعطيه .. صدقني ادع ربك في اخر في الظلم والناس نيام وابكي واخضع له وصدقني ربي عزيز . واسال الله ان يزوجك ويحقق لك ماتتمناه ولك تحياتي |
اقتباس:
انتوا تقدروا تخطبوا مليون مــره بس حنــــا ما نقدر نطق الباب ونخطب..وأكيد ما ردتك الا لعيب وجدته فيك يعني أحنا أكيد مبررات... والله يوفقك .....,,, وتلقى الي تتمنى..انت وخويك متوهق بعمره الاشراف: يجب مرعاة احترام الأخرين في التخاطب |
اقتباس:
اخى صدقنى لو علمتم الغيب لخترتم الواقع ... يمكن يكون زواجك مؤجل حتى ياتى صاحبة النصيب التى تعوضك عن كل سنين عمرك التى مضت وتعطيك كل السعادة التى يمكن ان يتمنها الكثير من المتزوجين حاليا..... اخى الفاضل صدقينى الله لا يرضى لعبادة الا الخير وعسى ان تكرهوا شيا وهو خيرا لكم سبحان الله اكيد تاخير زواجك فية حكمة ربانية من الممكن ان يكون الله مأخر زواجك لانة يريد لك الزواج من زوجة من خير زوجات الارض دينا ودنيا زوجة تقربك اكثر من الله وتأخذ بك للجنة ويسعدك معها فى الدنيا والاخرة وهذة الفترة الزمانية التى تبحث فيها عن الزواج تكون تمهيد ا وتهيئا من الله لك ولها حتى يجمع الله بينكما ان شاء الله او من الممكن ان يكون الله سبحانة وتعالى ماخر زواجك لانة يرى ان هذا الخير لانة يريد ان يهيئك وتاخذ من الدنيا الخبرة الاكثر حتى يرزقك الله الزوجة الصالحة ويسعدك معها وتنعما بحياتكما بعيدا عن المشاكل او من الممكن العكس الله مأخر زواجك لان الفتاة التى كاتب الله لك نصيب فيها يهيئها ويجعلها اكثر نضجا لتحمل مسؤالية الزواج ويهيأها بالطيع الذى يجعلك تعيش معها وانت سعيد اخى صدقنى لو علمتم الغيب لخترتم الواقع ... عليك بكثرة الدعاء صدقنى الله تعالى عظيم وكريم يستحى ان يرفع عبدة يدة ليدعوة ويردة خائبا ولكن اخى هناك شروط للدعاء المستجاب ان شاء الله فاتبعها وللعلم من الاسباب التى تاخر استجابة الدعاء هو ان يقول العبد دعوت الله كثيرا فلم يستجب فاحذر وثق بالله واحسن الظن بة فان الله عند حسن ظن عبدة لا تدع الفرصة لابليس اللعين فى ان يوسوس لك ان ليس هناك فائدة من كثرة الدعاء وان الله اخر زواجك ولم يستجب دعائك ان الله يحب ان يسمع الحاح عبدة علية صدقنى اخى الخير كلة بيد الله ونحن ليس لنا الا الله فلجأ الية فى الثلث الاخير من الليل وتوسل الية ان يرزقك الزوجة الصالحة المعينة لك على طاعتة ويسعدك معها وان يعوضك سنين التى مضت فى البحث عن الزوجة ... والله الذى لا اله الا هو ان للدعاء فى قيام الليل اثر رهيييييييييييييب فى الاستجابة عن تجربة صدقنى وفقك الله ورزقك بكرمة وفضلة زوجة صالحة من خير زوجات الارض تعينك على القرب من الله عو وجل ويرزقك معها اسعد حياة وجمع بينكما فى مودة ورحمة طول العمر انت ولكل شباب وبنات المسلمين. اللهم امين |
اقتباس:
بصراحة انا قبل 00 لما انخطب ويشوفني ويروح كنت اتحطم مرة وادعي عليه اعترف وفيه واحد خطبني فترة كم شهر وشافني مرتين وبعدها راح من قهري لأنه شافني استقبلت القبلة ودعيت دعيت دعيت وانا ابكي من قللللللللبي مرتين يشوفني واكثر ادعيتي كنت اقول يارب ياكريم اتزوج قبله يارب فرح قلبي قبله ويارب لك الحمد والشكر تزوجت قبله مع انه مرت على هالخطبة وقت طويييييييييل مرة والله اني فرحانة مرة اني رحت قبله واستغفر الله صح كنت اتضايق واتحطم وادعي بس يارب لك الحمد خيرة لي اخوي نصيحة لاتشوف البنت الا بعد ماتعرف مواصفاتها زين ترى بنات الناس في بيوتهم الله يستر عليهم محد يشوفهم ولايعرفهم خاف الله قبل ماتتفرج |
السلام عليكم
اخوي ماابي اطول عليك بس بعطيك الخلاصه اقراء سورة الانبياء سبع ليالي قبل النوم على طهاره اذا كنت مصاب بعين بتشوف الاشخاص الي طلعت منهم العين بس اول يوم يمكن ماتشوف احد ولا احتمال ثاني يوم و مع الايام راح يتبين لك الاشخاص ومو شرط ان يكون الحلم واضح بس الاشخاص بتعرفهم وان مجربتها والحمد لله اخذت من الي شفتهم وحمدت ربي على النعمه وكانو الاشخاص ناس ماتوقعت منهم والله يرزقك الزوجه الصالحه |
قبل كل شي لازم اتدور على الناس الطيبين مش أي أحد تدقو بيتهم ،،وقبل لا تشوف البنت خذ وصفها بالتفصيل من أهلك علشان ماتتراجع ،، والدين والأخلاق هم الأساس ،،
وعليك بالصبر ولا تستعجل رزقك ،، أسأل الله أن يعجلك في زواجك من الزوجة الصالحة اللي تسعدك في الدنيا والآخرة بالتوفيـــــق تحياتــي لينـــــــــــا |
الاشراف: يمنع الكتابة بغير اللغة العربية في المنتدى
|
اخي الكريم
الكلام اللي قلته لايجوز لأن الله لايكتب الشقاء للإنسان ولايرد دعوة أحد بل يدفع بها عنك مصيبة او يخبأها لك الى يوم القيامه فاستغفر الله اذا كان هذا كلامك هنا فسبب عدم القبول اصبح واضح استغفر الله العظيم |
هلا اخويـ
طيب مستحيل يرفضونك بس كذا بدون سبب يعني دايم الواحد يشوف نفسه كامل وانه ولد عايله واصله معروف ووظيفته زينه بس هذا مو كل شي اخويـ معليش بس عن الغلط يمكنك عصبي مثلا بخيلـ .. يعني فترة الخطبه حساااسه مرآ يمكن هالفترة كافيه انها ظهرت منك شي موزين ورفضوك شي ثاني مو لازم يكون منك يمكن من الأهل احيانا الوالد .. الوالده ماعاملوا اهل الخطيبه بشكل زين او ماحسوا انكم رغبانين فيهم مرآآ عشان كذا حصل اللي حصلـ .. المهم الله يوفقكـ اخويـ .. وربي مايعاقب ربي يبتليـ .. ابدآ لاتفكر انه عقاب .. واللي كاتبه ربي بيصير.. تحياتيـ لكـ .. |
ماادري عنكم
احنا بمجتمعنا ماعندنا احد يشوف البنات ويمشي لان بناتنا مو سلعه يعني ماحد يدخل ويشوف البنت الا اذا سئلوا عنه واقتنعوا فيه وحددوا المهر وكل شي .. ويبقى بس الشوفه علشان الارتياح لا اكثر لانك ماتدري كيف صعببببببب عالبنت انها تدخل قدام رجال غريب وتنشاف وتنترك بعدين .. كيف شعورها واحساسها بانوثتها .. موقفها من اهلها واخوانها استغفر ربك كثيييييير لاتكون جاتك دعوة من هالبنات المسكينات اللي دخلت عندهم شدعوى 25 بنت .. شايف بنات الحارة كلها ماشاالله ونصيحه كل ما جلست تتطلب وتتشرط بشكل البنت ادخل الحمام وطل عالمرايه ... اسفه ما قصدي اهانه قسم بالله بس اقصد علشان تنتبه انك مو كاامل واكيد فيك عيوب وبنات الناس اكيد فيهم عيوب اذا انت نيتك صافيه صدقني ربي ماراح يخيبك بس اذا نص نص الله يعينك بالتوفيق يارب |
معقولة 25 بنت ولا وحده توفقت في خطبتها امر غريب يمكن انت حاط شروط صعبه او مواصفات صعبه بس عموما لا تيأس وان شاء الله تلقى بنت الحلال اللي تسعدك |
25 مره !!! الزواج قسمة من عند رب العالمين وعليك بالدعاء ولاتستعجل الإجابة |
الله يرزقك زوجه صالحه
|
ما رأيك يا اخي انه لله الحمد لا ينقصني شي ولم اخطب ولا مره وانا ميته على الزواج
نصيحه من اخت محبه اقرا سورة البقره كل يوم لمده شهر وبعدها على الأقل مره بالأسبوع احرص على اذكار المساء وتصدق ولوبالقليل كل يوم ادعو من قلب مره اخرى ولا تقل لم تستجب عشان الله يستجيب لما تسعى للخطبه لا تعلن ذلك الا ان تمم الملكه الرسول عليه الصلاه والسلام قال اقضوا حوائجكم بالكتمان طبق نصيحتي وادعي الله قبيل الفجر اليوم وتصدق بعد صلاة الجمعه واتبعد عن كل معصيه ولو كانت صغيره وادعي بسجودك ربي اني لما انزلت الي من خير فقير كثير صدقني ربي بيفجرها خاصه انك شاب الله يرزقك ويرزقني عاجل غير آجل قول آمين واتمنى تدعي لي بظهر الغيب |
| الساعة الآن 05:30 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©