|
خائفه من دعائها عليها بالرغم من أنها تابت ؟
انا عندي مشكله بكتبها مع انه مدري وش فيه الالكمبيوتر
لانه مو راضيه تطلع معاي المواضيع لما افتحها بس الردود اتمنى تلقولي حل لكن بكتب مشكلتي وبقرا ردودكم انا اخوي يكلم صديقتي واخوي هذا متزوج وصديقتي مصليه لكنها الله يهديها بتلعب وتكلمه لكن مو باستمرار يعني هي شرحتلي وضعها لكنها ماشاء الله عليها بتقوم الليل وتتقرا البقره وتصوم وكل شي وتستغفر الله يهديها كلنا خطائين لكن المشكله ان زوجة اخوي عرفت ان زوجها يكلم غيرها وجلست هذي تدعي على صديقتي وتدعي عليها انواااع الدعاوي وصديقتي تبكي وتقول انا يادوب اتحمل ذنوبي وعقاب ربي من ذنوبي وبحاول اني استغفر وتقسم لي وتحلف انها تستغفر وتخلص النيه وتسامح كل من ظلمها كل يوم بس هي الحين خايفه هالحرمه تدعي عليها طول عمرها كل ماذكرتها بتدعي عليها هي ماعرفت وش تسوي خايفه ربي يعاقبها هيه اخلصت النيه لله انها ماعاد تكلم اخـــوي مره ثانــــيه ابدا ابدا ابدا وندمت على الشي اللي سوته لكنها تبي الحل تبي الحرمه تقول الله يسامحها معليش بطول عليكم بس افهموني .... يعني الحق صار حقين صح ولا لا ... حق الله (الذنب) ... حق زوجة اخوي ( الظلم ) هي ظلمت زوجة اخوي تقول صديقتي انا استغفرت الله وندمت والله يغفرلي لكن اخاف الله يعاقبني بسبب دعائها ســـــؤالها هو :- هل الله يستجيب دعائها علي بالرغم من اني تبت واخلصت النيه اني ابعده عنه ولا اكلمه؟؟؟ ولا لازم اكلمها واستسمح منها ؟؟؟ ---->>>وهذي جدا صعبه ؟؟ الله يخليكم جاوبوها البنت نازل عليها هالشي مثل الصاعقه يعني مصيبه ان واحد يدعي عليك خايفه ربي يعاقبها الإشراف : تعديل لفظ المشيئة . |
ما أظن زوجة اخوكي تسامحها لو طلبت منها ذلك .. على العموم .. قولي لها انه إن كان ولابد أن يصيبها من الله سوء إثر دعوة مظلوم عليها او غيره .. فلا راد لقضاء الله .. |
اذا أستطعتي انتي ان تطلبي من زوجة اخيك أن تسامحها بدون ان تخبريها بالبنت أفعلي
أو أنك تخبري صديقتك أن تطلب من الله أن يقيها شر دعاء هذه المرأة ومادام انها تابت عسى ان يتوب الله عليها ويرحمها ولا يستجيب لدعاء زوجة اخيك فيها0 |
اقتباس:
على كل حال الله يهديها وبدل ما تحرصي على مشاعر العصاة (اخوك وصديقتك) حاولي تواسي زوجت اخوك وتبني لها ان "خيانه" صديقتك ما راح تتكرر "إن الصلاة تنهى عن الفحشاء والمنكر والبغي" |
الله يصلح بينهم ...
|
والله تبين الجد زوجة اخوك لو جلست عمرها كله ماراح تاخذ حقها منها
لان الرجل ماينسى امراه كلمته ثم هجرته اكيد ان الحاله ساءت في بيت الزوجين والسبب صديقتك انا لو مكان زوجة اخوك ادعي عليها وعليه طول العمر ليه ماحطت نفسها مكان زوجه اخوك والا هي مب انسانه ولها مشاعر وهي احق بقلب هذا الزوج من غيرها الله يكفينا شر الحريم وبس :: |
يااخواني انا ادري انها ممكن ماتسامحها لكن ماادري هل ربي يستجيب دعائها عليها ولا لا؟؟؟؟
خاصة انها تابت؟؟؟؟ بليز جاوبوني البنت والله مسكينه مره ندمانه |
اختي هذا شي بعلم الغيب
مااحد بيدري عنه |
اقتباس:
أستغفري الله وتوبي اليه وهذا الامر بيد الله سبحان الله امركم عجيب:( بس حبيت اسال فين دور اخوك؟؟ وخوفه من الله ومن عقابه ومن القصاص ؟؟؟ وفين دورك انت وانت متسترة علي صديقتك واخوك ؟؟(( والساكت عن الحق شيطان اخرس)) |
لاحول ولاقوة الا بالله
حتى انت يااختي ظلمتي زوجة اخوك لانك عارفه وساكته والله اعلم ممكن معجبك الوضع فاانتبهي لنفسك اما ان يستجيب الله دعائها فهاذا في علم الغيب |
اكثر شي اتقيه هو دعوه المظلوم ومثل ماقال اغصان انتي بعد شاركتي بهالظلم انك عارفه وساكته
اكثرو من الاستغفار .. ومن يغفر الذنب هو الله لاغيره ... الله يهديكم ويصلح حالكم ... هموووم |
انواع الجهل ؟؟؟؟؟
كيف تفبلين تصادقين وحدة تتكلم مع شخص بشكل محرم ولا الطيور عل اشكالها تقع ؟؟؟؟ ومن فال لك اني او غيري نقدر نعرف اذا الله سبحانه و تعالى عفا عنها ؟؟ الله يهديك انتي وصديقتك واخوك ومعهم زوجة اخوك والمسلمين اجمعين |
يااخوان انا مادريت الا لما زوجة اخوي قالتلي بهالشي انا صراحه زعلت من صديقتي وقاطعتها وزعلت من اخوي
اكثر شي زعلت من اخوي لانه خاين لكن صديقتي مب متزوجه بعدين هي جات لعندي وتبكي وكسرت خاطري البنت |
آسفه بس شلون تأمنين على هالصديقه اللي تكلم اخوك وانتي عندك عادي
و للحين صديقتك ..؟؟؟ ما كسرت خاطرك زوجة اخوك ؟؟ اذا اليوم تكلم اخوك بكره تكلم زوجك و مو معناته انها تصلي و تصوم و تقرأ قرآن انها احسن من غيرها اللي يمكن صلاته و صومه و قرائته أقل منها بس انه ما يسوي اللي تسويه الله يسامحك انتي معاها و بالنسبه لي لو كانت وحده تكلم زوجي و تجي تتصل لي علشان اسامحها مارح اسامحها لانها ظلمتني و خربت بيتي ووش يضمن لي انها ما ترجع |
خير الخطائين التوابين
قولي لصديقتك تحسن الظن بربها ان الله غفور رحيم واذا كان على الاستجابه فالله اعلم بالنيات فلا تقنط من رحمة الله |
| الساعة الآن 04:55 PM. |
Powered by vBulletin® Version 3.8.12 by vBS
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©