|
بنات الرياض كم يكفيكم مهر إذا كان الذهب او الالماس على زوجك وكنتم من المستوى
بنات الرياض كم يكفيكم مهر إذا كان الذهب او الالماس على زوجك وكنتم من المستوى فوق المتوسط
|
هلا أخوي أبو خالد ... و الله أنك سألت اللي كان بخاطري أن أسأله علشان كنت جالس أحضر الميزانية للعرس بس شكلنا بنهون !!! LOOL
|
انا ابي اقول ان مو كل بنات الرياض مهورهم غاليه اذا كانو من القبايل
اما عندنا في قبيلتنا المهر 50الف شامله كل شي( الذهب وتجهيز ات العروس) انا عن نفسي اشوف ان 50 الف مناسب |
مشاء الله 50 الف وماتكفيكم
اجل حنــا الى مهورنا على 25 الف نصكم وش نقول واللله البركه باللقليل . تكفى وزووود 25 الف . ونحمد الله عليها . والله هالايــام الناس تدور الستر . ترى حنا من قبيله بعد . |
اقتباس:
|
السلام عليكم ورحمة الله تعالى وبركاته,
الاخ ابوخالد شوف المهور تختلف بين القبايل ولكن حديث الرسول صلى الله عليه وسلم "أقلهن مهورا أكثرهن بركة" خلاني أدور بنت الحلال الي مهرها مش 25 الف والا اكثر والحمد لله رمينا حجر عند ناس وننتظر الرد وربك كريم...اجتهد في الموضوع وان شاء الله ما تخيب. |
اممم اخوي اذا كان المهر من غير ذهب يكفي 50 او 40 الف فقط للزوجه للتجهيزات الباقيه
اما اذا كانت مع الذهب يكفي 70 الف... انا 70 الف ... ولله الحمد كفت ووفت |
حنا مهورنا اربعين الف مع الذهب وكل شي
|
على حسب مقدرتك ياخوي اذا تقدر تعطيها خمسين الف كويس اذا ماتقدر ادفع اللي تقدر عليه ودور بنت الحلال اللي تقنع بالقليل وترا الرياض مدينة كبيرة جدا ويوجد فيها جميع الطبقات فيها البنات اللي مية الف ماتكفيها وفيها بنات عشرين الف تكفيها يعني انت دور بنت على قد مقدرتك الماديه وادفع لها اللي تقدر عليه..
|
ياجماعة الخير السالفه مو بس مهر
الشاب عشان يجيب مرته لبيته مو كل اللي يدفعه مهر كان الدنيا بخير ههههههه لاتلومونا اذا قمنا نحاتي ونتحلطم من الزواج لاحظوا هالمسكين عنده تأثيث البيت من فرش وغيره واذا الشقه يبيلها صيانه بتكلفه شي وشويات وانتوا تشوفون موجة الغلاء هالايام واذا كانت ام البنت بتدخل عصها في كل كبيره صغيره والبنت تبي شقتها من اروع الشقق من ديكورات وغيرها وغرفة النوم بالشيئ الفلاني وووووووو وتكفي بس المصاريف اللي راح تندفع ليلة العرس هذي بروحها هم وحتى لو تسلف وقدر يغطي تكاليف العرس راح يعيش اول سنوات عمره مع زوجته تحت وطئ ولعنة الديانه فأنا ومن هنا اطالب الفتايات واهاليهن بمساعدة الشاب وخفض قيمة المهر الى الحد المعقول وشكرا |
بالتوفيق ابوخالد2016 اتفق مع العروس ووالدها وقل لهم ما هو المهر كم تريدون ؟ وهل تريدون اطقم الماس بدل الذهب ؟ .. وتحاور معهم او ان احببت قل لهم ترى مهر الي ابقدمه كذا وكذا واسمع رأيهم؟ وان كان معك زياده فلوس فإدخرجها لوقت الحاجة خاصه بالسفر لشهر العسل او بآثاث بيت الزوجية إلخ موفق ان شاء الله :14: الله معك (: مُبتسمة وكلي جروح |
لكل من شارك مشكورين على تفاعلكم والله يجزاكم خير
|
عندنا 30 الف مغطية كلش من ذهب وتجهيز عروس
والحمد لله من قبل ومن بعد والله يوفقك ياخوي وين ماكنت ولاتنسى الإستخاره : ) |
سلفتي من الرياض مهرها 40 الف شامله لكل شى من ذهب وغيره
|
عندنا في قبيلتنا من 50 إلى 80 الف مهر
والله المستعان من غير قصر الأفراح وتوابعه من بوفيه مفتوح وتوابعه من غير شقة وتوابعها من أثاث وغيرها يعني التكاليف لا تقل عن 130 الف ريال وبغيرها لا يحلم بالزواج أخوكم عميد عزوبية الرياض |
حسب والله
كل عايله ومهورهم الي انسنت عليهم احنا بعايلتنا مهورنا 70 |
احنا 70 بدون شي
يعني الزواج وحوسته علينا هو عليه المهر والشبكه والتجهيز المسكن . وترا العوايل تختلف وحده صديقتي تقول مهورنا ماتقل عن 100-150 غير الزواج على تكلفته هو ووحده تقولي مهورهم 40, يعني فيه اختلاف.. كل عائله لها عرفها المعتاد. |
ولا إذا كانت البنت كمان تبغى تساااافر وتهيص في شهر العسل ..
البعض مايروح بس عشاان شهر عسل لالالا البعض يروح عشاان يتبضع من روما وفيينا وووو الله المعين .. أنا أقول اللي يطالبون البناات وأمهاتهم بترخيص المهور .. لش ماتطالبون أصحاب المحلات بترخيص الأغراض كمااان .. مو معقولة ينقص المهر والأسعار تكون ثابتة بل في ازدياد ... لا تفهموا من كلامي إني رااضية على أن يكون المهر 50 ألف أو 70 أو 100 ألف لا .. بالعكس أحس المهر هذا غاااالي ويكسر ظهر الشباب وعشان كذا بعض الشباب يتجهون إلى الحراام بدل من الحلال .. أشوف 30 ألف زين .. صحيح ماتكفي كل شي للعروس بس عشاان معاونة للشباب .. |
اقتباس:
و يلومونا لو تزوجنا من الخارج!!!! :29: |
مهورنا 50 الف وهذا أغلب المتعارف عليه في الرياض من العوائل ألي
أصلهم من قرى سدير وشقراء وحريملاء |
تدرون حنا مهرنا كم في البحرين من 1000 الى 1800
دينار وفيه ناس اكون اقل مثل اختي مهرها 800 دينار بس |
اقتباس:
بعد اذن صاحب الموضوع.. إذا بتقارن العروس بسياره.. بتكون كفة العروس هي الراجحه.. انت تدفع لوحده بتكون زوجتك و صديقتك و حبيبتك و اختك و ام عيالك.. و فلوس المهر عشان تلبس لك احلى لبس.. و تشوفها بأحلى صوره.. مو لقطعة حديد تجيبها من الوكاله سنه و سنتين و تغيرها.. و اللي يبي يتزوج بيلاقي بنات مهرهم قليل و غيرهم مهرهم اكثر مما انذكر بالموضوع بكثير.. كل واحد يدور اللي تناسبه من كل النواحي، اهمها الدين و الأخلاق ثم المهر.. |
المهر اللي متعارف عليه عند اهل حايل اربعين الف والذهب كان مايكلفهم الا تقريباً بين الثلاثين والاربعين الف (هذا يوم كان الذهب رخيص) واللحين صارو يحطون فلوس الذهب مع المهر ويعطونهم ستين او سبعين الف << بس الستين نعمه والله نعمه واللي يفكر فيه مبلغ مو سهل ويسوي كل شي
وبهالوقت والله لو تعطيهم مية الف ماراح يملا عيونهم |
أنا من الرياض وقبيلي والمهر ولله الحمد عندنا .. 25000 ريال للبكر
وللثيب 15000 ريال .. والنبي صلى الله عليه وسلم يقول ( أيسرهن مؤونه أبركهن ) |
عندنا في الرياض للمستوى الاعلى من المتوسط المهر مع الالماس اقل شئ 100 الف, وبالكثير 150 الف بالتوفيق |
اقتباس:
تطلع لك لكزس من وكاله احسن لك من وحده تجي وتغثك بكثرة طلباته والله بنات هالوقت لو تعطيهم كل ماوراك ودونك ماراح يعجبها ولا يملا عيونها تخيلو ولد خالتي تزوج العام وعطاهم تسعين الف وهذا من غير طقمين الماس وساعه وخاتم جابو لها وعلى هذا يوم تزوج خالتي انقهرت وبغت تنهبل من القهر لأن البنت ماشرت ولا شي بس شرت مفرش يحوم الكبد ويمكن شاريته بـ 150 ريال حتى لبسها اقل من عادي وبالعزايم يوم هي عروس ماتلبس االا تنوره وبلوزه اقل من عاديه .... بالله عليكم مو قهر والتسعين الف وين راحن؟؟ فاأنا اؤيد وبقوه الستين الف ذهب ومهر ويكفيها ذهب وتجهيز واذا ماعجبها في الف بنت غيرها لأن الزواج مو بس ذهب ومهر !! الزواج فيه تأثيث شقه وسفر انا قلت هالكلام لأني حاسه بمعاناتكم |
ياساتر
في مهور توصل لل90 الف مرره غريبه انا اتوقع ان اكثر مهر 50 الف مو اكثر الله يعين الشباب اجل على كذا |
انا مهري كان 40 الف هذا الكلام قبل 5 سنوات والدنيا لسه بخير
اما الحين مع وظايف الشباب البسيطة والرواتب القليلة ارى ان لايتعدى المهر 30 الف وان يتشارك عريسان او ثلاثة من ابناء العايلة في حفل الزفاف وبكذا تنقســــــــــم المصاريف على العدد وتتخــــــفف التكاليف على كل واحد منهم الله يسهل على الشباب والبنات |
انا ابي اقول ان مو كل بنات الرياض مهورهم غاليه اذا كانو من القبايل
اما عندنا في قبيلتنا المهر 50الف شامله كل شي( الذهب وتجهيز ات العروس) والحين صار اربعين الف بعد |
انا ابي اقول ان مو كل بنات الرياض مهورهم غاليه اذا كانو من القبايل اما عندنا في قبيلتنا المهر ؟؟؟؟؟؟؟ ما نشرط على الشاب نسمع كم بيعطينا اول .. والحمدلله غلاء المهور بدأت تنقرض من سنوات حتى صديقتي من اكبر القبائل المعروفه والمشهورة مهرها صافي بدون شيء فقط خمسين الف ريال ! مثل ماقلت الكل يبي الستر شباب وبنات والكل يقول وداعا لـــ غلاء المهور والله اعلم (: |
أنسب شيء للمهر 40
أم بنسبه لي فكان مهري 50 بس على فكره الشبكه من الزوج |
أهم شي الستر
وربنا قال خذوهم فقراء يغنهم الله المشكله واللي اشوفها كثير ان كل واحد اهله مايزوجونه الا من قبيلته او حولها وكأنه ممنوع او حرام يتعدى منطقته وهاذا الكلام حتى على البنت واهلها عشان كذا المهور تزيد والله المهر والذهب والحفل كله مومهم كله يروح في غمضة عين المهم السعاده والراحه والستر |
منذ مبطي عن القسم هذا لكن اذا دفعت مهر كثير .... يحق لك ولن تعارض زوجتك ان تزوجت عليها . فالحق حق مااحد يزعل منه :) اما اذا دفعت مهر قليل ... عيب تخيب الظن فيك ... لانهم شارينك |
أقول أبوخالد خلك من بنات الرياض مهورهن غاليه تعال لبنات القصيم اغلب العوائل فيها اقصد العوائل المتحضرة ماياصل المهر 50 الف بالنسبة للبكر وفيه عوائل زوجة بناته على 10 الاف ريال وعلى فكرة تكاليف حفل الزواج على اهل العروس دائما
:) |
اقتباس:
امسك الرجال:) |
اقتباس:
اهههههههههههههههه :d |
والله انه فيه ناس تبيع بناتهم بيع
للي يدفع اكثر اعرف 2 من زملائي دفعوا المهر وردوه اهل العروس بعد مادفع لانه برايهم قليل ؟؟ المشكله البنات مو صغار حرام تقطع رزقها عشان حفنة ريالات وحده عمرها 25 والثانيه 27 ؟؟ وواحد ابو البنت يقوله تعرف السوق غالي هاليومين ؟؟ ملحوظه : واحد دافع 40 وواحد 35 وهم من الرياض من غير الشبكه وخلافه والشقه والاثاث |
السلام عليكم ورحمه اللــه
المهــر يختلف من عائله لعائله وبالاخص من أب لــ أب... صدق أنا قبيليه..لكن ما اذكر سمعت انه لاازم نسووي شي لانه متعاارف هالشي بقبيلتنا... الحمد للــه أخواتـــي تزوجوو وكانت مهوورهم زينــه والعرس يكون على أبوي ..(اللــه يرحمه).. أخر وحده كان مهرها 50 ألف ...وأبووي ما كان يطلب ولا يحدد على الخااطب أي شي .. اللي يدفعه يدفعه أهم شي اخلااقــه ودينــه... لأن في كل الحالتين سواء دفع كثير أو قليل أبووي يزيدها الضعف... لكن بالاخير أخووي الوااحد لما يخطب يبحث عن اللــي تنااسبه...ونفس طبقته... وبرأيي إذا بياخذ من الطبقه فوق المتوسطه فأكيد هوو من نفس الطبقه ليــه يشيل هم المهر؟؟.... في أمان اللــه,,, |
عندنا المهر يبدأ من 30 الف الى 50 الف ويشمل الذهب والالماس
لا اخفيكم علما في الغالب اهل البنت يزيدون على المبلغ اذا نقص من مالهم الخاص ومن العيب عندنا ان نتشرط مهر على المعرس لانه على قولت اهلنا انهم يشرون رجال والعوائل المقتدره ماديا ترجع جزء من المهر للمعرس الله يوفقك اخوي وييسر امورك ويرزقك ببنت الحلال اختك بالله جينز |
اقتباس:
حتى مهور اهل القصيم مو بسيط اقل شيء 40000 اربعون الف ريال و يكون فيها كل شيء من فتره تزوجت صديقتي الحبيبه من اهل بريده كان كذا مهرها :25: اما الذهب جاب لها المعرس فقط بــ 10000 عشرة الالف ريال الله يوفق الجميع (: |
| الساعة الآن 09:18 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©