|
اسراري هل اخفيها عن زوجتي ؟
ياخوان وياخوات ..عادة في هوالوقت يطلع كل اللي عنده وفي قلبه (انا في وقت الملكة)
لكن ماادري هل ابوح باسراري لزوجتي ام اكتمها خوفا ان تحدث بها امها او احد اخواتها ؟؟ علموني بالله بسرعة |
والله انصحك بعدم البوح بااي اسرار وخاصة اذا كان فيها بنات لان بصراحه مهما قالت انه عادي او ما علي من اللي فات كله كذب لان الغيره طبيعة المرأه
فاقول تكلم باشياء تخصها بمدح او مواقف مضحكه واشياء لاتخلو من الرومنسيه واتمنى لكم التوفيق |
فيه وحدة أعرفها علمها زوجها بعلاقاته السابقة
بس ماشكت فيه أبد , وبالعكس واثقة منه مرة , تقول تصرفاته الحالية مافيها أي شي يخليني أشك فيه فليش أخرب بيتي بشكوك مالها داعي عشان سواليف قديمة وكثير من الشباب لهم ماضي فيها وإذا تزوجوا عقلوا .. كلامها وفكرها أعجبني وبالنسبة لك أرى أنك ماتقول لها شي عن أسرارك الحين وخل فيه سواليف بعد الزواج , حتى تكون وقتها أقرب لها وتضمن أكثر إنها ماتعلمها أحد ونبهها على هالشي . |
اذا كنت تقصد علاقات وتصرفات خاطئه فالحذر الحذر اخي تب واندم ولا تخبر زوجتك بشي
مهما كان حتى لو قالت لك انها واثقة فيك حتى لو كانت مواضيع بسيطه اما سواليف اخرى فانت تقيم اهمية الموضوع وخطورة انت تبوح به وهذه الايام احتمال ان تبوح به بعض البنات وارد جدا لانها ودها بسواليف تسولف مع اهلها عن العريس الجديد وخاصة في السواليف الغريبه مو الروتيبني الله يوفقكم ويجمع بينكما في خير |
ياأخي الله ساتر علي عبادة ...
فلماذا لاتستر علي نفسك .... ربما وأقول ربما ماضيك فيه مايجعلها تتأخذ منه بعض المواقف وتعايرك بها مستقبلا ... أو بعض الاشياء تقلل من هيبتك وقيمتك وقدرك عندها .... لا أنصحك الا بأخبارها بالاشياء المشرفة او أيام الطفولة والمدرسة والشقاوة البريئة فقط |
اسرارك الي تخبر بها زوجتك اطلب منها ان لا تخبر بها اي احد من اسرتها حتى والديها بما انك قلق وخائف ولا تريد احد يعلم فاخبرها بالذي لا تريد احد ان يعرفه ويطلع عليه قول لها الكلام الي قلته بس لك لزوجتي مايطلع ابدا الله معك (: |
والله لا تستعجل الأفضل إنتظر شوي
حتى تقوى العلاقة بينكم بالعشرة وعلى حسب البنت وعقلها وعمرها ورزانتها تبح بأسرارك أسأل الله لك التوفيق |
المرأه العاقلة لا تحكي اسرار زوجها الى الغير ، فانت اخي العزيز تعلم زوجتك هل هي من النوع الذي يفشي الاسرار أم لا !!!
ومن وجهه نظري هي عليك ان تقول لزوجة المستقبل كل ما بك لان لا يوجد اسرار بين الزوجين .. الله يوفقك .. |
انتظر لين تعرف معدنها
|
على حسب نوعية الأسرار يعني مو كل شي ينقال
|
لا تخبرها بشي الان وخصوصا اذا كان لك علاقات نسائيه
والله يوفقك |
والله يااخوي شووف وين راحتك ودور عليها
وانت اذا حسيت انك بترتاح وانت تقوولها مالمانع بالعكس هالشي يقووي الروابط بينكم بس على حسب في بنات بالعكس يعجبها هالشي وتفرح لهالبووح ولمن يرتاح لها خطيبها وانت مرتاح لها ولكن في بعضهم الله المستعاان يعني لو قلتلها وبعدين لاسمح الله صار ولو شي بسيط او زله منك ماتستاهل تقووووول اهـــا انا اصلن من يووم قلتلي ذاك اليوم وقلبي مو مرتاح وناقزني )<< يعني ماتصدق علي الله لكن يااخي الفاضل مثل ماذكرت لك هنا الاعضاء مو عارفين نضرتك لشريكة حياتك لان انت هنا بتقرر وتشووف الاصلح لك .. لان انا شاايفه خطيبي في البدايه والله ماافتح فمه بكلمه لكن مع الوقت وبعد الملكه والله ارتاااح ويقوولي اشياء وحتى اهله مايدرون واشياء كان قبل يقول امانه بيني وبينك الحين لا الحمدالله على مايقولون البساط احمدي ماشاءالله تبارك الرحمن والله لايغير علينا والله يتمملك على خير اخوي وعقبال العرس والذريه الصالحه حصنتك بلا اله الا الله تحيتي |
شف إن كان لك علاقات سابقة انتبه تقولها انتبه !
لاالحين ولابعدين !! ترى بتتنددددددددددددددددددددم |
اخووي اعرف وحده قالها زوجها عن علاقات سابقه
ومن عقبها الله لايوريك كل مايقولها احبك تقول اشك فيها مليون مره واحسه كذااب مع انه يحلف لها ويقول نسيتها وهي تقوله عااادي بس مو من قلب ووحده صارحها وما ان خلص مكالمته راحت تبكي وتصيح كم يوم وتقول امنيتي كانت ان زوجي انا اول حب له وهو اول وحده يحبها هي انا بس تعبت وحالتها حاله وساورتها الشكوك وبالأخير اقتنعت ان اغلب الشباب كذا (الا من رحم الله) فانتبه ياخوي لاتجيبها لنفسك!!! وخل سوالفكم حلوه مواقف طريفة مواقف طفوليه مغامرات لك وبعض البناات من النوعيه اللي ماتتحمل اي نقطة سر بقلبها إلا وتقول لأمها او اختها او صديقتها ثم تقول((((ترى بقولك بس لاتقولين لأحد )))) ثم ينتشر السر وكل مره ((((ترى بقولك بس لاتقولين لأحد!!! )))) فالحذر الحذر لايلعب لك الشيطان وتخسر حياتك عشان سر او ماضي الله ستره عليك وتروح تكشفه ووفقك الله لكل خير ^_^ ولاتنساني من صالح دعائك امل |
اصبر شوي
لين تعرفها زين , مايضر ان عرفت انها كتوم وارتحت لتفكيرها انك تعلمها بعد الزواج ,مافيها شي ان ضمنت انها امينه وناضجه. |
| الساعة الآن 05:55 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©