أبوها شافني!
 

السلام عليكم
كنت في زيارة الى زوجتي (مالك عليها بس بعدني ما دخلت عليها) في بيت أهلها في المجلس وقعدنا وقبل لا نطلع كان الوضع مش ولا بد (الي بالي بالك عناق وأحضان) ودخل ابوها فجأة ما شاف شي بس شاف الارتباك علي حتى اني ما قدرت احط عيني بعينه...خايف ,’’’,,,,احس اني مالي وجه أزورهم وزوجتي خايفة مع انها قعدت اتفهم ابوها اني كنت اسلم عليها بس ما كان بينا شي واتقول انها قدرت تقنعه...بس انا عن نفسي مالي وجه احط عيني بعينه...وخايف يخبر عياله الكبار في سني....هل هذا تعتبر خيانة ثقة.....وأذا قدرت اني ازور شو اسوي؟

:d


ياما صارت :d
ولا عليك معليه مشي بتصير كثير ..

لكن انت انتبه المره الجايه ..


وحاول انك تشيل الفكره اللي انطبعت بباله باانك تجلس بعيد عنها المره الجايه وخليها تلبس لبس محشم اقصد تنورة طويله وبلوزة طويله عشان ابوها ينسى الموقف .. وانا اقولك صعبه لعى الاب يشوف بنته بهاذا الموقف حتى لو كان حلال وزوجها ومالكين ..

يا خوي لا تكبر الموضوع و انظر له من الناحية الإجابية هذي زوجتك على سنة الله و رسوله ، بعدين طال ما البنت اقنعته بأنه بس كانت عملية قبل وهو قبل بالموضوع ما اعتقد انه هناك مشكلة بالعكس هذا بمثابة الضوء الأخضر انك تقبلها مرة ثانية وثالثة ............:30:

أما الأمر الثاني صدقني ما في أحد في الدنيا مملك و ما سوي هذي الحركات الا يمكن رجعت ذكريات حلوه لأبوها يوم شافكم وتلاقيه يقول بنفسه الا ليت الشباب يعود يوماً لأخبره عن حركات الجيل الجديدُ.

الأمر الثالث : اقصي ما يمكن أن يفعله الأب هو أحد الأمور التالية :

1- يحطلك مراقب يدخل عليكم كل شوي::25:
2- يتكلم معاك مباشرة ويحرصك :18:
3- يحرص على البنت و يفهمها ان هذا غلط :(


أما حكاية ان يقول لأولاده فانا اسبعدها لأنه ما في أحد يسمح لنفسه أن يفضح بنته حتى ولو كانو أولاده.

يالله شد حيلك وخلي قلبك حديد ورح وكأنه ما صار شي وياليت تعلمني وش صار معك :14:

هذا وهو ما شافك وما تأكد وهذي حالتك عيل لو شافك صدق وتأكد شو كان بيصير

اهو عادي وحلالك.......

ذكرتني بقصة

مرة كان الرسول محمد عليه الصلاة والسلام وزوجته عائشة رضي الله عنها مع بعض بس ما اذكر منو فيهم نايم بحجر الثاني ((( انتبه نايم يعني حاط راسه)) ودخل عليهم ابوبكر ( ابوها) و شاف بس محد عدل وضعيته فقام ابو بكر و وخز خاصرة عائشة ينبها بس عقب الرسول ما ادري شو قال بس انه كان يقر بها الشيء ...
بس علشان الاب مهما كان لازم يغار على بنته ويخاف تصيير تطورات قبل العرس

منعا للاحراج لا تحضن زوجتك وهي ف البيت احضنها واهي معاك في السيارة يعني لما اكيد محد يشوفكم ومحد بيقاطعكم

لو كنت عندها بالبيت احضنها بعد ما يطلع ابوها يعني بعد ما يسلم عليك ويخلكم بروحكم واحضنها ع السريع و خلك بعيد حبتين




اما اللحين عادي زورهم ولا كانه شيء صار حتى لو الابو شاك انت لا تزيد شكه خلك على طبيعتك والله يهنيك بزوجتك

والله ما ادري وش اقول لك

لو كنت متزوج بتعمل الاشياء هذي في مكان مفتوح وممكن يخش عليك اي احد؟
اكيد لا

يا اخوان حاولوا تمسكوا انفسكم شوي
او على الاقل اذا ضرب في راسك الكهرب :)
سكّر الباب او اطلع فيها من هنا والا من هنا

المنظر هذا فعلا مزعج للأب والاخ حتى لو كانت البنت متزوجه من 5 سنوات
مخجل للجميع والكل بيلومك على قلة الحرص والتستر

الله يوفقك

:d
حليلك!!!!

والله المفروض الابو يدق الباب !! :d

صدقني
الحين عمك يفكر بتعجيل الزواج ..
واعتقد ان هذا في صالحك:d

ماعليه

على قول الاخوان ياما صارت ..

المهم الحين مارح يرتاح الين ماتدخل ابنته بيتك ..
وقتها سوي اللي تبي :d

صحيح انك الحين زوجها ..
لكن انت ايضاً ضيف ببيتهم

مايصير ياخوي:25:

أخوي ،

أول شي أنت خنت الثقة اللي عطاك ياها أبو زوجتك ، واللي يقولك حلالك غلطان ، لإن البنت حلالك يوم تكون في بيتك ، بس البنت عند أبوها قاعدة ، يعني توها بنته ، تحت إمرة أبوها مو تحت إمرتك وتصرفك ... مالك حق عليها ... وزيارتك لهم هي فقط للجلوس والإطمئنان وليس لأغراض أخرى ..

احترام البيت اللي أنت قاعد فيه حق وواجب وكذلك إحترام أهل البيت ..

الله يصلحك ويهديك ، انتظر شوي وبعدين تصرف بحلالك زي ما تبي ... صبرت طول فترة حياتك العزوبية ، يمديك تصبر شوي كمان ..

وبالتوفيق إن شاء الله ..

الموقف عايدي وانت ما سويت شي غلط لانها زوجتك

انت كذا احرجت البنت لذا اجلها لبعد الزواج الله يسعدكم

اخي جرناس ممكن سؤال ؟؟؟؟؟؟؟؟؟
هل دفعت لزوجتك المهر؟؟؟؟؟؟؟؟؟

:d

ياإلهي الصراحة موقف محرج جدااااااااااااااااااا

الله يعينكم

والله ذكرتني بايام الملكه

مره صارلنا موقف مشابه انا و ريلي و نحن مالكين .. كانت اول مره يبوسني فيها وكنا في الحجرة و صاكين الباب (بس مو بالمفتاح) و انا والله ولا كان في بالي انه بيسوي شي و اصلا نحن نادر يوم اهلي كانوا يخلونا بروحنا بدون رقابه .. المهم الاخ شغال و اختكم تتنافض في عالم ثاني داخت و لا تدري بالدنيا و نحن واقفين ورا الباب (صدفه لاني ما كنت متعودة اتم معاه بروحنا فكنت ناويه اطلع او افتح الباب) المهم شوي و الا اخوي يفتح الباب بس الحمد لله ما شاف شي لاني كنت واقفه ورا الباب فريلي من الروعه يوم حس بايد اخوي عالمقبض دزني عالباب و بعد عني و جلس (رياييل اخر زمن)

المهم اخوي دش طالعنا بنظره كان واضح منها انه فهم تراني كنت خلاص ميته و الاخ كان ماخذ راحته عالاخر و لاعب فيني لعب .. المهم اخوي طلع على طول ما قال شي و انا عدلت نغسي و طلعت وراه بس الحمد لله يومها ما شفت اخوي مره ثانيه و انتهت السالفه على خير و اتزوجنا بعدها بثلاث اسابيع(بس قبلها كنا كررنا الحركه كم مره بس في السياره)

فيا اخوي لا تفكر و تشغل بالك هذي زوجتك حلالك و هاللحظات ما تتعوض و بتتمون طول العمر تذكرونها لانها فيها لذه خاصه غير عن الاوقات اللي تكونون فيها مع بعض بعد العرس

يعني اتهنى و لا تشغل بالك

والله انا سمعت من شيخ ان الاشياء دي مش المفروض تحدث الا بعد الزواج الشرعي وليس العقد فقط وانا الحمد لله مقتنعه بهذا الراي مع اني اعرف ان هناك العديد سيخالفوني
بس الشيخ فال ان هناك مشاكل كتير بتحدث بسبب هذه المواضيع
واعتقد ان لو انت مقتنع ان ده حقك ما كنتش خفت من ابوها لو حتي شاف اي حاجه
سامحني في هذا الرد ولكن هذا رايي

والله لو كان أبويه

يمكن يلغيك من الوجود

:d


لكن الحرص واجب
وعند ابويه لازم حراسه مشدده الام والاب واحد من الاخوان

ومافيه مشكله اذا دز واحد من الجهال

ما دام الوضع مصل ما تذكر , دخول بلا اعتبار لوضعكم , اركد ولا تحرج نفسك امام عمك

السلام عليكم

اخوي العتب مو عليك العتب على الاب المفروض يطق الباب ...... :)

انا اقول انت ما سويت غلط واهم شيء انك لما تشوفه انك تتصرف بثقة ومسئولية لان إلي كنت حاضنها هي زوجتك !!!

تمنياتي لك بالتوفيق

قمت الاحرااااااااااااااااااااااااااااااج ....

:d كشخه والله


الله يهنيكم ماااعليه هونها واتهووووووووون ^ـــــ^

باجر تذكر وتضحك انته ومرتك حلووه هاي المواقف ..


وزوورهم ولا كأن حصل شي ...

والله وانا اقرء موضوعك قعدت اضحك
ليه خايف اذا كان البنت قدرت تقنع ابوها وخلاص الوضع بنسبه له عااااااااادي.............................


الاشراف: يرجى مراعاة اسلوب التخاطب بين الجنسين

كلام سليم!

انت ما سويت شي غلط هذي زوجتك حلالك

:d
أنا صادفتني هاي الحركة بس الحمد لله مع أخوي مو أبوي ....

موضوع محرج للمصاب
ومضحك للآخر

من جد فشللللللللللللة

باعتقادي حسب شخصية الأب وتصرفة

الله يهنيكم ويديم السعادة بينكم
ويعمي عيون حسادكم

موووفقين