|
إلى متى هذا الوضع؟؟؟ والله تعبت و انكسر قلبي
اااااااااااااااااااااااااااااااااااااااهه يا قلبي
انا الليله مهمومة ومضايقه و مو شايفه في الدنيا غير السواد .. صارلي ساعات ابكي لين هلكت و اختنقت و ما لقيت غيركم افضفض له و شكيله حزني و لو اني عارفه ان الشكوى لغير الله مذله .. بس محتاجه اطلع اللي في قلبي انا زوجه ثانيه .. او الاصح اقول زوجه زايده .. مهما طالت العشرة بيني و بين زوجي و مهما صبرت و اتحملت و اتنازلت بتتم حقوقي ضايعه كعادته كل عيد و من ست سنوات عمر زواجنا .. زوجي عيد في بيته الثاني قصدي طبعا بيته الاول الاساسي اللي فيه زوجته الاساسية و عياله الاساسيين .. و انا والله عمري ما شكيت و لا اعترضت لاني عارفه ان هذا هو الوضع الطبيعي .. انه يعيد هناك اول بعدين يجيني .. اخر ثلاث ايام في رمضان قضاهم هناك على اساس يجهزون للعيد .. و انا اتحملت و قلت ما عليه انا لو احتجت شي اهلي موجودين هو عياله اولى فيه و يوم العيد عيد هناك و جاني بعد المغرب عيد علي انا و بنتي و روح المسا ما بات على اساس انه ثاني يوم هو و عياله و اهل زوجته الاولى و اهله طالعين رحله و على اساس بيتم يومين مع العيال يمشيهم .. و انا قلت مو مشكله هم اولى فيه و انا كالعادة انا و بنتي بنطلع مع اهلي نعيد بس اليومين صارو ثلاث و اربع و كل يوم باجر اجيكم .. و اخر وعوده كان انه المفروض انه اليوم بيجينا .. و انا من الصبج جهزت و نظفت و رتبت و طبخت على اساس بيتغدا عندنا .. بس الظهر اتصل قال ما لحقت انشغلت و بجيكم العصر .. و انا قلت ما عليه ما فرقت من كم ساعه و اترييت و اتعدلت و جهزت و مر العصر و المغرب و هو لا حس و لا خبر .. لين اتاخر الوقت رسلتله مسج اساله وينك .. بعدها بساعه تقريبا رد علي قال العيال ما خلوني يبون يطلعون و يوم الجمعه زوجته عازمه اهلها عالغدا و طبعا لازم يكون موجود يعني بيجينا الجمعه المسا او السبت و طبعا كل هذا و انا مو من حقي اقول شي .. لو تكلمت رده جاهز على طول و اتعودت عليه (انا ما بقصر مع عيالي) انزين و انا؟؟ وين حقي؟؟ و بنتي و ين حقها في ابوها؟؟ و الله ويهي احترق قدام اهلي دايما الموقف هذا يتكرر .. يوعدني و انا اتجهز و اخبر اهلي انه جاي .. بس ما يوفي و اهلي يسالوني عنه ادورله اعذار انا نفسي مو مقتنعه فيها بس عشان ما اصغره في عينهم الله يعلم اني مو مقصرة و ياه .. من تزوجته و انا حاطته على راسي .. و ما عاملته الا بالطيب .. و الله يعلم اني ما يوم حاولت ابعده عن زوجته ولا عياله و اني اذكرهم في حضوره و في غيابه بكل خير .. بس مو عارفه شو اسوي .. تعبت و مهما حاولت و صبرت ماشي يتغير .. في الاول كنت اقول ما يبغي يغير عليهم او بعده ما اتعود انه يكون مسؤول عن بيتين .. لكن لين متى .. نحن صارلنا 6 سنين متزوجين .. و بنتي كبرت و صارت تفهم شو معنى ان ابوها يكون غايب عنها .. و دومها تسال عنه و انا اقولها باجر و باجر بس لين متى .. لين متى بتتم حقوقي ضايعه معاه.لين متى بكون زوجة في وقت الفضا و بس .. يوم هو فاضي و ماعنده اي شي ثاني يسويه يذكرني و يجيني يقضي و قت حلو معاي ...جنس و طلعات و سوالف و ضحك .. لكن حياة مشتركة ماشي .. استقرار و امان ماشي انا اتزوجته و عمري 18 سنه و الحين 24 يعني في عز شبابي و عز احتياجي لوجود ريال معاي .. لكن ابد مافي .. هاليومين اللي يقضيهم عندي (ابد مايزيدون عن ليلتين مهما كان قبلها مطول هناك بالعكس ممكن ينقصون) هاليومين يعاملني احسن معامله كاني بعدني عروس طول اليوم في حضنه و لو بنطلع من الفراش بس عشان نطلع يمشيني انا و البنت .. اما باقي الايام اتم معلقه .. اشتاقله و احتاجه معاي بس هو ما يهمه.. كل وقته لهم و دايما يتم هناك بالاربع و الخمس ايام عالاقل .. انزين ليش؟؟ شو ناقصه؟؟ بشو انا قصرت؟؟ و لو كان يطول عشان العيال انزين انا بعد عندي عيال محتاجين ابوهم ؟؟ و الله تعبت و ما عدت عارفه شو اسوي |
وليه مايعدل ليلة هنا وليلة هناك ؟؟!
عشان عياله ؟؟! قولي له ربك أعلم بالأصلح والأنفع .. وماقال المعدد الي عنده عيال يحق له يغيب عن زوجته بالأيام !!! تزوجت وأنت عارف إنك لازم تعدل ... وإذا تحسينه متعلق فيك وينفع معه أسلوب القوة قوليله توني في عز شبابي وجمالي وماأتحمل زوجي يبعد عني كل هالأيام ! ياتعدل ليلة وليلة ياتخليني أشوف حياتي ! توني صغيرة !! ومعليش أختي سؤال ! عمرك 18 وتتزوجين الثانية ؟؟! غريبة شوي !! |
يااختي ليش ساكته ليش مايعدل ليله لك وليله لها وين العدل
الله يعينك يااختي تكلمي معه بهدوء وقولي له انا ماتزوجت علشان اعيش هذي العيشه ولازم تعدل هذا حقك واذا كان مايبغى يظلمهم على قولته ليش يتزوج |
جنة الدنيا ايش فيها انها تتزوج الثانيه وعمرها صغير عادي جدا
عندنا زواج الثانيه مثل زواج الاولى مهم عند رجالنا وبعد بنات صغار مره الله يعين |
اختي جنة الدنيا
زوجي اصلا من منطقه ثانية و بيته هناك .. بس المسافه بين المنطقتين 120 كم مو اكثر لكن هو ماخذ هالشي عذر عشان ما يقسم و قته ليله عندي و ليله عند زوجته الاولي انا من اول زواجي احاول معاه و هو مع انه في كل اموره الثانيه ملتزم و مراعي ربه بس في مسالة العدل هذي بالمره .. و صار بعد حولي سنه من زواجنا اني كنت واصله حدي من الموضوع هذا خاصة اني و قتها كنت مريت بتجرية اجهاض و نفسيتي تعبت وايد و كنت خايفه اني ما اقدر احمل مره ثانيه و مع هذا هو كان على نفس الوضع معظم وقته هناك .. فانا شديت معاه و عصبت و قلتله يا انك تعاملني بشرع رب العالمين و تعطيني ابسط حقوقي و هو انك تكون معاي او طلقني و كنت متمسكه بقراري هذا .. فوصلت انه طلقني قال انه ما يعاندني بس هذا اللي يقدر عليه و اذا انا مو مرتاحه ما بيظلمني معاه فننفصل و اشوف نصيبي مع غيره .. بس انا اتراجعت لاني ما استغنى عنه و ردينا و تم الوضع على ما هو عليه لين اليوم بالنسبة لكوني قبلت اكون زوجه ثانيه و انا عمري 18 .. اول شي هذا نصيب.. بعدين هو يوم خطبني كان منفصل عن زوجته و متفقين عالطلاق و هي عند اهلها صارلها فترة و هو ريال محترم وطيب و له مكانته الاجتماعيه بي ن الناس و الكل يمدحه و يذكره بالخير .. فانا شاورت و استخرت ووافقت و الحمد لله انا ما ندمت ابد على زواجي منه .. لانه في غير مسالة العدل هذي هو مو مقصر معاي في شي عاطفيا و ماديا.. بس فعلا الوضع متعب |
اغصان مائله .. شكرا على الرد
والله اني كلمته و حاولت معاه لين عجزت بس مافي فايده .. و مثل ما ذكرت في الرد السابق يوم شديت معاه استغنى و طلقني لان هذا الحل الوحيد بالنسبه له .. و انا طبعا ما ابغى الطلاق .. و المشكله انه مو من النوع اللي ممكن يستجيب لو حد اتدخل بينا .. انا فكرت اكلم ابوي او حد من اخواني او حتى امه و اطلب منهم يتدخلون بس ادري انها بتكون كبيره عليه و ما بيرضاها شو اسوي .. مو محصله حل غير الصبر |
اعانك الله يالغاليه
ليش ماتنقلي بنفس بلد اولاده وتكوني قريبه منه ونصيحه اخويه لاتعتمدي على اهلك لازم هو يتحمل مسؤؤلياته تجاهكم لان الزوج اذا خفت مسؤلياته تجاهكم بيتنازل عنكم تدريجيا انتظر ك |
حبيبتي الله يعينك ياغاليه
لااااازم تاخذي موقف قوي هالمرة اذا اتصل وقال بيجي ياخذك أو بيجي عندك ردي رد يفاجأه رد يصحيه شوي من ظلمه قوي قلبك وقولي له اذا انت فاضي الآن أنا ماني فاضيه يا تعدل وتطبق شرع الله فيني وحكم شيوخ وعلماء بينا واسألهم لأني ما عدت أقدر أتحمل الظلم ..... أو يغني الله كل واحد فينا من سعته ............. قوي قلبك واستخيررررررررري ولا تتنازلي عن حقوقك لأنك اذا تنازلتي عن حق واحد ثقي تمااااااااااااااما بأن جميع حقوقك ستفقديها تدريجيا ....... أسأل الله العلي القدير أن يصلح شأنك ويلهمك الخير والسداد ....... تقبلي تحيااااااااااااتي ....... |
اختي اللي فهمتة منك انة زوج ممتاز وخلوق بكل المقاييس وانك تحبينة كثير وهو كذلك وهذا اهم شئ
ومافية رجل بالدنيا كامل وهذي مشكلة بسيطة جدا اللي بينكم ولاتحاولين تكبرينها البيوت مليئة بمشاكل اعظم بكثير من كذا نصيحتي حافظي عليه قدر المستطاع والاخطاء انشاء الله تتعدل انصحية في قضية العدل بينكم او خلي احد من الناس اللي يئثرون علية سواء من اهلك او اهلة يحاول ينصحة ويذكره بالله وانشاء الله راح يعدل بينكم |
اختي فيافي نجد .. شكرا على ردك يالغاليه
هو منطقته مو بعيده يعني مسافه ساعه و ربع باكثير .. مو هالمشوار البعيد او الصعب يعني بعدين مساله اني انتقل انا من البدايه ما رفضت .. نحن زواجنا صار بسرعه وكان مواعدني وقت الخطوبه بياخذلي بيت و نسكن عند اهلي بشكل مؤقت .. بعدين ظروفه المادية تعبت شوي فانا اللي اجلت موضوع البيت .. بس يوم بدت المشاكل بسبب تاخره هناك انا قلتله انا موافقه اسكن في شقة او مع امك و اخواتك او حتى سويلي ملحق في نفس البيت اللي فيه زوجتك اذا هذا اللي بيخليك تتم معاي و تعدل بينا .. بس شو اسوي ما صار شي .. و كل ما افتح معاه الموضوع يقو نحن ما بنترك بيت اهلج الا يوم اخذلج بيت بس صبري علي شوي لان شغله خاص و يحتاج سيوله دايما و هو مع ان ما شاء الله احواله المادية ممتازة بس مادري والله .. و قبل فترة اكتشفت بالصدفه انه يدور على بيت في نفس المنطقه اللي فيها اهلي و كلمته بس ما رد علي بشي مفيد قال انه بعده يدور فاللي فهمته انه ما يبغيني انا و زوجته الاولى في نفس المنطقه عشان يتم لى راحته بالنسبه لاعتمادي على اهلي مو انا اللي ابغي هالشي بس شو اسوي اتخيلي اني انا و بنتي بدون زوجي عالاقل خمس ايام في الاسبوع .. ماديا زوجي يصرف طبعا بس اذا بطلع بدخل بسوي شي و هو مو موجود مالي غير اهلي الله يخليهم لي .. تدرين الحرمه في مجتمعاتنا لازم وراها حد و انا مع اني اطلع و سيارتي عندي بس بعد لازم اعتمادي على حد لو مو زوجي اهلي |
عزيزتي hanooonah
و الله حاولت معاه بكل الاساليب .. الطيب مو نافع .. الدلع مو نافع .. كلام الدين مو نافع .. الصياح و المذله ما ياثرون فيه .. العصبيه بعد ما نفعتني و لو قريتي ردودي السابقه .. انا يوم سويت عمري قويه و قلتله عطني حقي في انك تعدل او نتفارق ... طلقني يعني لو انا عاندت انا اللي بخسر و فعلا كلامج صح .. اللي يتنازل مره يصير مجبور انه يتنازل كل مره و كل حقوقه تضيع .. بس مو محصله حل |
اقول ريلج زين بس خلي الدلع الفاضي على فكره انتو الحريم تحبون تسوون دراما وتبينون انكم
مظلومات لازم شوية دراما من النكد انتي شكلج فاضيه اشغلي نفسج بشي ثاني |
الله يسعدك وياه يارب بس ياختي انتي عارفه ظروفه وعارفه انه عنده بيت ثاني ومسئوليه ابناءه
لكن ذكريه بالله وقولي له مو من العدل انك تكون طول وقتك هناك وانا تجيني على الفظوه قولي انا لي حقوق عليك وبنتك لها حقوق زيها زي اخوانها |
سبحان الله انتم يالرجال غريبين .،
مايعدل معاها وتشوفه الا بعد اربع خمس ايام وتقول يااخ الوليد مشكله بسيطه!!!!!! الله يعينك ياأختي ويصبرك .، وهذا هم الرجال اتوقع مااقدم على الزواج الثاني الا علشان يخوف ويأدب زوجته الاولى .، ومااحد اكلها الا اطفالك اللى لهم حق مثل اولاده من الاولى .، الله يعينك .، واستخيري وفكري بحياتك انتي بعد مو كل احد يستاهل انك تتنازلي عن حقوقك .، والله يشرح صدرك وييسر امرك .، |
اخي الوليد ..
فعلا هو اكثر من ممتاز و الحمد لله انا مرتاحة معاه لاقصى حد .. و مو بس احبه الا اموت بالهوا اللي يتنفسه و اعتقد انه هو بعد يحبني بس بطريقته الخاصة .. و الله يا اخوي اني مو مخليه شي ما سويته اللي اقدر عليه و اللي ما اقدر عليه ... و الدلع اللي شايفه مني ما حصله شهريار في زمانه ... اكيد وضعنا ولله الحمد احسن عن غيرنا بس بعد صعب و متعب .. و الا ما كان الله سبحانه خلا جزاء الرجل اللي ما يعدل بين زوجاته انه ياتي يوم القيامه و احد شقيه مائل .. اعتقد ان هالجزاء من رب العالمين دليل على اهمية العدل و حجم الظلم اللي تعانيه الزوجة من هالوضع والله يا اخوي اني اكثر من مره قلتله اذا انت مو قادر تعدل كل اسبوع او من وقت و الثاني طلعلك شي و احتجت تتاخر انا مسامحه بس المشكله ان هالوضع هو الطبيعي بينا عنده شي او ما عنده شي هو طول الوقت هناك .. المشكله اني يوم اكلمه ما يقتنع ان هالوضع غلط او مو مريح لي .. و يوم اشتكي كل اللي يفهمه اني مشتاقه لوجوده لاني محتاجه للجنس و بس كان هذا هو الشي الوحيد اللي تحتاجه الحرمه من زوجها بما انه ماديا مو مقصر .. فانا والله صرت استحي اكلمه في الموضوع خاصة اني عارفه ان ماشي بيتغير |
اخوي ضاحي .. انزين شوي شوي ليش معصب .. و الله حتى ريلي يوم اكلمه في هالموضوع مايقول اللي انت تقوله و لا يعصب كثرك .. الظاهر انت اللي تحب الدراما
|
عزيزتي مرت الرجل
و الله انا عارفه و مقدره انه عنده مسؤوليات وواجبات مع زوجته و عياله و الله يعلم اني ما حاولت و لا فكرت في يوم من الايام ابعده عنهم بس يوم الوضع يزيد عن حده الوحده تتعب .. خاصة الحين فترة عيد و كل وحده متهنيه مع زوجها و اخواتي و اخواني المتزوجين حوالي يرتبون طلعاتهم و سفراتهم و انا زوجي ما شفته طول اسبوع العيد الا ساعتين فهذا بعد شي يضايق |
اختي قلب قلبي
والله ما ادري اذا هو تزوجني عشان يخوف زوجته ولا لسبب ثاني ... بس اظن بعد عشرة 6 سنين صار اللي بينا اكبر من شي للتخويف ولا شو رايج؟؟ اشكرج لانج حاسه فينا و عارفه ان الوضع مو بسيط و انه فعلا مؤلم و متعب .. الله يعين الجميع والله انا بنتي هي اللي تعور قلبي لانها وايد متعلقه فيه .. المسكينه من كثر غيابه والله يوم يجينا تتقبض برقبته ما تبغي تهده و بالغصب لين نقدر نطلعا من الحجره عشان نجلس مع بعض بعدين انا اختي و اخوي اللي اكبر عني متزوجين و ساكنين معانا في نفس البيت .. فتدرين العيال يطالعون بعض .. و اذا اخوي او زوج اختي جابو لعيالهم شي او ودوهم مكان و زوجي مو موجود بنتي تتضايق و تقولي سوي تلفون لبابا عشان يجينا و يجيبي مثلهم او يوديني المكان الفلاني .. يعني مهما انا سويت وجوده هو غير الله لا يحرمنا منه ابد .. في نفس الوقت وضع بنتي هو اللي مخليني اصبر على زوجي لاني افكر في عياله من زوجته الاولى و اكيد هم بعد يحسون في غياب ابوهم باللي تحسه بنتي و يمكن هذا من الاسباب اللي تخليه يقضي وقته هناك عشان ما يحسس العيال بغيابه هو الوضع كله ملخبط و صعب .. و ادري ماله حل بس انا يوم اتعب من غيابه احاول افضفض عشان ما اختنق |
عزيزتي بعد ان قرأت الردود السابقه لا املك لك الا الدعاء ان يصلح الله لك الحال ويهدي زوجك ويسعدك..آمين
|
ياعمري خليك في نفس المدينه اللي اهله متواجدين فيها لانه بيكون اغلب وقته فيها
خليه يدور لك لو شقه صغيره هناك هذا اسمه زواج مسيار ياقلبي لانك ساكنه عند اهلك ومتى مافضى جا عندك اهم شي ادعي الله سبحانه وتعالى وألحي في الدعاء انه ييسر لك سكن في مدينة اهله وحتى لو تسكنين في بيت اهله عادي اهم شي تكونين قريبه منه ويشوفك كل يوم الله ييسر امرك |
اختي salsapil
شكرا عزيزتي على الرد .. اللهم آمين |
اختي ديمه
زواجنا مو زواج مسيار لان ما كان فيه تنازل عن المبيت ولا ما كنت اشتكيت والله انا مستعده اسكن معاه في اي مكان عند اهله عند زوجته .. في شقه في خيمه حتى و الله ما عندي مانع و قلتله هالكلام بدل المره الف لكن .. يبقى الحال على مو هو عليه |
حبيبتي والله حاسة فيك, وانتي زوجة والنعم فيها انا اشوف انك خلاص ماتفتحين معاه الموضوع ابدا, لانك جربتي كل الطرق ومانفع شئ ان شاء الله بيجي يوم وتخف مسؤلياته في بيته الاول وتكثر مسؤلياته معك انتي وعيالك وبيهتم فيكم اكثر وانتي ماعليك الا الصبر والدعاء والله يوفقك ويسعدك ان شاء الله |
السلام عليكم ورحمه الله وبركاته
حبيبتى اسمحلى انتى غلطانه ماالمفروض تتنازلى عن حقوقك ذكريه بالله وان الى قاعد يساويه غلط وانك خايفه عليه يمشى يوم القايمه شقه مايل واقرئى واتقفى فى الموضوع عشان تتكلمى فى معلومات اكيده وانك حتى لو قلتيله انك متنازله قلبك مهو متنازل غصب عنك مو بكيفك اشرحيله وضعك وصارحيه ويارب يتفهم اما وضع زى كدا مو حلو مسيار هو ولا ايش الله يوفقك ادعى ربك يفرج همك ولاتتكلمى الا بااالاسلوب الحلو لاكن بجديه والله يعنك ويسهلك ويستر عليك يارب الله يعطيك العافيه لك فائق احترامى |
أختي إنت عايشه على هذا الوضع من 6 سنوات !!!
|
متزوجة مسيار انتي؟؟ كيف يجيك متى مافضا ببيت اهلك؟؟
خلي اهلك يتكلمون معه بعقلانية ويجبرونه ياخذ لك بيت او شقة بمنطقة زوجته الاولى ويعدل بينكم ولا تخافين من الطلاق خلي اهلك يبينون انك غير راغبه في الطلاق ولكن راغبه بحقوقك وانهم هم مستنكرين وضعه معك وموعاجبهم وان الناس اللي حولكم فاهمين ان زواجكم مسيار خليه يحس حجم غلطته.. |
بنت الحب
والله العظيم كسرتي خاطري واحس بكلامك طالع من قلبك عزيزتي نصيحتي لك في اليوم اللي بيجيك تدعين ربك يشرح صدرك ويسخر لك زوجك وترتبين نفسك بأجمل ماعندك وتكتبين له رساله معطره مغلفه مزينه وتترجينه مايقراها ألا لما يطلع من عندك وفي الرساله خاطبي زوجك حبيبك وأقرب الناس لك وتخيليه كأنه أمامك وأشكي له همك بعد ماتبدين رسالتك بأجمل كلمات حب ممكن تنقال ووضحي له شكرك له بكل شيء وانه بحياتك وفي آخر الرساله توضحين شكواك وتغلفيها بعتاب محبوب وذكريه ببنته وانها دايم تسأل عنه وأنك تحبيه وتبغي تحلي المشكله بينكم بدون تدخل أحد يارب يااااااااحي ياقيوم لايخيب ظنك الله يسعدك |
الله يهدي زوجك ويفرج همك أأأأأأأأأأأأأأأمين
|
اختي ليه ماتقولين له ليله عندك وليله عندها
وبعدين ابسئلك زوجته تدري انه متزوج وهذه هي مشكلة الي يتزوج ويكون مختلف مع زوجته اخر شي الي يضيع في الطوشه الزوجه الثانيه هي الي تضيع لانه يرجع لزوجته وعياله بس اختي تكلمي معه صارحيه انك تحتاجينه تحتاجين وجوده |
مبين أنه ماخذك تأديب للأولى وفي فتره هم حتى ماتطلقو يبي يثبتلها أني انسان مرغوب فيه حتى بنت 18 تزوجتني وبكذا حصل الي يبيه زوجته رجعت له ورضخت يمكن لشروطه وصار بيته الثاني جنه وكثير من الزوجات ماتتغير وتحترم زوجها الا اذا سمعت ان بيتزوج ولى تزوج تحاول ترجعه لها بكل الوسائل وزجته نجحت,,أنتي ياقلبي زوجه رائعه وطيبه بزياده وحتى لو ماتنازلتي عن المبيت هو في قاموسه ماخذك مسيار وسعة صدر مو زوجه لها ماللزوجه الثانيه حتى أول ماطالبتي بحقوقك طلقك بكل أرياحيه مو متمسك فيك أوكي مغرقك فلوس ويحسسك كأنك عروس اذا جاك بس اذا راح معد يجي ولايشيل هم أنك تنتظرينه على الغدا ولى جالسه لحالك,,لاتسكتين كثر الدق يلين الحديد طالبي بشي واااااااااااااااحد بس أنك تروحين معه ديرته ولاتطلبين غيره اذا نفذ الي تبينه هاذيك الساعة ماراح بتردد أنه يجيك هو يشيل هم الطريق فوق الساعة بس اذا قربتي بيعدل بينكم والله يكون في عونك يارب
|
يااختي لاتخربي على نفسك فقط عليك بسهام الليل والدعاء بالحاح بان يرد الله لك زوجك ويسخره لك وسترين الفرج القريب باذن الله
|
انا بعد يا اختي ..لاتخربين على نفسك
انت قبلتي ان تكوني زوجة ثانية ... والعدل هذه الايام صار موضة قديمة ..الا من رحم ربي بعدين لا تستهينين بالمسافة ...ساعة وربع او ساعة ونص مو سهلة ...ليش هو ما عنده الا هذا المشوار في اليوم الواحد ...؟؟؟ عنده مليون مشوار غير هذا المشوار ثانيا ...اعتبري ان زوجك يشتغل بعيد عنك وما يرجع الا كل اسبوع يومين ...وكثير عايشن طول عمرهم بهذه الطريقة ...يرجعون من اشغالهم خميس وجمعة ... دام ان الرجال مو مقصر معك في شي ... احمدي الله واشكرية خاصة انه طلقك سابقا بسبب اللحاحك وهو متزوجك ليرتاح مو عشان يشقى .. وخاصة انه عنده بيت اساسي ...يعني راح يستغني عنك في اي وقت وخاصة اذا ما شاف معك راحة اذا كنت خايفة على حياتك وحياة بنتك ...اصبري وعليك بالدعاء و صلاة الليل و الحي فيهم وربي يبرد قلبك تحياتي |
اقتباس:
لماذا يتزوج الثانية إذا لم يقدر يعدل..و المبيت من أهم شروط العدل..و الذي تطلبه من حقها.. |
أبنصحك نصيحة لوجه الله تعالى
عيشي حياتك كما تريدي أنت وكما يريد زوجك والحمد لله لكم 6 سنوات متزوجين وأنت تمدحين فيه كثير وما عنده غير مسألة المبيت وقلته حاولي تحلي أمورك بنفسك مع زوجك ولا تدخلي أحد بالموضوع أو بالأصح قفلي هذا الموضوع الذي فتحتيه هنا في المنتدى لأنه للأسف أرى أن هناك من سوف يأثر عليك إللي يقولك أنت متزوجته مسيار وإللي يقولك أحزمي الموضوع وخذي حقك وإللي يقول ويقول وبالأخير بتتوهقين وبتروحين لزوجك وتفشين خلقك كله فيه وربما تحصل مشكلة من جراء ذلك أخيراً أقول أحمدي الله على النعمة ولا تفتحين على نفسك باب ودبري أمورك وإن شاء الله بتزين |
[QUOTE=مهندس طائرات]أبنصحك نصيحة لوجه الله تعالى
عيشي حياتك كما تريدي أنت وكما يريد زوجك والحمد لله لكم 6 سنوات متزوجين وأنت تمدحين فيه كثير وما عنده غير مسألة المبيت وقلته حاولي تحلي أمورك بنفسك مع زوجك ولا تدخلي أحد بالموضوع أو بالأصح قفلي هذا الموضوع الذي فتحتيه هنا في المنتدى لأنه للأسف أرى أن هناك من سوف يأثر عليك إللي يقولك أنت متزوجته مسيار وإللي يقولك أحزمي الموضوع وخذي حقك وإللي يقول ويقول وبالأخير بتتوهقين وبتروحين لزوجك وتفشين خلقك كله فيه وربما تحصل مشكلة من جراء ذلك أخيراً أقول أحمدي الله على النعمة ولا تفتحين على نفسك باب ودبري أمورك وإن شاء الله بتزين[/QUOT جزاك الله خيرا ..هذا الكلام المفيد |
اخواني و اخواتي اللي ردوا على موضوعي و شاركوني برايهم .. جزاكم الله كل خير .. بس لاحظت شي
ردود الحريم تقريبا متشابهه و شايفين ان وضعي غلط و يحتاج اصلاح و ردود الشباب بعد متشابهه و شايفين ان وضعي عادي و المفروض اني ما شتكي سبحان الله .. الحين فهمت ليش زوجي مع انه ملتزم و عارف شرع رب العالمين بس مع هذا مو شايف انه غلطان على كثر ما اكلمه و احاول معاه .. على كل حال اكيد انا بصبر ان شاء الله لاني ابد ما افكر ابعد عنه او اطلب الطلاق حتى لو جاني في الشهر مره .. بس كنت تعبانه و حبيت افضفض و اطلع اللي في خاطري و الحمدلله ردودكم على اختلافها ريحتني و ان شاء انها بتعينني اني اتحمل الوضع |
بعد ماقريت كل الكلام
مالك الا الصبر وهذي الدنيا |
اخواني و اخواتي:
ام عاليه .. جزاج الله خير .. ادعيلي يا اختي بان الله يصبرلي و لا يفرق بيني و بين زوجي ماء القمر .. انه كلمته لين عجزت .. الله يسامحه انا من قلبي و الله مسامحته و لو اني اتضايق مرات و اتعب .. اللهيهديه ان شاء الله .. دعواتج يالغاليه فرح .. هيه انا صارلي معاه 6 سنين .. يمكن انتي مستغربه ليش صبرت لين الحين و ليش الحين اشتكي .. اقولج اني طول هالوقت احاول .. و من بعد ما شدين و طلقني انا صرت افتح معاه الموضوع بهدوء من وقت للثاني بس مثل ما قلت هو مو شايف اصلا انه مقصر .. بس تدرين عاد يمكن الحين لانها فترة عيد و الاسبوع كله مر ماشفته الا ساعتين فاتضايقت .. تدرين الوحده يوم تتزوج تحس الاعياد و هالمناسبات لها طعم ثاني في وجود الزوج .. البحله بالنفس ... نحن زواجنا مو مسيار بس هذا هو الوضع .. انا للاسف ما اقدر اشتكي قدام اهلي بالذات هم ساكتين على الوضع لاني انا مانعتهم يتدخلون و دايما ابين لهم اني راضيه و مرتاحه .. انا ما احب ادخل اهلي بيني و بين زوجي لانه مو واحد صغير و طايش محتاج حد يفهمه شو واجباته و انا ما ارضى اصغره في عين اي حد و لا حتى اهلي .. بعدين لو اشتكين و طلبت من اهلي يتدخلون بينسوله كل شي حلى و ما بيشوفونه الا على انه مقصر معاي و ما احترمني او احترمهم و انا ما ارضى ان هذي تكون صورة زوجي في عين اي حد املي في الحياة .. و الله انا مو مقصرة بس انحرج يوم اتعدل و اكشخ و اتريا على اساس انه جاي و اخبر اهلي و في الاخر لا حس ولا خبر .. بس والله انا مو مقصرة .. من يجيني اتعدل كاني عروس في اول ايامي .. و استقبله عند الباب بالبوس و الاحضان .. و ما اناديه الا يا حبيبي و ياعمري و يوم انه عندي دومي تحت ريوله (حشا شهريار زمانه) و هو دايما يقول انه ما يرتاح الا عندي لاني احبه و ادلعه و اهتم فيه طول الوقت بس مثل ما قلت هو مو شايف نفسه مقصر .. سالفة الرساله جربتها مرة قبل سنين كتبتله رساله فيها كل مشاعري و كلها كلام و قصايد حب ..بس للاسف ما كلف نفسه يقراها قال انه قرا اولها و يوم شف انها كلها كلام حب ما كمل لانه خلاص عارف اني اموت فيه مو محتاجه اكتبله رسايل .. عود ند ..آمين يا رب مياس الحلوة .. طبعا زوجته تدري بزواجنا و عياله حضروا عرسي بعد (بدون تعليق)..انا قلتله كل الكلام اللي ممكن ينقال .. انا حتى قلتله خلك يومين هناك و يوم عندي انا راضيه بس ما في فايده منووله ..والله انا مرت علي فتره فكرت بنفس الاسلوب انه اتزوجني تاديب لزوجته بس والله مادري .. بعدين حتى لو كان هذا هو السبب اعتقد بعد عشرة 6 سنين و بينا بنت و الثاني في الطريق اكيد صار زواجنا بالنسبه له اكثر من مجرد تاديب لزوجته والا ما كان تم معاي طول هالوقت .. ولا شو رايج؟؟ اغصان مائله .. هيه والله ادري لو اعترضت انا اللي بخسر و بخرب على نفسي .. و انا اتحمل الموت ولا اتحمل فراقه .. الله لا يحرمني منه ابد (قولوا آمين) fafi ... و الله الطريق مو بعيد الحين في الزحمه اللي نحن فيها لو طالعه مكان في نفس المنطقه تاخذين ساعه يعني مو هذا هو السبب .. بعدين هو شغله خاص و متوزع بين المنطقه اللي انا فيها و المنطقه اللي فيها زوجته الاوله و اهله .. يوم هو هناك حتى لو عنده شغل في منطقتي ما يمر علي يخلص شغله و يسير(والله حتى ما يمر يسلم بس طبعا يتصل).. و يوم شغله في منطقة زوجته يطول هناك زيادة و ممكن يتم بالاسبوع و العشر ايام ما يجيني على اساس عنده شغل .. والله هو لو متاخر علي لسبب انا ما كنت زعلت او اشتكيت ابد بس المشكله انه يغيب بدون سبب .. الله يعين wingz_of_hope .. هذا سؤالي انا بعد بس مو محصله اجابته مهندس طائرات .. شكرا على النصيحة جزاك الله خير .. انا حامده ربي و شاكرة فضله .. و مثل ما قلت بعيد عن سالفة جيته و تاخيره و الله انه اكثر من ممتاز و اكثر من احلامي .. يا اخوي انا ما احب ادخل حد بيني و بين زوجي و الدليل اني في 6 سنوات عمري ما اشتكيت لاهلي و لا اهله من اي شي بيننا .. و الله حتى يوم طلقني اهلي لين الحين ما يعرفون السبب .. كل اللي قلته لهم اننا اختلفنا و هو فارقني بالمعروف يعني انا مو شكايه و لا راعية مشاكل .. بس حطيت الموضوع هني عشان افضفض لاني كنت حاسه اني بختنق و بعد احيانا كلمه بسيطه تغيرلك تفكيرك .. و الحمد لله انتوا جزاكم الله خير ما قصرتوا ayad88 ... شكرا على مرورك مها الكويت .. شكرا على مرورج .. الله يعين و الحمد لله على كل حال |
اقتباس:
كلام سليم 100% و كان الله في عونك و حاولي بطريقة سلسة ان تشرحي لزوجك مدى شوقك له و هو بعيد عنك و حاولي بشتى الطرق ان تقنعيه انه يعدل بينك و بين زوجته الاولى و اعانك الله |
farhia .. شكرا على المرور ...
والله انا اليوم حاولت معاه مرث ثانيه .. اتص عشان يقول انه ما بيجي اليوم و ان شاء الله باجر (ان شاء الله مل ياخر بعد) و انا بكل هدوء كلمته مره ثانيه في الموضوع بس بشكل غير مباشر .. قالي بالحرف (ما عليه حبيبتي كل شي يتعوض لا تشغلين بالج ياشياء تافهة) في الاول كنت بعصب لانه شايف تعبي و احتياجي له شي تافه بس مسكت نفسي و قلت ما في داعي اسوي مشكله عالتلفون ممكن ياخذها عذر و يتاخر زياده .. ان شاء الله لو حصلت مزاجر رايق و في مجال نتكلم بفتح معاه الموضوع مره ثانيه بس لازم يكون في حضني عشان ما يعصب هذا الوقت الوحيد اللي اللي ممكن اكلمه في اي شي في الدنيا و ما يزعل مني |
| الساعة الآن 04:45 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©