|
زوجي زعل علشان فطور
ارجو المساعده برأي حكيم وسديد من الاعضاء
صارت مشكله كبيره بيني وبين زوجي ومن غير سبب في وجهة نظري بس زوجي يعتبره سبب قوي انا بحكيلكم وانتوا احكموا قبل امس كنت رايحه لاهلي قالي زوجي خلاص نامي عندهم وانا اجيك في الصباح قلت له خلاص اوكي رحت عند اهلي وطبعا سواليف مع امي وخواتي وسهرت معهم وواصلت الى اليوم الثاني وفي الصباح جا زوجي واخذني للبيت ودخلت وانا دايخه والنوم ذابحني ودي اطيح في اقرب فراش رحت لغرفة النوم قال زوجي هييييه وين رايحه سوي لي فطور قبل ماتنامين قلت له والله ماقدر اشوف شي قدامي مانمت من البارح قال مو شغلي ابي فطور قلت خلاص وعطيته عشرين ريال قلت روح اشتر فطور قال لا انتي سوي فطور قلت والله ماقدر تعباااااانه قام وصد عني وزعل وسكت قلت له خلاص بسوي لك بس وش تبي قال بصوت عالي جدا خلاااااااااااااااااااااااااااااص مابي منك شي روحي سديتي نفسي حاولت فيه ومارضى بعد ماصحيت الظهر سويت غدا ورحت عنده وحبيت راسه واعتذرت منه وقلت له تعال تغدى قال مابي منك شي يلا يلا ويشير الى الباب يعني اطلعي برا رحت وقعدت ابكي من القهر والاهانه انتوا وش رايكم من الغلطان ؟؟ |
بصراحه مثل ما اعطاك حقك بسهر والنوم عند اهلك الصح انك تعرضي عليه وتقولي انا رايحه انام تبغى
اسوي لك شي قبل لا انام وبعدين فطور شي خفيف او وانتم راجعين في الطريق قلتي خذ فطوووور ولا لها داعي خذ 20 ريال يعني با لاخر انتى الغلطانه بصراااحه,,,,,,,, |
حرام عليج يعني تعبج ما خلاج تصبرين 10 دقايق تجهزين فيها فطوور .. لو تقلين له بيضه ! وكاس حليب عـ الأقل يحس زوجج إنج تحبينه ومستعدهـ تخدمينه وانتي تعباانة قاومتي وسهرتي ليلة كاملة وما قدرتي تصبرين عشر دقايق عشان تسوين فطور حق زوجج ؟! الصراحة أنتي غلطاانة.. ما كان له داعي تصرين على رايج وخصوصاً إنه قالج أكثر من مرة سوي لي فطور .. بالعكس المفروض تسوين له أحلى فطوور .. وتقعدين معاه تتفطرين معاه .. وتأكلينه بنفسج هذا جزاه الي مخليج تروحين بيت اهلج وتنامين معاهم ؟ ولكن إلي صار صار .. خليه يهدى شووي .. وروحي راضيــه واهم شي تتأسفين منه .. |
شوفي أختي حكاية مين الغلطان بين المتزوجين ماتنفع والله أعلم المسألة مسألة نفسيات زوجك والله أعلم أعتبر نفسه مكرمك بتركك عند أهلك لتنامي عندهم وكان يتوقع منك شكر في اليوم الثاني وكان أيضاً يريد الجلوس معك على الفطور ، بحيث هو يأكل الفطور وأنتي تجلسين تحكيله وش صار معك سواليف عند أهلك وأنا أتوقع أنه يستاهل منكِ أن تشعري بكرمه بأن جعلك عند أهلك حتى لو كان تركه لكِ عند أهلك راحة له (يرتاح من المشوار) طيب ماهو الحل الآن أنا أرى أن تجهزي نفسك ذهنيا لإرجاع المياه لمجاريها بحيث تحطي في بالك أن أي كلمة ستسمعيها منه الآن لا تلقي لها بالاً لأنه يريد أن يرد كرامته (بيني وبينك أنتي مانزلتي من كرامته ولكن إحنا كذا جنس الرجال معليش اصبري علينا ) إيش مايقول قولي طيب وقولي أيضاً جزاك الله خير أدخلت الفرحة على خواتي ووالدتي وأنا مع كثرة السهر ماعرفت أشكرك بالشكل الصحيح وأعطيه كم قبلة (مع الملاحظة أنه سيصدك ، وفي حالتي أن ممكن أدفعها وأصرخ عليها (مع إني في الداخل مبسوط انها تضمني وتقبلني وأنا مسوي نفسي رافض ، لازم أرد كرامتي) أختي أي كلام يقوله في هذه الجلسه لا تلقي له بالاً أبداً ، لأنه لايقصده حرفياً والله الموفق أووووه صح بعد ماتنتهي هذه الجلسة على خير ، تعالي له في الليل أو غداً في ساعة صفا وعاتبيه عتاب الأحبة قولي له : حبيبي أنا كنت تعبانه جداً في ذاك اليوم وماقدرت أعملك الفطور بس انت كنت عنيف علي !!! تمام أختي ؟ على فكرة إيش حكاية 20 ريال اللي قلتي له خذها وجب فطور لنفسك ؟ إنتي تصرفي عليه ؟ |
يعني كلكم طلعتوني غلطانه
طيب هو ماغلط في اي شي ابدا ؟؟ انا بصراحه دايما طلباته عندي اوامر وانفذ له اي شي يطلبه مني عشان كذا هو استغرب اني قلت له تعبانه شكله يحسب اني جهاز آلي مايحس بالتعب ويشتغل اربع وعشرين ساعه اقتباس:
بس هو الشهر هذا مفلس علاخر راحت فلوسه في عزايم العيد وتجهيزات العيد |
اقتباس:
يااختي هذا الحركة لوحدها تكفي ان نحكم عليكي بأنك المخطئة ..بغض النظر عن السهرة الصباحي اللي ببيت اهلك.. وأي رجل عنده كرامة بيزعل من هذي الحركة.. ولكن الظاهر انك قوية شوي على زوجك ..الله يهديكي بس |
و أنا أضم صوتي لبقية الأعضاء أنت غلطانة
لأنه بعد ما بقى في البيت وحده و أنت مع أهلك, كان من المفروض تعطيه قليلا من وقتك و تحسسيه أنه الأهم, الأزواج يغارون من أهل الزوجة. و كذلك أنت كنت تعبانة من السهر مع أهلك و ليس من شيء ضروري و مهم يتطلب منك السهر طول الليل. حكاية ال20 ريال قوية, حسيت أنك مع إبنك أو أخوك الصغير. |
اقتباس:
اصلا زوجي عادي عنده ياخذ مني مايعتبرها اهانه مثلكم واحيانا اذا كان مفلس هو بنفسه يطلب مني مافيها شي احنا زوجين حلالنا واحد ومن ناحية اني قويه عليه بالعكس هو اللي مستقوي علي ولازم كل اسبوع يزعل مره |
اقتباس:
|
اختي والله انت غلطانةةةةةةةةةةةةةةة جدا والمصيبة رحت نمت كملت نومتك بعد هذا اكيد قهره زيادة
وحكاية العشرين ريال صعبة مو لان انت عطيتي فلوس بل لانك تقولين له روح اشتريلك فطور وريحني ما ابي اتعب 5 دقائق علشانك اكيد الي صار كان سهو منك وهو كان راسم انك تجيه تكوليل شبيك لبيك امرك وبين ايديك |
مالها
داعي خذ 20 ريال يعني با لاخر انتى الغلطانه بصراااحه,,,,,,,, |
اهلا ديمه زمان عنك يا بطه
هدي نفسك انتي وهو غلطانين انتي غلتطي لانك ما قمتي عملتي له فطور وهو المفروط ما يكبر السالفه والمفروض انه يهدي الوضع لكن الي جى بمخ زوجك هو انه انا خليتها تروح بيت اهلها وبالاخر ما تعمل لي فطور الله يهديه للخير لكن ما عليه خليه بيرضى لحاله لانك حاولتي تصالحيه وما رضي خليه لما يرضى لوحده في رعايه الله |
هذا تصرف طبيعي من اغلب الرجال... لانك سهرتي عند اهلك فهو يشعر بالغيرة ,,لاتخافي بينسى بنفسه |
اقتباس:
اختي ديمة طبيعي انتي الغلطانة وبقول لك السبب هالحين هو معطيك كلمة علشان تسوين له فطور ثم يوم جابك للبيت اعتذرتي وهاذي قوية ثم اعطيتيه عشرين ريال وهاذي اقوي بكثييييييييير يعني اهانة لاكن مالك الا الاعتذار حتى يرضى |
اتوقع انة كاان مشتاقلك ويبى يقعد معاك ويفطر وانتى الله يهداك ما قصرتى ما عطيتية وجهة
بس صدقينى الواحد لاصاار جوعان يفقد اعصا بة ,,, وانا مع رىء اخى فالله |
ويقولون ليه يتزوجون علينا
ماقمتي بواجبك كزوجه وسويتي له الفطور.. والمفروض انتي اللى تسألينه تبي فطور , مو يتطلبك واخر شي تقولين له خذ 20 ريال رح اشتر لك فطور... وين سواق هو والا ماله زوجه تصلح له .. والله ما الومه يوم يزعل عليك الرجال حاب يفطر من يدك من فطورك و تجلسين معه شوي يمكن مشتاق لسواليفك |
وتعطينة عشرين ريال قوية مرة..الله يهديك
|
شوفي بصراحه ماشوفك غلطانه
يعني المفروض يكون عنده احساس يوم شافك تعبانه ماقال كذا بس انتي بالاخير غلطتي غلطه مو زينه بحقه كان قلتي حبيبي والله تعبانه مو قادره وتلينتي بس ماتقولين خذ عشريت واشتري فطور ايش هالاسلوب اهنتيه بصراحه. |
اقتباس:
|
اقتباس:
هلا وغلا فوفو بصراحه انتي الوحيده اللي أنصفتيني الله يخليك يارب |
الله يسلم كل من رد علي
|
الزوجة التي لا تكن لزوجها أي أحترام أمثالك , جدير بألا يكون لها مكان في قلب زوجها
وان تكون خارج نطاق التغطية , ولا تنسين هذه نقطة سوداء في قلبه ناحيتك , كنت انت السبب فيها بسوء تصرفك , لكن لا ريب في الأمر فأنتن كفيرات العشير |
السلام عليكم
صراحة ماعندة سالفة في هذة الحركة |
اقتباس:
مادري ليش احس انك سي السيد علين احن فقط وفي البيت بالعكسسسسسسسسسسسسسسس:24: :24: لان كلامك واستمرار تواجدك في منتدى اغلبه نساء في تناقض شديد :25: |
اقتباس:
زوجي لحد يومك هذا ماسامحني ولا كلمني.. |
شوفوا اخر تطوراتي مع زوجي اللي مارضى يسامحني الى اليوم
تخيلوا اليوم جاب فطور من برا وانا قلت ابلطف الجو وامزح معه وقلت هلا ابو فلان مشكور على الفطور الزين وش دراك اني جوعانه قالي انتي ماتذوقينه ولا تاكلين منه شي بصراحه حسيت انه جرحني قلت طيب خلاص ورحت لغرفتي هل استحق كل هذا العقاب عشان كنت تعبانه وماسويت فطور ؟!!! |
معاه حق
اقتباس:
وبعدين لمن تقولي مايقدر اني تعبانة يعني من الغرض اللي انتي فيه ويش الفايدة اللي رجعت عليه وايش الشي المهم اللي كنتي تسويه عند اهلك غير السوالف وانتي منت مخطئه بجلستك عند اهلك لكن اعطي كل ذي حق حقه... وبعدين الرجل مو زي المرأة في علاقته مع اهله بحيث متى مااشتهى يروح لاهله يروح ؟؟؟ المهم انتي غلطتي واللي صار صار خذي نفسك وروحي له وبوسي راسه وخلاص حبيبي سامحني واجلسي عنده ولو غلط عليكي خليه يطلع اللي بنفسه علشان يرتاح وحبيبتي كرامتك لاتوجعك ترى المرأة وزوجها مابينهم كراااااااااااااااااااااامة (((((لا تزعلي مني بس حبيت انصحك))))))) وترى الرجل يحب المرأة تطلعه بقدره سابع سما وامني لك حياة سعيدة<<بلغينا باخر التطورات>> |
بنات من ورق انا كتبت اخر تطوراتي وحالي على ماهو عليه
زوجي فيه طبع انه يحب يهيني ودايما يتلفظ علي بألأفاظ قبيحه ماتنقال واذا رديت عليه ياويلي وياسواد ليلي ليش المجتمع كله بصف الرجل لو كان رجل منزل موضوع وقال ان زوجتي طلبت مني اوديها لاهلها وانا فيني نوم وتعبان وش كانت ردة فعلكم؟؟؟ اكيد الجميع بيعذره وبيقولون هي غلطانه ليش طلبت منه يوديها وفيه نوم!!!! |
اقتباس:
رااااااااااااادع يخوي وشذا الاسلوب عندك وراك هجموي انت ولو شكل الرحمة عندك 0 في المئه :d لا تزعل من يارادع والله انك على اسمك مافية الا قوة ردع ----------------------- على فكرة حط مكانك مكان زوجها اوكي (( بس فترة مؤقته لايك تزعل )) وتصرفت انت زي تصرفها وزعلت وكشرت منك بلاهي عليك وش تبي تقول هنا النقطة الامر الاخر : طبعي العتاب ولاكن لايدخل في العتاب تجريح المشاعر وهذه اهم نقطة انا يأخ رادع امر بموقف من زوجتي وهروبها الى بيت اهلها وامور كثيرة اول شي فكرة فية ان زوجتي تحتاج لكلام معناه الرحمة والهدف من كلامي لكي ابذر بذرة حسنه في تصرفي لانها بعدين تبي تندم على اللي سوته والله مافكرت اجرح مشاعرها بكلمة وحدة لان هالشي مردوده علي انا لو زوجتك جرحت مشاعرك يوما ما (( وبخها ولاتعذبها )) وفهمها ان هذا الامر ماتحبة وتكره في نفس الوقت واهجرها في الفراش - وهدف ذلك لتعرف ان لك وزن ولست بالساهل تجرح مشاعرك ولكي تسوي مطب صناعي قدام اي كلمة ممكن تقولها واخيرا : لو كل زوج عرف ان جرح المشاعر وتهزيء الزوجه وحقرانها وضربها نتائج عكسية لما قام بذلك ولاكن البعض مع اسفي الشديد همجي التصرف وهذا هو الحق الانثى بطبيعتها تحب الهدوؤ السكون الرومانسية الكلام الجميل الاحساس بدف المشاعر والاخلاق الطيبة تعامل ياخي مع زوجتك كما يعامل النبي محمد صل الله علية وسلم افضل مني ومنك في التعامل مع زوجاته واخيرا
|
اقتباس:
آآآآه يا أمير الشوق لو رجال مجتمعنا مثلك ولا على الاقل نصفهم او حتى ربعهم كان والله احنا بخير ويارب ترجعلك زوجتك بالسلامه وتعيشوا بسلام الله يحنن قلوب ازواجنا علينا ويحنن قلوبنا عليهم |
طبعا انتي غلطانه المفروض تعملي فطور بدون حتى ما تسئليه ان كان يريد يفطر لو لا هو حس باهانه مو عشان 20 ريال لكن عشان ما رضيتي تسوين فطار وعيب هذا طبعا .
وكيف جالك نوم بعد كل اللي صار ؟:11: |
صحيح انها غلطت ولكن اشوف ان زوجها أهانها اكثر من مره
ولو كنت مكانها والله ما اسكت له على الاهانات |
اعتقد احنا عاتبنا أختنا بما فيه الكفاية
ولاكن هي تريد كيف ترجع المياه الى مجاريها الان على كل عضوا يملك جنس الذكر يشارك بمشاركه ويضع نفسة في هذا الموقف وش اللي يرد له اعتباره او ماهو الشي اللذي يرضية بسم الله انا با ابدأ انا امير الشوق808 الجنس ذكر :11: :d :d :d لو مريت في حياتي بهذا الموقف وجت زوجتي وجالسه تشتغل وتكرف في البيت واول ما ادخل عليها راجع مثلا من الدوام واشوف زوجتي تاخذني بالاحضان صحيح ماراح اعطيها وجه ولاكن لاتطول بالاحظان على طول تاخذ الغتره او الشماغ وتعلقه وتسحبني بيدي للغرفة الاكل وتجلسني وعلى طوووول زي الصاروخ يكون اكلها جاهز تحطة على الطاولة وتقول بسم الله عليك يا اغلا من روحي ابي اشوفك تاكل قبال عيني يابعد عيني وتحاول بطريقة الاغتصاب توكلني واذا شافتني ابتسم ودمعت عينها لروجعي لها والله لا اخر معها هذا بالنسبة لي اترك القلم للبقية نشوف رايهم |
السلام عليكم
عجبت من اغلب الردود اللدي يدين صاحبة المشكله ويقول ان هي الغلطانه ويسامح زوجها , مادا لو كان زوجها مكانها وكان متعبا فاكيد ان زوجته ستتركه ليرتاح ولن تجعل منها مشكله , لكن بعض الرجال الله يهديهم , يعتبر هدا اهانه له ويجعل من الحبة قبة. ومن يقول ان 20 ريال قويه !!!!!!!! ما الاقوى فيها يعني الزوجه تشارك في مصروف البيت لو كانت مقتدره وهنا ليس مشكل لكن لو اعطت 20 ريال فهو عيب ,!! الله يهديكم , كيف تفكرون اخيرا اقول لصاحبة المشكله الله يهدي زوجك ويحنن قلبه عليكي , ويالف بين قلوبكم تحياتي وفي رعايه الله |
اقتباس:
معليش تعقيبا على ماذكرتية ضعي مكانك مكان زوجها ثم اعطيك وعد بان لابد اني افطر اوكي ثم اعطيتيني الضوء الاخضر وانا سمحت لك بان تنامي خارج البيت وهذا تنازل من الزوج اكتشف بالاخير لا فطور ولاشي هذا نقض للوعد هذا شي والشيء الثني الرجال لايتحملون نقض مواعيد نسائهم وليس جميعهم بل اغلبهم وفي الاخير تقول خذ 20 يال معليش الرجل لم ياتي ليشحذ مالاً هو مغتني وبهذه الطريقة تحقير اقرأي الحديث بتمعن
|
هونيها وتهون بس زعل شوي ويروح يمكن انتي غلطانه وهو غلطان الموضوع مايستاهل كل هذا الزعل الانسان وقت النوم مايشوف قدامه بس الرجاجيل طبعهم يزعلون بسرعه واذا انتي زعلتي ليه والف ليه ان شاء الله يرضي
|
اقتباس:
هي لم تعطيه وعدا انه فور عودتها من عند اهلها انها ستحظر له الفطور , نعم هو تركها لتروح عند اهلها ولم يرفض طلبها هدا اعتبره انا نشفان دماغ من جهته يعني لازم هي من تحظر الفطور ولن تنام الا بعد ان تحظره حتى بعد ان اخبرته انها تعبانه قال لها مو شغلي !!!!! اليس لديه احساس, واظن انا المياه سترجع لمجاريها بكلمه منها او منه فالانسان ساعة الغضب يكون مثل فاقد الوعي لا يدري مادا يفعل اسال الله الهدايه للجميع تحياتي |
عناديه
indienne اشكركم من قلبي على تفهمكم لوضعي فأنا فعلا كنت في حاله يرثى لها والنوم سلطان ولاتستغربين اللي يلومون المجتمع كله ضد المرأه وهي دايما الغلطانه ولكن الحمدلله ان ربي مايظلم احد |
امير الشوق وش فيك غيرت رايك
من شوي كنت معي والحين صرت مع زوجي !!! وش السالفه |
حبيبتي ديمه
انا ما اشوف انك غلطانه لمن قلتيله انك تعبانه لانه يمكن لو كنت مكانك كان قلت اني تعبانه و ما اقدر اشوف طريقي ...... نفس الشيء لكن يمكن انتي سهيتي( و هنا الغلط ) عن شيء لمن اصر عليكي كاان ممكن تسخنيله خبزه و تحطيله نواشف و تدخلي تنامي او ممكن تقوليله ياخذ الفلوس و ياكل من بره بدلع ( ما كان لها داعي يمكن هو كان سواها لحاله ) بعدين هو كان مفروض يحسب حساب الشغله هذه لكن الغلط منه لمن ربط الغداء بالفطور و زعل و قال ما ابي منك شيء حاولي تهدي الموضوع و عامليه و ما كنه فيه شيء و دلعيه و سويله اللي يبغاه حتى لو ثقل عليكي الله يهدي الجميع |
| الساعة الآن 11:58 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©
