![]() |
ام زوجي وكل شى تبغى تتحكم فيه
السلام عليكم
انا متزوجه من 10 سنوات وساكنه مع اهل زوجي في عماره وحده بس في شقه مستقله وزوجي مايسمح لهم يتدخلون في حياتنا الا في المشاوير ام زوجي رجلها على رجلنا وكل سفره اهي معانا رغم ان عندها عيال غير زوجي وعندها بنات في البيت وابو زوجي موجود بس واذا خرجنا وماخرجت معنا تزعل وتعصب وانا ساكته انا مايهمني انها تروح معانا بس بحدود ماابغاه الزامي لاني ماني متزوجتها اهي كل مارحت في مكان لازم تروح او وحده من بناتها من حقي اخذ راحتي مع زوجي وعيالي احس انها تعاملني احيانا كاني ضرتها تبغى تتحكم في كل شى وزوجي ساكت امه مايقدر عليها ومايبغى يزعلها ابغى اصير قويه ومااسمح لها تتدخل في حياتي من غير مااظلمها ابغى اعيش مثل غيري من الزوجات يروحون ويجون من غير احد يكشر في وجوههم وينكد عليهم عيشتهم اكره ان احد يتحكم في حياتي |
السلام عليكم اختي ...
تذكري شي واحد "اللي مافيه خير في اهله مافيه خير بالناس" المفروض هالشي يسعدك انه زوجك بار ومطيع لامه ويبي يسعدها.. لانه فيه بذرة خير انتي تخيليها مثل امك ... لو امك ويوميا تبي تطلع معك.. هل راح تردينها ؟؟؟ طبعا لااا لانها امك وغير كذا تخيلي يوم انك كبرتي وجار عليك الزمن وما بقي غير اولادك... ومرتاحه مع واحد منهم وحابه تطلعين وتروحين معه... بس زوجته طفشانه منك لانك في كل خرجة طالعة معهم.. وش راح يكون شعورك.؟؟؟ حاولي تضغطي على نفسك وتستحملي هذة ام زوجك يعني مثل امك هذا اللي اشوفه.. دمتي بود... |
السلام عليكم
الموضوع هذا ما يكون فيدك نهائي ولا تقدري تتكلمي في هذه المواضيع بتاتاا ... هذا كلامي ليس بمعنى اني موافق على هذه الحال لاء انا برد عليكي عندما قلتي اريد ان اصبح قوية و ما اخلي اي احد يتدخل في حياتي اختي الكريمة هذا الحل يكون في يد زوجك و لازم زوجك يطرح الموضوع على امه بس بكل احترام و بكل حب وبعدين لازم الام تحس انو زوجها متزوج و بدو يجلس مع زوجتو :) ما ادري الله يعينك على ام زوجك بس زي ما قلتلك حلها في يد زوجك انتي لا تتدخلي ولا راح تقوم القيامة في بيتك و في زوجك . لي تعليق للأخت Rose اللي يدو في الميه مو زي اللي يدو في النار . و جربي عيشي الموقف راح تغيري صورتك نهائيا عن الموضوع . و الله يوفق الجميع للخير دمتم |
اشكر الجميع على الرد
يااختي roooooose انا ماارفض انها تروح معي بس مش كل مره لانه من حقي اخذ راحتي مع زوجي واولادي واهي تزعل اذا مااخذناها لو طلعه بسيطه لاولادنا وعندها ولد مش متزوج تروح معه دائما وتسافر معه كل سنه وانا ناددرا اسافر واذا رحنا تروح معانا وحاطه هذا الشى الزامي وتشوف انه شفرنا لوحدنا من دونها مصيبه |
الاخ ddmm
شكرا لردك وتفهمك للوضع كل بنت تتزوج تبغى الراحه والاستقلال وانا اكره الارتباط والسيطره من احد حتى السكن تتحكم فيه وابوه ساكت |
ينقل الى عالم الثقافة والتوجيهات الزوجية مكانه المناسب.
تحياتي،،، |
اوكي ما فيها شيء تطلع معكم احيانا بس بعد من حقك تطلعين مع زوجك لوحدكم
شراييك تخلين المشاوير الخاصة لما تكون هي عندها ضيوف او بتطلع مع احد غيرك بس لا تحسسين زوجك لانه اكيد بياخذ على خاطره منك ويبدأ يحسب حساب حركاتك |
عزيزتي أغصان مائلة..
صابرة عشر سنوات؟؟؟؟؟ ;) المسألة كما قيل سابقاً ليست في يديكِ .. وأظن أنه ليس من اللائق أن تتفوهي بأي كلمة لأم زوجكِ قد تُحسب ضدكِ سواء منها أو حتى زوجكِ نفسه. الحل في يد زوجكِ .. تحدثي معه بطلف ولين وهدوء تااااااااااااااام .. وادخلي من باب أنكِ تشتاقين لشيء من الخصوصية والانفراد به .. وإياكِ وباب (أمك عملت وأمك سوت) تقولين إنه لا يقدر عليها ولا يرغب في إغضابها .. فإن كان كذلك فقط ولكنه في نفس الوقت غير راضٍ عن تصرفات والدته .. فيمكنه أن يتحدث مع والده أو أحد إخوته أو حتى أحد أخواله أو خالاته ممن تحترمه والدته وتقدر كلمته .. فينصحها ويبين لها أن تصرفها فيه من الخطأ الكثير. أما إن كان راضٍ وعلى قلبه مثل العسل .. فأعانكِ الله يا أختي وليس لك سوى الصبر والدعاء. وفقكِ الله |
ليش صبرتي عليها 10 سنوات ،، المفروض زوجك يتدخل في الموضوع ،، أو انت كلمي وحده من بناتها تثقين بها عشان اتكلم أمها ..
|
شكرا لك ابو فيصل
|
اختي الغاليه الفلوجه شكرا لك على الرد
وفكرتك رائعه وبارك الله فيك |
اختي الغاليه مهره احيانا من القهر اتكلم عليها عند زوجي ويزعل علي ويقولي اذا قالت ابروح ترضين ارفض واظطر اسكت لاني ماارضى انه يقول لا
وشكرا على مرورك وردك |
ختي الغاليه محمد هيا شكرا لردك
وغصب علي صابره عشر سنوات |
انا ما انصحك تدخلين احد في الموضوع, يعني لا تكلمين بناتها ولا شئ,لانه كذا بتكبر السالفه انتي كلمي زوجك وشوفي رايه, اذا هو موافقك خلاص انتي ماعليك منها الزم ما عليك زوجك يا بنت الحلال يعني مثلا: تطلعون مع بعض من غير ما تقولون لها واذا عرفت تعذروا منها بأي شئ:25: وشوي شوي بتتعود على كذا,,, كفايه 10سنين ما قصرتي والله |
اختى لو امك صدقينى ماكنتى هاتملى منها ابدا
وام زوجك وهو مسئول عن امه حتى لو هاتطلب منه الخروج كل اليوم لانه ابنها وهايحاسب عليها وانتى كازوجه تساعدى زوجك على بر والديه واى طلب تطلبه الام واجب وملزم على زوجك ولا تطلبى من زوجك الخروج بمفردك كل ماترديه مع زوجك حققيه فى شقتك واجعلى الخروج جماعى مع امه وابنائك مافيها شيئ استحميلها كما تدين تدان بكره ابنائك بيتزوجو لو طلبتى تخرجى مع ابنك حتى لو كان كل يوم ورفض تخيلى شعورك انه سمع كلام زوجته ورفض طلبك انتى (امه).................يعنى امه اهم فرد فى حياته يرفض طلبها ويسمع كلام زوجته اتمنى اختى انك تفهمى قصدى ولاتزعلى والله انا محترماكى جدا ولكن بطلب منك اختى انتى صبرتى 10 سنين والحمد الله مافيش مانع تستحملى زيهم وزوجك والله بيحلف بحياتك لانك زوجه صبوره واحترمتى ام زوجك واعتبرتيها امك:d |
الساعة الآن 12:14 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©