|
افكر بفسخ الخطبه
السلام عليكم
بدخل بالموضوع ع طوول انا مخطووبه وعمري 19 وخطيبي عمره 22 هل نصلح لبعض ؟ يعني مافي فرق وايد بيني وبينه ومرات احس عقله صغير تصرفاته كلامه وانا ودي بواحد ثقييل شوي ودايم افكر افسخ الخطبه مع انه يحبني و طيب مرره ويقرب لي مرات احس اني احبه ومرات احس العكس :( :29: بليز جاوبو علي الاشراف: تم تعديل العنوان ليتناسب مع الموضوع |
السلام عليكم يأختي أنت قلتِ إنه يحبك وطيب ! (الحمدلله) هذا المطلوب توكلي على الله وبعدي وساوس الشيطان عنك |
مااعتقد العمر له دخل
اهم شي تكونين مرتاحه له ولاتدقققين بصغائر الامور غير كذا استخيري ربك ولاتنسين مافيه احد كامل الاوجهه سبحانه |
العمر ماله دخل بالمره ياما ناس تزوجوا اصغر منهم بوايد وعايشين سعيدين والعكس صحيح المهم التفاهم الاحترام المتبادل
|
مرحبا اختي...
اهم شي انتي تكونيـــــــــــن مرتاحه له وشعور فسخ الخطوبه يمكن يجيك في البداايه لانك خايفه من التجربه اللي انتي مقبله عليها استخيري اللــــــــه وتوكلي عليه ولا تترددي وشيلي من بالك فكرة فسخ الخطووبه ... تحيــــــــاتي.. |
اقتباس:
كل الشباب بيتغيروا بعد الزواج وتصير المسؤولية عليهم اكبر:29: توكلي على الله واستمري دام انك تحبيه او انك مقتنعة بيه مع تمنياتي لك بلموفقية. اختك عاشقة الليل |
والله احترنا معاكم يا بنات
اذا ثقلنا و ماعطيناكم وجه زعلتو ........... و اذا حبيناكم واكرمناكم قلتو خفيف .. في واحد قال لي مثل عن البنات الان اقتنعت انه صحيح ...حيث انه شبة البنات بالعلكة .... الله يسامحة |
اقتباس:
لاحول ولاقوة الابالله يعني شنو الحل احين لو يحب قالوا خفيف ولو ثقل قالوا مايعطينا اي مشاعر لو يحبج ليش تفسخين الخطبه عشان خفيف .. عشان بس هو يحبك والله حرام عليج وحرام الي تسوونه يامعشر البنات الرجل يحبج من كل قلبه ويسعى على رضاج وانتي في لحظه تقولين مابيه لانه خفيف لو ماتبينه صدقيني انتي الخسرانه واقولها واستحملي كلمتي انتي الخسرانه لانج خسرتي انسان يحبج من كل قلبه استغليه في الخير وقولي الحمدلله ان انسان حبج هالحب وشنو فيها لو يتصل ويسال وشنو ثقيل اختي فكري الثقل ممكن يؤدي الى التكبر فانتي راح تكونين السبب فيها خليه براحته وحبيه نفس ماهو وفي النهايه الراي رايج |
شوفي ياغالية الزواج ماهو حب x حب ولا لبس وطلعات وخرجات
الزواج يبيله نضوج في العقل والتصرفات عشان تقدري انتي تتحملي مسؤولية الزواج من خدمة للزوج ومسؤولية الامومة فكري جيداً هل انتي قادرة على هذه المسؤولية ام لا لاني اعتقد ان الخلل فيكي اكثر منه لانك لم تتذكري عيب فيه غير انه لم ياتي مطابق لاحلامك وخيالاتك |
وعليكم السلام اسمحي لي انت الي تفكير ايضا صغير وضيق إلخ ! بما انه يحبك وانســــــــان طيب فقولي الحمدلله وتمسكِ به وبنسبه للعمر بالعكس لايقين على بعض وموفقه ان شاء الله :14: اعذريني ردي كتبته باختصار .. اسال الله لكما السعادة والتوفيق الله معك (: مُبتسمة وكلي جروح |
مشكوورين على ردودكم
انا معكم يمكن الخلل فيني لاني كنت احلم بشخص غير اللي جاني بس الحمدالله ع كل حال وانا احبه ومابفسخ الخطبه |
عليكم السلام ورحمة الله وبركاته
الصغير يكبر والخفيف يعقل كلها فترة ويتعدل بعد الزواج والمسؤولية الأهم الأساس من راحة نفسية وتقبّل ورضى بكل مافيه وفقك الله . |
استعيذي من الشيطان الرجيم ولتستمري في خطبتك والله يوفقك
|
استخيري وتوكلي على ربك
ما تدرين بعدين وش بيصير حالك وهل تضمنين انك تتزوجين اذا انفصلتي .... بإختصار .... على قولت المثل امسكي مجنونك لا يجيك اجن منه |
اختي ابعدي عن التفكير من هذه اللحظه والعمر ماله دخل ودام يحبك ماشاءالله وهذا الاهم انتي مع العشره راح تعزينه وتحبينه بعد
والله يوفقك اختي ويكتبلك الخير ويتمملك ياااارب تحيتي |
استغفري ربك اختي
وابعدي عنك هالوساوس والتفكير السطحي واحمدي ربك واشكريه ترى النعمه زواله! واذا استمريتي على هالنمط من التفكير انتي الي بتندمي وتخسري! والله يوفقك يارب |
استخيري افضل لج
بس اذا تبيين راايي احس انه صغير على الزواج بس اذا انتي شايفه شي ثاني فتوكلي على الله والله يهينج انشاءالله:14: :14: |
حبيبتي لا تدعي الشيطان يدخل بينكم ...
|
انا مثلك اختي زوجي عمرها 22 وانا عمري 19 .. بس انا عكس احس لسى عايش حياته العزوبيه ومو جايب خبر بس مايفرض لي طلب ولا يقدر على زعلي انا كنت مثلك فكرت اني افسح الخطوبه بس البنت مو كل يوم ليها زوج .. وادا هدا نصيبك تحملي .. لان هدا يللي كاتبه ربك وانتي ادا في مايعجبك حاولي تغيره اتفاهمي وياها بهدواء علشان اهو يسمعك .. والله يوفقك يااررررررررررررررب |
أختي الفاضلة أنت تتوهمين كذا و أتمنى إنك تزورين الجمعية الخيرية للزواج عندهم دورات للمقبلين على الزواج و هي راح تنفعك و تنفع خطيبك
و أقولك شيء ما دام يحبك و انت مقتنعه بذا الحب و متأكده منه أفضل لك من واحد تحبينه و لا يحبك ( اللي يشتريك اشتريه و مارسي الحب معه بكل طريقة ) و الله تتعبين من الزوج اللي تحبينه و لا يحبك و العمر مو مهم نصيحتي لك بزيارة مراكز التأهيل الأسري للمقبلين على الزواج مثل جمعية ابن باز الخيرية بالرياض و منها كثير أو اتصلي على أحد الاخصائيين الاجتماعيين بالجامعات اللي بالبلد أنت فيها و عرضي مشكلتي و راح تستفيدين كثير من نصائحهن وهؤلاء الاخصائيين لابد من حملة الدكتوراه و إن قل ماجستير و أسأل الله أن يهدئ سركم على خير |
| الساعة الآن 07:23 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©