|
كيف أتكلم ساعدوني
السلام عليكم ورحمة الله وبركاته
في البدايه كل عام وانتم بخير :17: بصراحه انا ماني عارف كيف أكتب موضوعي بصراحه انا عندي رغبه في الزواج :14: وإكمال نصف ديني واللي أريدها ورغبتي في ان تكون شريكة الحياه هي بنت أحد الجيران وانا اعرفها عندما كانت في الابتدائيه وهي اصغر مني تقريبا بسبع سنوات وإخوانها اصحاب لي رغم ان سنهم اصغر مني الكبير تقريبا عمره 19 سنه او20 سنه والآخر عمره16 سنه او17سنه والحمدلله سمعتي لمن يعرفني او لدى أهل الحي جدا ممتازه ( والله العظيم ) وحتى والد العروسه ( باذن الله ) يثق في واولاده عادي يجلسوا معي ورحنا الحرم وأدينا العمره في العشر الاوخر من رمضان ( نسأل الله الكريم ان يقبلها وان تكون خالصة لوجه العظيم ) لكن انا ماعرف رايه في مسألة الخطبه ولا رأي ابنته وهل هي مخطوبه لاحد لكن الحمدلله أنا واثق من نفسي ومن شخصيتي لما القاه من حسن التعامل مع من يعرفني مع العلم أنني موظف حكومي ولله الحمد وكذلك أتمتع بقدر من الوسامه والجاذبيه وراتبي يتجاوز 6000 الاف ريال اللهم لك الحمد والشكر وللاحاطه كثير من أقاربي يعرضون على الوالد وعلى الاهل ويلحون على تزويجي من بناتهم ولكن ليس لدى الرغبه بالزوج منهم ولانني ارتاح لهذا المنتدى الرائع واقضي وقت طويل على قرأت مواضيعه نزلت موضوعي فيه وكلي ثقه فيكم بعد الله عزوجل أن ترشدوني على الطريقه المناسبه وتشوروا على بالرأي السديد والنصيحه المباركه فلا تبخلوا علي بارائكم ودعواتكم فاللهم يسر لي الزواج وبارك لي فيه واجعل فيه الخير والسعاده والراحه والذريه الصالحه من هذه البنت بنت جارنا قولوا آمـــــــــــــــــــيين ولانسى ماهي علامات الراحه والقبول بعد الاسخاره وآسف على الاطاله وعدم ترتيب الموضوع ولكن انتم فاهمين الوضع:d |
الله يوفقك يا اخ محسن بس انا مو شايفة اى مشكلة لية ما تروح لامك وتصارحا او تلمح لها انك نفسك
بالبنت وهى تقوم بالواجب . والله يكتب اللى فية الخير بينك وبينها انشاء الله وتبشرنا بالعرس :14: :14: :14: :14: :14: :14: :14: |
أشكرك يا بندروزا وجزاكـ اللهـ خيرا والله يسمع منك
لكن الوالده علاقتها معهم عاديه ولابينهم زيارات لكن خالي متزوج بنت عمت البنت اللي اتمنى ان اتزوجها أن شاءالله ويجعل لي فيها الخير ويوفقني معها وين الاخوه والاخوات ابغى رايكم ومشورتكم من تجاربكم في الحياه وش رايكم المح لإخوانها وأجس نبضهم ولاتبخلوا علي بارائكم ومشورتكم ودعواتكم |
السلام عليك
لا تخلي الفرصة تروح من ايدك كلم خخالك وخله يكلم امك اوكلم امك وابوك مباشرة ماى فبه داعي من الاحراج ياخي لمح لخوانه انت انت تريد القرب منهم بكلمات تلميح فقط الله يكتب لك الي فيه الخير عسى ن تحبو شياءا وهوشر لكم |
وعليكم السلام ورحمة الله وبركاته أخي الكريم ما أدري وش تنتظر :29: ما شاء الله بارك وضعك المادي ممتاز وقادر تفتح بيت أن تعرف إخوان البنت لمح لأكبر إخوانها واسعى في موضوعك ، وتحرك من جهتك ووطن نفسك قد تكون من نصيبك أو لا <<< يعني أرزاق الخلاصة ، إنوي نية لله إعفاف نفسك عن الحرام يعني إسعى في الأمر بجدية ولا تتردد والله يكتب لك وييسر لك ما تتمنى إن شاء الله نسمع عنك أخبار طيبة تقبل رد عزوبي:21: بس:d رجل:30: دمتم في حفظ الرحمن |
خلاص توكل على الله وتقدم لها واللي كاتبه الله بيصير
ولو البنت من نصيبك حتكون ان شاءلله مع تمنياتي لك بلموفقية. اختك عاشقة الليل |
عليكم السلام ورحمة الله وبركاته
الله ييسر أمرك ويكتب لك مافيه خير بداية ً الوالدة تكلم أمها حتى لو كانت العلاقة عادية مثل ماقلت ، كل الخطوبات بهذا الشكل تتم وبعد ماتشاور الأم أبو البنت والبنت ، تروح مع والدك تقابل والدها . |
توكل على الله واخطب وش تنطر لما تطير الطيور بارزاقها
|
توكل على الله وتكلم مع اخوها الكبير اولا
وبعدين ان شاء الله ييسر امرك:22: بس تدعيلنا احنا كمان:d |
وعليكم السلام محسن1930 ربي يحفظك اتمنى ان هذا البنيه بنت الجيران تكون من نصيبك يارب وانت ماشاء الله علاقتكم بهم اكثر من رائعة ومثل الاهل الله يدوم هالمحبه يارب وتزاد بعد زواجك لبنتهم الطريقة الصحيحه والمناسبة انك تكلم ولي امرها رسميا وتشوف رأيه والله يوفقك يارب وايضا خل اختك تكلم البنت وتقول ان اخوي يتمناك زوجة عشان تحطك ببالها وتبدأ تفكر فيك وموفق ان شاء الله :14: الله معك (: مُبتسمة وكلي جروح |
توكل على الله
كلم اختك عشان تروح لها وتاخذ رايها مثل ما قلت اختنااا تحطك البنت في بالها وتعرف رايها منهاا واخبر الوالده لاتنسى عجل في الامر وفقك الله دنيا واخره |
طيـــــــب ايـــــش رايك فيني:d :d
أمزح معاك أنا متزوجه...وفي وقت خطبتي لا أنا أعرف أهل زوجي ولا هم يعرفونا...يعني دخلوا وخطبوا على طول فأنا أقول لا تحرج نفسك مع ابوها أواخوها...خلك تقليدي يعني أهلك يروحون يخطبون...الله يوفقك |
في البدايه أشكر جميع من تجاوب ورد وشارك بنصيحه ورأي ومشوره وفقكم الله في جميع أموركم
@ أم ارخيم @ شكرا لكـ @ عزوبي بس رجل @ اللهـ يسمع منكـ بس كيف العزوبيه معكـ @ عاشقة الليل @ باركــــــ اللهـــــ فيـــــــــــكــــــــ @ غاليهـــــــ @ اللهم آمـــــــــيــــــــــــــــن @ nweerh @ ونعم بالله سبحانه وكيل @ المصريه @ اللهــــ يرزقكـ الزوج الصالح الذي يسعدكـ وفقك الله @ مبتسمه وكلي جروح @ لرايك كل التقدير والاحترام وهو في البال الله يبعد عنك الجروح وان شاءالله مبتسمه على طول @ قول وفعــــــــل @ الله يوفقكـ دنيا وآخره وشكرا على النصيحه @ gloomy eyes @ جزاكـ اللهـ خيرا ، اللهـ يسعدكـ ويا أعزائي أنابين احد الامور التاليه 1/ أكلم الوالد الله يحفظه وتكون خطبه رسميه . 2/ اكلم خالي لأنه عزيز علي وهو بمثابة اخ لي لان عمره اكبر مني تقريبا بثمان سنين هذا سبب والسبب القوي الاخر ( في وجهة نظري ) إن زوجته تقرب للبنت الي بأخطبها إن شاءالله حيث انها بنت خالها وخالي عزيز وهو اكثر من اخ . 3/ أكلم اخوها بطريقه غير مباشره واقصد اخوها الاصغر ( عمره 16 سنه) لانه ماشاءالله ذكي وأحس انه يفهمني بسرعه ويعزني ولي مكانه وقدر لديه . 4/ أكلم أختي لانها تدرس بنفس المدرسه لكن ليست بنفس السنه الدراسيه . # ماهو افضل خيار بين الامور التي ذكرتها ولماذا # وآسف جدا على الإطاله ولكن تعرفون كلمة زواج وخطبه ماهي سهله والمثل يقول بعد التغير ( وجع الضرس ولاهم العرس ) واعتذر عن الكلام العامي لاني كتبت الموضوع بسرعه وعن تكرار كلمة أكلــــــــم ولاتنسوني من الدعــــــــاء |
اقتباس:
كل الطرق تؤدي إلى <:14: > وأفضل الخيار الثاني..ما شاء الله بارك الله الله يوفقك ويتمم لك على خير ويرزقك الزوجة الصالحة دعواتك لأخيك عزوبي:21: بس:d رجل:30: دمتم في حفظ الرحمن |
عزوبي بس رجل كل ا لشكر لكـ
وانا في إنتظار بقيه الاعزاء بردودهم ومشورتهم لاتتأخروا علي في الردود |
الله يوفقك يارب الخيار رقم 1 ورقم 2 افضل والباقي استبعدهم .. (: الله معك |
اخي العزيز أولاً عليك بالاستخارة ومن ثم اخبر والدتك بالموضوع ..ز
الله ييسر لك الخير اينما كان ... |
مبتسمه وكلي جروح اللهم آمين وجزاك الله خيرا
محمد هيا الحمدلله أستخرت وانا مرتاح ومطمئن وبارك الله فيكـ وللجميع ارجوا منكم ان تدعوا لي ان ييسر لي امر الزواج منها ويجعل لي معها الخير والسعاده وهنالك ملك يدعوا لكل من دعاء لاخيه المسلم يقول اللهم امين و لك بالمثل فلا تنسوني من الدعاء |
افضل الخيار الثاني
والله يوفقك يارب ويسعدك معاها طول العمر |
لية ما تروح لامك وتصارحا او تلمح لها انك نفسك
بالبنت وهى تقوم بالواجب . والله يكتب اللى فية الخير بينك وبينها انشاء الله وتبشرنا بالعرس |
الله يوفقك يارب وييسر امورك وتبشرنا ان شاء الله بآخر اخبارك ربي يحفظك ويتمم فرحتك (: الله معك |
اقتباس:
اخى طالما هكذا الوضع والبنت تعد قريبة خالك اجعل خالك يسئل زوجتة اذا كانت البنت مخطوبة ام لا واستخر الله عز وجل وتوكل وتقدم لها بشكل رسمى... الله يوفقك ويكتب لك الخير لك ويسعدك اخى حبيت ان الفت نظرك الى قول الله يسمع منك ابدلها بالله يستجب منك لان الله عز وجل سميع بصير مجيب الله يوفقك للخير |
الاخت تالينااا /
جزاك الله خيرا والله يستجيب منك |
الأخت همسة ولاء /
اللهم آمـــــــــيـــــــــــــــــــــن جزاكـ الله خيرا |
الأخت مبتسمه ( الله يبعد عنكـ الجروح ويقربلكـ الافراح )
الله يستجيب منكـ وان شاءالله أبشركم بالأخبار الحلوه عما قريب |
الأخت حبيبة الاسلام /
وعليكم السلام ورحمة الله وبركاته جزاكـ اللهـ خيرا على الدعاء وعلى التنبيه بالقول الله يستجين منكـ ولازلت اطلب من الجميع الدعاء بارك الله فيكم |
أنا أرشح الخيار الثاني
الله يوفقك ويسهل أمرك |
| الساعة الآن 12:23 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©