|
هل سني مناسب للزواج
السلام عليكم ورحمة الله وبركاته
تحيتي لكل اعضاء منتديات عالم الحياة الزوجيه ارجو من لديه خبره في الحياه الزوجيه الرد على سؤال لأنه يحتاج الى تفكير عميق انا طالب في الجامعه عمري 20 يبدا سوالي بدعاء لاخي ان يرحمه الله فهو اكبر مني في العمر فقد بدا مشوار حياته منذا 10 سنوات وهو يطلب في الرزق حتى يتمكن من الزواج وبناء اسره وهو حلم كل شاب والحمد لله وفقه الله في رزقه فتقدم لخطبة فتاه وكانت فيها جميع المواصفات التي ارادها فتمت الخطبه بحمد الله وفي يوم من الايام حصل قضاء الله وقدره فتوفي اثر حادث بسيارته حينما كان متوجهه الى مقر عمله ولقد مر الان على وفاته 5 اشهر فقام والدي ووالدتي بسؤالي عن الزواج وهل انا مقتنع بالزواج في هذا السن فاجبتهم نعم فقالو لي هل نخطب لك خطيبت اخوك ونحن نأمن لك كل ما تحتاجه من ماديات ففكرت في نفسي في هذا الموضوع وقلت انا موافق على الفكره العامه ولكن انا محتار في اشياء منها هل سني يسمح بالاقتران مع العلم انها اكبر مني بسنه وهل هي ستبقى متعلقه وحزينه عليه وهل ستبقى تقارن بيني وبينه ارجوكم من كانه لديه الجواب ارجو ان يفيدني وينير لي الطريق و جزاه الله الخير الكثير الاشراف : تم تعديل العنوان ليتناسب مع المضمون |
يعطيك العافية
اول شي الله يرحمة اخوك وجميع اموات المسلمين ثانيا عليك بالاستخارة واللي فية الخير يقدمة ربنا ولوانا مكانك واشوف والدي متحمسين للفكرة هذة والبنت نفسها على طول التقدم |
الله يرحمه ، الله يكتب لج الي فيه الخير ...
|
السلام عليكم . . . الله يرحم أخوك ويغفر له ويسكنه فسيح جناته أولا أخي الكريم ... الموضوع ليس موضوع أخيك والواضح أنك قابل للفكرة ولكن هل البنت ستوافق؟!؟ إذا وجد القبول من الطرفين (دون أن تكون قصة أخوك -رحمة الله عليه- مؤثرة في نفسيكما) فعلى بركة الله تعالى . . . ونصيحة أخوية ... بنات الناس كثير وهي مش آخر واحدة . . . أسأل الله لك العفو والعافية والله المستعان |
عظم الله لك الاجر اخي الكريم .. انا ايضا فقدت اخي مثلك .. واعلم مايتركه هذا من حزنِِ في النفس لايمكن نسيانه .. فاسأل الله ان يرحم اخاك واخي ويغفر لهما ويسكنهما فسيح جناته .. وان يلهمنا الصبر والسلوان .. بالنسبه لموضوعك .. انت ادرى منا بحالك .. فهل ترى نفسك قادرا على تحمل مسؤلية زوجه وابناء وانت في هذا السن ? ان كنت قادر فاتوكل على الله .. وان كانت خطيبة اخوك المتوفى موافقه فأنت اولى بها .. وفارق العمر بينكما ليس بالشئ الكبير .. استخر وسيكتب الله لك مافيه الخير .. |
أولاً: الله يرحم أخوك ويغفر له ثانياً: إذا أنت مقتنع بالفكرة فتقدم وتوكل على الله وأنتبه هذة حياتك ولا تأخذك العاطفة وبالنسبة للعمر عادي يأخي |
وعليكم السلام الله يغفر له ويرحمه .. والله يوفقك يارب ويكتب لك مافيه الخير .. سوف اعطيك مثال وانت ان شاء الله تستفيد منه وحده من الزميلات انخطبت ولكن الخاطب رفضها بعدما شافها قال لماذا شعرها قصير وربما كان عذرا منه لا اعلم لكن رفضها وانتهت الخطبه كانت مضى عليها اسابيع وبعد ذلك تقدم اخوه وقال انا سوف اوافق عليها بعدما البنت تزوجت اخوه وسعيده وكان هالموفق لم يحدث!!!! ومثل ماقال لك منادي انتبه هذا حياتك ولا تاخذك العاطفة يعني لازم تكون انت مقتنع بها وراضي بها والله معك |
--------------------------------------------------------------------------------
طيب انا الحين طالب جامعي وما معي الا المصروف الي يكفيني بس هي جها تعزيه من الشركه الي يعمل فيها اخي يرحمه الله ومبلغ مالي قدره 200 الف فقالو اهلي عادي هذا مصروف اخوك وما فيها شي اذا اتفقتم على صرفه على انفسكم بصراحه انا ما ني طامع في الفلوس لاني بعد سنه بتخرج من الجامعه وتوظف بس اخاف من كلام الناس اخف يقلون ما صدق وفاة اخوه (والعياذ بالله) وتزوجه لان عدتها قربت تنتهي والعيون والناس تنظر لها لانها صغيره واخوي الله يرحمه خطبها له 6 اشهر بس وتوفى طبعا ما دخل عليها يعني توها ما خرجت من بيت اهلها وهي يتيمه مالها الا امها وخاله وهم حسيت انهم موافقين بس انا اخف من كلام الناس عني يقلون تزوجها وهو ما عنده وظيفه وباقي عايش في بيت ابوه بس الحمد لله والدي مقتدر موفر لي شقه كامله في الفله وسياره بس ناقصني المصروف الي اصرفه عليها وعلي ولا تستغربو وتقولون ليه مستعجل لانها بس تنتهي العده وحتجي الناس تخطبها وهذا الشي يحزني لانها انسانه اخترها اخوي من بد الخلق وما ودي تخرج عن عائلتنا ونا راضي بها وبكل صفاتها الي وصفوها لي اخوتي عنها بس المشكله هل انا استعجل بي الزواج او هل وضعي لا يسمح بي الزواج ؟؟؟ افدوني وانيرو دربي فانا وحيد ليس لدي من يرشدني ويوضح لي ما اغفل عنه ففيكم الخير يا اعضاء منتديات عالم الحياة الزوجيه.... |
http://www.asmilies.com/smiliespic/t...a0asmilies.gif غفر الله لاخاك واسكنه فسيح جناته.. انت الشخص الوحيد الذي يستطيع تقدير ذلك وقدرتك على تحمل اعباء ومسئوليات الزواج .. فلهذا يجب عليك قبل الاقدام على ذلك طلب الاستخاره من الله ..بالنسبه للعمر فأعتقد انه ليس مقياس جيدا لنجاح الحياه الزوجيه من عدمها المقياس الاول والاخير توفيق الله .. |
اول شي الله يرحم اخوك والمسلمين اجمعين
ثانيا الاستخارة ومشاورة المسلمين مثل ماكان الرسول صلى الله عليه وسلم يسوي مشاورة اصحابة ثالث شي راي زوجة اخوك مهم بعد ممكن هي ماتتقبل الزواج بشكل عام بعد فجعتها باخيك وراي ولي امرها مهم جدا |
طيب انت اخطبها بس لا تتزوجو الا بعد سنة بعد ما تتوضف
اما حكاية الناس بالعكس راح يقولون ما خلة خطيبة اخوه تروح لبرة وراح تكبر بعينهم |
السلام عليكم
يعطيك الف عافيه على مرورك الطيب وصراحها اسعدني تفاعلك في الموضوع .................................................. .................................................. .................................................. ....... انا عارف ان الزواج مسؤليه مهب لعب ولا فرحت شاب مراهق وانا بكره بفتح بيت رجال ولانظار تتجهلي ووالدي قالي نفس الكلام وانا وافقت على الموضوع بس سوالي هل وضع البنت من الناحيه النفسيه هل بتعب معها لانها كانت مع اخوي وانا والله مافكرت فيها من باب شفقه ونها ومسكينه لا والله انا فكرت بجديه والموضوع مو سهل بس انا قلت اا هذي البنت اخترها اخوي ووثق فيها وفي اخلقها والناس يقولون عنها كل خير وعن اسرتها المحافظه وسمعتهم وانا واثق من اختيار اخوي بالمره وكلام اخواتي عنها وولدتي وانا قلت هذي البنت اختروها عائيلتي فليش اضيع الفرصه مني وكيف القى وحده زيها بس المشكله انا باقي ما صاقعتبي الدنيا ولا شي من البيت الى الكليه الى المسجد بس واخاف اخذها ولا اعرف اتصرف معها يعني طريقة العيشه الزوجيه هل هذي الشي وجهه المتزوجين ولا انا بس فيني العله هذا سوالي ... |
اخي الله يهديك الى سبيل الرشاد ويوفقك الى مافيه الخير
اخي اذا كانت واثق من قدراتك في الحياة الزوجية فتوكل على الله ولا تجعل قضية المصاريف عقدة امامك اخي انا متزوج وانا في سنه اولى جامعة واللهم لك الحمد اموري ماشية ولاني متضايق من شئ واحب انبه عليك لا تنظر الى كلام الناس في امور دينك لانك اذا جريت ورى كلام الناس والله بتتعب نفسك كثير وانت في غنى عن هالشئ (أسال مجرب ) توكل على الله وتزوجها وعف نفسك وانوي النية الحسنه ومن كلامك ان البنت مافيه شئ يعيبها فتوكل على الله وانا اشد عليك |
الاختيار صعب بهالحاله
لكن انت استخر وخل قلبك يسيرك |
اول شي الله يرحم اخووك وعظم الله اجركم
وثانيا اخوي دامك تقوول انهم موافقين وانت مرتاح مبدائيا اشوف ان مافيها شي تتوكل على الله وتزوج ولاتفكر بالناس ولاتعطيهم بال ابدا ولو بتسمع لكلام الناس والله ماراح يتعب الا انت وهم ماعليهم ماعندهم الا السنتهم الله يهدي الجميع وصدقني لو جلست بتفكر فالناس ماراح تتزوج ولو وصل عمرك 26 قالو هذا ماتزوج يعني ماراح ترتاح ريح بالك ولاتسمع الإ لشور اهلك والله يرضى عليك ويوفقك ويكتبلك الخير ويتممللك ياارب ولاتنسى اهم شي الاستخاره بالتوفيق اخوي تحيتي |
يتبع...
|
رحم الله اخاك
غليك بالإستخارة والخيرة فيما يختاره الله :) ولا غليك من كلام الناس لأنه لايودي ولا يجيب هذي حياتك انت وبس!! وفقك الله |
يتبع
|
ابشركم خطبتها!!!!!!!!!!! |
نعم مناسب شد حيلك وأعقلها وتوكل على ربك فسنك مناسب جداااا
|
الله يبارك لك ووفقك ان شاء لله
|
رحم الله أخاك والله يووفقك يارب ويرزقك الذرية الصالحة وتوكل على الله وماعليك من كلام الناس تـقـبـل مــروري ,,, |
اقتباس:
السلام عليكم ورحمة الله وبركاته, اخوي mahoone الله يرحم اخوك ويسكنه فسيح جناته,الف مبروك عا الخطوبة وعقبال الفرح قريب ان شاء الله...عندنا في يلادنا شباب تزوجوا بعد ما خلصوا الثانوية وامورهم الحمد لله ماشيه تمام وشغالين ويصرفوا على عيالهم...انصحك تقرأ عن سيرة الرسول صلى اللع عليه وسلم وكيف كان يتعامل مع ازواجه والله يكتب لك الخير في الدنيا والآخرة. |
الله يوفقك
والله يا خوي انا ادعيلك بالتوفيق
وما انت صغير عادي سنك مناسب يمكن علشان لسى ما توضفت بس انا عارفه ان اهلك حابين يفرحون فيك وتساعدهم على اندمال جرح فقدان اخوك الله يرحمه بس اذا بتسمع نصيحتي لا ترتبط بخطيبة اخوك ابدا انا اعرف ناس نفس حالتك بالكربون توفى اخوه بعد ما خطب وحده وكان اخوه مدرس وهو مازال طالب ووالده مقتدر وكان مستعد يصرف عليه وفعلا خطب خطيبة اخوه سابقا لكن واثنا ماهو يكلمها كانت دائم ما تناديه بأسم اخوه عداى لها مره ومره بعدين ما قدر وفسخ الخطبه انا اشوفها بتكون صعبه عليك وعليها اتركها وخذ غيرها والله بيعوضك ويعوضها هذه وجهة نظري :25: |
|
مبــــــــروووووووووووووووووووووووووووك ،، وماعليك من أحــد شوف اللي انت مرتاحله بعد صلاة الاستخارة ،، ان شاء الله راح تسعــدك مدامها طيبه وأهلها طيبين
بالتوفيـــق يارب ،، |
| الساعة الآن 05:04 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©