|
اقدر افتح بيت براتبي هذا ؟؟؟
السلام عليكم ورحمة الله و بركاته
اخواني .. اخواتي عشان اكون معاكم صريح انا بإذن الله راح اشوف الشوفة الشرعية عن قريب .. لكن السؤال الذي يدور في بالي هل استطيع ان افتح بيت ؟ راتبي 3500 ,, كما انني من خلال عملي تأتيني مبالغ من المال وخصوصا ان عملي في احدى اكبر المستشفيات في المملكة بقسم ثلاجة و غسيل الموتى مهتني مغسل اموات وتأتيني مبالغ اكرامية من اهل المتوفين ( بدون ما اطلبها منهم ) وهذه الاكراميات التي تأتيني احيانا تكون اعلى من راتبي .,, واحيانا لا اجد في الشهر الا مبلغ يسير طبعـاً هذا على حسب اهل الاموات و كم يعطونني .. وتذكروا اني لا اطلب منهم شيئاً ,, ولكنها ارزاق من الله عز و جل كمثل شهر العيد اتتني 3000 ريال هدية و 2200 من اهل الاموات لان اول يوم عيد توفي 3 اشخاص و اشرفت على حالاتهم و غسيلهم وهم جزاهم الله خير اكرموني الى ان وصل عندي 2200 ريال في يوم واحد غير 3000 الاف ريال اللتي اتتني عيدية من مدير القسم ... فما رأيكم .. هل استطيع ان افتح بيت وتذكروا .. احياناُ يمر شهر و لا اجد الا 100 او 200 ريال واحيانا في يوم يأتي كمثل راتبي وانا الان طالب جامعي ( منتسب ) و اعمل في مجال الموتى و غسيلهم فما رأيكم ؟؟؟ |
صباح الخير
أخي العزيز اعلم بان الله لا ينسى عبده ، والزوجة الصالحة هي التي تساعد زوجها وتقدر ظروفها ، انت تعلم متطلبات الحياه اصبحت صعبة وان شاء الله سوف ييسر أموك .. اللهم ارزقة الزوجة الصالحة ويسر أمره ... الله يكتب لك الي فيه الخير ... |
ان شاء الله يا اخوي توكل على الله وما دام انك تدرس ففرصه تحسين دخلك قريبه باذن الله
توكل على الله بعد الاستخاره والاستشار ه واهم شي احرص على اخلاقها |
أخوي ..
مادام عندك النية الصادقة وتبي ترضى الله عزوجل ، توكل على الله وربي راح يوفقك .. تأكد من هالشي .. ملحوظة خارج الموضوع: نبيك تسرد لنا بعض الحالات التي تجي عندك من باب العبرة والعظة في المقسم المفتوح من المنتدى .. تغسيل أموات :24: |
اخي الفاضل
توكل على الله والزوجة تجي ويجي رزقها معاها ,,, |
آخوي آخآف آلمستـقبل
الكل يعرف أن الزواج آستقرآر ونعمه تدري وانت عزابي يمكن تصرف آكثـر من أنت متأهل اهم شي أذ1 يوجد عندك بيت.. وتكون سآكن عند آهلك مثلا ً آلوآلد آذ1 هو موجود وانت بتسكـن عندهـ ان شآءلله انه بيقوم بمتطلبآت آلبيت وكثير من آلنآس متزوجين وهم على قدر رآتبك وبأذن آلله لما تتزوج تبي تزين آموورك وآلله يوفقك ان شآءلله بالزوجه الصآلحه يآرب ...000... |
الله يوفقك ويكتب لك الزوجة الصالحة
من رأيي انك تقدم على هالخطوة ... وتختار الزوجة الصالحة اللي تقدر تحفظ بيتك ومالك وتراعيك في طلباتها واحتياجتها ... وفيه كثير من هم أقل من راتبك ومتزوجين ومعهم اولاد .. وحياتهم مستقرة .. انصحك اخوي بالزواج و الاستخارة كثير في اختيار الزوجة الصالحة وكذلك الصدقة والاستغفار فإنها تزيد وتضاعف المال اضعاف اضعاف وعن تجربة هذا الكلام الله يوفقك يارب |
كيف تخاف من المستقبل في امور دنيوية وأنت ترى نهاية كل إنسان مما قد يعطيك أنطباع وفهم لحقيقة الحياة التي لا يكون الآمان فيها لا بالمال ولا بالجاه .
صدقني وأقسم لك بالله أعرف شخص تزوج وراتبه 1500 ريال فقط وفتح الله عليه ورزقه . فقط أحسن الظن بالله . وفقك الله ويسر امرنا وأمرك وامر المسلمين جميعا |
توكل على الله والله يستر عليك وويفقك بحياتك
والله يعطيك اجر عملك وصدقني مو كل البنات يبون راتب ومال وجاه يكفينا ان يكون الي نرتبط فيه رجال حتى لو راتبه 500 الله يسخرلك خلقه ويفتحها بوجهك ويرزقك من حيث لاتحتسب وبشرنا وش يصير معك |
هذا المبلغ يعتبر ضئيل بالنسبه لارتفاع الاسعار في هذا الوقت لكن اذا تقدر تسكن مع اهلك ممتاز والنقطة الثانية حاول ان زوجتك المستقبليه باذن الله تكون موظفة او على الاقل جامعية ترا مافيها شي ان زوجتك تساعدك في بداية حياتك على الاقل بمصاريفها الشخصيه..
حاول انك تتعلم كيف تصرف راتبك فقط والاكراميات اجعل لها حساب مستقل لانه لابد بتجيك ايام بعد الزواج تحتاج مبلغ مثلا مرض لاقدر الله مناسبه عائليه مهمه هدية لاحد الاقارب يعني لازم توفر وتتعود تصرف راتبك فقط وزوجتك بصراحه اشوف انها ضروري يكون لها راتب تصرف على نفسها وتساعدك اذا تقدر.. ومن ناحيتي اقولك اعقلها وتوكل.. |
الزواج باب رزق
من توكل علي الله فهو حسبه |
وعليكم السلام
الله يوفقك يارب اقتباس:
ابحث عن المرأة الطيبه الصالحه القنوعه التي ترضى واخبرهم براتبك ووضعك المادي وان شاء الله تسير امورك على خير مايرام فلا تقلق والله معك |
حبيبي فيه ناس تزوجو على راتب 1500ريال وفيه ناس تزوجو وهو لا وراه ولا قدامه وبعدها الله وفقه وتوظف
حبيبي لا تفكر في عائ المال وأقدم تراها تساهيل من رب العالمين والبنت رزقها معاها الله ييسر أمرك |
الله يوفقك و يرزقك بنت الحلال اللي تسترك و ترضيك ..
امين امين المال مو مشكلة في شقق بـ 50 الف و في شقق ب 5 الاف حسب الامكانيات اهم شي خذ واحده قنوعه و اهم شي ماتكون غنية ...... لانو في اي يوم ممكن تطلع منها كلمة تجرح ... الله يوفقك و يرزقك |
الله يسهل دربك ويوفقك
|
اخى حتى لو كان الراتب قليل توكل على الله والله بيسرلك امورك ويارب تجد من تعينك على على الدين والتقرب لله وعلى صعوبات الدنيا
والله يوسع رذقك ويعطيك وظيفه براتب كبير بعد التخرج ان شاء الله باين عليك انسان مجتهد وان شاء الله ربنا بيسعدك:14: |
الله يوفقك وجزاك الله خير على وظيفتك هذي
وبرأي الزوجه اللي انت اخترتها هيا تحدد يكفي ولالا على حسب طلباتها والمستوى اللي هيا عايشه فيه الله يكتبلك اللي فيه الخير |
اخوي شوف
انت تقول ان راتبك 3500 وهذا مصروف جيد لك .....شهريا اما بالنسبه للزواج ... تستطيع ان تمشي حالك بها فقط لعدة شهور قلائل اما باقي الشهور ستشعر بضائقه ماليه دائمااا لان مصاريف البيت تزداد يوما بعد يوم........<<< هذا طبعا ان كنت استقررت بمنزل والدك او بمنزل ملك لا ايجااار ...................... عندي لك حل راااائع... افتح لك حساب توفير ... وهذا الحساب اتركه للحاجه ...القصوى فقط لا غير ستتعجب من اين لك مال للتوفير سانصحك .. ان كل مبلغ ياتي لك هبه .... اتركه للتوفير ...... الفلس الابيض لليوم الاسود وان شاء الله راتبك يكفيك انت وزوجتك .....بالرغم من صعوبة وضع الميزانيه بس حاول ان تستمر على ميزانيه دائمه لتوزيع الراتب على احتياجاتكم ..... والاهم من هذا اختار زوجه تريد الستر لا تريد البهرجه والصرف الزائد |
بارك الله فيكم و جزاكم الله خيــر
فعلاً نصائح من ذهب وان شاء الله تتصحح اوضاعنا ونأمل ان الله يوفقنا واياكم لكم خالص شكري وتقديري اخوكم صهيب |
اقتباس:
|
اله يجزاك كل الخير على عملك المشرف
وانا اقولك لاتقلق وبالعكس وضعك بإذن الله راح تقدر تفتح منه بيت .. اللي رعرفهم كثير ورواتبهم اقل منك ولا عندهم اكراميه او شي وبالعكس عايشين ومبسوطين ماشاء الله عليهم اهم شي انتي لا تضغطي نفسك بالديون الله يسهل لك امرك |
أخي 0 جراح
لست انا من تقصد |
توكل على الله والله يستر عليك وويفقك بحياتك
والله يرزقك الزوجة الصالحة وفقك الله ويسر امرنا وأمرك وامر المسلمين جميعا |
| الساعة الآن 01:25 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©