|
طول شهر رمضان لم افطر انا وزوجي الا اليوم
السلام عليكم
مشكلتي انني اشتقت لزوجي وللجلسه معه اخو زوجي متزوج اعز صديقاتي وساكنين مع بعض في فله انا فوق وهي تحت وطول شهر رمضان انزل عند صديقتي ونطبخ مع بعض وافطر انا وصديقتي وزوجي واخوه لحالهم بصراحه انا مليت ودي افطر انا وزوجي كنت انتظر زوجي يقولي مشتاق افطر معاك بس ولا مره قالها انا توقعه انه مشتاق لي خاصه لانه يطلع من صلاه العشاء مايرجع الا الساعه 3 الفجر لان عنده محل لما يسكر المحل يرجع للبيت واحيانا لما انزل عند صديقتي عشان نجهز الفطور ما اشوفه اجلس انا وهي في المطبخ وهو وخوه بعد الفطور على طول يطلعون لبيتي يجلسون عند التلفزيون وانا وصديقتي نجلس تحت امس كنت تعبانه وما صمت ولا نزلت عند صديقتي قلت لزوجي روح افطر تحت المهم انا لبست وترتبت وسويت عصير قلت لان زوجي دايما بعد الفطور يطلع فوق لبيتي واخوه معه بس امس طلع زوجي لحاله لاني كنت في البيت مانزلت تحت توقعت ان زوجي مشتاق يجلس معي لما دخل للبيت قالي ماراح تنزلين قلت لا انا بغسل ثيابك المهم طلع انا استغربت اتصلت عليه قلت له وينك قال وش تبين قلت بس اسئل قال ايه بروح للشقه عند صديقي بصراحه انقهرت وضاق صدري لاني جالسه استناه ومشتاقه له وكنت متوقعه انه مشتاق لي بس هو صدمني قلت له انا مسويه عصير ماودك تشرب قال لا ماابي قلت له طيب وبيتك يعني خلاص ماتجلس فيه بصراحه خنقتني العبره من القهر وقلت له يلا مع السلامه وسكرت السماعه اليوم قلت اخر يوم في رمضان وقلت لازم نفطر مع بعض سويت الفطور في البيت وافطرنا مع بعض بعد صلاه المغرب رجع بس ماغير ملابسه حسيت انه يبي يطلع قلت وش عندك وين بتروح تبي تروح لصديقك روح عادي سامحه لك ابتسم وجلس معي شوي باين انه يجامل عشان ما ازعل انا ضاق صدري حسيت ان ودي ابكي من القهر بس مسكت نفسي جلس يلعب ولدي شوي وقاله تعال عند بابا جيت انا عنده وقلت ماما بتجي وحطيت راسي على صدره عشان يحس اني مشتاقه له بس وهو ولا عنده احساس المهم حبيت اسولف شوي رغم ان ماكان لي نفس لانه شايفه ان وده يروح المهم قال هاه تبن شي قلت سلامتك وطلع رغم اني امس بعد مارجع الفجر عاتبته وقلت له ليه ما صرت تشتاق لي وبينت له اني صرت اشتاق له لاني ما اجلس معاه ولا اشوفه وتوقعت انه اليوم بيجلس معي بس للاسف طلع وماعبرني وش اسوي خاصه ان بكره عيد وانا متضايقه وحاسه انه يمل مني بسرعه ومايشتاق لي وشلون اخليه يهتمفيني وفي مشاعري وشلون اخليه يشتاق لي وللجلسه معي للعلم انا مو راعيه مشاكل اومضايقته من شي بالعكس انا مريحته على الاخر بيتي مرتب واهتم في نفسي واهتم فيه ودايم اقوله ان شاء الله ومن عيوني وحتى سواليفي حلوه وما احاول اتكلم عن اي شي يضايقه بس ليه زوجي يهرب مني ما ادري؟؟؟ |
اتركي المراكض وراه ويجيك يحبي !!!
تغلي عشان لايمل منك .. |
|
حبيبتي
حاسه فيج لاني مريت بهالحاله انا معاج انه الوحده تتمنى زوجها يكون معاها و يبين شوقه لها بس لازم تعرفين انه الرجال ما يفكرون مثلنا بالعكس...يفهم كلامج وتصرفاتج على انه تقييد له الحركه اللي سويتيها باحتضان زوجج اكيد تركت عليه اثر حتى لو ما بين لج وصدقيني في داخله هو حاس بالشوق بس الشغل...واحيانا التعلق بالاصدقاء ياخذ وقتهم... لا تزعلين نفسج ولا شي يا عروووس عليج بباجر فليل سوي ليله على كيف كيفج واحبسي بالبيت واتعشوا وسولفوا وطلعي كل اللي بخاطرج بتشوفين انه هالليله بتذوب كل شي بينكم الله يهنيج |
ياقلبي هذا طبع أغلبية الرجال لو كان يحب زوجته ويمووووت فيها الا لازم يطلع لانهم متعودين على الطلعه من قبل الزواج.. مو زي البنت متعوده على جلسة البيت.
|
جنه الدنيا
اجل بطبق المثل الي يقول الثقل صنعه ونشوف بينفع معاه الثقل ولا لا اخوي منادي اي والله ماله حق تخيل طول الوقت بعيد عني مدري ليه مايشتاق مثل ما انا اشتاق له اختي 3thooooooob انا الصباح سوي قهوه وبحط شوكولا العيد وبلبس واكشخ واجهز ملابسه وبدخنه بالدخون وبنتقهوه مع بعض ادعي لي ان صباح العيد يكون خير علينا ويدلعني شوي بس بكون ثقيله عليه ببوسه بوسه العيدوبس ام توتي الله يعينا على هالرجاجل وان شاء الله يحسون فيها لو شوي الله يعطيكم العافيه |
http://www.asmilies.com/smiliespic/t...a0asmilies.gif السلام عليكم ورحمه الله وبركاته .. اختي كل عام وانتم بخير..ا عانكِ الله..تحملي واحتسبِ الاجر .. _.. |
جربي انتي تكوني باردة متله يمكن ببعدك هو يشتاق لقضاء الوقت معك
|
الرجاله دول يجيبو القهر
لكن اختى استمرى انتى فى اهتمامك واعملى اللى عليكى ولا تزعلى نفسك وعيد سعيد عليكم |
الله يحنن قلبه عليك ويشتاق لك يارب
انا خطيبي زعلان مني وحتى مقفل جواله ومن امس لليوم ابغا اصالحه وهو مو راضي يلين وبكره عيد :( ادعي لي ياعروس :21: |
ياحليلكم انتم وهالمشكلة انا عندي زوجه قسم بالله مدلعها وهالحين تبي الطلاق انا منقهر قسم بالله شايل هم والشكوى لله ايييييييييييييييييييييييييييييييييييييييييييييه بيفيد ايه الندم القلب يامن حرم
|
السموحه مادخلت قبل انا زوجي يفطر في المجلس اللي في البيت مع الرجاجيل طول رمضان مع ان في بيت هلي غير اللمه مع الكل اخواني وحريمهم وخواتي ماشاء الله من كثر اللمه ماتحصلين مكان ويوم تزوجت العكس سبحان الله وهو كان قايل لي ا ن هذا نظامهم انا واخته بس نفطر مع بعض الله يهنيج حبوبه والدنيا واشياء وايد تتغير بعد الزواج والله يوفق الكل
|
هذا حال كل الازواج ولا تزعلين نفسك وبالعكس خليك عاديه لانك لو زعلتي وانقهرتي راح تحرقين رووحك بروحك وهو ولا على باله وبكون الموضوع عنده تافه وانتي مكبره السالفه عيشي حياتك بسعاده والله يسهل عليك
|
احلا الردود رد جنة الدنيا اتركي المراكض ؟؟؟؟؟؟؟؟؟؟؟؟؟؟؟؟
هههههههههههههههههههههههههههه ^-^ |
الله يعطيكم العافيه
بقولكم اخر المستجدات ليله العيد جى زوجي الساعه اربع وانا لبست عبايتي وقلت له انا طالعه قال وين قلت بروح للمشغل قال مشغل الساعه اربع الفجر قلت ايه عشانه عيد تعال شف الزحمه كل الحريم في المشاغل المهم طلعت انا وصديقتي زوجه اخوه مع السواق الساعه خمس اتصل علي وقال انا بروح لعمي بصلي العيد معه وبروح لاهلي قلت وانا حتى في العيد ما اشوفك الا عند اهلك قال تعلي مع اخوي وحرمته قلت وش دخلني فيهم ترا بكرههم والسبه انت قال والله عمي سيارته خربانه وبروح امره عشاننروح لاهلي وبشوفكم هناك سكرت السماعه وانا ابي ابكي بس مسكت نفسي لا يبين علي عند زوجه اخوه شفتو القهررررر |
اقتباس:
ليش انتم دايم اذا الرجال صار يطلع تحسونه انه مل من جلسه البيت - باعتقادي لانه متعود على الطلعه والجلسه مع الشباب عشان كذا يطلع يوميآ والحل للاهتمام وتخلينه يشتاق للبيت لاتسببين في مشاكل معه وخليه على راحته وبيجي يوم ويمل من كثرة الطلعات..... زوجك مثلى اول كنت اربع وعشرين ساعه طلعات مع الشباب وسهر مليت من هذا الروتين جلست افكر مع نفسي لقيت مالى الا اسرتي وغيرت حياتي وقللت السهر والطلعات وتحيتي لكي |
الله يعينك يا اختي
الله يسخره لك وييسر اموركم ويسعدكم اختك بالله جينز |
صارحيه في وقت مناسب00 وباله مرتاح عشان تاخدين اللي تبين000
|
شكرا لكمحتى العيد ما تهنيت فيه
الله يهديه |
ابو جنى
يا خوي زوجي دايما يطلع من البيت ما اشوفه الا الساعه 3 الفجر ولما تجي فرصه اني اجلس معاه بعد صلاه المغرب يطلع ويخليني لا هذا مو حق لا وبعد خربها في العيد ما شفته الا عند اهله وبعدين رحت لاهلي ونمت عندهم لانه متعود يوديني لاهلي وياخذني اليوم الثاني مستحيل يوديني وياخذني في نفس اليوم وعذره المشوار |
شوفي احنا يالرجال كذا مانبين الحب للزوجة مع ان بعض الرجال يمووووت في زوجته بس طبيعته كذا مايبين هذا الشيء
خلي الامور طبيعية صدقيني هو يموت فيك والرجل يموت في المرأة اللي تهتم فيه ولا لها لسان وانتي كذا صح؟ |
اقتباس:
اتفق معك لا تجبريه على الجلوس ولو بالنظرة وبنفس الوقت لاتصمتي كثير من الرجال لا يعرف الطرق الغير مباشرة يعني لا تتوقعي منه توقعات لامور ترغبي بها ولم تصرحي فيها لانه حيقول لك ببساطة ماقلتي لي قصة الف طور الان انتهت وكل عام وانت بخير والقادم افضل والقادم فطور وغذاء وعشاء وجلسات جميلة ومريحة وبامكانك ان تتكلمي مع زوجك بصورة غير مباشرة ان توضحي لزوجك ان صديقتك متضايقة من الوضع وانها ترغب بوجود زوجها معها بالوجبة خصوصا انها ترتبط بالفطور كونه مشترك وهي ولمحت لك بلطف لهذا وحببيه بجلسة البيت زوجك طول الوقت بمحل ويكلم الناس ويلاطف الزباين وشغل السوق متعب لانه تعامل مع نفسيات مختلفة فلا تتوقعي منه لما يكون معك او حتى مع صديقه ان يكون كثير كلام او يرغب بنقاش او بعتاب غير ان بعض الزوجات متزمتات مع ازواجهن او ازواج مايحبون يشاهدون اشياء مع زوجاتهم ويدعون صورة ليسوا هم عليها انت حاولي تعرفي سره المواضيع التي يحبها وذلك من خلال ان تتركيه يعبر عن نفسه بحرية من خلال اسئلة عامة غير مباشرة وريحيه بمنزلك والراحة ليست فقط بالتجمل والتزين مالفائدة والزوجة نكدية ومبوزة ودمعتها ساكبة او احاديثها مملة لا اعنيك لكن اتكلم بالعموم صادقي زوجك ووهذا اقرب طريق للتقرب منه |
أسأل الله ان يدله على الصواب والقيام بحقك
|
هذه مومشكلتك وحدك كلنا نشتكي من الفراغ العاطفي اللي بداخلناونتمنى اللحظه اللي الزوج يحسس زوجته انه مشتاق لهاومتلهف عليهاحتى لوبعدمرورسنين على الزواج لكن الظاهران شئ اسمه حب بين الزوجين سرااااااااب.
|
شكرا على جميع الردود وان شاء الله
نعوض الجلسه الايام هذي |
وش رايك في اللي ما أفطرت سواء هي وزوجها ولا يووووم والى الان لا غدا ولا عشاء ولاشي يااارب يفرج همك وهمي وهم كل مهموووووم يااااااااااارب يا الله كيف مشتااااااااااقه يكون لي بيت :21: :21: :21: |
الله يعينك اختي وعلمي ولدك يتعلق في ابوه ويقوله بابا خلك معنا اليوم مثلا او بابا طلعنا للملاهي وهي فرصه تجلسون مع بعض لو خارج البيت
|
عااااااااااااااااااااادي
انا ولا يوم كله مع ابوه عسى ماينقصنا الا الفطور سهل بعدين رمضان اغلب الرجال وضعهم كذا وسعي صدرك وعوضي بالايام الجايه |
والله زوجي دايما مشغول وحتى في الايام العاديه لما اقوله نطلع نتعشى اونتغدا برا
كل يوم بعدين ولا مو لازم واحيانا نطلع بس يمكن في الشهر مره دايما اقوله المفروض يوم الاربعاء او الخميس او الجمعه تخصص كم ساعه من وقتك نطلع مع بعض بس رافض الفكره يقول بعد كل اسبوع والله انك طماعه |
الله يعينك معظم الرجال كذا
الانانية تسري في دمهم الله يعينا ويصبرنا |
صارحيه بالموضوع مرة و مرتين و لا تيأسي
|
اقتباس:
|
| الساعة الآن 12:49 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©