|
خطيبي يكلمني ؟ ؟
السلام عليكم ورحمة الله وبركاته اخواني اخواتي انا انخطبت ( خطوبة بدون عقد ) قبل شهرين تقريبًا بولد عمي وولد خالتي بنفس الوقت مشكلتي اننا نتكلم مع بعض بدون علم امي ، والدي يعلم ولكن ليس لديه اشكال ( عشانه ولد اخوه ) المكالمة ما تتجاوز 10 دقائق لانه اهوا في بلد وانا في بلد وقرات كم فتوى الجواز في ذلك ؟ حاسة قلبي يأنبني عشان امي : ( واذا قلت له خلاص ماابي اكلمك لين الملكة بيقول المفروض من البداية مو لمن تعلقت فيك : ( والملكة إن شاء الله بعد سنة تقريبا < ادري بتقولون من الحين تتكلمون : ( تكفون اعطوني الحل وش رآيكم ؟ |
الحين انتوا تعتبرون روحكم مخطوبين بدون عقد على اي اساس!
على العموم موفقين حبيبتي |
حبيبتي لمحي لامك وبعدين قول لها وقولي لها ابي اتعرف عليه اكثر لاكن اخاف امك تذبحك على ها العذر... وصراحه المفروض كلمتيه قبل 6 شهور مو سنه والله يوفقك
|
غاليتي اهوا خطيبي اشلون تعتبرون روحكم مخطوبين ؟!
شكرًا لتواجدكِ أخيتي * وينكم يا الربع ابي رآيكم : ( |
الله يوفقك ياعمري اقطع المكالمات لين تتم الملكه
|
قصدي لازم يكون في عقد
|
مشكورين حبايبي ع مروركم
بحاول ان شاء الله المح له إن مايكون بينا إتصال إلا بعد العقد |
الله يألف بين قلوبكم ويلم شملكم
اختي الله يسعدك وماهو سبب تأخير عقد القرآن؟؟؟؟ صارحي الوالد وقولي له يابابا انا الحمدالله الفتره اللي فيها كلمت خطيبي ارتحت له وبصراحه انا خايفه من مكالماتي معاه اني اغضب ربي وانه قرأت انه مايجوز فليش ياباب مانقدم عقد قرانا يعني على الاقل فيما يرضي الله عنا وشوفي رأي الوالد وانا متأكده بإذن الله ان الوالد مارح يأخر الموضوع وانت كمان لمحي لخطيبك انكم تعجلوا بالملكه وصلي واستخيري وتوكلي على الله والله ييسر امر زواجكم ويلم شملكم يارب ويكفيكم شر الحاسدين وشر شياطين الجن والانس |
انا من رايي تقولين لخطيبك يفتح موضوع تقديم العقد
مو زينه انت تقولين لبابا لانه حتى اذا وافق مب زينه يقولهم تعالوا خذوا بنتي والله يوفقك ويسهل لك يا رب الف مبروك مقدما |
هذا الرابط يفيدك
وأرجو من الإخوة الحذر من الفتوى وعدم التصدي لها بدون علم: http://www.66n.com/forums/showthread.php?t=72374 |
اقتباس:
لانك لو لمحتي له راح ينزعج ويقول ليه وما استغنى إلخ لأنك غلطانه عودتيه من البدايه فبيكون صعب عليه الامر انت شوي شوي اختفي ولا تردين على الاتصالات وايضا برساله مسج وضحي الامر .. موفقة ان شاء الله الله معك |
اقتباس:
والانسان ما يخلق عالم ومثل ما قال الاخت متابعة2 اقطعي المكالمات معه وعلميه وش السبب برسالة لو قلتي له هذا الشيء بالمكالمه راح يلحس مخك وبيخليك تكملين وصدقيني وقتها يمكن تطيحين من عينه ويعتقد انك جريئة وقد مر عليك هالامور |
المصارحة لوالدك خير حل كما قالت حبيبتي روح الغالي وان شاء الله ربي يوفقك اما هكذا لاينفع
أختك حائزة |
تبين الله يسعدج ؟ وقفي المكالمات لانها خطاااااااااااا ...
الله يكتب لج الخير ... |
السلام عليكم
الخطبة في كل مكان تعني عرض الزواج من قبل الرجل و قبول ولي البنت بعد سؤال البنت اما عقد القران فيعني انه زواج و لم يعود خطيبها بصرف النظر عن اعراف البلاد و ما يتبعونه في الزواج و اري في حالة اختنا انة قد تم الاتفاق علي الزواج ووافق ابوها و هو وليها الشرعي فلماذا تسألون اسئلة غريبة و تنكرون عليها خطبتها؟ ثم ما هو سبب التحريم في المكالمات ان كانت هي الوسيلة الوحيدة للتقارب بينهما خاصة انها في ظل العائلة و بعلم والدها و هو الولي الشرعي لها ولا يشترط اساسا موافقة امها لا علي الخطبة ولا علي الزواج لانها ليست ولي شرعي في الزواج ما اراه و اعتقد انة راي الدين ايضا و ممكن الاطلاع علي الفتوي المرفقة في احدي المشاركات و اضع رابطها مرة اخري لزيادة التاكيد http://www.66n.com/forums/showthread.php?t=72374 ما اراه هو ان تحاول الاخت الا تخرج في سياق المكالمات عن حدود الليقاقة و الدين و من الممكن ان تجري المكالمة بوجود والدها و ان يعرف خطيبها ان والدها موجود فيلتزم هو ايضا و ذلك لزيادة التالف بينهم لانهم اساسا لا يري احدهم الاخر لماذا نحرم كل شيىء علي الاطلاق و نصعب حياتنا و نفتي بدون علم تحياتي د نبيل |
كل من مر هنا رفع الله قدركم
وجزاكم كل خيرررر ولكن احبتي في الفتوى الجواز بالحديث معه لماذا طلبتوا مني اقطع المكالمات هل يؤثر في علاقتنا بعد ذلك ؟ اتمنى الإجابة منكم -- ادري اني غثيثه معليش استحملوني : ) |
يا اختي انا مثلج اكلم خطيبي برضا و علم كل الاهل ما فى حد ما يدري طبعا اكلمه كلام عادي و بطريقه
محترمه و كان المفروض نملج شهر 8 بس الظروف اقوي من كل شى و الله يسهل امورنا و انا قلت له ما اقدر اكلمك حرام و الخ و ياب لى الفتوى اللى حطه اخوي د.نبيل و امي قالت احنا واثقين منكم بس اذا تماديتو و انتي تحسين نفسج غلطانه لا تكلمينه و انا فعلا اكلمه على اساس التعارف و مب الغزل و الحب و الغرام و الله ييسر امورنا |
اعتقد ان فترة سنه طويلة لو كانت الفترة قصيرة ممكن انكم تكلموا بعض على فترات متفاوته انا هذا راي الله يوفقكم ويتمم بينكم على خير ان شاء الله.... |
اقتباس:
الخطا انك تكلمينه بدون علم والدتك !!!!! وبما انك يا غلاتي مستعجله تبين مكالمات وسواليف وتعارف سوي ملكه افضل |
اقتباس:
هل تري ان علم والدتها اهم من والدها؟ ام ماذا تقصدين ؟ و هي تقول ان والدها وليها الشرعي الوحيد في الزواج يعرف و موافق؟ ما دخل علم امها بذلك؟ و افرضي ان امها مش موافقة لانها ممكن لا تفضل اقارب ابيها و لكن الاب موافق هل تملك الام منع الزواج؟ تحياتي د نبيل |
اقتباس:
|
صح اختي مبتسمة هذا اللي مأنبيني اني اكلم من ورى امي لو كان صح اللي اسوية ماكنت خبيت عليها
بس خلاص إن شاء الله ماراح اكلمة إلين مانعقد : ) شكر الله لكم وبارك فيكم جميعًا ع تواجدكم وتفاعلكم لكم مني تحية |
| الساعة الآن 08:37 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©