|
بيخطبني ابن عمتي الطبيب ... لكني خايفه من مشكلة
السلام عليكم
مبارك عليكم الشهر وبالاخص العشر الاواخر قبل كم يوم جاني تلميح ان ولد عمتي ناوي يخطبني طبعا هذا شي مو اكيد او تقرر بشكل رسمي بس مجرد ان اخته سالتني عنه واذا انا موفقه والا لا وان هو ناوي يخطبني بعد رمضان فحب يجس النبض لكن انا اشوف قدامي عقبه انه طبيب بس اول شي ابغاكم تعرفون الوضع كيف انا ساكنه في المنطقة الشرقيه وهو في الرياض عمره 31 وانا 22 الآن هو قرب يصير أخصائي جراحة قلب وعلى لسان اخته يقول انه بيتزوج وياخذ الزمالة الطبية من كندا انا وعماتي اللي يسيرون خالاته ساكنين في الشرقيه وعندي ثنتين من عماتي ساكنين في الرياض مع بناتهم طبعا اذا تزوجني اكيد بنسكن في الرياض لكن انا خايفه من شي خايفه من الوحده ومن الملل اسمع دائما ان الاطباء دوامهم طويل ودي اي احد فيكم يشرحلي كيف مناوباتهم ودوامهم وخصوصا انه جراح قلب ويا ترى اقدر اتأقلم على الوضع او لا اختي متزوجة طبيب لكنه ساكن في نفس مدينتنا ودائما اذا كان عنده مناوبه او دوام طويل يجيبها عندنا في البيت لكن انا اذا صرت في الرياض خايفه اني اكون وحدي صحيح ان فيه عماتي وبناتهم بس برضو ما بحس اني برتاح زي وانا عند اهلي اللي اعرفه عنه انه طيب مره مره وانا اذكره من لما كنت صغيره ومعروف في عايلتنا بطيبة قلبه ومن زمان وانا اسمع مديحه من عماتي وهذا اكثر شي يخليني افكر فيه سؤالي هو للمتزوجات من اطباء تقدرين تتأقليمن مع زوجك اذا كان دوامه طويل وانتي بعيده عن اهلك يعني في بيت لحالك ؟؟ سؤالي الثاني بخصوص طيبته هل الاطباء وبالذات الجراحين دائما مشدودي الاعصاب ومتوترين ومتقلبين المزاج بسبب العمليات ؟؟ ممكن تجوابوني لأني من جد احس اني قاعده افكر بهالمشكلة وما افكر فيه حياتي معاه كزوج |
أخي الغالية..اولا صلي استخارة
فما خاب من استخار وبعدها لو ارتحتي اجد انه احسن لو توافقين لأانني اجد فيه ميزات جيدة مثل الطيبة وتعرفينه كونه ابن عمتك و ان شاء الله حالتكم المادية تكون جيدة وتذكري ان يوجد رجال هم ليسوا اطباء ودوامهم اطول من الأطباء رغم حالتهم المدية الغير جيد...فلا اجد ان هذا سبب للرفض ويمكن أيضا ان تقنعينه ان يعيش بالشرقية أو يوديكي عند اهلك اذا كان يوجد أيام يداوم كثيرا وفقك الله والله يختار لك الأفضل دائما..دائما لا تنسيني بالدعاء |
استخيرى ربنا
وبعدين مهنه الطب مش سبب علشان الرفض اختى |
وعليكم السلام يا غلاتي فكري واستخيري وبنسبه انك تروحين معه في اي مكان بالعالم المهم تشعرين برضى وبقناعه به ويكون يحبك ويهتم فيك ويخاف الله فيك روحي معه الزوجه تذهب مع زوجها اما بنسبه للملل والوحده وهو ينشغل بعمله ما اعرف لكن ربما تجدين صديقات او معارف او جيران او تلتحقين بمراكز نسائية وتشغلين وقت فيها وتكونين علاقات وصداقات اجتماعيه كثير بنات تزوجوا وراحت مع زوجها بمنطقة غير الي كانت فيها وعاشت فيهاا اتمنى فهت قصدي والله يوفقك يارب وان كنت متردده عليك بالاستخاره فهي تقدم على الاستشاره في موضوع الزواج والله اعلم استخيري ثم استشيري او اكتفي بالاستخاره هذا الي قدرت افيدك به واعذريني باختصار رديت عليكِ الله معك |
مشكورين والله يجزاكم خير
من ناحيته هو انا اعرفه واعرف اخلاقه واحنى عائلة دائما متجمعين لكن مثل ما قلت لكم مو هنا المشكلة مشكلتي الوحيده هي الدوام هل بيصيبني الملل وتعذبني الوحده وخصوصا اذا كان بعض الاحيان ينام في المستشفى انا ودي اعرف راي زوجات الأطباء بالتحديد هل يواجهون هاذي المشكلة |
إستخيري وبعدها اللي الله كاتبه بيصير ........... الله يوفقج .............. |
اسف للمداخله بما اني لست من الزوجات انما زوج
ممكن سؤال هل انت متاكدة من المكان الذي سيعمل به لاحقا؟ الرياض او مكان اخر على فكرة انا مش من السعودية وقصدي اني ما بعرف الاماكن ومدنها اما موضوع التأقلم فهذا الشئ بيرجع الك وما حدا ممكن يساعدك فية لانه ماحدا بيجبرك على شئ وعلى فكرة الرجل عادة بيسكن بمكان رزقه وهذا شي طبيعي وممكن تسالي اختك شو ممكن يكون موقفها لو ان زوجها نقل الى مكان اخر بعيد واضرت للرحيل ؟؟؟؟؟؟؟؟؟؟ |
اختي العزيزه راح انصجكي مثل لو كنتي اختي
الرجل الخلوق عملة نادره والبنت لازم بتررك بيت اهلها يعني وافقي وتوكلي الله وانتي بكره راح يجوك الأولاد وبتنشغلي لا تضيعي الفرصه اي احسن تبقي وحيده طول العمر لو فرضنا بعدين تقدمو لكي رجال اخلاقهم مو طيبه اصلا لا تخافي تفاهمي معاه ولا اعتقد انه سيجعلكي وقت طويل وحيده لان الأنسان الخلوق يراعي احساس الناس فطيف زوجته صلي استخاره وتوكلي الله ووافقي |
بالعكس لمن تكوني بعيده عن اهلك تحسي بالاستقلاليه اكثر ..
وراح تتحملي مسؤولية بيتك وزوجك بدون تدخل اهلك .. صديقتي متزوجه واحد دكتور يصير ولد خالتها .. كانت ماشاء الله متهنيه بزواجها معاه ويراعيها كثير .. وكيف تسألي عن تأقلمك معاه واهلك بعيدين !!!! انا مافهمت |
استخيري ووافقي , والله يقدر لك اللي فيه الخير
|
أنا أقـــــــــــــــول
دكتور وبتعيشين بعيد عن أهلك والله صعبه وعمر أهل الزوج ما يصيرون مثل أهلك اذا فرص زواجك كثيره نصيحتي خيره بغيره واذا لا.. فكري أوكي..وكيفك |
ختي الغربه كُربه
واذا تشوفين نفسك تتحملين الغربه وعمله وسهره بعيد عنكي الله يوفقك معاه وافقي عليه وإذا ترين نفسك لا تتحملين أتركيه يذهب في طريقه حتى لا تتعبي وتتعبيه معك أعانك الله |
وعليكم السلام ورحمة الله وبركاته..حبيبتي أول شي صلي صلاة استخارة وشوفي نفسك والدمام مو بعيده عن الرياض كلها 4ساعات وانتي عن اهلك..بس فكري في الموضوع من جميع الجهات لأن الوحده مو سهله أبدآ وعلى فكره خالاتك مافي احد منهم في الرياض؟ يمكن تونسك اكثر من عماتك
|
السلام عليكم...
احم احم..انا متزوجه شبه دكتور ..اقصد لسى بيدرس......والحمد لله امورنا عال العال حاليا الله يستر من الجاي...واحنا في غربه.....بس للغربه فوااائد كثييييره.. عموما انا زيك ما اعرف شئ....عن طريقة الدوام وعمل الدكتور..بس زوجي من اللحين يحاول يخليني اتأقلم.ويشرح لي كيف بيكون وضعه....ويشغلني بامور اخرى غيره..عشان ما اتعود عليه..بس خلاص تعودنا عليه والله يعينني وما يبعد عني ابد..خصوصا واننا لم نرزق بأطفال ..... الله يرزقنا وجميع المسلمين... وانتي عليك بالاستخاره...وان شاء الله الاخوات يساعدونك .... لذلك اذا فيه اي احد من الاخوات يشرحوا لنا الوضع المستقبلي.....عموما انا من النوع المتأقلم..تقريبا بيمشي معي الحال.. : ) .. مع طبيب المستقبل والحب بيعمل عمايل بصبر الواحد عشان حبيبه ....الله يحفظه ويصير دكتور آآد الدنيا.... دعواتكم |
ياهلا ...
استخيري يا اختي .. واذا الله كتب لك نصيب و تزوجتيه اشغلي نفسك بوظيفه او دارسه مثل دورات كمبيوتر او مكياج ...او غيرها من دورات . حاولي تعملي لك علاقات اجتماعيه مع زوجات زملاء زوجك او الجيران .. وربي يوفقك .. طمنينا عن اخر اخبارك خيتو .. أميرت .. |
والله ما قصرتم
الله يعطيكم العافيه هو صيحيح الى الان ما صار شي رسمي لكن انا احس اني في دوامه انا ودي فيه لاني اعرفه بس خوفي من دوامه اذا كان 24 ساعه برا البيت اقتباس:
|
يا هلا ..
اختي اذا الوحده قررت انها تتزوج يعني خلاص راح تكون لها حياتها الخاصه المستقله .. كلنا يا اختي تزوجنا وانتقلنا من بلدنا الي بلد ازواجنا نظل بالشهور ما نشوف اهلنا لحد ما تأقلمنا و جبنا عيال والحمد لله .. اذا بتظلين تفكرين في اهلك وكيف راح تتركينهم معناته انك ما راح تتزوجين .. في مثل يقول (سعيده يا بنتي وانت بعيده) يعني قد تتزوج البنت و تظل قريبه من اهلها لكنها تكون تعيسه وقد تتزوج وتنتقل في مكان بعيد لكنها سعيده ... اختي توكلي على الله و اعملي لك برنامج تقضين وفتك في شي مفيد وقت ما يكون زوجك في الدوام .ز وربي يسعدك .. أميرات .. |
| الساعة الآن 08:22 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©