|
ساعدووني مادري اشفيني ولا آدري شسالفة !!
السلام عليكم
والله ماعرف شاقول واشلون ابدأ مشكلتي.. أحس بالأحراج من عرض مشكلتي لأنها خاصة جداً ولكن أتمنى من كل قلبي ان القى المساعدة منكم لأني خايفة وماعرف شنو مشكلتي بالضبط. بإختصار آنه عمري 20 سنة وصار لي سنة وشهرين من ارتبطت حياتنا ماشية على احسن حال والحمد لله طبعاً بغض النظر عن المشاكل العادية الي تصير بين كل زوجين وفي أي بيت ولكن البارحة صار شي غريب بالتحديد لمن كنت بالفراش مع زوجي في الليل ظل وقت طويل واهو جنبي يحاول يثيرني يدلعني ولكن انصدمت صدمة كبيرة بإن (العضو الحساس) حقي ظل جاف ناشف ولا تبلل ولا قطة .. على طول قلت لزوجي ليش ؟! اشفيني ؟؟؟ واشصاير ؟؟ وانهرت بشكل جنوني وقمت اصيح ! زوجي حاول يهديني .. وقال لي إن هذا الشي عادي وهذا ما صار لج إلا لأن انتي نفسيتج تعباانة شوي ولا تزعلين وظل مدة طويلة يراضيني ويهديني يحاول يشيل الخوف مني آنه سويت روحي جدامة هادية ومصدقة كلامة ولكن في قلبي ظليت خايفة واتسائل هل كلامة صح والا كان مجرد كلام يبي يقوله عشان يبعد الخوف عني؟؟ والشي الي ما ذكرته إن بنفس اليوم كنا متهاوشين وزعلت منه... وظليت من الظهر لحد المغرب زعلانة ونفسيتي مو اوكي ومتضايقة لحد كبير .. ولا ادري هل هذا له علاقة بإلي صار مثل ما قال لي والا لا ؟؟ والي يسلمكم ساعدوني ابي اطفي الخوف الي فيني ابي اهدأ حتى إني اليوم ييت بيت ابوي ارقد بحجة إن عندنا ضيوف ولازم اساعد امي ولكن السبب الحقيقي إني خايفة يتكرر معاي الي صار البارحة يا ترى بتساعدوني؟ مسامحة على الإطالة |
اختي
هذا شي طبيعي جداً لان اهم شي في العلاقة الجنسيه هو الارتياح النفسي وانتي تقولي النفسيه مو اوكيه مره هذا هو السبب واحيانا تصير هذي الحالة بدون اي سبب لا تشيلي هم اختي ولا تفكري في الموضوع لانه ما يحتاج تفكير تحياتي |
اقتباس:
اتمنى ان يكون حقاً طبيعي مثل ما ذكرت اخي وشكراً جزيلاً على مرورك .. اسعدني جداً حسيت قلبي تطمن شوي =) |
مرحبا ً آختي
شـي طبيعي أي آنسآن تعبآن نفسيا ً آو مرهق بيكون حآلته آلجنسيـه تحت آلصــفر وهذ1 من آرهآقك صدقيني لو بتردين لزوجك ونتي مبتسمه ومبسوطه وشآربه كوب عصير ليمون بعد الفطوور بتكون ليله ولا أحلى وبآلتوفيــق ان شآءلله ولاتخآفين سوي الي قلت لك عليه آتصلي عليه وسمعيه كلام حلوو وردي لبيتك وبأذن ألله بتشوفين تغير ..00.. |
عادي أختي تصير نفسيا ومرات عادي من غير شي...
المرأه مو مثل الرجل من اول شي يثار....ومرات ماتحس بشي الا بنص الدرب او نهاية المشوار... الله يشافيج وابعدي عنج الوسواس... |
لاتخافي ولا شئ عاااااااااااااااااادي جداّ
|
روقي وتصيرين تمام
اما متزاعلين وتبين كل شي تمام لا طبعا يعني تراضوا صح قبل العلاقه علشان تكون ميه ميه |
لا تعطي الموضوع أكبر من حجمه حتى ما يصير مشكلة
أختي الامور هذي بالذات تحتاج تكون طبيعية وبدون تفكير اقصد لا تتعمدين انك تكونين مثارة خليها بظروفها عجبك الوضع استثرت ما عجبك حاول مرة اخرى |
ينقل للثقافة و التوجيهات ..
|
اختي
هذا شي طبيعي جداً لان اهم شي في العلاقة الجنسيه هو الارتياح النفسي وانتي تقولي النفسيه مو اوكيه مره هذا هو السبب |
السلام عليكم
النفسيه لها دور كبير في شي في حياتنا انا اقول بس نفسيتج شوي مب اوكي هدي وارتاحي وبتصيري احسن من الاول وبتغرقي الفراش تحياتي صقر المغرب |
وفقك الله يا أُخية وأسعدك .. خذي الأمور بهدوء ورباطة جأش والإخوة ما قصروا جزاهم الله خيرًا نصحوا وبينوا ما كان خافيًا عنك ..
|
مساء الخير والله ماني عارفة شلون اشكركم صج حسيت براحة لمن قريت ردودكم وهدئت اعصابي الي كانت تلفانه وهدأ بالي المشغول يمكن آنه معطيه السالفة اكبر من حجمها بس اعذروني لأن أول مرة يصير لي جذي وحسيته شي غريب .. وخبركم بليس مع وساويسه ما يترك أحد الحمد لله إن هذا الشي الطبيعي وإن شاء الله ما في إلا كل خير.. مشكووورين ... ويعطيكم كل عافية لكل واحد دخل موضوعي وساعدني ولو بكلمة او يحاول يخفف عني له كل شكري ... ودعواتي بالتوفيق وهذا شي مو غريب عليكم وعساني ما انحرم منكم ... آنه الليلة برد البيت لأن ضيوفنا بعد بردون بيتهم وردة زوجي من الجامعة بمرني عشان اروح معاه بيتي واتمنى كل شي يصير تمام |
والله اذا كانت النفسيات تمام كل شي بصير حلو أهم شي النفسية تكون مرتاحة والله يوفقك
|
شوفي اختي أنا أنصحك قبل الجماع و قبل المداعبات و الاثارات إنك تجلسين أنت و زوجك بفراشكم و تسولفون سوالف عادية بعيدة عن الجنس و من ثم ادخلو شوي شوي بسوالف الجنس و الحب و الرومانسية
وصدقيني راح يحس بشوة لك و أنت راح تحسين بشهوة له و و الله إذا كان أحدكم مو مرتاح نفسياً إنكم ما راح تحسون بأي لذة أو شهوة فالراحة النفسية أهم شي و أتمنى لك التوفيق من كل قلبي |
الله يطمنك إن شاء الله
لفظ المشيئة يكتب هكذا ( إن شاء الله ) .. |
من صجج يا منت عاجبني !!
الموضوع ما يستاهل نصيحه لا تاخذين امورج بهستيريه لو كتبتي الموضوع في المنتدى من اول ما صارت لج السالفه جان اطمنتي وخففتي على روحج :) |
ارى دااائما ان الجنس مزاااااااااااااااااااااااااااااااااااااااج....
طالما مزاجك معكر بهاليوم مستحييييييييييل حتى لو مثلتي انك تستمتعين بالعلاقه الخاصه..... اللي حصل لك طبييييييييييييييييعي ويحصل مع احسن الحريم..... مو غريب ابدا ولا تخافين.....ولاحظي الفرق لما تكونين مرتاحه بيوم ويحدث جماع راح يكون في فرق كبييييير.... والله يوفقك دوووووووت |
حبيبتي هي السالفه تخضع للحاله النفسيه بشكل مو طبيعي واذكر اني بوكت كنت افكر بطريقه مناسبه لمنع الحمل بعد ولادة بنتي ظلت هي الحاله عندي تقريبا شهرين ولما وصلت لحل رجعت لطبيعتي تدريجيا طبعا وشي ثاني ترى نفسية الانسان مو زر يعني مو تقررين انه نفسيتك احسن يعني لازم اتفاعل اكثر ترى ابد مو هيجي والاحسن انه تتركين نفسك على طبيعتها
|
إلى الأخت الكريمة صيانة لبيتكم وحفظا لسركم فإنه من الجميل استشارة طبيبة متخصصة ،لأن البيوت مغلقة ولايصلح أن تفتح للجمييع،ولقد حرص الشرع الكريم على حفظ الأسرار وجعل من إفشائها منزلة عظيمة من الشرية التي لاتليق ببيتكم الكريم إن شاءالله،واطمأني فالعلاقة جديدة والحياة جديدة والسعادة بانتظاركما لكن الإنسان عجولا ،لم أقصد التخذيل لكنها مشاركة مشفق.ولعل الكلام يعجبك بإذن الله
|
| الساعة الآن 12:11 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©