|
كل المتزوجين .. استشارة عن الأشياء اللي ندمتوا عليها .. ؟
السلام عليكم ورحمة الله وبركاته .. مبارك عليكم الشهر الفضيل وجعلنا الله وإياكم من القائمين والمغفورين لهم .. أخوااتي ودي استشيركم في شي وهو .. اللي ساكنة في بيت أهل زوجها ( شقة خاصة بها ) أيش الأشياء اللي سويتيها وعودتي نفسك عليها مع أهل زوجك وتندمتي عليها ؟!! مثلاً وجبة الغذاء أو العشاء دائماً معهم ؟! وبعدين رجعتي وتندمتي لإنك ارتبطتي في هذي الحالة ؟!! أو مثلاً في الطالعة والنازلة تمري عليها .. ( كل ماطلعتي أو رجعتي من الطلعة تروحي تسلمي عليهم حتى لو كل يوم ) أو كنتي تسوين شي كل يوم وتندمتي عليه .. وحتى اللي مش ساكنة في بيت أهل زوجها أيش الأشياء اللي سويتيها ورجعتي ندمتي عليها .. باختصار أيش الأشياء اللي عودتي نفسك عليها ورجعتي ندمتي وقلتي في نفسك ياليتني ماعودت نفسي على هالشي ... ومشكورين ورمضاان كريم .. :17: |
هلا اختي انا لسه ماتزوجت لكن برد عليك من معرفتي لأعز صديقاتي ومعاناتها ولانها كمان ماعرفت تتأقلم معاهم كانت ساكنه بشقه بنفس بيت اهل زوجها
1-أيش الأشياء اللي سويتيها وعودتي نفسك عليها مع أهل زوجك وتندمتي عليها ؟!! لمن كانت تخرج تمر عليهم وتأخذ احد معاها اخت زوجها او امه وندمت لانها فتحت لنفسها باب وتقول احيان نبي نخرج نتعشى او نشتري شي خاص ويدرون اني رحت ومامرت عليهم يتغامزون وتتغير معاملتهم لها 2-مثلاً وجبة الغذاء أو العشاء دائماً معهم ؟! وبعدين رجعتي وتندمتي لإنك ارتبطتي في هذي الحالة ؟!! تقول بالعكس كانت هالشي قمه وكبرها بعين زوجها لكن احيان يزورونها ناس وتضطر تعزمهم كلهم وهالشي كلفها كثير وحتى لو درجت احد من اخوات زوجها ماهم فيه تقوول تفشلني امهم تقول لحظه انتظرو بنتي بتجي ومالي كلمه ف بيتي 3-أو مثلاً في الطالعة والنازلة تمري عليها .. ( كل ماطلعتي أو رجعتي من الطلعة تروحي تسلمي عليهم حتى لو كل يوم ) أو كنتي تسوين شي كل يوم وتندمتي عليه .. كانت تمر عليهم لدرجه ياخذون الاكياس من يدها ويشوفون وش فيه .. لكن تأأزم الوضع لمن ولدت ورجعت بيدها حصلت اخو زوجها حضرت جنابه يأخذ دش ف دوره المياه الي بنفس غرفه النووم ونص اشياءها ماهي فيه ومن مكياج واستشوارها لكن الحمدالله الحين ارتاحت بعد مانقلت لشقه مستقله ومو بعيده من بيت اهل زووجهاا وانا مااذكرت هالكلام اختي للعمووووم لكن في ناس شواذ واصابع يدك مو مثل بعض تحيتي |
كثرةالتنازلات00(( يتعود عليها الزوج بعدين يهضم حقوقك00 ))!!
|
مع اني ساكنه بعيد عن أهل زوجي بس
سالفة الاكل معاهم احــــــــــــــــــــــــــــــــــذري تكونين على طول معاهم بالكثير مرتين في الاسبوع واذا ما كلتي معاهم أحسن أنا أقولك ليه لأن بعدين يتعود كله يبي أهله معاه في هالحاله انتي بكره بتتضايقين فعودي زوجك على بيتك قولي له نبي ناخذ راحتنا ولا تتنازلين مهما ضغط عليك سالفة تمرين عليهم................صيري محترمه شفتيهم في الطريق سلمي وامشي ولا تنزلين لهم كثير مره في الاسبوع وأتمنى يكونون طيبين معاكي |
الله واكبر عليكم وكأن اهل الزوج اعداء والحياة الزوجية معركة استرتيجية تحتاج تكتيك خاااص فية,
باختصار حبي الناس يحبونك اعتبري ان اهل زوجك اهلك امة امك واختك اختة وهكذا. |
اقتباس:
كلامك 100% صح وانا اوافقك الراي يعني هما مين مش اهل زوجك وعيالك يعني اهلك والواحد سبحان الله يتعامل بحسن نيه وبدون تفكير سلبي وكل شي بعد كدا بهون وبتسهل |
لم أندم على شيء حتى الآن الحمد لله
انا سنتين زواج و مو ساكنة مع بيت اهل زوجي |
انا صارلي اقل من سنة معرسة بس احسه دهر من كثر المشاكل الي نطيح فيها كل يوم كل يوم
اولا انا ندمت على دمعتي الي تطيح على اي سبب وقدام الكل حتى مع اهل زوجي ابكي توبتي ما اعيدها لوشو ما صار ثانيا ندمانة انه مشاكلي تتجاوز غرفتي لانه بعدين صعب تتصلح وابا اقول ش........ ندمانة اني حبيت زوجي كل هالحب مب عشان شي بس احس اني اتعذب بحبة وهو عندة عادي بمعنى ياريتني كنت ما ابين حبي ولهفتي ودموعي وكل الكلام الفاضي الي ماله طعم |
اقتباس:
|
مرااحب .. مشكوورين أخوااتي استفدت كثير .. والله يعطيكم العافية والصحة .. نصائح استفدت منها ..
رمسيس + وردة .. انا ماكتبت الموضوع عبث أو إني مصورة أهل زوجي أعداء أو إني داخلة على حرب لا بالعكس اهل زوجي ناس طيبين وحبوبين وحلوين معاي في التعامل ماشفت منهم إلا كل خير والله يشهد على كلامي صار لي سنة معاهم من عقدت بس لسه حفلة الزواج ماصارت وعلى فكرة في يوم محدد من كل اسبوع أروح وأقضي يوم معاهم .. مراات غذاء ومراات عشاء ومرات غذاء وعشاء وجلسة وشاي وحلى وو.. وأنا مرتاحة مالقيت منهم إلا كل خير الله صل على محمد اللهم لا حسد .. وادعو إن الله يخلي هذا الشي مستمر العمر كله .. بس أنا سألت وكتبت هذا الموضوع استفسر ’’ لإني فكرت لو مثلاً عودت نفسي كل يوم الغذاء معاهم ربما يجي يوم أكون تعبانة أو ماجاني نوم في الليل أو أو أو فاضطر إني انزل مجاملة لهم لإني متعودة ,, شي من هذا القبيل .. فـ الواحد ياخذ نصايح من غيره ومن التجارب اللي مروا بها ولا يستهين بها .. اتمنى إنكم فهمتم قصدي ومشكورين جميعاً على مروركم على الموضوع .. |
طيب لو عودتهم على سالفة الهدايا ؟؟؟
يعني ارجع من السفر .. المناسبات .. العيد ..لو بس زوجي اللي اعوده على هالشي على فكره انا بس مخطوبه ومملكه ولم اتزوج بعد |
من البداية علميهم انك مستقله وزيارات خفيفة
البعد والتخفيف من الزيارات احسن شيء للي يبي يرتاح ويريح واحسن للمدى الطويل |
مافيه شي محدد!
لان فيه تصرفات يمكن لو ما فعلتيها في بداية الزواج خربت حياتك!\ يعني في تصرفات كانت سبب توفيق! فمثلا بعض النساء تتعامل مع أهل الزوج بطبيعة معينة وتكسبهم فيها! بعد فترة تحصل مشاكل تتوقع ان المشاكل بسبب هذي التصرفات وتقول ليتني ما عودتهم عليها!!! مع ان ما لها علاقة وبالعكس كانت ضرورية في وقتها! المهم فيه أمور فعلا حطي حد فاصل! مشاكلك طلعاتك الخ! ما لهم اي علاقة فيها زيارات ماهي مشكلة لو كانت مرتين في الأسبوع.. موضوع الهدايا حلوة بس مو في كل رحلة! يمكن تصير لك رلحة وما حصل ان شريتي هدية فما يتضايقوا وحلو لو تخلين الهدايا مو للجميع لا مرة فقط لأمه ومرة ثانية للآخرين وهكذا.. بالتوفيق ومبروك مقدما |
[QUOTE=ام ارخيم]انا صارلي اقل من سنة معرسة بس احسه دهر من كثر المشاكل الي نطيح فيها كل يوم كل يوم
اولا انا ندمت على دمعتي الي تطيح على اي سبب وقدام الكل حتى مع اهل زوجي ابكي توبتي ما اعيدها لوشو ما صار ثانيا ندمانة انه مشاكلي تتجاوز غرفتي لانه بعدين صعب تتصلح وابا اقول ش........ ندمانة اني حبيت زوجي كل هالحب مب عشان شي بس احس اني اتعذب بحبة وهو عندة عادي بمعنى ياريتني كنت ما ابين حبي ولهفتي ودموعي وكل الكلام الفاضي الي ماله طعم] أنا مثلك بهذا النقطه |
الله يعينكم يارب
وكلا عنده خيرررررررررررررررررر بس الحلم والصبر سيد الاخلاق بنظري والوحده اذا جت تسوي اي شي سواء لاهل زوجها اوغيرهم تحتسب الاجرررررررررررررر وتحاول ترضي زوجها واهو الاهم |
سؤال للي قالوا إنه أمه مثل أمي و أخته مثل أختي ؟؟؟؟؟
ما الحل إذا هم ما يعاملوا زوجة الولد إنها بنتتهم ؟؟؟؟؟ أو أختهم ؟؟؟؟؟ ليه أغلب الأمهات ما يرضوا على بناتهم السوء ؟ و يرضوه لبنات الناس ؟؟؟؟؟؟؟ طبعا أنا قبل لا أتزوج كنت أقول لنفسي راح أكون أحسن من الإبنة و الأخت لأهل زوجي لكن المثالية للأسف ليست كل شئ في هذا الزمن و الباب اللي يجيك منه الريح سده و استريح عشان لا تكسب ذنب أحد |
أقوووول خير الأموووووووووور أوسطهااااااااا
لاتصيرين بعيده .......فتكوني كالغريبه بينهم........ولا تكوني قريبه طووول الوقت فينهضم حقك وحتى حق زوجك بالحريه والراحه والاستقرار..... فالمقابل ..........لازم نشاركهم أفـــــــــــراحهم وأحــــــــــــزانهم |
اقتباس:
نعم صدقت |
صراحة انا ساكنة مع اهل زوجي بعمارة بعدين كنت دايما اطلع لهم غداء وعشاء بس انا تعبت حسيت انه يومي كله يضيع في الجلسة فوق حتى قصرت بحقوق بيتي شوي شوي بدات اسحب نفسي واطلع لهم مرة بالاسبوع حسيت اريح بكثير لانه خلك بعيد حبك يزيد واتفقت مع زوجي اطلع مرة بالاسبوع صحيح بالبداية صارت مشاكل بس خلاص عودته على كده فمن البداية الوحدة تشوف الافضل لها وتسويه
|
وانا معاك ام ا رخيم وعود نت في نفس النقطه
انا مو متزوجه بس وحده من صحباتي عندها معاناة معاهم مع انه متزوجه من 4 شهور بس اهله كل يوم ينزوا اكل وهو يقولها انتي ولا لكي دور اهلي هما اللي يأكلونا وهي خايفه تقولهم لاترسلوا اكل بعدين يزعلوا |
اذا ندمانة على شي
اني كنت صريحة وبريئة معه للغاية ولم اتبع معه اسلوب الذكاء الزوجي واني بديته على كل الناس وخسرت الكثير لاجله حتى من علاقتي مع اسرتي لهذا حتى لما احتجتهم ماوقفوا معي والكل عايرني باني حبيته اكثر من نفسي |
لا تكوني رسمية في معاملتك لهم ولا تطيحي الميانة !
اذا كانوا اهل زوجك كثيري الاجتماعات ليس من الضروري حضورها جميعها خاصه اذا كنت مرتبطه باهلك او صديقاتك لانه بعدين اذا كثرت مسؤولياتك وبدأت تتخلفين عن بعض الاجتماعات سيسبب مشاكل مع زوجك وربما معهم .. لا تعوديهم على شيء لن تستمري عليه مثل الهدايا في السفر او انك تحضرين معك طبق كلما زرتيهم لانه لو بعد مدة لم تفعلي احد هذه الامور سينظروا اليك وكأنك تركت واجباً .. قول انها مثل امك نعم هي مثل امك ولكنها مازالت ليست أمك ولن تكون ! لكن أهم شيء انك تحترميها وتقدريها احتراما لزوجك وتقديرا له .. |
اقتباس:
لكن اهلي الحمدالله وقفوا معي لكن اللي يضيق صدري اني سببت لهم ألم قدمت له تنازلات كثيرة وكنت ارضيه باي شي وكل هذا ماشفع لي عنده بشي لما اجحف بحقي حسبي الله لا إله إلا هو عليه توكلت وهو رب العرش العظيم |
| الساعة الآن 12:25 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©