|
جوواب مستعجل
السلام عليكم.. ورمضـان كريم
اخوانى انا جديده جدا ع المنتدى بسببب صديقتى تسجلت اليوم واود اطرح الموضوع عليكم.. صديقتى تقدم لها واحد اصغر منها ب 3 سنوات ويمكن اقل شوي ومحتااره هل توافق عليه ولاااا وماراح يتزوجون بسرعه يعنى بيحجزهاا:d لمده سنتين او اكثر والله اعلم هل تويدوون انو تقبل فيه بحكم فارق السن بينهم ومـارايكم |
رااح تشوف صديقتك آراء وآراء وكلن على حسب تقبله للموضوع والأسباب كثيرة كثيرة..
مثلاً أنا احب أكون الطفلة في عيون زوجي احبه يكون هو الكبير اللي يدللني ويدلعني فلازم يكون أكبر مني عشان أحس بهذا الشعور ... |
على حسب تفكيرهــــــــــــــــم
إذا كــــآآن تفكيره أكبر من سنـــه ..؟؟!! مقبــــــــــــووله بس أناا أشوف ثلاث سنين ووايد وفــوق هذا حجز مب زواج !!!!!!!!!!!!! خلها تصلي استخــــــــــآرة أحسن لها والله يوفقهــــــــآآ |
بصراحه اذا هي مرتاحه الله يوفقها
وأما انا من وجهه نظري افضل الرجل يكووون اكبر بالعمر ولكن هي تستخير والله يكتب لها الخير والتوفيق تحيتي |
يا بنت الناس اذا هو زييين وما يعيبه شي خلها توكل على الله وتتزوج
والعمر ماله دخل وبعدين الرسوووول علييه الصلاة والسلام مو تزوج خديجه وهي اكبر منه |
^ ^ هذا الرّسول صلى الله عليه وسلم !! |
8
8 8 طيب الرسوووول مو قدوتنا....؟؟ |
بصراحه انا ضد الموافقة
فرق العمر مو المشكلة المشكلة الحجز مجرد الخطبة الطويلة (حجز البنت) ممكن يقبل اذا كانت البنت صغير لكن اذا كانت أكبر من الزوج وبينتظر سنتين, ممكن يتغير رأيه بعدين ويلغي الخطبة (على إفتراض انه في أواخر المراهقة) تعرفين كم عمره؟ |
عليها بالإستخارة
|
وعليكم السلام
الله يوفقها اهم شيء يكون راضي ومقتنع جدا بها <حتى لايعايرها بعد الزواج بعمرها وانها اكبر منه إذا كان الزوج مقتنع ولايهمه مساله فارق السن خليها توافق صحيح ان الزوج اكبر سنا بسنوات افضل لكن فيه قصص كثير شباب تزوجوا بنات اكبر منه ! الله يوفقهم الله معك |
عن نفسي .. صعب أن أتزوج من هي أكبر مني
وقد لا يتقبل الكثير هذا الأمر لكن الشارع الحكيم حينما حث على الزواج لم يتطرق إلى مقياس العمر أبدا إنما جعل الضابط هو الدين والأخلاق .. أختي الكريمة .. إن كان مناسبا ومن أهل الصلاح فاستخيري ربك وانظري ماذا يختار الله لك .. أتمنى لك التوفيق |
بصراحة لو انا مكانها ما ارضي
افضله يكون اكبر مني لان البنت بتكبر وتتعب وتحمل وتولد وتهلكها الحياة والرجال يكون في عز شبابه وساعتها بيعيب فيها ليل ونهار ثانيا مسالة الحجز طيب اذا جاها في فترة الحجز هذي كنها سيارة 2008 اذا جاها واحد افضل منه وش تسوي ساعتها هو عادي لو شاف افضل منها رماها وخذ غيرها >>>>>>>>كلامي عام <<<<<<<< يرجع لاقتناع البنت نفسها والله يوفقها |
خلها تصلي استخاره
وتسال عن اخلاقه لاتضيع الفرصه الرجل بتفكيره ومسوليته في كبار لكنهم مراهقين والسيده خديجه تزوجت سيدنا محمد عليه الصلاه والسلام وهو صغير تتوكل على الله اذا بيملك عليها بس اذاحجز بصراحه خلها تفكر وتشوف اسباب عدم المكله الآن |
صعبه وكل واحد له وجهة النظر
بس وايد3سنين وغير كذا حجز والبنت تفضل الكبير عشان هي تكون الصغيرة الحلوة موهي تجي كأنها تربيه مب حلوووه وربي يوفقها ويسهل امرهااا |
والله ما فيها شي المهم شخصيتة ونضوجه ....... صديقاتي كلهم ماخذين أصغر منهم ووحده منهم كبرها بالضبط وأنا تزوجت واحد أكبر مني يمكن بثمان سنوات أنا الوحيدة اللي تطلقت مع أني انا اللي كنت أحرص منه على زواجنا وهو أكبر مني ........... انا لو أصغر مني بتزوجه المهم تفكيره وعقله وثلاث سنوات مش واييييييد ........... وخليها تستخير ربها والله يوفقها ............ |
| الساعة الآن 05:57 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©