زوجتي العزيزه حبي لك فاق الخيال$$
 

السلام عليكم

وكل عام وانتم بخير


ملاحظه: المعنيه بالموضوع احد اعضاء هذا المنتدى الرائع وأنا اشوف دائماً الجميع يثني عليها وهذا اللي جنني وعاذر نفسي في حبها بالشكل الجنوني اقول شوف الناس كيف تحبها وهي ماتعرفها والله يا(تشفير) انك محظوظ وعلى فكره هي ماتعرف اسمي اصلاً ولاتدري اني كتبت ولاهم يحزنون واتمنى انها تدخل فجأة وتشوف الموضوع واشوف لها تعليق.
صراحه انا احس اني ورط في ورطه واسميها ورطه لأني احبها من تزوجتها الآن لي معاها حوالي تسع شهور بالزبط (2007) خير ومش اي خير بس احبها بشكل لايتصوره العقل وفي كثير من الأحيان اتصرف تصرفات مع زوجتي تثير اعجابها وتقول ما توقعت اني انحب منك بالشكل هذا بل وتزيد في انها تقول أحمد ربي انك كنت من نصيبي.
انا ياجماعة افكر احياناً اني اروح عند دكتور نفسي لأني وصلت الى درجة احساسي بأني مفرط في الأحساس. بس الاحظ انا انها مبسوطه مني وأنا مبسوط منها. ولاتقولون ان بكره لما يمر علينا سنة سنتين بتبرد وتتغير عليك زوجتك تقول وش اللي غيرك هي قالت لي انا منطقيه وعارفه حيجي يوم من الأيام نصير روتيين مع بعض بس الحب هذا ما أبغاه ينعدم تخف طريقة التعبير بس ماينعدم الحب بينا (تفكير منطقي وأحبها كمان)

انا لم اتخيل نفسي في يوم من الأيام احب بالشكل هذا نهائياً ولم اتخيل اني احاول احب واتصنع حب ومشاعر وافكار وطرق عجيبه لإدهاشها واثارتها لا وربي اني اتفاجأ في نفسي احياناً كيف اقدر اسوي كذا معاها.

وعشان ما أخليكم في حاله مبهمه من بعض تصرفاتي بأذكر لكم بعضها

بس من غير سب طيب دار ي انه غلط
*حاولت اقنعها تكتبلي اسمها بوشم على كتفي وعيت نهائياً مع اني احس انها متردده شوي وشكلها حتسويها بس صرفنا السالفة بالحنا وشغلات هيك يعني.

*احياناً اقدم اجازة اضطرارية في العمل واجلس عندها في البيت.

*في كثير من الأوقات اقبل وابوس اغراض لها خاصه سواء داخليه او خارجيه او يعتبرها البعض اهانه ،وكما سواءً في وجود زوجتي او لا.

*احياناً اخذ اللقمه من فمها بالقوة ويالله انها وافقت.

*احب اناظر فيها وهي تناظر في التلفزيون ومو حاسه فيني اني اناظر فيها.

* كلمت الإذاعة وكم مره سويت هبال وخليت المقدم في الإذاعه يقول فلان يحب فلانه ويموت فيها واسمعوا ياناس ترا فلان يحب فلانه وحنا طالعين وهي تكون معاي بالسيارة.

*المفاجآت تلعب دورها اكيد واحياناً لاتجي على البال ولا على الخاطر.

*الخ
*الخ
*الخ..........

* وفيه شغلات كثير بصراحه انا اخلاقي ابداً ماتسمح لي اكتبها.

المهم ماعليكم انتم السالفة هل الزوجه بكره يكبر راسها أو تتغلى او كيف تصير الحياة بينكم وهل لما يشعر الزوج بأنه يحب زوجته حتى النخاع يتضايق انا هذي احياناً تجي على بالي اقول ليه كذا مع اني اعرف اني (خنفشاري) في بعض افكاري خنفشاري يعني خرافي وهي لها طريقتها في الحب وحلوه طريقتها ماقول فيها شي بس انا غالبها لو تناقز على رموشها.

احس بعد ماخلصت الموضوع اني ماكتبت شي بس حسيت بالجوع وماودي ارجع لها البيت اخاف افطر. وجالس اجبر نفسي على النت.

سلام لي تكمله ان شاء الله.



عفوا
تم تعديل العنوان

ماشاء الله تبارك الرحمن اخوي لاتطرح الموضوع هنا فية ناس عندهم مشاكل منهم انا

مع زوجاتهم والعكس كذلك زوجات مع ازوجهن اخاف يعطونك عين ماتسوى عليك

الله يوفقك ويهنيك ولا يغير عليك


تقبل تحيات اخيك /

...لندكروزر

اقول اذكروا ربكم والله يسعدكم يارب والله انك خوفتني يالندكروزر بس يقولون العين ماتجي إلا مباشرة مو عن طريق النت مافيه امل بعدين النت عندنا بطي في السعوديه يعني والله إن يبطي اللي ينوي بشر.

اشكر لك مرورك

ما اقول الا الله يهنيكم ولا يعنيكم
اسم الله عليكم

كذا الحب والا بلاش
الله لا يحرمني من حب بهذا الشكل ابد ويعوض علي
وانا لو اني مكان زوجتك
ابد ما يكبر راسي عليك
بالعكس الزوج لما يكون كذا زوجته تحبه اكثر وتدلله وتصير خاتم في اصبعه
وما جزاء الاحسان الا الاحسان

لي عوده

ما شاء الله لاقوة إلا بالله تبارك الله
الله يسعدكو يارب
مافي داعي كتير تكتب عنها
الحساد كتار
صدقني مرة كتبت موضوع رسالة حب الى خطيبي (زوجي لكن وقتها كان خطيبي)
وصدقني حطيتو من هون وبنفس اليوم تعبت ونفسيتي ضافت وحالتي صارت حال
والمشرفين بعتولي رسالة ان يحذفو الموضوع تجنب للحسد
لذا لاتكتب من تجربتي
والله يخليكو لبعض

بصراحه انا خوفتوني ورب البيت شكلي استعجلت وكتبت.
بس ماقول إلا شكراً لكم على اهتمامك وحبكم للخير. والله يهنيكم في بعض يا ملك شادي.

كنت بأكتب شغلات وبطلت.

لا عادي اكتب وفضفض ما قلت شي خطا

يعني يا سب والا ما نسمع مدح
يمكن غيرك يقرا ويعرف قدر زوجته بعد

ما شاء الله تبارك الله
الله يهنيكم ولا يحرمكم من بعض

سبحان الله كأنك تتكلم عن افعال زوجي حماه الله من اعين الحساد بس انا لي متزوجه 5سنوات والحب ليس في شهر العسل ولا في السنة الاولى بل يمتد لاخر العمر اذا كانوا فاهمين وعاقلين وكل واحد مقدر الاخر ويلتمس له العذر حين يخطي كذا الحياة تمشي

اخي لاتخاف
القصد
خليك حريص وحصن نفسك
وماتتكلم كتير عن سعادتك وخصوصياتك دايما خلي كل شي بينكو وبس
موفق

الحمد لله طمنتوني

كنت أحسب الحياة الزوجية لازم يكون فيها مشاكل من كثر ما قريباتي و صحباتي يشتكوا

و الله كرهوا الواحد في الزواج

و الله يحميكم

من رايي حلو يكون في المنتدى مواضيع تخلي الواحد يحس أن الدنيا للحين بخيييييير

و أن الأزواج قادرين على تكوين علاقه ممتازه

أكثر مواضيع المنتدى مشاكل و مصايب لييييييه مانكتب بعد المواضيع الحلوه

نخاف العييييييين حتى بالنت !!


الله يهدي الجميع يارب

ما شاء الله ، لا حولة ولا قوة الا بالله ،، الله يهنيكم ويسعدكم ويبعد عنكم العين ...

أكتب بس لا تكثر من التفاصيل


الله يديم عليكم المحبة والمودة


ويجمعكما في الفردوس الأعلى



لازم يصير في المنتدى موازنة بين المواضيع المحزنة وبين المواضيع المفرحة

لكي لا يصيبنا إكتئاب حاد

احبب حبيبك هونا ما وابغض بغيضك هونا ما



الله يوفقكم ويجمعكم على الطاعة

ماشاء الله ماشاء الله

اللهم صلي على محمد وآل محمد الطاهرين واصحابه المنتجبين

الله يحميك من اعين الانس وانفس الجن

ويخليكم لبعض ان شاء الله

ولا يغير عليكم يااارب

الحمدلله هذي نعمة دوووم احمد الله عليها

الله يسعدكم ولا يحرمكم من بعض

والله خليتني اشتاق لخطيبي اكثر ..>> زوجي شرعاً

يارب احنا بعد نكون حلوين كذا مثلكم ..

بالتوفيق ..

يقولون ما يحسد المال الا اصحابة
الله يكفيكم شر الحاسدين

ماشاء الله تبارك الله اخي

الله يحفظكم ويسخركم لبعض

لاإله الا الله , ماشاء الله , الله يسعدكم ويهنيكم ولايفرق بينكم

بالعكس فرحت قلوبنا الله يسعد قلبك
ورجعت لنا الامل
تصدقون ساعات احس ان الحب والمشاعر انقرضت من الارض ومثل هالمواضيع ترجع لنا البسمه
والله وماحد حلفني اني اقرا موضوعه واتخيلهم كانهم اخواني واضحك الله يسعدهم ويزيدهم
اكتب اخوي الله يحب ان تظهر اثار نعمه على عبده
ولاتنسى ذكرالله حتى وانت تكتب يعني اذكر الله كتابيا عشان الي يقرا يقراها ويتذكر
ومساله ان راسها بيكبر عليك مااظن هي كمان تحبك على طريقتها ولو جاء يوم وكبر بتتذكر الي تصلحه عشانها الحين وبتحن له وبترجع لك
المهم هالفتره عيشوها قد ماتقدرون وابنوا لكم ذكريات حلوه كثيره تساعدكم اوقات الازمات (الله لايجيبها ابدا)
يابن الحلال عيش حياتك واترك الوساوس عندك

الله يديم عليكم النعم
تراها نعمة احمدو الله عليها ( ولئن شكرتم لأزيدنكم)
الله يحفظكم بحفظه
أخوي .. ما أعتقد أبدًا أن زوجتك يكبر راسها عليك
وهذا شي طيب منك انك تظهر لزوجتك حبك وتحسسها بيه
الله يكفيكم الشر ويزيدكم في الخير

بسم الله الرحمن الرحيم ..

((قل اعوذ برب الفلق .. من شر ما خلق .. ومن شر غاسق اذا وقب .. ومن شر النفاثات في العقد .. ومن شر حاسد اذا حسد )) .

صدق الله العظيم ..

ربي يسعدك ويحميك من كل عين حاسده ..

أميرات ..

الله يوفقكم ويعمي عين الحساد عنكم

داري على شمعتك تقيد

الله يتمم عليكم و يسعدكم العمر كله يا رب
(( احتفظ بهذه النعمة بينك و بين زوجتك الله يبارك لكم و لا يغير عليكم ))

ماشاء الله تبارك الله

أهم شئ انتبه مو كل شوي تحكي لأقاربك و أقاربها و أصحابكم

الله يحميكم يارب

ما شاء الله لا قوة إلا بالله

اللهم احفظهم بحفظك وحصنهم يا رحمان

سميت عليكم باسم الله الرحمن الرحيم

ما شاء الله لا قوة إلا بالله

بصرااااااااااااحة اغبط زوجتك

الغبطة عكس الحسد معناه تمني ان تكون مثل فلان

ما شاء الله

ادعوا لنا معكم ان الله يخليني انا وزوجي زيكم

ليس ذلك على الله بعزيز

ماشاء الله .. الله يديم المحبة بينكم طول العمر يارب.. الحمد لله حسستني انه الدنيا بعدها بخير .. و ويوجد رجال يحبون بهذا الشكل .. الله يخليلك زوجتك .. و ما اظن انها رح تشوف نفسها و يكبر راسها بيوم من الايام .. بالعكس ..

بسم الله تبارك الرحمن ولا حولا ولا قوة الأبالله


أأأأأأأأأأأأأأأأأأأأأأه ذكرتني بالماضي بصدق كان زوجي زيك تمااااااااااااماّ
بس تغير صار لي 8سنواااااااااااااات ومن يوم يدأ دراسة الدكتوره تغييييييييييييييييييير صااااار عصبي ولا يحب الجلوس معي أكثر وقته على النت أأأأأأأه ياقلبي قلبت على المواجع

اخي الكريم الله يحفظكم لبعض ويهنيكم ولا يغير عليكم يااااااارب

بالعكس لا يكبر راسها ولا شي ...واسأل مجربه .. زوجي بسم الله عليه من اروع ما يكون

واعترف انه يمكن يحبني اكثر من حبي له...قمة في الرومانسية والاخلاق والطيبه الزايده والحنان

والاهتمام واتمنى لكل اخت ان يكون لها زوجها مثل زوجي ...اتفاجأ من اهتمامه الزايد بي وحبه الكبير

والله العظيم ان حياتنا مثل العشاق ولله الحمد ولا تغيرت ايام الخطوبة عن ايام الزواج ابداً بعد 8 سنوات

زواج وطفلين .. الحب يكبر اكثر واكثر ونحن اصدقاء واحباب وزوجين واحمد ربي على النعمة.. لا مشاكل

ولا شي وان كانت فبسيطة جدا جدا تنحل قبل لا يحط كل واحد منا راسه على المخده..

تذكر اخي الكريم كل ما اعطيت المرأة هي بدورها تعطيك اضعاف..واهم من كل هذا التفاهم والثقة

والتعاون والتضحية المتبادلة..

والله لا يغير عليكم ولا يغير علينا ويسعد كل المتزوجين والمتزوجات يااااااااااارب

اختك --- لمني بشوق

ماشاء الله تبارك الله
الله يديم عليكم السعاده والحب
موفقين ان شاء الله

ما شاء الله يسعدكم ببعض هل تزوجت عن طريق النت ؟وعن حب

الله يعطيك على قد نيتك اخي
لكن اانا فهمت من شنهو انت خايف بالضبط
انها تتكبر او شي
اذا زوجتك تعاملك بالمثل وتحترمك واصل باظهارالمحبه دون شك
انتو الرجال اللي تقدرو تحددوا

تسلمون يارب والشكر موصول لكم واحد واحد والله يوفقكم والله ردودكم طمنتني كنت افكر فيني بلوه الله يديم عليك السعاده كلكم يارب ومادري وش اقولكم بعد. بس حسيت اني طبيعي كنت خايف لايكون سحر فيني أو من هالكلام خفت وربي بس ردودكم طمنتني الله يطمن قلوبكم يارب.

بس باقولكم سر حبيبت قلبي تستاهل كل اللي اسويه لها ماني متأسف على شي ولن اتأسف على شي خصوصاً احس اننا جالسين نلعب (game) انا وإياها بس على فكره دايم اغلبها دااااااااااااااااايم مهزومه.


الله يخلي عقولنا في راسنا لايوم نصحى الصباح مانلقاها من ورا الحب هذا.

تدرون اني اشوف اسم الحلوه تحت تقرا في الموضوع وردت وردها عجبني بعد. وماهي عارفه انه انا. هههههههههههههه

بعدين اعلمها بأخليها يومين ثلاثه كمان.

الله لايغير علينا يارب ولايغير إلا إلى الأحسن على كل متهني مع زوجته واهله واخوانه واقاربه ويديم عليكم الود والحب.
سلام
موفقين يارب

اللهم هب لنا من ازواجنا وذريتنا قر ة اعين لنا

seher algharamهل هي اول زوجه لاني ظني في الرجال انهم مايعرفون قيمة الزوجه الا بعد زواج سابق او بعد معاناه وصبر من الزوجه

مجنون بحبيبته ماني متزوج عن طريق نت ياقلبو.

ريشة فنان
*كنت اتمنى تهنيني فرحتي الحمدلله بس طبيت علي بسؤال مادري وش يبغى وجاي في الجبهه.

بصراحه لم يتراود إلى ذهني ان فيه احد راح يسأل هذا السؤال نهائياً ولكن بأجاوبك لأنك سألت ولكن انا ماجات على بالي اقول الثانيه ابداً ولكن بصراحه العدل موجود ولم اظهر لأحد فيهم اني اميزها عن الأخرى ولكن تعرفون مايقدم الواحد على الثانيه إلا وهو عنده ا ستعداد نفسي لإرضاء الشخصيتين اللي معاه.
بعدين القلب ميال ولعلمك انا مو طاعن في السن حوله طاعن هههههههه يعني على ابواب الثلاثين ولأمور خاصه جداً تزوجت الثانية وتوفقت فيها والحمدلله. (نعم بعد معاناة وصبر من الزوجه) اكثر من كذا لاتعليق.

اتمنى مافيه احد يقلب السالفة على قصة زوجتين أو كان افضل اقول وحده واغلق هذا الباب نهائياًً.


تحياتي

زوج في المستقبل اعجبتني كلماتك وسدد الله خطاك يارب
واعاذك الله مما تكره يارب انت ومن تحب.

ماشاءالله ..تبارك الرحمن..لالالالايااخوي ان شاء الله ماراح تتكبرعليك بالعكس دلعهاوحبهااكثرخلهاتنبسط..وتهنواابحياتكم...الله يتمم عليكم هالحب والسعاده يارب..بس نصيحه ..انك ماتحاول توضح هالحب لأي احد..فان كان فكلمه( الحمدلله) هي فعلافيهااعترااف بنعمه الله..
يعني حاول ماتوضح لان العين حق...الله يسعدكم ويحفظكم ..

راح على بالي سالفة العين والحسد والله العظيم
ولكن اتمنى من الجميع يذكرون الله ويكونون محبين للخير لهم ولغيرهم
لاتنقلب حياتي نكد الله يرحم والديكم.

بس انتم فعلاً رائعين والله منتدى رائع جداً باين عليكم من توجيهكم لي بالكتمان والإحتفاظ بهذا الشي.

بس وصلت فيني السالفة اني اعلم الناس كلها اني احبها وأموت فيها. الله لايرجنا انا انرجيت رجاً مبرحاً منها.