|
الله يفرج همي قولوا امين .. تعالوا
بسم الله الرحمن الرحيم
السلام عليكم ورحمة الله وبركاته انا عضوة جديدة وعندي مشكلة مالها حل الا باذن الله :21: انا ياناس ابي اتزوج زي خلق الله :14: استغفر الله ما بقى مريضة الا تزوجت ولا مسحورة :23: الا تزوجت ولا وحدة اللهم يا كافي الا تزوجت وانا ما ازكي نفسي لكن الحمدلله ملتزمة بديني وحجابي ومحترمة ومحبوووبة جدا من الناس وخطابي كثير :o لكن ما فيهم واحد يستاهل اتزوجه يوم وانتم عارفين حال شباب هالايام :16: وعمري الحين 26 :o واللي في عمري اقل شي عندهم 3 او 4 اطفاال وانا والله اصلي وادعي الله دائما يرزقني ولد الحلال وكل من يبي يتزوج الله يرزقه ما ابي الحرام ولا الاساليب الملتوية شسوي؟؟؟؟؟؟؟ :11: ادعولي تكفون ولكل مسلمة تبي تحصن نفسها من مفاتن الدنيا شكرا |
اختي
انا بعد ما فيني شي تصدقين ولا خاطب جاني تعرفين شكثر حرقة قلبي مدام تقدم لكي خطاب هل استخرتي هل فكرتي بالموضوع جديا انا خائفة عليك ارجوكي شوفي حالي ما فيني شي وكل اللي ما يسسون تزوجو ما انتقص ولامغروره لكن اقصد ما يسسون بأخلاقهم لكن هذا رزق من عند الله وانتي فكري عدل بالخطاب اللي يتقدمون ارجوكي |
على فكره من اهم اسباب قبول الدعاء عدم قول دعوت الله ولم يستجب لي او رزق غيري
احس فيكي انا ابغي رجل يحبني ويعفني والله الحل بيدك ادعي الله ولما يتقدم خاطب فكري فيه الا اذا كان غير خلوق او جدا فقير وما تقدري تصبري معاه فهذا شي ثاني الله يسر امري وامرك يارب |
نايت عسى الله يسعد قلبك
والله مافيهم واحد سنع والزواج مب لعبة الزواج حياة واطفال وامانة وكل اللي خطبوني اعرفهم اقارب الله يهديهم لو اجمعهم كلهم ما صاروا واحد عدل |
ايصير توضحين اختي من اي ناحيه موسنعين ابي اساعدك
الله يرزقني ويرزقك عنديطريقه فيه خير لي ولك عند الفطور ادعي لي ولنفسك وبتضمنين دعوه مستجابه لأن الدعاء بظهر الغيب مستجاب واختمي القرآن بنيه الزواج واكثري من الصدقه خاصه الجمعه |
الله يجزاك كل خير اختي الغالية
مب سنعين يعني اولا اللي مب موظف واللي اصغر مني بسنييين اكثر من خمس سنوات <<< صعبة جدا واللي ماله شخصية امه مره تخطب ومره تفسخ الخطوبه وهو ساكت وتكررت ثلاث مرات لين انا رفضت الخطوبة بكبرها واللي فقير جدا الله يعيننا ويعينه ومسؤول عن امه واخواته <<< ما يحتاج من يكمل الناقص بعد واللي استغفر الله تنام وتصحى في الاسواق تتزوج واحد بمركز وعائلة واخر دلع <<< سبحان الرازق وانا والله ما اقول دعيت ودعيت دائما املي بالله كبير والله يغنينا بحلاله عن حرامه ويزوج كل من يتمنى الزواج للعفة والستر اللهم امين |
اللي يمرون على موضوعي
هلا فيكم على عيني وراسي بس كلمة منكم تهمني ولو دعاء صادق لوجه الله وشكرا |
افا عليك ما عليك من اللي يمرون ويروحون
في اخوات طيبات مثل العسل بس الحين توه الصبح باذن الله راح ادعي لك بصلاتي وانتي استغلي اليوم واقري سوره الكهف بنيه الزواج وآخر ساعه بالعصر استغليها وقبل الفطور وكل يوم من اليوم صلي ركعتين وطلبي فيها الله يزوجك احس فيج وصدقيني عندي مشاكل ربي يعلم فيها حتىمرت خالي اشتكت علي لأني طلبت تبحث لي عن زوج لكني استاهل قريت حديث للرسول عليه الصلاه والسلام اللي ما يتكل على الله مو مثل اللي يتكل على الله في رابط باعطيك سجلي فيه اسمك علشان يدعون لك وادعي لي لا تنسين |
وادخلي الرابط
وانصحك اختي بقراءة سورة البقرة كل ثلاثه ايام وقراءة المعوذات وآيةالكرسي يوميا http://www.66n.com/forums/showthread.php?t=137149 ولما تنخطبي لا تخبري حتىاقاربك الرسول وصانا بالكتما ن عليه الصلاة والسلام |
الله يرزقكم الازواج الصالحين اللي يسعدونكم يارب
|
حبيبيتي ازا ماتزوجتي مش معناه انو فيكي شي
بالعكس يمكن الله شايفلك الخير هيك ومش ميسر الك الزواج حاليا مشان يمنع عنك ضرر معين شوفي الخير دايما في كل شي بصيرلك يعني وادعي الله والله بيوفقك ويرزقك ومش كل وحدة عمرها26معها 3 او 4 عيال مين قلك ههههههههه اختي عمرها حيصير 26 ومامعها غيربنت وحدة الله يخليها الها;) الي عمرها 26 ومعاها 4 عيال متزوجة من وعمرها صغير كتير والزواج احلى شي فوق ال21 وانت سنك حلو ولسة صغيرة ماتخافي |
الله يعينك موضوع الخطبه مو سهل
لكن حاولي تستشيرين أهلك بالموضوع و اخذي الأفضل من هالمتقدمين مو شرط كامل لكن مثلا ألي عيبه في فقره بس فأعتقد هو أخفهم والله سبحانه وعد برزق من يتزوج يريد العفاف |
اختي
انتي باين عليك انك بنت حلال بس مشكلتك انك قاعده تعترضين على القدر ..!! قولي للبنات اللي تكلمتي عنهم الله يوفقهم وهــذا نصيبهــم ورزقـهم في حيــاتهم حسني نيتك وبتتوفقين واشكري الله ليل نهار (( وإن شكرتم لأزيدنكم )) الله يوفقك ويزووجك برجل صــالح .. |
اعانك الله ياغالية
كلنا في هذا القسم بنفس الحال..انا اتمنى ان يأتي فقط خاطب لكي اقبل..لكن لا احد ياتي ولا احد حتى يعرف بوجودي كوني بالغربة والتجمعات قليلة وما تكون مختلطة أصلا فكيف يراني أحد؟؟؟ وأنا احس نفس الشيء..فاللاتي في حالي وتزوجوا كلها عن طريق الحب قبل الزواج والكلام معا والجلوس معا قبل الزواج في اماكن عامة.زوانا كوني لا ارى شباب ولا اتحدث معهم..لم يفكر بي أحد والناس كل واحد مشغول بنفسه..كل واحدة تدور عريس لأابنها هي...وراااح دوري فألن دور بنات اللي عمرهم 16 - 18 يدورون لهم :( |
دروب الشوق عيوني لا والله مو اعتراض الحمدلله على كل حال يمكن حالنا احسن بكثير من حريم متزوجات
وذكري للبنات اللي استغفر الله من باب الفضفضة ووالله اني دايم اقول ماشاء الله والله يرزقنا باحسن من رزقهم لكن والله البنت من تبلغ تكون مهيئة للزواج والله شرعه لانه ضروري في الحياة انا عن نفسي ما اقدر استغني واعيش حياتي من غير ابن الحلال اختي الغالية مشمشة عمري تقريبا مشكلتي تشبه مشكلتك ماحد يعرف عني شي اهلي ضد التعارف والزيارات تخيلي هذي السنة عرفت عماتي وهم خلاص كبار في السن وبناتهم مااااااااا اعرفهم تخيلي!!! اغلب قرابتي ما اعرفهم ولا يعرفوني لكن توني احس بالمشكلة يوم صار عمري 26 سنه مالقيت ابن حلال يستري لكن الفرج قريب باذن واحد احد والله الله في الدعاء في ظهر الغيب وجزاكم الله كل خير |
توت القلب
انا اخس من حالتك صدقيني تدرين اهل ابوي يتكلمون عنه ويعايرونه بحالته الماديه ولد عمي كل يقول خلها كذا ومره طلع علي كلام يوم كنت ادرس بالجامعه والصبي صرف النظر عني ما في احد يعرفني ولو عرفوني يطلعون كلام قاسي وعيب عني بالزور صدقيني في اهل ايجي يوم تحلمين لوما عندك اهل انتي شكلك مو اقصرك شي يعني يمكن تكوني محسوده لو كان عندج قريبات وايد الله بيرزقج ويرزقنا يارب ادعي لنا ولروحج وانا دعيت لج يوم الجمعه يارب يفرجها |
اختي نايت
كل واحد يشوف ظروفه اخس الناس احنا بالسعودية ما تطلع بنت الناس من البيت الا للضرورة وما تتعرف على شباب عسانا نعرف اقاربنا الحين وطبعا حسب ديننا الاسلامي اوجب علينا الحجاب الكامل لكن دايم احمدي الله على الصحة والعافية وكلام الناس ما يخلص وكل واحد بياخذ عقابه اهم شي لا تكونين دايما متشائمة هونيها وتهون ودعيت لك والله يوم الجمعة وكلما دعيت والله يقبل منا ومن كل مسلم الدعاء امين |
أختي الكريمة .. أود أن أعلق على نقطة .. اقتباس:
أينا لا يخطئ وأينا لا يذنب ؟؟ كل ابن آدم خطاء .. الأهم أن يتوفر في الخاطب الدين والخلق .. وتجاوزي عن الأشياء الأخرى الصغيرة .. وديارنا ولله الحمد لم تخل من الشباب الخيرين .. اللهم ارزقها الزوج الصالح الذي يحبها ويصونها ويخافها فيك .. |
اقتباس:
التعرف يبغى لها وحده تجرب من واحد لي واحد لي ما تضبط هذه نعمه من الله على فكره انا اهلي حتى لو محاضره اسلاميه ما يخلوني اطلع جارج البيت الحال مشابهه لكن الله يفرجها |
الحال من بعضه لكن الحمدلله على كل شي والله يرزقنا بابن الحلال اللى يستاهلنا على خلق ودين
|
انا اقول لك والله ماشاء الله عليك اللي في عمرك بصراحة يركضون لها ركض تدرين ليش
لانك بها السنة عقلك باذن الله رزين ، إن الله سبحانه وتعالي يحب عبده اللحوح ادعي ربك بها الرمضانية خاصة اذا جيتي تفطرين قبل ماتبلعين التمرة بسم الله عليك ادعي هذا الدعاء اللهم اني صمت وعلى رزقك افطرت وبسم الله الرحمن الرحيم ولا اله الا الله الحي القيوم رب السموات والارض عالم السر واخفى اللهم صل وسلم على رسول الله اللهم اني اسالك سؤال المسكين الذليل الذي ذلت لك رقبته ورغم لك انفه وضاقت بها الدنيا الا بابك يارحيم ويا وداود اسالك ياربي في هذا الفطر المبارك ان ترزقني زوجا صالحا يخافك فيني مطيعا لاوامرك مجتنبا ماحرمت ياحي ياقيوم اللهم زوجا معيننا لي في ديني ودنيا ومعاشي ياذ الجلال والاكرم وصل الله هم وبارك على نبينا محمد وعلى اله وصحبة وسلم ثم تسمين وتاكلي تمرتك .. الشي الثاني قبل ما تغاب الشمس استقبلي القبله وادعي ربك الشي الثالث اذا جت الساعه 3 فجر صلي الوتر وادعي ربك الشي الرابع اذا ضبطت امورك سالتك بالله ان تدعي لي لان زوجتي فارقت بيتها وتبيني اطلقها ابيك تدعي وكل اللي بالمنتى ادعوا لي ياجماعه تراي ماودي بالطلاق وشكرا لكم |
جزاكم الله كل خير
واخ امير الشوق الله يجزاك الجنة بغير حساب قل امين صدقني باذن واحد احد اني لادعيلك في ذا العشر الفضيلة في ظهر الغيب والله يردلك زوجتك طائعة مطيعة ويهدي سركم ويستر عليكم دنيا واخره ويكفيكم شر من فيه الشر وجزاك الله كل خير |
الله يرزقك بأبن الحلال إللي يحبك ويصونك ويخاف الله فيك ومايشوف بالدنيا غيرك أنت ونايت وكل بنات المنتدى بإذن الله والله يهدي لك زوجتك ويصلح بينكم يا أمير الشوق أختك دلوو24ووعه |
الله يرزقج بالزوج الصالح والذرية الصالحة ويهدي بالج .......... أختي والله أنتي بعدج صغيرة لا تخافين الرزق في البايت مش في الفايت على قول المثل ........ إن شاء بيجي الرجل الصالح وبتفرحين عن قريب يا رب ......... الله يرزق نايت ومشمشة وكل بنات المنتدى الأزواج الصالحين ..... الله يرزق شباب المنتدى الزوجات الصالحات ......... الله يهدي زوجة أمير الشوق ويجمع شملهم على خير ويصلح أحوالها .......... |
السلام عليكم ورحمة الله وبكراته
اختي الكريمه بارك الله فيك وفي كل من رد باسلوب واعي اخيتي لا تنسي الله موجود وان الله مع الصابرين صدقيني اخيتي يفي يوم من الايام اذا الله كتب لك تتزوجين بتاخذنين ابن الحلال الي ان شاء الله يستر عليك.. اعرف هالعمر شوي يخليك تفكر بعمرك شوي ويخليك تقول ليش وليش وليش خليها هالكلمه وقولي سبحانك يارب وارزقني من فضلك وبشترك يارب يا حي يا غيوم اللهم امين.. وان شاء الله اذا اتاك خاطب تمعني اخيتي في دينه وفيه وفي اهله.. بارك الله فيك ورقك ورزقنا ورزق امة محمد يارب بالزوجات الصالحات والازواج الصاليحين |
"حبيبتي نصيبك هيجي هيجي باذن الله هيروح فين يعني " الجمله دي امي كانت دايما تقولها لي لاني كنت زيك حسه دايما اني مش هتزوج رغم ان كان بيتقدملي خطاب لكن مش مناسبين ليه بس الحمد لله رب العالمين ربي استجاب لدعائي الدائم له في كل صلاة ان يرزقني زوجا صالحا
والحمد لله كثيرا كثيرا لانه رزقني بانسان اشكر الله كثيرا عليه فلا تقلقي وعليك بالدعاء فالله خير مجيب اللهم فرج همها وارزقها زوج صالح عن قريب باذن الله وابقي فرحينا سلامي وقبلاتي |
الله يوفقك ويزووجك برجل صــالح
|
حزاكم الله خير جميعا ياناس اقلو لكم تكفوووووووووووووووووووووون ادعولي ان الله يرد لي زوجتي سالتكم بالله ادعو لي في صلاتكم ترا الهم بدأ يقطع قلبي وهذا اعترااااااف
|
جزاكم الله كل خير
وعفا عنا وعنكم وادخلنا الجنة بغير حساب وتقبل الله منا ومنكم صالح الدعاء والاعمال في هذه الليالي العظيمة وجعلها خالصة لوجهه الكريم وزوجني واخواني وبنات وشباب المسلمين بالازواج الصالحين الذين يعينوننا على طاعة وحسن عبادته كي نسبحه سبحانه كثيرا ونشكره كثيرا اللهم الف بين امير الشوق وزوجته اللهم هدي سرهم واجمعهم على خير وبارك فيهم وبارك لهم واكفهم شر الشيطان وشركه واكف شر من فيه الشر وكل مسلم ومسلمة انه مجيب الدعاء اللهم صل على محمد وعلى اله وصحبه اجمعين اختي الغالية يسكال اعجبتني كلمة امك الله يحفظها لك يارب وشكرا |
لاتنسونا من دعاء العشر الاخيرة من هذا الشهر الفضيل
لي ولجميع المسلمين في ظهر الغيب |
اختي قلتي ان خطابك كثر ما شاء الله لكن لمادا ترفضينهم ممكن تقولي شروطك.
البنات اللواتي متزوجات ممكن انهن لا يتشرطن و لدلك يوافقن. ممكن واحد تقولين انه لا يناسبك ممكن يعجب واحدة ثانية. ياريت تقولي سبب رفضك لهم. |
انا ذكرت الاسباب
لا يناسبونني اما من ناحية السن او غير موظف او غير محافظ على صلاته ودينه او عقيم وبه مرض الصرع الله يشفي المسلمين ومع ذلك لم يخبرني او واحد امه يوم تخطب ويوم تفسخ الخطوبة وهو لعبه ماله راي اتمنى كفت الاسباب هذه وما خفي كان اعظم وشكرا لتجاوبك |
والله الحال من بعضه الله يرزقنا جميعا لكن احمدي الله انك مازلت في هذا السن انا عمري 31 ولم اخطب الا من ثلاثة منهم من هو مريض او متزوج ولديه عدة اطفال ويحب زوجته ويشترط علي ان اصبر
|
اللؤلؤة
الحمدلله على كل حال لكن 26 ماني صغيرة ابدا خاصة اهل ديرتي يزوجون البنات من 18 سنة يعني انا في نظرهم عندي مشكلة او فيني شي لا سمح الله وسواء انخطبت من ثلاثة والا من عشرة اذا ما كانوا مناسبين ما كان احد خطب وفي عدم الزواج ماحد احسن من احد كلنا لنا رغبات لكن الله يفرجها قريب شاكرة مرورك |
| الساعة الآن 04:43 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©