|
مساااعدة صديقي يبي ينفصل عن خطيبته والسبب الم الدوره الشهرية
السلام عليكم ورحمة الله وبركاته اخواني باقي شهر عن زواج صديقي لكن اكتشف بالغلط ان خطيبته الي مملك عليها ماتجيها الالام الدوره الشهريه ويقول ان خطيبته ماتدري عن الدوره الشهرية الا اذا شافتها يعني مافي الالام ولا شيء ينزل الدم بدون اي متاعب والمشكله انه قرأ مقاله ان وجود البكاره هو سبب هذه الالام والمتاعب قبل نزل الدوره الشهريه فجلس يفكر ويقرر ليش خطيبته ماتجيها متاعب مثل كل البنات وهو طاير في راسه الف عفريت الحين وبدا يشكشك ويشك في خطيبته قلت له يابن الحلال حافظ على خطيبتك ولا تتسرع ولا تظلمها قال اصلاً المتاعب موجوده في كل البنات الابكار وماتروح المتاعب الا عند المتزوجات فقط وش الدبره وش اقله وخايف على مستقبله من هالخرابيط ساااااااااااااااعدوني |
انا عندي قريبه ما تجيها آلالام الدوره الشهريه بتاتا
وانا مو كل شهر ساعات لا اله الا الله علي ما أحس اي الم ما اشوف الا دم خاصه لما اكون تعبانه نفسيا تنزل الدوره من دون اي الم ومن اي مقدمات هاي اللي قلته واقع لازم تنقل له لصديقك وخله يتقي الله في بنت الناس لأن غشاء البكاره فيه انواع وبعضه لا ينزف يعني لو طلق خطيبته يمكن يلاقي بنت فيها الم بس غشائها لما ينفض ما يطلع منه دم واقولك شي خاص عمتي لما فض غشائها لم يخرج دم انصحك خطيبك وقوله الأخلاق مو بالم الدوره ولا بدم الغشاء ترى ف يناس تسوي ترقيع للغشاء واخلاقها زفت انصحه يذكر الله وارجوك قوله عن قريبتي وعمتي وعني وقوله انت بنعمه ترا اللي تجيهم آلالام مشكله لأن الزواجه ما تقدر تعطي الزوج حقه ولا تتفرغ له من كثر الألم واهم شي قوله لا تصير ظالم لان الله بيحسابه يبني اشياء على مقالات وكلام مو صحيح ولا منطقي |
لاحول ولاقوة إلا بالله
متى هالشباب يتعلمون ياخذون المعلومات الصحيحة من مصادرها الموثوقة وش هالخرابيط !! وش دخل الآلام بالبكارة ومن قال إن المتزوجات مايتألمون ؟؟ الله يهديه ويفتح عليه وينور بصيرته ويرجع لعقله قبل يتهور |
وش هالتفكير المتخلف
و يصدق كلام اي مقااااااااله قول له ان المقاله هذي خاطئه مليون بالمئه لاني قبل لا اتزوج ما كانت تجيني الام الدوره ولا شيء يعني لمن كنت بنت و بعـــــــد ما تزوجت و اجهضت بديت احس بالألآم يعني بالنسبه لي المقوله معكووووووسه و ياكثر البنات اللي اعرفهم ما يحسون بأي الآلآم بوقت الدوره يعني الحين خلاص كلهم من غير غشاء بالصراحه صديقك قهـــــرني والله لو تسمع خطيبه هي اللي بتنفصل مو هـو |
الله المستعان
مين قال ان سبب الالام الدورة الشهرية هو غشاء البكارة حرام عليه لا يظلمها الالام حتى بتجى للمتزوجة وانا متاكدة الله يهديه وينور بصيرته للحق |
الآلام ناتجة عن تقلصات الرحم ,, ولادخل لها بغشاء البكارة
|
والله الجهل بهذي الامور مصيبه
يا عالم وش دخل الام الدوره بغشاء البكاره |
اقتباس:
بنسبه لألأم الدورة اعتقد تختلف من بنت لبنت البعض تشعر بتعب والبعض لا والبعض مجرد مغص شوي باسفل البطن وخلاص او شوي مسكن ويروح الألم وبعدين هو ليه من الان يشك باخلاق خطيبته ويشك بشرفها !!!!!!!! عشان يطمئن خليه يستفسر من طبيبه نساء وولاده وبتشرح له الامر الله يوفقه معقوووووووله !!!:29: !! فيه شباب بهالمستوى من الثقافه لازم يتثقف شوي الله معك |
:eek::eek:
الله يهيدكم بس ايش الافكار هذي مافيها الا العافيه الله يحفظها ويحميها بسم الله عليها الرحمن الرحيم هذي الامور البنات يكتمون سرها عشان العين البنات يحسدوا بعضهم اللي ماتجيها اللام بسم الله عليها الرحمن الرحيم الله يحفظها ويحميها ويصونها قوله اجل يبغا البنت اللي تطيح في المستشفى طول مدة ايام الدوره يالطيف الطف اللهم لا شماته يارب بسم الله علينا وعلى بنات المسلمين خليه يتعوذ من الشيطان ويشيل الخرافه من راسه لاحول ولا قوة الا بالله رحمت البنت الله يسخرلها اللي يخاف الله فيها ويصونها ويقدرها ويخاف عليها |
استغفر الله العظيم وش دخل الم الدوره بالبكاره ... ومن قال ان الوحده لما تتزوج تروح الام الدوره ..كان ارتحنا وافتكينا ..لكن فعلا اهل العقول في راحه وياخي قوله بنات الناس مولعبه عنده.... |
يالله
الله يعين زوووجته اذا من اولها كذااااا :(:(:( الله ينير بصيرته ويسخره لزوجته |
اخوي قول حق صديقك يتقي الله في بنت الناس انا صار لي متزوجه اكثر من ثلاث سنوات وجاتني الدوره امس والله با الا م ومغص وتعب
|
والله الجهل وا لعصبية بلاء :18:
تدري اخي لو كانت بنتي هي خطيبته كنت قلت لها الفكة غنيمة منه الله يعينها هالمسكينة انبلت ابتلاء بس شو نسوي رجال آخر زمن صار الطلاق كالعلكة يا عمي يروح يفهم ويتقف حاله بلا هذيك الفلسفة والمرجلة الي في غير محلها لا وكمان بيحكي لك لك شو هالرجال:18: :18: الله المستعان |
اخوي قول حق صديقك يتقي الله في بنت الناس انا صار لي متزوجه اكثر من ثلاث سنوات وجاتني الدوره امس والله با الا م ومغص وتعب
|
أخي..كلام صديقك غريب ما معقولة يرفس النعمة بسبب الجهل
لماذا لا يثقف نفسه اولا فبالعكس..اكثر البنات يتمنون ان لا يكونون عندهم الام..وهو محظوظ لأان خطيبته ما تتألم..يعني دورتها سهله ما شاء الله..وكثير من البنات الاتي يتألمون معناه يوجد شيء...مثلا اعرف واحدة تتألم وتنزل عندها الدورة بكثرة بسبب ان عندها فقر الدم فصاحبك الله يهديه بدل ما يحمد الله يريد ان يخرب سعادته!!! |
في كثير متزوجات تكون الالام الدورة الشهريه عندهم بعد الزواج اكثير من قبله
دله على هالمنتدى وخله يعرف من وين تجي الالام الحيض.. تحياتي |
اقتباس:
|
خليه يتعود من الشيطان .
|
شكرا لكم
|
الالام ناتجه من تقلصات الرحم ولادخل بغشاء البكارة والله يهديه ولا يظلم هل البنت معاة والله يتمم على خير في ما بينكما
|
غلط مليووون بالمية
أعرف الي تجيها الدورة و لا تحس فيهاا ابد و تجي و تروح و هي نفس الوضع و أعرف الي اذا جتها تروح المستشفى بس ربط البكارة بالدورة غلط مليون بالميةة و خله يبطل من هالشك لأن مهوب زين ابد حتى على نفسه بيقلب موسوس بالأخير |
الله المستعان بس
انا صح احس بالامها قبل ماتجي باسبوعين بس في ناس مايحسون فيها ودام كذا تفكير شبابنا اجل على الدنيا السلام |
انا من تجربتي قبل الزواج وبعد الزواج نفس الشيء تجيني الالم
واحس فيها قبل اسبوع يعني هذا مو مقياس |
اخي الفاضل
هدا الله صديقك كل المعلومات التي ذكرها خطأ طبي فادح و شكوكة خطأ اخلاقي فادح لا علاقة مطلقا بين غشاء البكارة و بين الالام التي تنتج اما لمجرد احتقان الحوض و اعضائة او من انفجار المبيض و تقلصات الرحم وهي تختلف من بنت الي اخري قل له اتق الله في خطيبتك و استغذ بالله من الشيطان الرجيم د نبيل |
انا ماراح ازيد على كلام الاعضاء لكن بغيت اأأكدله ويتاكد زين بعد انا عندي بنت خالي تجيها الدوره وهي ماتدري عنها وش دخل الالم بالبكاااااااااره مالها دخل مررررررره
قوله يتعوذ من الشيطان ويتووكل على الله والله يكتب له الخير تحيتي |
ما يخصـــه أبدن !!!!!!!!!!
آلآم الدورة مب عند كل البنات ... ومب كل شهر تكون في آلآم ... قله الله يهديكـــ. خل عنه هالأفكــآر المتخلفه وخله يفكر بنضوج شوي خله يقطــع الشك باليقين .. وإن شاء الله تتيسر أموره وكل الي كان يفكر فيـــه يطلع غلط .. ولكـ تحيــآآتي |
لا حول ولا قوة إلا بالله ..
وش رايك إن أنا ماعرفت يعني أيش آلام الدورة إلا بعد الزواج ..؟؟ وبعدين آلام الدورة تجي أسفل البطن .. وغشاء البكارة معروف وين مكانه .. يعني ماله دخل أبدا .. لما شفت العنوان قلت يمكن يبي يتركها لأن آلامها قوية ومايبي يبتلش معاها .. طلعت السالفة بالعكس .. أنا أقول خله يقرا الموضوع ويشوف الردود .. |
الله يعين صاحبك على عقلاته
لو ترك البنت يمكن احسن لها من واحد متخلف مثله . |
اقتباس:
|
أنا محدثتك وأنا بكر ماكنت أتألم نهائي ومثل خطيبته بالضبط , وفيه وحدة قريبتي مثلي ..
المسألة عادية ولا يظلم بنت الناس , رحمها ربي من الأوجاع .. والحمد لله حملت على طووول بعد شهرين فقط من الزواج , يعني لامشكلة في الإنجاب ولا حصل شيء يغضب الرب سبحانه والحمد لله . |
ياليت كل واحد قبل لا يتقدم لبنات الناس
يثقف حاله من مصادر موثوقة مو من أصحابه و لا كلام من هنا و هنا |
يا هلا ..
الله يعين هذي الزوجه اللي راح تتورط مع هذا المتخلف .. خله يصحح معلوماته هذا المتخلف .. ما عرفت الم الدوره الا بعد ما تزوجت .. أميرات .. |
غربتي الكلام الي شافه مو صحيح البكاره مالها علاقه بالام الدوره ولا يظلم البنت ويحكم عليها حراام بقولك انا اختي صار لها متزوجه 3وللحين مازالتت تجيها بي الم شديد لدرجه انها لازم تروح المستشفى كل شهر بعكس لمن كانت بنت ماتجيها بالم بتاتا يعني مو شرط ويالله عاد فهمهوخليه يشيل ها لافكار من باله وادعو اللى اختي ماتروح المستشفى كل شهر والله يرزقها بالذريه الصالحه يارب.
|
عفوا اختي صار لها 13 سته موب 3.. تحياتي لك ياغربتي.
|
نسال الله العفو والعافيه
ونسال الله ان يهديه الى التفكير الصواب |
احسن
دامه مريض وشكاك خله ينفصل عنها لاينكد عليها حياتها هو ما جا طق بابها الا عارف هي بنت مين وعيب عليه هالتفكير سوء الظن حرام فما بالك بقذف المحصنات؟؟؟؟ |
إلى متى تبقى المرأة ضحية جهل أبو العريف (الذكر)
|
عطوووووووووني رقمهااااا اقلهل تفررركش من ها الولد الغثييييييييث وي وي
هي بنت الناس لعبه عنده؟؟؟؟ اعوذ بالله من الشك.... اجل بكرة النهار لو شافها ما جاتها الدوره بيقولها.... من مين حملتي خخخخخخخخخخخخخخخ يعني ما يرتااااااااح الا لمن يشوفها تتعذذذذذذذب قله خاف الله وبطل الشك لانه اذا ما خرب بيتكم دحين بيخربه بعدين .... الله يهديه |
ليش هاي كم عمرة ؟؟ عشان يفكر هاي التفكير ؟؟؟
|
معقووووووووووووووووووووووووووووووول في ناس تفكر هكذا
غريبة والله مسكينة هذة الي بتتزوجة لانة الظاهر انة شكااااااااااك وش دخل ذا بذا مافي اصلاً اي علاقة بالنسبة لي الالام قبل الزوج وبعدة ماتغير شي الله يهدية |
| الساعة الآن 07:44 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©