|
هدية العيد إلى زوجتي
الأحبة أعضاء وعضوات المنتدى..
السلام عليكم.. العيد باقي له أيام معدودة .. وأنا أحب أهدي زوجتي الغالية هدية يكون له أثر طيب عليها .. لكن أنا محتار في نوع الهدية.. الساعات عندها كثير .. الذهب ما شاء الله تبارك الله .. العطور .. مليانة عطورات .. باقة ورد .. أهديتها إياها قبل فترة بسيطة .. جهاز جوال .. اشتريت لها جهاز قبل شهرين تقريباً .. يعني بكل صراحة أنا في ورطة ومحتار ..:25: أنا بانتظاركم يا أعضاء المنتدى.. يا عضوات المنتدى أنا بانتظار الأفكار .. فأنتن تعرفن أكثر بشؤون بعضكن البعض.. لا تبخلوا علي بأفكاركم .. منكم أستفيد .. تحياتي. |
ماشاءالله تبارك الله
تعليقة الماس فخمة والاحجار الكريمة الآن مرة دارجة00 او اشتر لها شنطة من الماركات العالمية لأنها الآن دارجة كثييييييييير ويحبونها الحريم مرة صدقني بتفرح كثير على ضمانتي:14: ادا اعجبتك الفكرة ممكن اساعدك بأسماء بعض الشنط |
أقترح عليك أن تهديها
عقد لؤلؤ مع الذهب موجود عند لازوردي او عقد ألماس أو خاتم ألماس الله يديم السعادة بينكم |
اقتراحي شنطة مكياج
وشكرا |
لاب توب سوني لونه وردي جنان بصراحه :22: وبتفرح فيه وتغير عن الهدايا المعتاده |
احجز لها شاليه فى درة العروس وقضوا هناك كم من يوم
اتذكروا فيها ايام شهر العسل:17: |
يعطيك العافية أختي شوبارد على أفكارك الممتازة ..
ويا ليت تذكرين لي بعض أسماء الشنط .. 1000 شكر على مرورك الكريم.. تحياتي. |
صحيح فكرة الشنط مرة حلوة واليوم شفت شنط تجنن بس انت وين ساكن وانا بدلك على شنط اشكال تجنن
|
يا اخوي ترى الهدية لازم تعبر عن شخصيتك وقدر حبك لها فهي رمزا لك ولها .. وقولك انها عندها كل شيء الله يعطيك العافيه لكن ترى اتوقع ان الهدية لازم تزيل اشياء في النفوس وتزرع شي مو لازم تكون ذا تكلفه غاليه بل ربما باقه ورد وعليها قبله حارة وضمه حانية تحسسها انك ترحم ضعفها وهذا رأيي الخاص ويذكرني قول النبي صلى الله عليه وسلم (( تهادوا تحابوا )) |
اخوي تقدر تاخذ لها دبله الماس جديده وتكون فخمه <<< هي صحيح مجوهرات بس الدبله غير
او مجموعة قمصان نوم على ذوقك ..مع مجموعة لوشنات معطره من محلات العطور او مثل ماقالو لاب توب صغنون للغلا زوجتك مع ورده حمرا مغلفه معاه او احجز لها ليله ورتب الغرفه ف احسن فندق عندكم<<<<عاد هذي ليله مابتنساها وماانصحك ب شراء شنطه ماركه لان شنط الماركه .....تلاقي الحين لها كوبي نسخه طبق الاصل تقليد ف مابتكون الشنطه مميزه |
اخوي انا مع فكرة اللاب توب وكل عام وانتم بخير .... |
اخوي و الله حسبتك زوجي
لانه وعدني بهديه في العيد و قلت له ما ابي لا عطور و لا ذهب و لا ساعات و من شهرين جاب لي جوال:d المهم انا مع راي اللاب توب سوني او ديل احمر او وردي المهم اللون بناتي و فكرة الشنط الماركه حلوه بس حرام تخسر فلوس على شي ممكن ان الناس يفكرونه تقليد لان في تقليد مضبوط مثل ما قالت الاخت العيون |
اشتر لها جوال اخر موديل يتغليفة حلوة
|
انا اايد فكرة تحجز شاليه تقضون فيه اجازة العيد
اجازه سعيده ان شاء الله |
فكرتي تاخذلها عطر من شانيل بس بشرط يكون مربع وتاخذ صورتك حتى لو شخصية وتطبعها عليه تلاقيها فالمكاتب الكبيرة ويسير كل ماترش عطر تشوفك وبعدين تقدر تحتفظ فيها
فكرتي الثانية تديها فلوس فظرف حلو وتكنب عليه المبلغ 400 السبب {لراحتك ياعيني حمام مغربي ومساج} واطلب منها تحدد الموعد ومكان الصالون والله يتم السعادة عليكم |
اقتباس:
فيه بعض الشنط لها تقليد وبعضها لا وحتى المقلدة يبين عليها صدقني فيه كريستيان ديور - شانيل - كوتش - قوتشي - بري بري - ولهم تقليد واللي مالهم تقليد: جست كفالي -روبرت كفالي 0 ايقنر - ميو ميو - دولشي قبانا - |
اشتر لها
مجموعة عطورات من بودي شوب او من زهور الريف |
انا بشري لها جوال
|
انابشري لها جوال
|
الله يعينك من وجهه نظري الشنطه صعبه اولا شي نسائي بحت ولازم بذوقها وغير كذا غاليه على انك تشتريها بذوقك واحتمال ما تعجبها
بالنسبه لي زوجي مواعدني بهديه غير شكل للعيد الله يستر :) وانا افضل شي تلبسه بالعيد مثلا انت شوف لون فستانها واختار عليه ساعه جلد حلوه ولو عندها ساعات في العيد ودها تلبس جديد :) وفيه محلات تطبع الصور على ميداليات وتعليقات فضه حلو تحط صورتك وتهديها لها اما تعليقه جوال او سلسال واذا تبغى فكره غير ممكن اعرف هذا العيد رقم كم وانتوا متزوجين ؟؟ عندي فكره مره رومانسيه :) اذا تبيها استنى ردك تحياتي دلوعه زوجي |
دلوعة زوجي ...
عليك اسلوووب تشويييييييق اكيد ما سأل الايبي الفكره... واذا تنفع للزوجه احلى واحلى بس بسرعه عطينياها |
هلا هايدي حبيبتي
تصدقين شكله اشترالها هديه وخلص :) طيب اذا تبين ممكن اعرف كم سنه لك متزوجه لان الفكره تعتمد على عدد السنين استنى ردك واقول لك فكرتي تحياتي دلوعه زوجي |
4سنوات سنه تنطح سنه :)
|
ما شاء الله عليك
أحلى هدية لما تسوي لها ليلة رومانسية صج صج مميزة .. و تحطها في عيونك ... و ممكن تشتريلها خاتم ذهب تتزين فيه بالعيد و تفتخر فيه لأنه منك الله يسعدكم ولا يفرقكم يارب |
هلا اخوي انا بقولك وان شاءالله بيتعجب زوجتك
احجز منتجع طبعا وهي ماتدري وجهزه مثلا خذ قاتوه واطبع صورتها وصورتك عليها او بس صورتها مو الحين تطبع صورتك انت بس:d لازم صورتها طبعا جهز الطاوله بالشموع الحمراء والورود كاستين عصير بس مو اي عصير :22: بس لازم تشتري هديه يعني ممكن تاخذ لهادبله الماس وتتقدم لها من جديد:17: ها شو رايك :14: وبالتوفيق ان شاء الله ودمتم بسعاده |
هلا وغلا hussain-06 ..
فكرتك ممتازة و 1000 شكر على الرد .. ------------------------------------- هلا وغلا لليانة .. فكرة ممتازة .. لكن عندي سؤال .. هو فيه ماركات معروفة للمكياج وإلا لا ؟ وإذا كان فيه ممكن بعض أسماء الماركات.. 1000 شكر على الرد .. ------------------------------------ هلا وغلا End Love .. فكرة تجنن ولا جت على بالي .. تم إضافتها إلى الأفكار .. 1000 شكر على الرد .. ----------------------------------- هلا وغلا ازال 2006 .. فكرة الشاليهات حلوة جداً .. لكن مو أي شاليهات تناسب.. بعض الشاليهات مجرد إسم .. وهذا هو اللي حاصل في المنطقة اللي أنا ساكن فيها .. وصعب أسافر لمدينة فيها شاليهات معروفة.. وبالذات إني أبغى الهدية تكون ليلة أو صباح يوم العيد .. 1000 شكر على الرد .. --------------------------------------- هلا وغلا أختي سارة 1111 .. الشنط هذي تكون موجودة في المجمعات التجارية المعروفة والمشهورة وإلا لا .. ممكن تذكرين لي بعض المحلات المعروفة وتكون الشنط هذي موجودة عندهم.. 1000 شكر على الرد .. -------------------------------------- هلا وغلا أخوي متفائل 44 .. الحمد لله ما في نفسها شيء علي .. المسألة بس إني أحب أهديها في هذا العيد .. يعني مو المسألة مسألة إنها زعلانة وأبغى أراضيها بهدية.. المسألة كلها تقدير .. وكلامك صحيح أخوي إن الهدية مو شرط تكون تكلفتها عالية.. 1000 شكر على الرد .. ----------------------------------- هلا وغلا العيون.. أفكارك متعددة وكل وحدة أحلى من الثانية.. 1000 شكر على هذي الأفكار .. و 1000 شكر على الرد .. ------------------------------------ سأواصل الرد على بقية الأحبة يوم غد لضيق الوقت.. شكراً لكم جميعاً.. تحياتي وتقديري. |
شوفي حبيبتي هايدي
الفكره انا سويتها لاخو زوجي بمناسبه ذكرى زواجه الـ 15 قولوا ما شاء الله :) والفكره انك تشترين فازه زجاجيه طويله شوي وتكون مناسبه لعدد الورد انت طبعا راح تحطين 4 وردات روز ويكون مفتح وكبير http://www.graciousstyle.com/images/varga_vase.jpg ويفضل تكون شفافه او ملونه بلون هادي مثلا اخضر فاتح مائل للشفاف الفكره انك تودين الفازه لمحل الورد وتطلبين منه ينسق ورد بشكل ناعم جدا في اسفل الفازه وانت طالعه من المحل خذي معك 4 وردات روز بالمواصفات المذكوره سابقا يمكن اذا حبيتي تاخذين صناعي الامر راجع لك ولذوقك طيب اذا رجعتي البيت تكتبين في اربع ورقات صغار مقاس 6x10 تقريبا وكل سنه راح تمثل سنه في حياتكم او ذكرياتك بالعيد الاول والعيد الثاني ....... وهكذا بعد ما تكتبين تلفين الورق زي الرول وتثبتينه بمشبك علشان يا خذ الشكل وما يتعبك باللف في هالوقت ترجعين للمحل اذا كنتي لسى ما استلمتي الفازه تستلمينها وتجعين للبيت :) وتجيبين الاربع وردات + ورد التعبيه وتلفين الورق وتلفينه حوالين الورده وتثبتيه بشريطه طبعا بحيث اذا حطيتي الورد داخل الفازه ما تبين الورقه واذا كنت جايبه هديه تثبتينها بنفس الحركه بس طبعا الهديه تكون مناسبه للتثبيت مثلا ميداليه مفاتيح او تعليقه سياره او خاتم مثلا واذا كانت الهديه ما تقدرين تثبتينها تقدرين تكتبين مكانها ويروح يدورها :) وفي الاخير بيصير شكل الباقه مقارب لكذا مع ملاحظه ان كل ورده تمثل سنه http://www.blesstheday.com/categorie...al-roses/1.jpg http://www.ftd.com/pics/products/D8-82RB_c.jpg اتمنى تكوني فهمتي الفكره واي سؤال انا حاضره واتمنى تعجبك الفكره اخوي مع انك ما رديت :) تحياتي دلوعه زوجي |
بصراحه مافهمت ؟؟؟:(
|
هلا وغلا انتفاضة قلب..
فكرة جميلة و 1000 شكر على الرد .. ----------------------------------- هلا وغلا أختي k2k2 فكرة االلاب توب جميلة .. والأجمل أنها إذا كان لونه بناتي.. وبالنسبة للشنط .. مشكلتها أنه فيه منها تقليد .. لكن أبحاول إذا قررت شراء شنطة لها .. إنها تكون من الماركات اللي ما فيها تقليد.. 1000 شكر على الرد .. ------------------------------------------- هلا وغلا لليانة.. الجوال فكرة ممتازة لكن لسّا جوالها جديد ما كمّل شهرين .. 1000 شكر على المرور .. ----------------------------------------- هلا وغلا صوت البحر .. الشاليهات فكرة ممتازة لكن مشكلتها عدم توفرها في منطقتنا بالشكل المرغوب.. 1000 شكر على المرور.. ----------------------------------------- هلا وغلا أختي سواقة باص.. فكرتين صراحة ولا أحلى .. كل فكرة أحلى من الثانية.. تم إضافتهم لقائمة الأفكار .. 1000 شكر على المرور .. ----------------------------------------- هلا وغلا أختي شوبارد .. اقتباس:
1000 شكر على تعاونك وعودتك للرد مرة أخرى.. --------------------------------------- هلا وغلا لليانة.. فكرة عطورات من بودي شوب أو زهور الريف ما أدري وشلون راحت من بالي .. 1000 شكر على طرحك أكثر من فكرة .. يعطيك العافية.. -------------------------------------- هلا وغلا mody03 .. فكرة الجوال ممتازة لكن مثل ما قلت في أحد الردود .. إن الجوال الحالي اللي معها لسّا جديد.. 1000 شكر على الرد .. ------------------------------------ هلا وغلا دلوعة زوجي.. وجهة نظرك بالنسبة للشنط صحيحة .. وأنا أبغى شيء يعجبها ويعجب ذوقها .. وهدية زوجك لك ما دام إنه قال لك إنها غير شكل .. أتوقع ما راح يخيب ظنك فيه.. فكرة الساعات الجلد المناسبة للون الفستان .. فكرة جميلة راح تكون في بالي.. كذلك الصورة في الميدالية أو السلسال .. فكرة رائعة جداً.. اقتباس:
أنا قرأت فكرتك وأعجبتني مرة .. وفهمتها ، وراح أطبقها وفي نفس الوقت راح يكون معها هدية من أحد الأفكار اللي قالوها الأحباب في ردودهم الله يعطيهم وإياك العافية.. 1000 شكر على الرد .. ------------------------------------------- تحياتي وتقديري. |
السلام عليكم ورحمة الله وبركاته
اكفل يتيم بإسمها او اعمل اي عمل خير بإسمها واهديها اياه تفرح بالدنيا وبالاخره باذن الله اللهم اعز الاسلام والمسلمين واذل الشرك والمشركين |
وش دعوه اخوي زوجتك تستاهل نرد عليك ونساعدك :)
==== هايدي حبيبتي وش الي ما فهمتيه بالضبط؟ اسالي وانا اجاوبك باذن الله تحياتي دلوعه زوجي |
| الساعة الآن 06:31 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©