|
طيبتي أبعدت صديقتي عني !
السلام عليكم
بدخل في الموضوع على طول لاني مااحب اطول عليكم انا خطبني واحد قبل 6شهور تقريبا او 7 المهم اكتشفت انو كبير عليا شويه ومايعجبني سبحان الله مع انو في اشياء كثير حلوه وتتمناه اي بنت المهم ماحبيت اني اضيعو من اي وحده اعرفها في وحده من صحباتي اكبر مني بسنتين وعادي عندها فرق السن دليتهم عليها بعد ماقلتلها طبعا ووافقو عليه وارتاحو لبعض وخطبها وملك عليها ولا قالتلي وكمان زواجها في العيد ولا قالتلي متى ولا عزمتني عليه تتخيلو هذا كلو لانها غيرانه لانو خطبني قبلها والله غريبه يعني مافكرت انو انا اللي جبتلها هو لغاية عندها ومن طيب خاطر بالله لو كنت ابغاه ماكنت اخدتو ولا قلت لها شفتو كيف نهاية طيبة الهبله بس خلاص سويت اجر ورميته في البحر بس حبيت افضفض الإشراف : تعديل العنوان . |
الطيبة ماهي عيب
مع أني اول مرة أرد على مشاركة في هالمنتدى لكوني جديد لكن زي هالمشكلة لا تعطيها أهتمام زيادة سواءاً عزمتك وإلا لا عادي انتي فعلتي خير ولا تنتظري مكافئة من احد 000 حتى أنا حبيت أفضفض :d ايــــــــــــه الدايم وجه الله سبحانه |
مترامي
يسلمووووووووو على مرورك نورت وشرفتني باول مشاركاتك |
اختي الطيبه الله يحفظك من الخبيثين وكل شر
اشعر فيكي وانا اهلي معظهم نكارين للجميل وابسطها لما طلبت من زوجه خالي تبحث لي عن زوج راحت واشتكت علي عنده وصارت مشكله الى الأن ما تكلمت عنها هنا بالمنتدى وقريبتي اللي كنت اعقلها عشان ولد عمي يحبها واكثر يتزوجها تخاف مني وتوجه لي كلام مثل السم وعند ي امثال كثيره انتي سويتي الخير وادعي بهذا الخير ان الله يكتب لك زوج وتتزوجي طيب مثلك وانتبهي مره ثانيه ولا تستغربي لان الحين ما في ناس تقدر ولا تحترم لكن انا زعلانه ليش رفضتي الخاطب اللي الله كاتبه راح يصير بس لاتفرطي باي خاطب الحين نعاني من نقص وانا يمكن تضحكي ولا خاطب خطبني عشان كذا اتمنى لكي تتزوجي وتستقري |
الله يسعدك يارب
ويعطيكي على قد نيتك انا زعلت علشانك كمان الزمن هذا غريب الله يعيننا فيه وعلى ناسه يارب ان يرزقك بالزوج الصالح النقي التقي المخمون القلب وانا ياقلبي رفضته علشان بيني وبينه 18 سنه مرره كثيره الله يرزقنا الازواج الصالحين |
المثل يقول افعل خيرا تجده شرا
ياختي العمر في الزواج موعيب واللة انا بيني وبين زوجي 18 سنة تقريبا وعايشين احسن عيشة الحمدالله بس كل واحد ونصيبة مكتوب الله يرزقك ويوفقك |
وأنتي قلتيها سويتي فيها خير وارميه بحر وترى يا اختي من عافنا عفناه لو كان غالي ...
هموووم |
آمييين يارب
اليومجمعه اقري الكهف وبعدها ادعي وعطي ابوك واخوك صدقه بنيه الزواج وعند خطبه الجمعهوآخر ساعه بالعصر ادعي وصديقتك لا تفتكري فيها لأنها نكاره جميل وما تستاهلك |
يارب يسعدكم
ويرزقكم باللي تتمنوه حبيبتي night2005 ان شاء الله يارب وانت كمان ادعي لنفسك وطنشي المشاكل اللي حصلتلك الله يعلم بنيتك وادعي لأبويا بالرحمه متوفي من زمان الله يرحمه ويغفر له |
الحمد لله أهم شي
انك سويتي معروف لها ..ولوجه الله والله تعالى بيعوضك خيرا منه والناس ما تعطي خير ألا ما شاء ربك وبهذا الوقت عســاك تســـلم بعدين لقدر الله صار شي حطت اللوم عليك ادعي لها بالتوفيق والله بيعوضك خيــــــــر ان شاء الله تعالى |
حببتى اول شىء ادعو الله عز وجل فى هذة الساعة المباركة ان شاء اله ان يرزقك حببتى من خير ازواج الارض دينا ودنيا زوج يعين على طاعة الله الله ويسعدك معاة يارب دنيا واخرة انتى وكل بنات المسلمين. اللهم امين
ثنيا حببتى انا غير متفقة ابدا مع مقولة خير تعمل شرا تقلى لان هذة المقولة مخالفة فى معنى قول الله ان الله لا يضيع اجر من احسن عمل ... حببتى حتى لو لم يكافىء العبد بالعمل الخير الذى عملة فى الدنيا فان الله عز وجل مدخر لة اجر ومكافئة فعلة هذا فى الاخرة بكرمة وفضلة ان شاء الله اما بخصوص صدقتك ادعيلها حببتى بالتوفيق فى حيتها الجديدة واضح عليكى حببتى الحمدلله ماشاء الله حسن معملتك مع الاخرين فاحتسبى الاجر ان شاء الله عند رب العباد الذى لا يضيع اجر من احسن عملا وادعية ان يرزقك الزوج الصالح المعين على القرب منة ويسعدك معاة ويجمع بينك وبينة فى مودة ورحمة طول العمر . والله المستعان |
| الساعة الآن 06:06 PM. |
Powered by vBulletin® Version 3.8.12 by vBS
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©