|
زوجي مهمل في تصليحات اموره المنزليه ...عطوني حل
السلام عليكم ... عندي موضوع صغيرون وحبيت اشوف اذا احد مثلي ولالا وهو ان اذا شي اخترب في البيت مستحييييييل زوجي يصلحه بعطيكم امثله: اللمبات اذا انشفطت يعني اختربت مستحيل يبدلها الحمام الله يكرمكم عندي يبله تعديلات(مغسلته خربانه) عجزت انه يصلحها جرس البيت خربان كذلك ماصلحه ووووو الخ اشياء واجد تراكمت ولاشي منها عدلها احترت في امري شسوي اذا قلت له قال انتي حنانه وكله تتطلبين واذا سكت مستحيل يفكر من نفسه يسويها ولاعندي احد غيره اقوله ينفذ لي طلباتي الكل لاهي في عمره ويالله نفسي اذا هو وهو زوجي ماصلحها لي اجل شلون الغريب صراحه تعبت نفسيا حاسه كل شي مكركب ولاقادره اسوي شي مع العلم انه مقتدر ويقدر ينفذ بس البرود ذابحه والى متى وانا بستحمل هالبرود تستغبرون اذا قلت لكم هالاشياء الخربانه لها سنيييين مثلا عندي لمبة الحمام الله يكرمكم لها سنتين مشفوطه تعبت وانا اقوله صلحها ولاحياة لمن تنادي ادري ان مشكلتي تعتبر تافهه بالنسبه حق مشاكل الغير لكن والله اني مليت الواحد اذا مارتاح في بيته وين يرتاح ياما فكرت اني انا اطلع بروحي واجيب لي عامل يصلح لي بس احسها عيب اني انا الي اجيب الرجال وزوجي موجود المفروض هو الي يقوم بالمهمه مو انا عطوني حل تكفون ولاتقولون لي صبري لاني صبرت كثيييير حتى الصبر مل مني تحياتي لكم ورمضان مبارك عليكم |
ولارد يجبر الخاطر او دعوة ترد الروح :( |
هلاحبيبتي
اللمبة سهلة غيريها إنت وبهيك تضربي عصفورين بحجرة منها صلحت شئ ببيتك ومنها يستحي الاستاذ ع دمه والله يا اختي رجال هالزمن مدري اش بهم الله المستعان |
خلاص لقيت الحل الحل الله يسلمج اني انا اروح البيت عندج واصلح كل شي خربان هههههههههههههههههههههههههههههه
اضحك معاج انا مع سلامات ياقلبي في الي تقولة الله يساعدج يسلمووووو |
كلنا في الهوا سوا
انا اصلح اللي اقدر عليه واللي مااقدر بكيفه ليه ارفع ضغطي |
الله يعينك
انا بنفس وضعك اللي اقدر عليه كنت اعمله مثلا تغيير اللمبات حتى وصلت اسلك بواليع لان الحمام وانت بكرامة مسكر له اسبوع وحضرته ماجاب سباك قمت وتصرفت بنفسي وصرت كهربائية ومكيانيكية وصباغة بعد ووراء كل امراة نشيطة رجل خايب |
اه يا اختي لاتشكيلي ابكيلك والله حالك مو احسن من حالي والله البعض يحسها مشكله تافهة بس والله هذا البرود شي يقتل والله اني احس اني ابموت من بروده وعلى قولتك لما اقوله سوي هذا الشي يقولي انت حنانة انا دحين صرت اذا اعرف لشغله اسويها واذا ما اعرف اسيبها الين يحن عليها يلا يا اختي الله يعينني ويعينك ويصبرنا
وتقبلي مروري |
والله الحال من بعضه
الله يعيننا كلنا بس عى قولة البنات اللي نقدر عليه نسويه واللي ما نقدر نستنى الزوج الكريم يسويه |
ابشركم
انا مو بس زوجي كسلان بعد اخوي ساكن معاي عندي ولكن كل واحد فيهم يرمي الامر للىخر زوجي يقولي انا ماني فاضي خلي اخوك يصلح واخوي يوقل ماهو بيتي بيت زوجك انتم صلحوا شغلاتكم والى الان اللمبات ما تصلحت ولا ستايري تركبت الي لها اكثر من ست شهور الله المستعان حبيبتي كلنا مثلك |
الشكوى لله , الله يعينك أختي
ماعندي حل , لأن أختك في الله غير متزوجة حاليا , وإن بغت شي وزعت المهام على المحيطين بها والحمد لله ماشي الحال . رني فوق راسه , يمكن يستجيب , رني بدووون توقف , والله يكون بالعون امدحيه طيريه فوق السماء وتشكري منه كثييير لو سوى لك أي شي مهما صغر . لعل وعسى الله يهديه , وعلى فكرة النوعية هذي كثيرة , أشوف أزواج خواتي كلهم مثل كذا . |
اختي الفاضله
هذي المشكله تقريبا اكثر النساء يعنانون منها علشان كذا انا احس ان هذا الموضوع ينوضع في قسم الرجاااااااااااال علشان شوي ينتبهو لأمور بيتهم انا عندي لش حل وان شالله ينفعج انتي ضعي حد لكل شي مخترب في البيت مثلا: اذا اختربت لمبات المطبخ لا تطبخي قولي ماعرف اطبخ والمطبخ كذا انتي تقولي بالوعة الحمام خربانه المفروض تسكري باب الحمام وتقفلينه لأنه خربان ماينفع حاولي تقضين امورك حتى لو تضغطين على نفسك علشان هو يحس ان البيت ماعاد له فايده لازم تشطيب على كل شي وبكذا هو مارح يكون عنده قرار الا تعديل اللي جدامه واتمنى اكون افدتك اختي |
ياعمري يا لوليته تعالي تكيء مع الوالده تشكي لها وتشكيلك لو تشوفين امي والله تعبانه مع الوالد مع هالناحية لكن اتوقع اغلب الرجال كذا مايهتموون مثل الحريم .. لكن انتي صلحي ماتستطيعن اصلاحه والاشياء الي يحتاج لها مهندس إذا عندك ولد كبير خليه يساعدك ..
ولاتشيلين هم ودامه طيب معك الله يخليه لك وقولي الحمدالله وهالاشياء تتصلح يعطيك العافيه الله يسعدك وتمنياتي لك القلبيه بالتوفيق تحيتي |
الحال من بعضه كلهم من الواضح سواء و مثل ما الخوات قالوا اللى تقدرى عليه تعمليه و لا الحوجه
:16: :16: :16: انا بعمل كل حاجه ماعدا موضوع لومض السقف عالى و زوجى بيفضل يماطل فى التركيب لغايه ما نبتدى نستخدم الشموع فى الغرف و الكشاف المتنقل ربنا يهديهم لينا و يعرفوا ان لبيتك عليك حق |
كلهم هيك ........................
بس ممكن انك تعملي قائمة فيها الاشياء اللي بدك اياها وتعطيها لزوجك وهو اكيييد رايح ينفذ جزء كبير منها ليش اكيد لانهم الرجال عموما واذا مش كلهم بيحبوا العناد والتحدي فلما يشوفوا القائمة الطويلة بيصيروا بدهم يتحدونا انهم مش مقصرين طبعا هاي الطريقة انا اخترعتها وعن تجربة ناجحة وافضل اوقاتها لما يكون بينك وبين زوجك سوء تفاهم فعلشان يثبتوا انهم تمام التمام ومو مقصرين بيعملوا كل المطلوب ان كيدهن عظيم :25: |
انا عندما كنت متزوجة كنت احاول انا اصلح شيء بنفسي...وكون الأيدي العاملة غالية عندنا فلم استطع جلب مصلح..لكن لو الأيدي العاملة عندكم ليست غالية فأتي بمصلح
أنا حتى ألن عند بيت اهلي احاول قدر الأمكان ان اصلح شيء الكل هامله وأنا بحاجة اليه..فماذا افعل...الحياة تعلم |
يا جماعة اصابع الايدى مش زى بعضها يعنى مش كل الازواج وشكلى اول رجل يدخل ويرد والردود كلها حريم ونزلين فى الرجال وهات اللى عندك براحة شوية........
انا اول ماتزوجت كنت ما اغير شى وكنت دائما قى منوشات ومشاكل انا وزجتى حتى مع الوقت بدات وحدة وحدة اعمل الى ربى يققدرنى عليه فى اشياء طبعا فى البيت الزوج مايقدر او بمعن تانى مايعرف يصلحها يبغلها متخصص مش كل شىء الرجل الرجل احنا رمضان الرحمة شوية هههههههه ارجو تقبل مداخلتى معكم ورمضان كريم اخوكم حالة خاصة |
حالي من حالكم
وياريت مثل ما قالت الأخت ينقلون هالموضوع الى عالم الرجال في بدايه زواجي كنت أشتكي لصديقاتي من زوجي وعدم تصليحه ولا حياه لمن تنادي فصرت أنا اللي أصلح وأصعد فوق السلم وأعدّل وصرت شاطره في التصليح وصارت عندي خبره أشكر زوجي لأنه خلاني مصلحه درجه أولى ههههههه |
الله يعينك حبيبتي
وانا مع كلام اختي (احلام المحيط) وفعلا اكتبي الي تبغينه في ورقه وقسميها مثلا *سباكه: دوره مياه خاصه+ دوره مياه الصاله + مغسله المطبخ *كهرباء : مكيف المجلس + لمبات *دريل : لوحه الممر + ستاره المدخل وهكذا وقيسي عليها شغلك بالبيت وفائده الورقه ترتب لك الشغل وتحسسه باهيمته واذا هو ما يقدر يسوي الشغل يستعين بعامل وخلي الورقه بمكان واضح مثلا على مرايه التسريحه كل ما جى يتعطر شافها وتذكر واقلها توقفين حنه :) :) وعادي ترى مشكلتك باغلب البيوت بس انتي وسعي صدرك ومو شرط عجز بالرجال لا بس يمكن مشغول او ما يحب الشغله نفسها ترى هي ميول ورغبه ومع الوقت بيعرف انها شي مهم واساسي ولازم يسويه بس انت طولي بالي تحياتي دلوعه زوجي |
هههههههههههههههههه
الموضوع موضوع كسل والله يهدي الجميع ... بالنسبة لي لمبة دورة مياه النساء كانت خربانه لمدة ست شهور صلحتها لان الوالدة جلست عندي حوالي اسبوع وخربت ثاني مرة واستمرت خربانه حتى زارن زوجتي صديقاتها استحيت على دمي ورحت وصلحتها ههههههههههه وبعدخفت على بنتي تدخل الحمام وهو مظلم ( هههههههه ياحنين ست شهور وماخفت ههههههههه) اما مايخص قسم الرجال فانا احرص اصلحه لانه واجهة البيت .... اخوكن البدوي |
اقتباس:
المشكله من يوديني اشتري اللمبه وثانيا مكان اللمبه في السقف يعني يبلها سلم طويل ومن وين لي سلم طويل ادري ان تركيب اللمبه سهل بس لو مو مكانها مرتفع كان من زمان سويتها لاني ماحب اتعطل على احد لكن شنقول غير الشكوى لله على قولتك رجال أخر زمن مشكورة حبيبتي على المرور |
اقتباس:
اكون شاكره لك :d ههههه امزح مشكورة على مرورك |
اقتباس:
لكن في اشياء ماأقدر عليها يبي لها رجال وشكلي بسوي مثلك بطنش الي مااقدر عليه وهو بكيفه وعسى ربي يقدرني واصير بارده مثله واطنش مشكورة عزيزتي على المرور |
اقتباس:
بس في بعض الاشياء تحتاج رجال وخصوصا ان احنا مانسوق ونحتاج احد يودينا ويجيبنا ومثلك صرت كهربائيه خخخخ:29: اشياء ماكنت اعرفها ولااعرف شلون يصلحونهاوانا في بيت اهلي ماشاء الله عليه الوالد من يخترب شي على طول يصلحه بس لمن تزوجت وشفت زوجي بارد اضطريت اني اصلح حتى الدريل الي يخرقون فيه الجدار صرت استخدمه مع انه ثقيل ويحتاج ليد قويه ويحتاج لرجال بس شسوي مضطره على قولتهم الحاجه ام الاختراع الله يعينا على مابلانا مشكورة اختي على المرور |
اقتباس:
لان عن جد البرود يقتل هالرجال بيجنني ماصرت ارتاح في بيتي صار فيني نقص اذا رحت بيت احد ثاني كل اطالع بيوتهم وشلون كامله ولافيها نقص الحمد الله على كل حال شي اهون من شي والله يصبرنا على مابلانا ومشكوره عزيزتي على المرور |
اقتباس:
ويسوي الاشياء تعبت الله يصبرنا مشكوره على المرور |
اقتباس:
صج قهرررر اثنين وكل واحد يحط المسؤليه على الاخر الله يصبرك مشكورة عزيزتي على المرور |
اقتباس:
ويما دلعت ويما شكرت ويما مدحت جميع الطرق جربت ولاطريقه نفعت الله يعيني ويعين خواتك مشكورة على المرور |
اقتباس:
مع اني متأكده ان مو كل الرجال كذا بس اغلبيتهم سويت كل الي قلتيه ولانفع انا الي اتلعوز ماهو هو عنده كل شي عادي مايهمه مشكورة على مرورك |
اقتباس:
وهذا انا الي اعرفه له اصلحه والباقي على الله وللأسف ماعندي ولد كبير بجري بنت عمرها5 سنوات ومشكورة على المرور |
عاااااااااااااااااااااااااااااااااادي حبيتي اغلب الرجال كذا صارو
الله المستعان صرت اقول لزوجي تعوذ بالله من الكسل كان الرسول عليه الصلاه والسلام يستعيذ من الكسل واحيان نتخاصم بالايام عشان امور زي كذا واخرها قبل امس كتبت معروض طويل عريض فيه الاشياء الي لازم يسويها وعشان يرضيني سوا ثنتين من اصل 10 تقريبا وهي تركيب ستاره ويفضي دولاب ملابسه من الاشياء القديمه عشان نوديها الجمعيه تخيلي لنا اكثر من سنه بويه مجلس الرجل مقشره وشكلها يفشل والى الان زي ماهي كل يوم يقول بكره اجيب احد يصبغ وكم بقي على العيد وان ان شالله باقي لي 3شهور على الولاده ولا نااااااااااوي يشتغل ياشيخه لاتفكريني صرت اموت من القهر الله يعينا عليهم |
اقتباس:
لكن زوجي للأسف مافكر يصلح وربي يسمع منك ويهديهم ويهدي الجميع ومشكورة على المرور |
اقتباس:
وشافها وعطاني كلام حلو وحاضر وعلى امرك لكن فعل مافي كلام بسسسسسس ياما سمعت منه ان شاء الله وعلى امرك وتدللي لكن وين الفعل مافييييييه تعبت صدقيني تعب صرت احاول اني مافكر في بيتي عشان لاانكد عيشتي احاول اشغل روحي بأشياء ثانيه لكن الى متى الله اعلم مشكورة حبيبتي على مرورك واقتراحك |
اقتباس:
والايدي العامله عندنا مش غاليه بس وين الي ينفذ ودي انا اجيب العامل بس شلون انا الي اجيب الرجال لبيتي احسه عيب والله عيب صرت اكره اقعد في بيتي لان كل شي متعطل تراكمت الاشياء وكل يوم في ازدياد آخر شي اخترب المكنسه الكهربائيه حاولت اني افككها واصلحها لكني ماقدرت ولمن قلت لزوجي صلحها قالي حاضر والي يومك هذا مافتحها ولاشافها وهذا الكلام من قبل رمضان تخيلي عاد رمضان وطبخ وغفصه واطفال ووصخ يعني محتاجه لها بالحيل تعبت وانا اكنس بيدي لكن لاحياة لمن تنادي واذا قلت له اشتر لي وحده غيرها قالي يمكن نقدر نصلحها طيب صلحها احد ماسكك فعل مافي بس كلام عذروني خواتي على الاطاله والفصفضه لكن من حر مافي قلبي خلاص تعبت من الكبت احس روحي ابنفجررررر |
اقتباس:
يحنن قلب ازواجنا علينا انتي زين نفذ لك طلبين انا لي فتررره اطلب منه طلب واحد مانفذ لي آه تعبببت الله يسهل عليك ولادتك الله المستعان مشكورة على المرور |
اقتباس:
بس اغلبيتهم باردييين وحظ زوجتك فيك يوم انك حسيت فيها ماشاء الله وانا عارفه ان مو كل شي يقدر عليه بس انا راضيه خل يصلح الي يقدر عليه والباقي يجيب له متخصص بس هو خل يتفرغ يوم وينظر في بيته صدقني لو هو يخصص يوم واحد للنظر في امور البيت راح يخلصها في يومها بس هو فيه كسل مب طبيعي او عدم مبالاة ربي يهديه بحق هذا الشهر الفضيل ومشكور على مرورك |
عندي لمبات الصاله لها سنتين خربانه
عاد وش تقوووووووووووولين رجال اخر زمن صبرا جميل والله المستعااااااااااااااااااااااااااااااان |
والله من ابسط حقوووووووق الزووووووج
تمزح بس لا رحتي لاهلك خل احد تخوانك يشتري الاشياء الخربانة و انت صلجيها و لا دقي عليه وخليه يجب عامل تحياتي للعلم زوجتي من سنة تطلب مني اغير المغسلة بالحمام عشان تغسل بنتنا فيها وانا مطنش تعرفون ليه لانها من الزجاج وغااااااالية وهي ماهما هههههههه |
اعتقد المشكلة عالمية
اقول كثير الحمدلله اننا مانسوق والا كان حتى الامور الاخرى اللي تحتاج مواصلات رموها علينا وزوجي الله يهديه مو مقصر يعني كفاية الاشياء المتعطلة بالبيت حمام الشغالة ظل سنة متسكر لانه يخر على البيت وطبعا قبله كان مشوه الجدارن واللقمبات محروقة والستاير بعضها طاح من لعب العيال والبيت المشكلة جديد وان تكلمنا قال حنانة وزنانة وان سكت عنه البيت ماينطاق صرت فترة استحي اعزم احد خصوصا احد عيالي عنده مواهب فنية ويمسك الاقلام ويشخبط سخابيط على الجدران وحتى مع السائق ممنوع ادخل عامل البيت رغم اني اروح مشاوير مع هالسائق يعني الحين كل شي اسويه جات على عامل بيدخل البيت مع السائق وانا باي مكان اتوارى |
والله اضحكتنى اخت خواطر ههههههههههه
سخر الله لك زوجك اخت لوليته |
حبيبتي عليك بالدعاء في صلاة الوتر فإنه مفتاح النجاح.
أسمعي أبقولك شي بس يمكن لو عني أنا ماراح أسويه لأن أخوي الله يحفظه مايقصر بس ممكن تقولين له أبكلم مؤسسه أو ابروح لبيت أهلين لين تصلح هالأشياء وأكتبي اللسته....... |
| الساعة الآن 01:40 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©