ممكن مساعد في أختيار هدية لزوجي
 

السلام عليكم ورحمة الله وبركاتة





ابي منكم مساعدة اذا امكن




ماباقي شي على العيد حبيت اشتري هدية حق زوجي

ماني عارفة شنو اشتريلة

بس لاتقولون عطر ساعة كبكات

لاني مليت وانا اشترية هاذي الاشياء

ابي شي مختلف بس يكون سعرها موغالي ولا رخيص معقول لاني طيرت نص فلوسي ههههههههههههه

لاتخلوني ابي بعض افكاركم
:17:

محفظة اموال واحفري عليها اسمه وتاريخ المناسبة وضعي بها صورة له او صورة لابنائكم
وغلفيها تغليف جميل او ضعيها بصندوق مع بتلات من الورد وبطاقة معايدة

حلووه فكرة الجواال ..

او ممكن مكينه حلاقه او نعال للعيد او شي يحبه وانتي الأدري فيه مثلا شي قديم عنده واشتري منه الجديد..

....قلم ....بس طبعاً يكون فاااخر

مثلا شئ غريب إذا كان زوجك عنده كمبيوتر لاب توب أشتري له شنطه للكمبيوتر وتكون فخمه




مممممم ماعندي خبره وايد لوووووووول ^^

ان شاء الله قدرت اساعدج

أشتري له جوال جديد

و الله عنده جوال n95

خواطر امراة اعجبتني فكرة المحفظة

ويعطيك الف عافيه ولاكن ابي بعد افكاركم بالهدايا

وغرشوبة دبي اعجبتني فكرتك وايد حلوة بعد ابي افكاركم

عبد العزيز يعطيك الف عافية

عفوا ..

لفظ الجلالة يكتب بالهاء ( الله ) ..

انت شوفي اش هي اهتماماته

يعني اذا يحب القراءة اهديه كتاب



لكن حلاة الهدية لشي يستخدمه وتذكرك فيه

مساء الخير اختي لليانة

عندي لج فكرة

اشتري له قعطة امبي ثري مالت السيارة + فلاش ميموري وخزني عليها المقطوعات الي يحب يسمعها اناشيد موسيقى كلاسيك شي يحبه... الخ

مع تعليقة للسيارة تكون كشخة وحلوة يعلقها في المرايا الامامية
وغلفيها بطريقة حلوة

لانه التغليف اهم مافي الموضوع

يمكن بعد تشترين معاهم مبخر السيارة صغيرون وتحطينهم بكيس تغليف مع شوية بخور علشان يوم العيد يشغل البخور بالسيارة
وتجمعينهم كلهم بسلة او شي معين صندوق وتغلينه بطريقة جدا مرتبه وحلوة
وليلة العيد او قبلها بليلة حطيها له على المقعد الي يسوق عليه وجنبه وردة حمرا وكرت معايدة

اتمنى افدتج يالغالية

مع السلامة ^_^

حلوة الحركات دمعات الروح
من وين يباع مبخر السيارة والام بي 3 للسيارة والتعليقة

تحلي ايامج اختي الغالية خواطر

المبخر انا شريته من سوبر ماركت فيه الحركات ذي والشغلات شموع وماعرف شنو عندنا بالبحرين

والامبي ثري من محلات بعد عندنا بالبحرين يبيعيون فيها شغلات البلوتوث وكاميرات الديجتل والجوالات واكسسوارات الجوالات بعد من محلات سوبرماركت كباار في البحرين والتعليقة صراحة ماعرف بوين بالضبط عندنا بس مرة لقيت تعليقة على شكل عين وفيها سورة الفلق من محلات الهدايا الدببة وهالشغلات وكان شكلها حلو اسود مخمل مطرز بذهبي وانا مااومن بشكل العين هذي وماشريت بس انا لمن سافرت سوريا جبت لزوجي والامبي ثري والمبخر زي ماقلت لك في السوبرماركات الكبيرة عندنا بالبحرين

وجبتهم له هدية في رمضان مع شغلات ثانية

وين تعنين اختي دمعات الروح ؟؟؟جيان مثلا



زوجي سيارته فيها دي في دي بلاير
وهو مو مقصر يحمل لنفسه موسيقى وعنده ام بي 3 مايستخدمه
لكن حملت له سور قران وادعية لرمضان ووضعتهم بسي دي



لكن المبخر والتعليقة فكرة جميلة مع بخور بعلبة بالسيارة



اختي ليانة اهديتيه نظارة شمسية ؟؟

لا مو بجيان

اماكن ثانية بس لو المنتدى مايمنع وضع اسماء المحلات حطيتهم لج

اهم في سوبر ماركات الجديدة بس مو جيان

مشكورة اختي دمعات


يمكن بمحلات اكسسوارات السيارات عندنا

انا مرة شريت من السوبر ماركت ايضا كبير معطرات للسيارة لكن مامرة لقيت مبخر

انتي تعني اللي يشبك ببطارية السيارة
والتعليقة مو صعبة الاقيها

خصوصا لو كان مبخر وبخور وتعليقة ومصحف صغير
وام بي 3 او سي دي تحملي فيه شي يعبر له عن مشاعرك تجاه او محاضرة لحسن التعامل بين الزواج



مغلفين تغليف جميل


يعني مايصعد السيارة الا يتذكرك


ان هو يحبك بيلصق بالسيارة
وان هومبغض لا قدر الله لاجل يعيفها

مساء النور اختي دمعات الروح

عندة لام بي ثري بس التعليقة السيارة والمبخره اعجبتني وايد ويعطيج الف عافية

خواطر امراه عندة نظارة شمسية
ويعطيج الف عافية

يعافيج اختي لليانة

حاضرين للغالين ولو

اي التعليقة شي وااايد حلو لانه كل مركب السيارة بجوف هديتج وبيذكرج بالمحبة والمودة

الله يديم عليكم اختي الخيرات والمودة والحب ويسخركم لبعض دوم الدوم يااارب
ومبارك عليكم الشهر وعيدكم مبارك مقدما


اختي خواطر
اي خيوتو المبخر الي يشبك ببطارية السيارة
يجوز تلاقينه هناك
اسفة اختي لليانة يمكن انا واختي خواطر اخذنا مساحة من موضوعج سامحينا

هايدي فكرتك روعة

طيب لو صارت بوك محفور عليها اسمه
مع تعليقة للسيارة باللي وصفتيه صورة للاولاد والوجه الثاني دعاء له يحفظه من وين بعد يشترون تعليقة للسيارة كذا
مع سي دي به محاضرة او قران او ادعية او اناشيد اسلامية لكن مبهج للعيد واطبعي عليه صورة
ومبخر بس مدري من وين نروح نشوفه
وبخور

خذيهم لمحل الهدايا وليضعهم بصندوق ويغلفهم تغليف حلو مع وردة بيضاء وكرت عليه اهداء منك له

وتهديه ليلة العيد


وكل عام وانتم بخير

اوكي هايدي

المبخرة حلوة ياهايدي هو بيشغلها دقيقة بس يبخر السيارة يعني ما بيتركها فترة طويلة ولا شي

انا عجبتني بصراحة حسيتها مميزة
بس مدري من وين يبعيونها

نظارة شمسية فخمة ((اذا كان يحب النظارات))

ميداليه
شماغ
طقم اقلام

هايدي ياقلبي كنك في مخي..

انا قبل فتره اهديته تعليقة سياره لكن غير شكل ..

سويت تصاميم بالكمبيوتر وادعيه ان الله يحفظه ويمنع عنه الحسااد ويرجعه لنا سالم ..

ووحده من التصاميم خليتها من بنوتي وكتبت بابا الله يخليك لاتسرع احنا نحبك ونخاف عليك..

العلاق كان عباره عن شريط اورغنزا ينربط على مراية السياره ..

الصراحه ماشالها ابدا ابد كل واحد يركب اليساره يعجب فيها ..

قدميها مع شي له قيمه :

- شريت له مره جاكيت اغنر .. مره استانس عليه .. ويكفي انه يكشخ فيه كل ماطلع .. قلت تغيير عن الكبك والقلم..

- جي بي اس حق السياره اذا هو من محبين البر والطلعات..

- فكرت بادوات تصليحات اللي تجي طقم .. ماادري اذا فهمتي قصدي..

- او مجموعة نثريات تجمعينهم بعلبه كشخه واهم شي وجود حاجه عليها القيمه

- اذا هو راعي سفرات بزنس اشتري له كرافته عليها القيمه

- ساعه.. بيجامه.. عطورات.. شماغ كشخه .. اييه وفيه هديه اهديتتها لابوي كانت فخمه ورووعه عباره عن قطعة قماش جيفنشي معها ازرار محفور عليها الماركه

اتمنى اني افدتك وفي انتتظار افكار البنات خبركم العيد قرب

وكل عام وانتو بخير

هانديا طيب وشلون اعرف الكشك ؟؟

فيه شي مميز وبأي حي هذا اللي ذكرتيه

والله بتفرجين ازمه لو بتدلينا عليه ياحبيلك ...

اذا كان يحب الكورة (رياضي) خدي حذاء رياضي*الله يعزك* من سبورت ستي مثلا..
واذا ماكان رياضي جزمة عادية من ميلانو او غيرو (يلبسها مع الثياب في العيد)

صاادقه والله ادوات التتصليحات عربجيه شوي بس الوااحد زههق وهو يفكر وش يجيب شي جديد..

حبيبتي النثريات اقصد تجمعين اكثر من هديه صغيره مو غاليه مرره وتضيفي شي عليه القيمه مثل عطر..

- تقدرين تهدينه شغلات تضحك ومعها شي كشخه |" مثل كيلوتات ملونه ومرسووم عليها ;)"

- مفكره جلد اذا هو دقيق بالمواعيد

- يقولون الحين في عطر من برادا عليه قطعه حديده ينحفر عليها اسم الشخص اللي بتهدينه دوريه يمكن تلقينه باماكن العطورات الكبيره .

يالبى قلبك والله يا طير الحياة

يسلم لي ذوقكك والله ..

المعذرة من صاحبة الموضوع احتليناه :)

بس والله جاء بوقته ...

ههههههه من جد

المهم نكون افدنا الجميع

وتسلمين ياقلبي

تسلمي هايدي



اقدر استلمها بنفس اليوم


وعندي بعد سؤال سخيف

ماعندي ولا صورة حديثة لاولادي منتظرة البابا ياخذهم يصوروا معه


ممكن اصورهم بالجوال وارسلها بلوتوث لكمبيوتر اللي بيعملها

هههههههههه
مرة وحدة خطيرة عاد ياهايدي بتخلي الناس تخاف مني

يلا الحمدلله فتحت لنا المجال اختي لليانة للابداعات ماقصرت صراحة اهي مجرد فكرتها لطرح الموضوع
فهي الخطيرة نبهتنا من الان علشان نعمل حساباتنا

اخواتي تذكرت افكار بنت عمي وزوجة اخوي يمكن تستفيدوا منها بعد بالاخص صاحبة الموضوع
واعليه حليلها هجمنا على موضوعها
اسمحي لنا خيوتو

مرة زوجة اخوي كانت رايحة الكويت وشرت لمبة مادري فانوس او شنو بالضبط هو مادري المهم فيه لمبة تولع
وعليها اغطيه زجاجية شفافة وسلك علشان يشغلوه في الكهربا وبعد فيه من فوق ماسك بس واايد شكله حلو شكله ماخد على الفانوس

اهي اخذت صور اخوي مالت زواجهم وخلت صاحب المحل يطبعهم على الزجاجات اربعهم كل زجاجة صورة غير
ولما تشغل اللمبة رهيييييب شكل الفانوس تولع كل الصور بنور وهالة يصير فيهم مادري اللمبة هذي شكلها تصير اباجورة لغرفة النوم بعدين

بعد بنت عمي بزواجها يوم تصورت بالاستيديوا مع زوجها كان يهدي الاستيديوا العرسان ساعة حايط او تكبير صور بزخرفات جميلة عاد هي قالت لهم تبي الساعة بس فيها صورة زواجهم اهي وزوجها كخلفية في الساعة يسونها برنت وعقارب الساعة كان عادية بس بنهاية العقرب قلب الي يأشر على الارقام وطلعت بعد روووعة تقدرون تحطون صورة ازواجكم كخلفية في الساعة وتحطينها بغرفة النوم او اي مكان ثاني يعني كانه مفهوم هذي الساعة انا طول الوقت اذكرك بكل دقيقة وثانية وساعة وطول العمر

والمبخر انا بصوره لكم وبحط صورته بكرة ادا جى زوجي بالسلامة ان شاء الله من الرياض علشان تاخذوا فكرة شلون صاير شكله

رجعت لكم لليانة

مشكورررررررررين وايد و الله احس انكم اهلي لا اكثر من اهلي والله افكاركم اعجبتني حيل
اعتبروا المكان مكانكم تناقشوا مثل ماتبون
يلا نبي بعد لين مانتخذ القرار يسلموووووووووو

فكرة الصور دمعات شفتها مرة ببازار

كانت ابجورة اسطوانية بها صور زواج تدور وكانت روعة

لكن مااتذكر وين الاستديو مااخذت رقمه لكن الفكرة الي طرحتيها رائعة

رهيييبه فكرة الاباجوره الصراحه ..

وفركة حلوه ياانتفاظة قلب جهاز السااج والله غيير عن المعتااد..

يالله شدو الهمه وهاتو افكاار اكثر حبيباتي..

وشكرا لصاحبة الموضوع لليانه

في فكرة اشتريلة جهاز مو شرط يكون غالي وشريحة وقوليلة لاتعطي الرقم

أحد يكون لك الرقم لحالك يعني اذا دق جوالة اكيد انه يعرف انة انتي

قبل لايشوف الاسم او يكون واحد غلطان

ولا يسجل الا اسمك والله يخليكم حق بعض


تقبلو تحيات أخيكم المحب دائماً/

....لندكروزر