|
شماغ ماي فير
السلام عليكم
ودي أٍسأل الشباب وبالذات الكشخه 00 عن شماغ ماي فير(((هل نزل الموديل الجديد منها وكم متوسط سعره؟وياليت من ينزل صورة احدت موديل منها000 بصراحه حابه اهديها لاخوي بس بحكم خلفيتي الضعيفه بهالامور حبيت استفسر000 لاني خايفه ينصب علي البياع بسعرها او حتى موديلها لاني بصراحه ماافرق كثير زي الشباب00واحسها تتشابه!! طيب وين ممكن احصلها بسعر منطقي000 حابه افرح قليب اخوي الكشخه الطفران ونحسبها عليه عيديه ((يكشخ فيها00:) )) عموما لنا عوده مع تفشي ظاهرة الكشخه الطفارى!!:25: كنهم كاثرين!! الله يرزقني والمسلمين اجمعين00 الاشراف: تم تعديل العنوان |
وش دعوه وين الكشخه؟؟
وين الشباب الرزه؟؟ بصراحه اكتشفت انكم طفارى لا وبعد بدوون كشخه!! شاركت بقسم الرجل قلت بلقى الفزعه 00 وماشفت الا عيون تطل وتطلع!! لااله الا الله لاتنضلون اخوي بس!! ثم نرجع نتطاق كالعاده!! عشان تتحمسون: اللي يرد علي رد شافي اجيب له مثلها هديه00 اذاقدرت00 |
:) والله أختي لو سامع فيه جان فدتج....
أنا من جيل الشياب:d ...البسام وبس:17: ... اتمنى تلاقين جواب لأستفسارج وعشان نستفيد:30: |
مرحبا أختي كوب كابتشينوا ،،،
بالنسبة للماي فير الجديد اتوقع انه نزل بالاسواق الحين ،،، بصراحة احسنتي الاختيار لأن الماي فير حلو وكشخة وسعره فيه ، اتوقع يكون سعره في حدود ال 250 ريال. بالنسبة للصورة راح أبحث واذا حصلت راح انزلها في المنتدى بأذن الله. تحياتي ،،، |
الله يجزاكم خير ما قصرتوا000:22: :22:
انتظر الصوره000:d :d |
اما كشخت الطفارا كثري منها :22:
بس ولا يهمك ناويه نيه اخرج السوق واذا رحت صورته لك ولا يهمك :28: وعلى قولت ناس هو البسام وخالي بروجيه :d << صح بروجيه والا تطلع ماركة ملابس داخليه :):25: |
اكتشفت شي ماي فير من منتجات البساااام :d عموما لقيت صورتين واتمنى تعجبك وبحط موضوع صور للاشمغه اختاري منها اوك :18: http://my1.akoam.com/my/8427d1a.gif http://my1.akoam.com/my/dd7deab.gif |
إذا تبين رأيي اشتري شماغ جيفينشي اكشخ
بصراحة الماي فير لونه باهت شوي (بالعامية بالح) |
إذا تبين اشتري له غتره احلى من الشماغ ..
وإذا تبين شماغ اشتري بروجيه حلوة او البسام (: |
جراح لن تندمل::
الف شكر وجزاك الله خير وشفى جراحك00 والله يوفقك ماقصرتي00:22: بو ساري:: شاكره اهتمامك،، لكن000 الجنتل الطفران(( تبعنا)) مايعترف الا بماي فير00 اللون باهت او فاقع ماتفرق!! :23: خبرك الطفارى اذا بغو شي مايغيرون رايهم00اكيد انه يعرف واحد كشخه وكاش ويبي يقلده بس على تواضع شوي00:26: متابعة2:: مثل ماقلنا مبدأ الطفارى السابق((مايقتنع الا برايه)) :29: والاوالله ودي اشتريله بدل الشماغ 000 قبعه!!:24: ارخص000هاهاهاي:25: |
بصراحه حبيت افيدك وخصوصا ان زوجي معجبه ماي فير مرررررررررررررررررره
وسالته وش افضل ماي فير والا جيفنشي والا بروجيه ؟ قال: كل رجال له ذوقه الخاص بس ماي فير تحسينه رسمي اكثر من الباقين وتقريبا سعره 250 ويمكن الحين رخص وبالنسبه للصوره تبين وزوجي لابسه :) لاني مالقيت الا الصور الي اضافه الاخ (جراح لن تندمل ) تحياتي دلوعه زوجي |
أنا اشور عليك بماي فير أو بسام بلس او جيفنشي
اما بروجيه لالالالالالالالالالالالالالالالالا السعر في حدود 250 ومستحيل تزيد أنصحك تمرين على كم محل حتى تتأكدين من السعر مع العلم سعر الشماغ موحد في المحلات ......... انتبهي |
جزاكم الله خير ماقصرتو((كفيتو ووفيتو)):17: : :22: :17:
|
اختي كوب كابتشينو كل عام وانتي وأخوك والجميع بخير مقدماَ لا تترددين أشتري له شماغ مايفير حتى لو كان مطفر هههههههه خليه ينبسط :17: انا ما سجلت إلا بالفترة الأخيرة ولا شفت الموضوع الا اليوم سوري على المشاركة المتأخره بالأونة الأخيرة ما أستعمل إلا شماغ البسام (مايفير) يعجبني فيه أنه خفيف ولونه مو احمر بزيادة يميل إلى اللون (الأحمر الفاتح) واليوم إشتريت شماغ ما يفير وسعره 219 طبعاَ كان أغلى لما شريته في المرات الماضية هذي صورة المايفير الجديد بالعلبة ما بعد أستعملته http://www.moq3.com/img/uploads/tkE77513.jpg طبعاَ الفرق بينه وبين الشكل القديم أنه وزنه أخف وفاتح اكثر من الأول <---هالمواصفات تعجبني !! وفيه تغير بسيط بالخطوط بينما النقشة ظلت مثل اول ما فيها أي تغيير !! بس لا تتسرعين وتشترين لأخوك شماغ مايفير ركزي على تعامله معك من اليوم إلى ليلة العيد إذا كان مظبوط ويعاملك بإحترام يستاهل تشترين له إذا لا!! لا يردك إلا شماغ (العقل)<---شماغ قديم يبدو لي أنه أنقرض :d سعره إذا ما كنت ناسي 20 ريال أو أقل |
هلابك
شماغ هاي فير فاشل خفيف مرة لاكن لونة يميل الى الوردي الي مايعرفة يقول في 20ريال تصدقين شريتة في الأجازة في275ريال ماحسيت انة شماغ في الاخير عطيتة اخوية عمرة 13سنة مكشخ فية واكثرالناس ماهي عارفة كم سعرة لاكن البسام اخربصمة حلو0 |
صراحة جربت شمغ كثيرة وما لقيت أفضل من البسام لانه الشماغ الوحيد الذي يتحمل الغسيل ولا يتغير كثير
|
البسام فقط والبقية كمالة عدد * يغلق الموضوع * |
| الساعة الآن 07:05 AM. |
Powered by vBulletin® Version 3.8.12 by vBS
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©