|
زوجي و أسم صديقه في جواله ..؟
السلام عليكم
انا ما ادري شفيني هالايام صايره وااايد حساسه، بس هالموضوع عالق في راسي من اسبوعين و احسه خانقني انا من النوع اللي ما اشيك تلفون زوجي و حتى لما يرن التلفون ما اشوف الرقم المتصل بس من اسبوعين بالغلط شفت تلفون زوجي يرن و المتصل (عبودي) و كان زوجي نايم في هذا الوقت فخذت راحتي في التدقيق في الاسم (و مع ذلك ما صدقت عيوني) ((انا اعرف ان المتصل هو عبدالله صديقه المقرب (من 5 سنوات) بس ما توقعت ان زوجي يكتب اسم صديقه بهالطريقه يعني لو كان كاتب عبود بقول معليه بس عبوديييييي !!!!! )) ما ادري هل هالشي طبيعي؟! ملاحظه: زوجي متغير علي واااااااايد اتمنى منكم المشاركه الإشراف/ تم تعديل العنوان ليتناسب مع المضمون .. |
ماادري احس ان الوضع يخلي الواحد يشك لكن طبيعي
خالي له صاحب جدا جدا عزيز ويسميه حسونه ( اسمه حسن ) لكنه الحمدلله مابينهم الا كل احترام وتقدير .. طيب انتي ليه ماتسأليه بس بطريقه ماتبيني انك شاكه .. قولي مثلا صاحبك عبودي مدري عبدالله اتصل فيك امس .. بس بطريقة مزح واسأليه ليه مسميه عبودي ؟؟ واذا سألك او حتى قبل مايسألك ليهتسألأي ؟؟ .. قوليله لاني بديت اغار منه لانك ماتدلعني وتسميني بجواك بدلعي .. بكذا يعني اقلبي الموضوع من موضوع تحقيق وسؤال لموضوع دلع |
تعوذي من ابليس يا اختي.......
انا بدلع اسماء صاحباتي في موبايلي ما فيها شي...يعني كمان من حق الرجال يدلع اصحابه....... واذا متغير اكيد فيه شئ مضايقه يا عمل يا اصدقاء....او انتي سويتي شئ مضااايقه...ليش تسئ الظن بزوجك.....لو يدري كان زعل وسواها سااالفه....اذكري الله .....واهتمي بزوجك... زوجي يقول صديقه مدلعه باسم دلع على موبايله....يعني ما فيها شئ ...وزوجي اجيانا يوم يكلمني عن اصحابه يذكره احيانا باسم الدلع المتعارف بينهم .. |
زميلتنا القديرة
إن بعض الظن إثم يمكن ندلع أصدقاؤنا ونتغشمر معاهم ،في مثل هذه الألقاب مثل عبود أو عبودي، عزوز أو عزوزي أنتي من يعلم زوجك هل هو منحرف(لاقدر الله)أم لا؟؟ وهل هو من الجنس الثالث، او عشاق هذا الجنس الشاذ عزيزتي المرء من جليسه/فهل عبودي هذا رجل أم أنه غير ذلك طالما أن هذا صديق من خمس سنوات؟ ثم هل زوجك معك طبيعي، في الجنس؟ ثم أريدك أن تتأكدي من الرقم هذا هل هو بالفعل لعبودي، أم هو لعبودتي؟ تستطيعي التأكد بكل بساطة تقبلي مروري |
يا قلبي تعوذي من الشيطان
إش فيها اذا الواحد بيقول لصديقه عبودي شوفي ردودنا هون مع اخواتنا في الله نحكي بيا قلبي وياعيوني شوفي اول كلمة قلت إلك ياها ليش إلنا حق وهن لأ زيحي هالافكار من راسك وتمتعي برمضان ان شاء ينعاد عليك بالخير أم وليد |
مافيها شي يااختي
زوجي صديقه محمد ويسميه ويناديه ياحمودي ويكيف حالك ياحمودي واصحابه بعد ينادوه باسمه بالدلع خصوصا لما يكون الاسم طويل او من ماعبد مثل عبودي يعني مثلا لو عبد الرحمن او عبد الكريم او عبد الاله او عبد المتوكل فحيمزه عن باقي اصدقائه وباسم مو طويل عبودي اسرع ان بعض الظن اثم |
لا تخلين الشيطان يلعب في مخج اتعوذي با الله من شيطان ..
واخواني ماقصرووو وقالولج ها التسميات شي طبيعي يعني لا تظنين وبعض الظن اثم والله ولي التوفيق |
أحس مافيها شي
عاااااااادي جدا.. |
لاتكبري الامر ربي يسعدك..الامر عادي
أختك حائزة |
الحين مافيه شي يخوف رحتي تدورين لنفسك هم الله يهديك
انا مسميه خالتي عندي (حلم حياتي اقتني محطه) قصدها محطة بنزين..سميتها في جوالي بحلمها عادي ياما تلقين تسميات غريبه وعجيبه تعوذي بالله من الشيطان وروقي بس مافيكم شي واذا على متغير مافيه رجل تلقينه على وتيره واحده يمكن مضغوط من العمل اتركي عنك الشك والوسوسه لأنها ماتجي بخير ابد |
هلا اختي
الوضع عادي جداً وأنا رجل واعرف تفكير الرجال عادي انا صديق عمري والله العضيم اسمة متعب ومسمية بالجوال ستيف مارتن الوضع عادي لاتخلين الشكووك تثر في حياتكم الزوجية والله يوفقك أخيكم المحب دائماً .......لندكروزر |
ترى اسم عبودي دلع لاسم عبد الله او أحد العبيد:)
و على وزنها حمودي خلودي نصوري ريوني يسوري و هلم جرا لا أرى فيها عيبا او داعي للشك |
اختي الفاضلة k2k2 ..
لا تدعي الوهم يسيطر عليك وتعوذي من الشيطان الرجيم .. لدى زوجي صاحبان مقربان ولهما اسما دلع في موبايله .. حموكي دلع " محمد " والاخر سعّودي دلع " سعود " .. يمكن الأمر غريب عليك في البداية .. ولكن نصيحة لا تربطي تغير زوجك بموضوع الموبايل .. التغير وارد لطبيعة البشر . احتمال يكون ضغط العمل .. امور الحياة اليومية .. الانسان مستحيل يكون على وتيرة واحده طول حياته .. الله يهدي بالك واتركي عنك الوسواس . |
مشكورين يا جماعه عالرد
انا مب معترضه على انه مدلع صديقه بس حرف الـ ي هو اللي قاهرني:29: هو دايما يسميه عبووووود ليش ما كتب في الجوال عبووووود و بالنسبه لنا احنا البنات هالشي عادي (ندلع بعض) بس الشباب !!!! مادري و زوجي عمري ما شكيت فيه انه من هالنوع ما في اي دليل على هالشي (الحمد لله) بس انا شاكه في صديقه اللي وااايد متعلق بزوجي و يتصل له على طووول 24 ساعه حتى لو الساعه 2 الفجر و اللي مشككني "الاسم" و مره كان عبود يكلمه :27: و لما وصلوا لنهاية المكالمه طلب عبود "بوسه" من زوجي :29: "يمزح" بس بعد خايفه :24: و زوجي يقول لي سوالفهم، يقول ان عبود دايما يقوله "انا مرتك "زوجتك" الاولى":11: و دايما زوجي لما يكلم عبود يقوله خلاص انا بطلقك انا متأكده 99% ان عبود شاب مب بنت لان زوجي يكلمه جدامي يعني مو من وراي و ذاك اليوم سألت زوجي شمعنى صديقك مسميه عبودي و انا مسميني بحرفي الاول، قال لانه صديقي من 5 سنوات و مرتي الاولى اما انتي متزوجج من 2 و نص:( زوجي من النوع اللي يمزح وااايد يمكن انا ظلمته بس مادري ليش انا مب مطمنه للموضوع |
إذا هذا الأمر مشغلك مافية مثل المصارحة ؛صارحي زوجك بهذا الكلام
:11: |
عااااااااادي لابعد درجة
زوجي بسمي بعض اصدقاؤو الاعزاء باسماء الدلع عادي شو فيها |
عشان اتطفين نارج
غيري الاسم في الموبايل ارجعي اكتبي عبووووووود انا من كثر قهري من اصدقاء زوجي خذيت موبايله وكتبت اسماؤهم بدل محمد حممموووووووووووووود وبدل ناصر نصووووووووووووووووووور عاد انا من القهر مو ادلعهم ! |
يؤؤؤؤؤؤؤؤؤؤؤؤؤؤؤؤؤؤ
منكم يا الحريم الامر عااااااااادي جداااااااااااااااااااااااااااااااً ولا يستحق كل التفكير والشك والضنون الى براسك اكثر اصدقائي فى موبيلي اكتبهم باسماء مختصره على كذا انا احب كل اصدقائي اكثر من زوجتي او يمكن انهم نساء اقول شيلي من راسك الامر هذا وانسية |
اختي مافيها شيء بعض الاصحاب يكون علاقتهم
قووووووووووية ببعض تصل الى ان كل واحد يشوف الثاني اقرب من زوجتة والله في بعض رجال هكذا يعني لا تشكي في الامر يمكن حب في الله استعيذي بالله من الشيطان الرجيم |
حبيبتي والله الامر جدا عادي وانا قد مريت بنفس هاذا الموقف ..
مدام جا على المزح والله الامر مره عادي .. وكذا الشباب يسوو مع اصدقاءهم خاصة العزيزين يعني يقول مثلا طلقني وانا زوجتك الاولى وانا مدري ايش من باب الدعابه لا اكثر ... لكن انه يتصل بااوقات متأخره شويه هذي يبغالها تفاهم لانه زوجك انسان متزوج الآن ولازم صديقه هاذا يقدر وضعه .. لاتشيلي هم ولا شي كله مزح شباب |
حرام عليك ضنك مو حلو ابدا بس اذا كنت تبين تفتكين من عبودييي زوجيه:14: :14: وحدة من ربعك من اهلك وخلصي من دكات الليل:27:
|
ما استنكرت كلمة عبودي كثر ما استنكرت من كلمة أنا مرتك وزوجتك الأولى وعطتني بوسة اللي قالها عبودي هذا لزوجك ..
الموضوع يحتاج وقفة ومصارحة .. |
على طاري تزويج ربع الزوج
واحد من اصدقاء زوجي العزابيه بيتزوج قريب اظن اني فرحت لانه بيتزوج اكثر من فرحتي لزواجي (فكككككككككككككككككككككه) وناويه انشن على زوجته واصاحبها .... علشان تفك زوجها عن زوجي شوي |
مافيها شي ياأختي k2k2 أنا لي صديق عزيييييز علي وأعتبره أكثر من أخوي مع العلم ان عندي 5 أخوان شباب لكن مافي أحد منهم مثله في المعزه والأخوة علاقتنا ببعض أكثر من 8سنوات والله والله والله اني مسميه في جوالي (حشحوشي)للدلع وهو بعد مسميني في جواله حشحوشي وزوجتي وزوجته يدرون بها الأسامي لأنهم يدرون وش كثر المعزه اللي بيننا وما خدين الوضع أكثر من كووووووووووووووول000وبعض الأحيان يتصل علي وتقولي المدام حشحوشك اتصل عليك0000وشكراااا000
|
السلام عليكم
اهلا اختي احمدي ربك مسميه عبودي انا زوجي ماعنده ربع واصدقاء مقربين لدرجة كبيرة غيري لكن عنده ولد عم يعزه واايد ويعتبره صديقه المقرب وتوقعي شو مسميه؟! (نانســـــــــي) لانه استغفر الله استغفر الله استغفر الله شكله مش ولابد فهو من باب الدعابة وعلشان قربه منه و ولد عمه راضي بعد يصير الناس تتعلق في بعضها واايد بس يقول له انا زوجتك الاولى وعطني بوسه ومادري شنو مو كانها غريبة شوي ؟؟ صح يمكن مليون في المئة يكون شاب بس مو كانه حركاته غريبة شوي فيه شي هذا ولد الناس!؟ واستغفر الله ان كنت ظنيت ظن السوء فيه الله يهدي لجميع ورمضانك مبارك عزيزتي |
إني صائم
|
مشكورين اخواني عالتفاعل
اليوم عبود اتصل حق زوجي قبل الفطور بدقيقتين:29: المهم انا سألت زوجي ليش عبود ما يتزوج (عشان نفتك من اتصالاته اللي كلها في اوقات غلط) قال زوجي مسكين ما يقدر عالعرس و زوجي قال حق عبود انه بيساعده بس عبود رفض (ما يحب المساعدات) انا هني تطمنت و من غبر هاي مشاركاتكم طمنتني و لو ان في ناس زادوا شكي :11: |
الله يعينك بس تاكدي من الامر ولاتسوين زي
لان زوجي مسافر في دورة عمل وكل ماجاء قمت افتش جواله ومره طاحت عيني على اسم في البلتوث كان الاسم اهات وجنبه الرقم وتعالي شوفي طول الليل هو نائم وانا على اعصابي بس صحي للفجر واوجه بالرقم ويقوم يدق على نفس الرقم وحاط اسبيكر وشوي يرد زميله نائم ومستغرب اتصاله فزوجي المسكين قعد يلم الموضوع ويسوي انه يصحيه للفجر ويسكر من هنا ويعطيني عشر ورقات محاضره وانا عيوني في الارض لاني شكي مو محله فتاكدي اولا حبيبتي قبل كل شئ |
ياهلا ..
اختي لا تجيبي لنفسك وجع الراس .. تعوذي من الشيطان .. ولا تشكين.. وعلى قولتك ان زوجك متغير عليك يمكن عنده ضغط في العمل او مشكله ما .. لكن مو اللي في بالك اختي وربي يسعدك.. أميرات .. |
ماتكبرو الموضوع اعتقد مزح شباب
لكن ازا انت مش ملاحظة شي غريب عزوجك هيك او هيك ماتقلقي عادي |
لاشي يا أختي يجلب لكِ دواعي الشك والحيرة الأمر ببساطة هو أن الشيطان يريد التفرقة بينكما ولا شئ أكثر , فلا تدعيه يجد له باباً يدخل معه لأن معظم النار من مستصغر الشرر . |
انا مخزن في جوالي اسماء
عزوز عبودي وعادي جدااااااااااااااااا |
ههههه عبودي عادي حتى توقيت الاتصالات ساعات في ناس ينسون انه فلان تزوج وماله داعي هالتلفونات انا ساعات الربع يتصلون الساعه 1 يقولون ها ودك تتحدى سنوكر:25: واشوف المرا تطفر ساعات:29: بس اهي متفهمه يعني انا مرات ماعندي دوام واهي عندها دوام وبتقوم من الفجر وا:29: نا اقعد احوس فتعودت اني اطلع مو كل مره بس ساعات الواحد يمل مجابل التلفزيون وام لعيال نايمه:11: ....
وعن التسميات انا مسمي واحد من الربع شيخو لانه ملسون ويذكرني بممثله ملسونه اسمها بالمسلسل شيخو....وعندي واحد مسميه هيونه لانه يسبه هيا شعيبي وخبل مثلها :23: .... عادي اختي ولاتعورين راسج طالما تصرفات زوجج وياج طبيعيه فلاتخلين الشك يلعب بأعصابج.... ومره كنت راد من النادي وتلفوني بالبيت وقالتلي زوجتي انه رن اكثر من مره وقتلها شوفيلي منو داق وبالصدفه اثنينهم داقين شيخو وهيونه :30: حسيت ودها تطقني وهي تقرالي بس لمن سمعت اصواتهم تأكدت انهم غيلان (( جمع غول)) :14: وتطمنت.... |
| الساعة الآن 11:27 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©