|
اهل زوجي قتلوني"""
بسم الله الرحمن الرحيم بقولكم عن موضوع مضيق صدري مره وهو ان انا ماخذه ولد خالتي يعني امه وامي اخوات الحمد لله مابيننا اي مشاكل كلنا محترمين بعض طبعا انا معاملتهم لهم مثل اهلي مره ارتاح بالجلسه معهم مره هم 4 بنات وحده بس المتزوجه ثلاث اخوان بس لسا ماتزوجو المهم علاقته خالتي بامي كانت قويه بس بعد ماتزوجت كل سنه تقل العلاقه بينهم مع انهم اخوات وفاجاءه وانا وامي جالسين عندهم نتقهواء ونسولف الا خالتي جايه وجايبه معها مويه وتقوالنا توضؤ(الوضاء الصلاه) فيه لاني احسن اني تعبانه راسي يعورني وانتي تعني امي خابره بنتك تعبانه خوذي من المويه وعطيه (اختي يعورها راسها من 3 سنوات ومالقيناه لها حل)المهمانا تغير وجهي مره انقهرت ليش يبغون ياخذونا منا انا وامي ليه والله انا قالوبنا طاهره وخاصه امي بس مدري ليه سوو كذا 3ايام مانام والاومخدتي كلها دموع افكر بالموقف ليه احنا الحمدلله بنعمه ومافكرنا اننا نحسدوهم (بققولكم انا مظارهنا الخارجي احسن منهم بكثير)يعني على ايش احسدهم لاتقولون العين الحق عارفه بس لو جابو المويه وفيه ناس كثير كنت ماشك انه انا والامي اللي ناضلينهم او حاسدينهم يمكن اغبطهم بس مو احسد والله اها ياقلبي اول كنت احبهم بس اللحين حسيت انهم اجرحوني وافكر اسوي زي سوه فيني يعني اذاجاو لبيت ولدهم وامي فيه اقولهم اقرؤ لي انا تعبانه وارد اعتباري واخليهم يشكون بانفسهم انهم حاسدني لاتقولون انسى عجزت مع اني اجاملهم ولاكانهم سوو شي بس تعبت اسفه اذا طولت عليكم بالله عطوني رايكم |
هذا عيب من عيوب زواج الأقارب ,إذا صارت مشكلة تأثر على العائلة كلها ,
وتزيد الحساسيات بين الأخوان والأخوات, وياما شفت عندنا أمثله كثيرة .. وإنتي يالوردة الله يعينك .. وأهم شيء أن أمك ما تكون أخذت في خاطرها من أختها.... |
مشكوره اختى على ردك ومرورك الكريم
وامي الصراحه اخذت بخاطرها بعد ماعرفت وش اللي في خاطري يعني هي اول شي عادي بس بعد ماقلت لها عن خاطري صارت ماخذهم عليهم بس وش اسوي من الحر اللي فيني هذولا اهل زوجي ويسويون فيني كذا اه ياقلبي بس بس ماقليتلي عن الفكره اني اسوي زيهم والا وكيف باريك اوضح لهم اني متضيقه من هالشي مع اني واعده نفسي اني اتغير عليهم بس ماقدرت طيبتي غلبت على واسفه ع الاطاله بااي |
يوم خالتك سوت كذا كان قلتي وين خالتي بسم الله عليها
انا اقرى عليها مباشره:18: عشان تحرجينها وغير كذا مايصير بخاطرررررررك:) ونصيحه مني لاتخلين اي شي بقلبك حاولي تهونين الامور على نفسك لاتكبرينها وتوجعين راسك بالتفكير .....قاعده تبكين 3 ايااااااااام والله محد درى عنك حبيبتي وسعي صدرك وتقبلي الوضع ولا كانه هامك انا مثلك حساسه زياااااده عن اللزوم بس شوي شوي اهون عــ نفسي والحين مافي شي يهمني..:d |
هلا بك ياورد الغلا
مشكوره وياليت اللي قلتي بس انا من الصدمه ماقدرت اتكلم والااطلعهم قهروني مره ودي اجرهم لاني جرحوني ماتتوقعين قد ايش انصدمت فيه لاني مره اداريهم ومحترمتهم بزياده بس ماينفع ومشكوووووووره اختي |
الله يعينك هذه ضريبه زواج الاقارب
وتقدرين تقولين انا اعاني نفس معاناتك اي شئ يصير تسوء العلاقات الله المستعان |
ترى هذي خالتك بمقام امك كيف تقولين ابي اجرحها ؟!!
انسي اللي فات وابدي صفحه جديده |
مشكوره على المرور وكلنا بالهواء سواء
|
عناديه خالتي وعلى عين وراسي بس مارح اجرحها بالكلام بس بسوي نفس اللي سوه فيني
وبعدين ليش هم مافكرو انهم بتصرفهم هذ يجرحون ليش مو عيب اللي سووه فيني انا وامي اول مادخلنا يعطون ماي نتوضا فيه ليش على العموم الله يعطك العافيه على المرور باي |
(يوم خالتك سوت كذا كان قلتي وين خالتي بسم الله عليها
انا اقرى عليها مباشره عشان تحرجينها وغير كذا مايصير بخاطرررررررك ) كلام سليم بس محتاج لجرأة وسرعة بديهه يا ورود الغلا ومن ناحية الحساسية بالفعل لاتتحسسين زيادة عن اللزوم وسواء كانت حماتك قربية لك أو بعيدة صدقيني اهل الزوج معظم الأحيان يغيرون من زوجة أبنهم, بسبب أو حتى بدون سبب , ممكن تكون غيرتهم بس لمجرد أنهم مرضى نفسيين حتى لو بدوا بكامل قواهم العقلية , وطبعا تزيد الحساسيات وتتعمق المشكلة لما يكونون أقارب ....... أنا أنصحك أنك تتغاضين هذي المرة , بس لما يكررون تصرف مثل هذا , حاولي تردين بنفس الوقت. وبطريقة هادئه ومحترمه ... عشان ما تكسبين نفسك ذنوب أنتي في غنى عنها...... وياما اخوان وأخوات من أب وأم غاروا من بعضهم , وصارت بينهم مشاكل..... فما بالك بزوجةو حماتها .......... |
حبيبتي معليش ممكن أجاوبك بصراحة ويمكن شوي كلامي يكون قاسي ..
خالي ( الله يرحمه ) .. لاحظي .. كان الله يرحمه انسان اكول وسمين شوي يعني بعافية .. وكانوا الناس يحطون البال عليه .. ويعلقون عليه تعليقات بمزح .. وهو كان إنسان مزوح يعني يمكن حتى هو يعلق على حاله .. جاه السرطان ببطنه .. الله يكفي الجميع الشر ويبعده عن المسلمين .. وهو وأخوانه شكوا في واحد صديق له عينه حارة .. باعترافه الشخصي إن عينه حارة .. كلهم يدورون طريقة ياخذون من أثره من غير مايحرجونه .. وانتظروا يجي البيت يزور خالي اللي كان في آخر أيامه .. وقدموا له رطب عشان ياخذون النواة لكنه مابغى ياكل منه .. وحاولوا يتحايلون ويدورون طريقة غير إنهم يقولون له بصراحة نبغي من ماء وضوئك .. لكنهم ماقدروا .. والنتيجة توفى خالي وخوالي ندمانين إنهم ماقالوا للشخص إنه يتوضا .. الله يرحمه هذا قضاء ومكتوب له أجله في هذا اليوم .. لكن الإنسان يزعل إنه مابذل جهده .. بنت خالتي .. بنتها الصغيرة كانت مع أبوها بالمستشفى زيارة لقريب لهم .. وبالصدفة صديق أبوها شاف الأب شايل بنته .. فشهق عليها وقال أشحلوها بنتك .. جميلة .. راحوا البيت .. وطاحت البنت مريضة .. حرارتها فوق الأربعين .. أخذوها المستشفى .. وحمموها .. وأبرة .. وووووووو .. لكن حرارتها مش راضية تنزل .. بنت خالتي بكت عند زوجها .. قالت له ألحين تروح لصاحبك وتطلب منه ماء وضوءه .. وراح زوجها وطلب منه .. تتوقعين زعل صاحبه ؟؟ أو قاطعه .. بالعكس لما عرف بهالشي على طول راح توضأ وأعتذر من أبو البنت وأنحرج لأنه ماذكر ربه .. بنت خالتي تحلف .. وهي ماشاء الله عليها إنسانة مؤمنة وملتزمة ولا تكذب حتى على أطفالها .. تقول أخذت الماء .. ووضعت بنتي في البانيو بعد أن خلعت ملابسها .. وسكبت الماء بهدوء على ظهرها وأنا أذكر الله وأدعوه .. تقول والله إنها شافت ظهر بنتها وجسمها تطلع منه حبوب حمرا وبعد شوي تختفي .. لحد ما أختفت كلها وراحت حرارتها .. وجففتها ولا كأن البنت كانت مريضة قبل دقائق معدودة .. بنت خالتي الأخرى .. كانت ترضع ولدها أمام الأهل من النساء .. وهي تضع شال لكن أحيانا يبان جسمها مع حركة الابن .. رجعت البيت وصدرها اللي كانت ترضع منه يألمها تقول كأن سكين مغروزة بداخله .. في اليوم الثاني اجتمعوا الأهل .. راحت لهم وقالت لهم بغيت من وضوئكم أسكبه على صدري لأنه يألمني .. وكل وحدة كانت موجودة في اليوم السابق أعطتها من وضوئها بكل رضا .. بل وكانوا يدعون لها بالشفاء ويقولون إذا العين منا الله يشافيها .. اللي أحب أقوله إن العين حق .. وإحنا أحيانا نسهو ننسى ومانذكر الله .. ليس معناه إن إحنا قاصدين .. إلا من غير قصد .. فلا تزعلين .. والله يوفقك .. |
كبري دماغك اختي واعتبري السالفة عادية وخالتك من مقام امك اظن انك تفهميها جيدا حاولي ما تحكي بحياتك زوجية قدامها كوني متحفظة ودكية في ان واحد واكسبي حبها واحترمها واحرسي ان كلام الجميل في رد ك عليها حتى لو كان فيه جروح اليك يكون باحترام وحب حيخليها تحترمك وتقدرك صدقني
|
مساء الخير //
جايز يكون ردي مغاير لبقية الردود اختي الفاضلة // اذا شك المريـــض في شخص بعيـــنة فلا بأس بان يطلب منه ان يقراء او يتف في الماء ،، فربما كان هو السبب ،، على الاقل يرتــاح من الظن السوء ،، بدلا ان يدوم الحال في الفرقة وفي الظن السئ عودي يارعاك الله إلى السنة ،، وسألي اهل العلم بدلاً من سؤال عامة الناس والله يريح بالك وتعود المياة الى مجاريها والنفس وانا اخوك حــــق |
بتصرفك هذا ستزيدن اشتعال الموقف
اسمحيلي لو رديتي الحركه بالمثل في نظري هذا تصرف اطفال وخالي من الحكمه والتاني عدي الموضوع وبلاش تولعينها اكثر |
مثل ماقالت بحرينيه ولكن
كلامها سليم العين حق من اي شخص كان وغلط انه الواحد يقول انا مابحسدهم او عيني موحاره:) يعني انا لومريت بنفس موقفك مابزعل بالعكس بتوضى لها يمكن الواحد تكلم يوم ونسي يقول ماشاء الله وحاولي تطنشي لان اللي يدقق في كل صغيره بيتعب |
مشششششششششششششششكورين اخواتي واخواني على ردكم
تصدقون ان ردودكم طفت النار اللي فيني بس بحاول انسى الموضوع لاني تعبت وانا افكر فيه وبالتوفيق |
الله يهديك بس
احسب عندك سالفه ثلاثه ايام تحرقين في اعصابك ومحد حولك وش ذنب زوجك تزعلينه طيب بالحركه هذي لو ترجعينها لأمه يا شيخه عاااااااااااااااااااادي وحده تفوت ولاحد يموت كان فعلا قمتي قريتي عليها ونفثتي خذيها برحابة صدر وكان سألتيها هاه ياخالتي ان شاء الله ارتحتي روقي يا شيخه .... يمكن خالتك قاصده تشوف وش ردة فعلك وسوتها والا لو هي خايفه من العين كان تعالجت وبالدس وتاخذ من اثركم ومن وراكم الله اكبر وش الصعوبه يعني يمكن في بالها بال غير العين والحسد وانتي تقولين لوحدكم صدقيني الحركه مقصوده ولاهي عين ولا شي ابدا يمكن انتي ضايقتيها في شي فحبت تعطيك هالدرس اللي يرفع الضغط راجعي حساباتك وعموما طنش تعش تنتعش |
| الساعة الآن 06:01 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©