|
مكالمات خطيبي لي جافه كيف اتصرف؟
السلام عليكم ورحمه الله وبركاته اخوتي في الله ارجوا انكم تساعدوني فقد تعبت وضاقت بي الارض بما رحبت موضوعي هو اني من اسبوعين وشوي تم عقد قراني وكنت مبسوطه جدا ومرتاحه للعريس لاكني انصدمت لاني حسيته ما يميل لي بالمره ومسفهني احسه ماهو مبسوط تصدقون ما يكلمني الا مره كل اسبوع وكلامه بارد جاف خالي من المشاعر كانه يكلم صديقه او واحد من زملاءه بالعمل (السلام عليكم وشلونك ...مع السلامه) صحيح احنا ما نعرف بعض بس ولو الواحد يتصنع المحبه احيانا واو يتصنع انه متلهف بتقولون مغصوب عليكي لا ما انغصب الا كان مرتاح لي بعد الرؤيه الشرعيه بتقولون لسا ما مداه يحبك طيب كيف وانا احبه واوله عليه حسيت اني ساذجه وغبيه ليش احبه وهو جاف ويمكن يستمر هالجفاف لبعد العرس وجهوني يا ناس كيف اخليه يحبني ويوله علي كيف وخاصه انتم يالرجال وجهوني والله اني ابكي عالكيبورد من حرتي ما انام الليل افكر فيه وهو بالايام ما يسأل عني حتى اراسله ما يرد ما عاد ارسله علشان يشتاق لي ولا ايش اسوي كيف ازيحه عن فكري وانام بالليل كيف تعبت تعبت مره مره ادعوا لي ان الله يحنن قلبه علي ووجهوني لما يزورني كيف اتصرف معاه الاشراف: تم تعديل العنوان ليناسب النص. |
اختي اوكي يشرفني انه اكون اول واحد يرد
اول شي عدة اسبابا ممكن تكون وانا ما اعارف.. اول شي ممكن انه انتي تكوني عامله عمل مو عاجبه وانتي مو ذاكره او مو حاسه على حالك.. اقلك هذا الكلام لاني بمشكلة مع خطيبتي وعارف وفاهم. ثاني شي ممكن تكون عنده مشاكل عديده.. افضل شي مصارحته صارحيه بمشاعرك وبمشكلتك واساليه عن مشاكله .. ورديلي يا اختي اسمعي نصيحتي |
حبيبتي مو عارفه كيف أرد عليك.. والا ايش اقولك بالضبط والله شيء صعب إنك تلاقي منه هذه المعامله وانتم لسا في اول ايامكم وبدايتكم ومقدره وضعك وإحساسك شيء يحز بالقلب بس لا تخلي هذا الشعور يسيطر عليك أنا من خلال كلامك فهمت إنه ولامره زارك صح؟ حطي له اعذاااااااااااار يمكن يكون في شيء مخليه مكتئب .. او مضيق صدره .. أو شيء كبير شاغل تفكيره واللي يأكد هذا الكلام إنك قلتِ إنه مرتاح لك من يوم الشوفه الشرعيه :) يعني لو كان مايبي الموضوع يتم كان أنهاه وتحجج بأي حجه والرجال عموماً في هذه المواضيع يكونون جادين كثير اللي أبيه منك إنك ما تفكرين في الموضوع بسلبيه حطي فرضيات واحتمالات كثيره يمكن يكون معذور ((وإذا عُرف السبب بطل العجب)) وإذا زارك تكلمي معاه عادي .. لا تعاتبيه .. ولا تقولي له شيء أبداً .. خلي الأمور تمشي بطبيعتها لأن اللي بينكم ماوصل لحد تقدري تعتبريه إنه مشكله يعني لا تحكمي عليه من الحين انتظري شوي لسا ماعرفتيه كويس ولا حتى هو عرفك وإذا زاد الموضوع وتطور للأسوأ راح يكون هناك كلام ثاني اكيــد وإن شاء الله ما يصير إلا كل خير يا اختي أنتِ تفاءلي بس و وكلي امرك لله الله يوفقك.. ويشرح صدرك .. ويسخر لك خطيبك .. ويحنن قلبه عليك امين |
اول شي ألف مبروك.. :14:
عزيزتي هدي اعصابك انا اقولك لاتتسرعي بالحكم او التصرف انتظري شوي ماصار لكم شي بس اسبوعين واعتقد ان الرجال مايعرفوا يتظاهروا بالحب والاشتياق مثلنا :21: الله يوفقك يارب ويزيح همك.. |
اختي اري انك تصارحيه بمشاعرك ومخاوفك يمكن هناك سبب وانتي ما تعرفيه وادعو الله العلي العظيم ان يحنن قلبه عليك ويتمم زواجك علي خير ويسعدك .................آمين
|
هل تفعلين ما تطلبينه منه
أقصد ما دورك انت فنحن الرجال نعامل المراة بأسلوبها |
كيف اختارك هو ؟؟؟
يعني عن طريق الاهل ام ماذا ؟؟ هل كان هناك حب او اعجاب من قبل ؟؟ اقصد فترة ما قبل العقد يعني ايام الخطوبة ؟؟ ام انك ما تعرفي عنة شيء من الباب لطاق وهكذا ارتبطو وهو جاف معك من البداية ؟؟ لي عودة بعد الرد |
يااختي اولا مبروك عقد القران
ثانيا معروف ان المرأه تحب قبل الرجل لانها عاطفية ثانيا لس بدري على المكالمات المطولة يعني أسبوعين فترة قصيرة جدا أختي ماكلمها نهائيا الا بعد 9 ايام وزي ماقلتي كلمة ورد غطااها والمرة الثانيه كلمها وقال يالله انا مسافر للصين !!!!!!!!!!!!!!!!! شوفي كيف ........يعني قهر على ارقى مستوى وبعدها والله من الساعه 12الى الساعه 4ص وبعد الزواج ماشاء الله سمن على عسل وانصحك بترقيق الكلام والتزين ولا ترخصين نفسك يعني ارسل لك مسج ارسلي له الثاني يعني أثقلي موفقه أختي |
لا تتسرعين بالحكم عليه يمكن هو من النوع الخجول وما بعد اخذ عليكي لا تكثرين اتصالات ومسجات عليه انتظري يزورك ومن خلال هالشي راح تقدرين تحكمين عليه لا تحكمين عليه من خلال المكالمات لانكم بعدكم في البداية الله يوفقكم وسعدكم ان شاء الله..... |
عفوا أختي .. أراك قد تسرعت بالحكم على الرجل ورميه بجفاف المشاعر
ما زال الأمر مبكرا .. وهو لم يعتد عليك بعد وما يجري لكما هو أمر طبيعي .. فهذا شأن البدايات لكن المشكلة أنك مندفعة جدا في مشاعرك وترغبين في النتائج السريعة اصبري وتريثي .. وسترين ما يسرك بإذن الله وأنصحك بأن تلتمسي العذر لخطيبك وألا تحاسبيه على ما ترينه تقصيرا وإن أردت مناقشته في هذا الأمر فليكن ذلك بهدوء وترو وعقلانية أسأل الله لك التوفيق |
السلام عليكم اختي لاتخافين انا صار لي نفس الموقف وحسيت باحساسك ....رغم انه انا اصعب من حالتك لانه كان خطب قبلي وكنت خايفه وكنت ابكي كثير بس والله مايائست من الدعاء والا انا بعد الزواج ولله الحمد في قمة السعاده واحس ان زوجي كنز لازم اني احافظ عليها ..انت اكثري من الدعاء وان ربي يسخره لك..وحاولي انك ترسلي له رساله تعبري فيها عن اللي جواتك وتساؤلاتك وشوفي الرد..انا سوين الحركه هذي وطلعت اللي بقلبه كله
|
الله يوفقك يارب ويحببكم ببعض
لا تشيلي هم احنا البنات كده بحب بسرررررعة ونتعلق على طووول والاولاد في قمة البرود (مو كلهم) بس انت اهم شي تقوليلو كل الاحاسيس الي عندك علشان لا تغلطي غلطتي انا ايام الخطوبة كان زوجي يشوفني بالحجاب وبعد اسبوعين من الخطوبة قلي مو انت الشكل الي كنت اتخيلو وبعدين اتاسف وندم على كلامو وانا سكت وعديت الموضوع ولكن كنت شايلاه في قلبي لغاية بعد الزواج بسنتين وهادا سببلي كتييييييير من المشاكل والهموم ولما قلتلو كل الي في نفسي مرررررررررره ارتحت وهو فهمني انو بعد ماشافني بدون حجاب في ايام الملكة مرررررره كنت اعجبو (طبعا لانو الوحدة تختلف بالحجاب وبشعرها) اسفه على التطويييل والله يوفقك |
ياختي ,,,,,,,,,,,,, عطيه فرصة صدقيني ان شاء الله انه بيحس عما قريب لربما موضوع مشغله وااااجد ... لامانع من مصارحته ..... اسألي ايش بخاطرك ,,, ولو ابدى لك رغبه في اظهار اي شيء عن اسباب اختياره لك ,,, حاولي تستميليه بألطف العبارات واحلها .... العبي معه دور الزوجة المرحة ... والعشيقة ... حسسيه بأنك زوجته المحبه له والمخلصة ... والله تعالى يقول (( لتسكنوا اليها )) شرط المودة(( الحب )) والرحمه هي السكنى .... واعطي الحر فرصة ... والله يؤلف بين قلوبكم ويبعد عنكم كل حااااسد ..... نصيح اخيره لاتقارني فترة ملكتك بقريناتك ... فتملي وتهلكي بيتك بنفسك فكل طائره مسوؤل عن عشه |
مبروك اولا ..
وثانيا ... صار لكم اسبوعين بس وتقولين مسفهك ؟؟؟ توكم ياختي ... ويمكن مو متعود ومستحي ... شوي شوي عالرجال ... انا ماتعودت اسولف مع خطيبي زي الناس الا بعد 4 شهور :d اصبري ترى الصبر زين الله يوفقك يارب ... هموووم |
بس ابقول كلمه انتِ حساسة كثير!! وعلى طول سميتي نفسك جريحه! وانقذوني اني في خطر !!!!!!
اقتباس:
|
انا الصراحه ما اقدر افيدج وايد في الموضوع لأني ما مريت بهالتجربة بس تأكدي عزيزتي لو انتي ما كنتي عاجبتنه ما ارتبطت فيج
ربي يوفقج ويسخر ريلج ويخليه متيييييييييييييييييييييييم فيج |
اختي جريحه اولا الف مبرووك والله يتمم لكم على خير
يمكن يكون خطيبك خجول ويستحي يتصل بك ويمكن تكوني انتي ماتتفاعلين معاه في المكالمه ماتتكلمين فهو يحس انك ماراح تتقبلين انفتاحه لك بهالسرعه اصبري عليه شوي وان شاءالله مافيه الا الخير |
السلام عليكم
أثقلي عليه شوي ..((الثقل صنعه)) لا تصيري خفيفه..يعني طنشيه كده أسبوع أو أسبوعين..الرجال كده لمن تجري وراهم يثقلوا..ولمن تخسريهم يجروا وراك.. جربي فكرتي وشوفي ايش راح يصير معك.. أتابع موضوعك و إن شاء الله نوصلك لحل.. |
السلام عليكم ورحمة اللة وبركاته ،،،،
ياأختي الحبيبة الله يسهل لك ويتمم لك على خير بعدين الي لازم تعرفينه ان مش كل الناس مشاعره تتأثر بسرعة وتحب من أول نظرة وتعشق من أول همسة لآزم تعرفين ياعزيزتي أن فيه ناس الحب عندها مثل فترة الحمل والولاده يمر بالمراحل هذي كلها وبعدين يبدأ .. ينمو ويكبر ونضج انتي وشطارتك في العطاء والعاطفة والحب والتفاني ،،، المطلوب منك في الفترة هذي الصبر وعدم الإستعجال في التعبير عن فيض المشاعر وأجليها لين يجي وقتها . عزيزتي دائم الحبيب يحب يشوف في حبيبه انه اقرب صديق لقلبه فأنتي مافيه داعي للأسراف في الحب من البدايه لكن كوني صديقة قريبه منه علشان كثر الأرتياح يولد التعود واتعود يولد الحب . نصيحه اخير خليك هادية وصبوره ولاتكثر من الأتصال لكن حسسيه بكثر الأهتمام. والله يوفقك ،،،،، |
اركدي لاتستعجلين !!
وبعدين مشغول باله بالتجهيزات والترتيبات للزواج وشايل هم !!! ويمكن يستحي ! انا يوم ملكت كنت رافض فكرة المكالمة وزملاي دايم يقولون كلم ويصرون علي ! اقتنعت في الايام الاخيرة وكلمت لمدة اسبوع وكانت رسمية جدا وقليلة !!!! المكالمات ليست قياسا وبعدين الشاب الصالح ماتعود ولا سبق تكلم مع امراءة صعبة علطول يخش جو من اول مكالمات!!!! انا مع اني متزوج اذا كلمتني امراءة اجنبية ارتبك !!!! والناس تختلف من شخص لاخر !!! الله يجمع بينكم بخير ويوفقكم ويسعدكم !!!! |
تو النااااس اتري عليه
اذا جاك يزورك اجلسي معاه امديحه في شكله وصوته وتفكيره او خفة دمه وبعدين صارحيه بلاشياء البسيطة اللي تضايقك منه وخبريه عن احساسك المحبط من اسلوبه الجاف واسالي اذا انتي كنتي مقصرة في ناحية وشوفي ردة فعله اكيد بيدافع عن نفسه وبيقولولك السبب وانتي تفهميه وتقبلييه ومع الايام بيحاول هو يتغير علشان ما تزعلي وشوي شوي بيحبك ويتلهف عليك |
اختى العزيزه
حاولى تتقربى منه اكثر وتعرفى ايه اللى جواه بالتحديد ممكن يكون فى حياته مشاكل وخداه منك حاولى تحسسيه انك حاسه بمشاكله وهمومه ومشاركاه كل حياته بكل ما فيها وده اكيد هيخليه يحس بيكى فى حياته وإنك اهم حاجه عندة لأنك تعينيه على حياته حاولى مش هتخصرى حاجه وإن شاء الله الحال ينصلح الحال |
الفارس 2007 بقول <<<<<<<<<<< اركدي لاتستعجلين !! وبعدين مشغول باله بالتجهيزات والترتيبات للزواج وشايل هم !!! ويمكن يستحي ! انا يوم ملكت كنت رافض فكرة المكالمة وزملاي دايم يقولون كلم ويصرون علي ! اقتنعت في الايام الاخيرة وكلمت لمدة اسبوع وكانت رسمية جدا وقليلة !!!! المكالمات ليست قياسا وبعدين الشاب الصالح ماتعود ولا سبق تكلم مع امراءة صعبة علطول يخش جو من اول مكالمات!!!! انا مع اني متزوج اذا كلمتني امراءة اجنبية ارتبك !!!! والناس تختلف من شخص لاخر !!! الله يجمع بينكم بخير ويوفقكم ويسعدكم !!!! ركزي على كلاااااااااااااااااااااااااااامه ترى والله مقنع ويريح الخاطر بالتوفيق غلاتي والله يبعد عنكِ الحزن يا جريحه ! http://www.asmilies.com/smiliespic/psmilie/003.gif |
اختي الكريمة
هل من المعقول ان يقول لك أحبك ياحياتي يا عيوني يا بعد طوايفي !!! وهو حديث العهد بك وبالعكس لو قال لك مثل تلك الكلمات سيكون كاذب فالحب الحقيقي والمشاعر الصادقة تنميها المواقف والايام وليست النظرات والمكالمات من اسمك وعنوان موضوعك كشفت انك انسانه متسرعة ومندفعة حتى في مشاعرك((كيف وانا احبه واوله عليه حسيت اني ساذجه وغبيه ليش احبه وهو جاف)) وعلى اي أساس اتهمتيه بالجفاف!!!! ليست كلمات الحب وحدها دليل على العطاء ولا تنسي ليست فقط الفتيات يخجلن بل حتى الرجال يخجلون لا تتسرعي وتندفعي فأنت دخلت حياة تحتاج الصبر والتأني وكثيرا من الحذق في التعامل دمتي بحفظ المولى اختك حنان |
حبيبتي والله قطعتي قلبي
أختي ليش ماتتقربي منه الله يعينك انتي ابدأي بالغزل بالكلام الحلو حسسيه بحبك اشغليه فيكي اتصلي عليه كل وقت حسسيه انك مهتمه فيه وراح تشوفي كيف يتغير من ناحيتك بإذن الله |
أختي الغالية ...... هذه التصرفات التي تصدر من خطيبك (زوجك بالاصح ) جدااااااً طبيعية لانه جديد على هذه العلاقة و قد يكون ليس لديه الجراءة الكافية لكي يعبر عن مشاعره (بمعنى كلام عاطفي ) لانه لم يعتد عليه من قبل , وفي نفس الوقت قد تكون المشاعر التي ترغبين بسماعها منه لم تتولد لديه بعد في هذه الفترة الوجيزة - أسبوعين كما ذكرتي- ... أخيتي ,, حاولي أن تتجاهلي هذا الموضوع و تبعدي هذه الأفكار عنك , و لاتحسسيه انك متضايقة من بعض تصرفاته و عندما يهاتفك حاولي أن تسمعيه بعض الكلمات الجميلية ووتعبري له عن اشتياقك له في الفترة التي لم تسمعي بها صوته ولا تعاتبيه لانه لم يهاتفك ولا تتعجلي الأمور وستري و ستسمعين ان شاء الله ما يسرك في المستقبل ولا تنسي الدعاء أخية بأن يوفقك رب العباد و أن يجمعك معه على المودة والخير والرحمة وأن يجعلك سكناً له ويجعله سكناً لك .... تحياتي:14: :14: :14: |
اقتباس:
كلام جدا جميل وواقعي ايام زمان لا اتصالات ولا جوالات و عاشوا احلى عيشة اثقلي بس و لا تسمعين بعض نصايح الاخوان والاخوات بالردود ترا تودي بداهيه و خططي كيف تسعدينة وتسعدين نفسك بعد الزواج ويجمعكم بيت الزوجية ( اعرف ناس بحالتك تطلقوا وهم في بيوتهم ما دخلوا على بعض بسبة الاتصالات الزايدة ) اثقلي بس |
:confused: اولا مبروك وبالتوفيق
ثانيا حبيبتي ترا الرجال دايما ماعندهم اسلوب لانهم مو متعودين الا على الجفاله واحسدك لانك تقدرين تمشينه على كيفك ولاتستعجلين توا الناس اسبوعين لاتغرك الافلام والمسلسلات وبعدين حاولي انك تفاتحينه بالموضوع ومثل ماقالوا الاخوات لاااااااااااااااااااااااااااااااااااااااااااااااتت سرعين وبالتوفيق ان شاءلله نسمع اخبار زيينه بالمستقبل |
الف مبروووووك اختي انا سارلت لي نفس مشكلتك ولما صارحته كان اسلوبي جاف جدا حتى انفصلنا والحمدلله رجع لي ثاني لكن الحين غيرت اسلوبي معاه لاني فهمته وسرت مااتصل عليه ابدا مهما كان واذا قلي كلام حلو اسكت ولاابادره حتى حسيت انه هو طلع من الصمت اللي هو فيه وسار يحاول يجذبني
نصيحتي لك تدلع عليه بالصمت اذا كلمك لاتفتحي معاه اي موضوع خليكي ساكته وهو اللي حيتغير الله يوفقك يارب |
اولا اشكركم جميعا فقد بثيتوا في قلبي الراحه والطمأنينه بعد ما كنت متوسده لهمومي والامي
وكلامكم جدا مقنع لانه فعلا ما يعرفني وما يقرب لي يعني خطبته لي كانت تقليديه عن طريق اهله بس سؤالي اللي محيرني كيف انا حبيته وهو ما كان لطيف شئ عجيب طول الوقت افكر فيه جسد بلا روح حتى اهلي لاحظوا هالشي يا ترى بيحبني بعد الزواج الله يستر وبس |
الامر عادي .. ومازلتوا في اول المشوار ... لا تستعجلين على زوجك
يمكن يكون من النوع اللي يستحي .. او من النوع اللي ما يجيد الكلام في التلفون .. وانصحك خلك عادية الفترة هذي لا تراسلينه .. واثقلي عليه شوي .. وانشاء الله مع الايام راح تكتشفين انه يحبك ومتعلق فيك ويكلمك كل شوي وتعيشين معه احلى حياة موفقه بأذن الله |
الحمد لله مستحق الحمد والصلاة والسلاة على من لا نبي من بعد محمد الصادق الوعد وعلى أله وصحبه أجمع..
أخيتي العزيزة أولاً أبارك لكي عقد قرانك وأتمنى من العزيز القدير أن يجمع بينكما في خير وثانياً أوصيك بالدعاء لأنه أقوى سلاح في وجه المشاكل وثالثاً تذكري جيداً قد يكون هنالك عمل قمتي به أو حركة أو كلمة قد أخذ على خاطره منها حاولي أن تفهمي أو قد يكون بارد الطباع بطبيعته وفي هذه الحالة عملك سيكون صعب شوي بس ممكن تصلحي الموقف وتعدلي أطباعه أنت بتأثيرك عليه بدلعك بكلامك بعقلك بقدرة تأثيرك انا رجال ما أقولك على سوالكم أنتم النسوان الي أتعرفون كيف توددون الرجال فيكم وبارك الله لكما وجمع بينكما في خير واراح صدرك وحنن قلب زوجك عليك |
اختي لا تتضايقي انا حاسه فيك والله ..
طيب وش رايك فيني انا اللي خطيبي ما كلمني ولا ارسل لي حتى الا بعد الملكه بشهريييييييييييين !!!!!!!!!!!!!!!! لا وانا اللي بادرت بالرسايل بعد !!!!!!!!!!!!!! ترى اغلب الرجال يسوون كذا .. يعني يسوي فيها ثقيل بداية الملكه >> لانه يسمع للكم الهائل من التوجيهات والنصائح اللي تنهال عليه بعد الملكه من اصحابه واهله .. يعني خلك ثقيل ولا تبين لها انك تحبها على طول .. ومن ذا الكلام اللي ما يخرب الا على البنت المسكينه ........... بس انتي هدي نفسك وكثري من الاستغفار بنيه الاصلاح بينكم >>>>> والله عن تجربه .. بالتوفيق .. |
آختي جريحه
آنتي تحسبين كل آلنآس مكلمآنيين آنآ وآحد منهم .. كنت لمآ آكلم بنت .. كل كلامي ( شـلونك شخبآرك ) فيه نآس للحين على آلفــطرهـ يعني مآيعرف شـي عن سوآلف آلحب .. آو آلتغزل . آو سوآلف الأعجآب وآلكلام آللبق لكن صـدقيني بتسمعين وتشوفين آشيآء حلوهـ لكن بيكون بدآيتهآ منك أنتي آنتي آلي علميـه على الكلام آلحلوو آلمعسوول خليه يسمع شي حلوو منك لأنه لو سمع مرهـ ... بيزعجك .. تدرين ليش لأنه آنسآن على آلفطـرهـ مآيعرف آلسوآلف هذي يوم كآن صغير آو يوم كبــر آعيد وآكـرر عليك فيـه .. يعني حآولي تعطينه كم كلمه حلوه ويتعود عليهم بعدين وبعدهآ بيردلك نفسهم آو آحلا منهم وآلله يوفقكم آن شآءللـه ....000... |
عندي لك طريقه وأتبعيها ويتلاقين أفضل النتايج وهذه عن تجربة.
فقط داومي على الاتصال به لما يكون في الدوام أو في اي وقت أنتي تفضلينه وأسألي عن أحواله وبثي له عن اشتياقج وحبكي له وعوديه على اتصالاتكي ولما تحسي انه مال لج وإنه تعود على اتصالاتج وصار ياخذ ويعطي معاج في الكلام ولكن أختي أقطعي اتصالج ليوم واحد له لا تتصلي له وشوفي النتايج الأكيده سوف يتصل هو بكي وسوف يسألكي لماذا لم تتصلي به وقولي له وأسأليه وهل اتصالاتي تسعدك؟ واذا قال لكي إنه تسعده ردي عليه قولي له أنا كذلك أحب اتصالك ولهفتك وحبك لي. |
يا بعد عمري كأنك تحكين عني في فترة الملكة زوجي الله يهدية من هالنوع كنت ابكي لدرجه خلاااااص راح افك الخطبه وع بالي انو هو ما يحبني
لكن ربي هداني وقدرت اتحمل شوي انو اثقل عليه ولا كأنه يضايقني هالشيء اذا جيتني الله يحييك وافرح بإتصالك واذا تركتني ما افكر فيك طبعا ما قلت هالحكي له لكن حسسته فيه واخونا في الله ولاااااااا هامه شيء لما ما قدرت اتحمل ارسلت له رسالة عتاب انو انا ما احب جوالك شلون يمر يوم كامل وما يسمح لك تكلمني او حتى ترسل لي مسج << طبعا قلت يوم كامل بس عشان احسسه انو اليوم كثييير ولا هو الله يخلف يطنشتني بالأربع ايام حتى بعدها تعدل ماشاء الله تبارك الله صار يعتذر ويرسل وكنت اتجاوب معاه حتى يستمتع ويتعود ومن ثم صرت اقلل اهتمامي ولا اتجاوب كل الوقت صار يزيد في الرسائل والمكالمات وهكذا << جا دوري اعذبه هههههههههههههههههههههههه بجد الموضوع يقهر ويبكي لكن يبي له بال طويل والله يوفقك يااارب |
الموضوع ومافيه إذا كلمك بس كمله وحده عند رفعة الرد الو هلا حبيبي خليك انتي الباديه يمكن الرجال مستحي المهم سوي الحركه دي وراح تشوفي كيف..
|
اختي العزيزه .. جريحه 2
لاتشيلين هم ولاتحسين انه سافهك على حد تعبيرك شفتي هذا اللي تقولين انه سافهك ومو مهتم لو تبيني احلف بالله العظيم انه يسوي بروفات قبل لايكلمك مليون مره علشان يحسن التعبير معاك صدقيني هو وده يكلمك كل دقيقه وكل ساعه بس مسوي ثقل شوي لانه يتداول في اوساط الشباب دايما انه لما تخطب حاول انك ماتكثر كلام مع خطيبتك ولا تحاول انك تمون عليه كثير لانه في فتره الخطوبه طبيعي راح ينحرج منها بحكم انها مي معاه وماراح تكون هناك صراحه الخلاصه // اشوف انا انه طريقته معاك حلوه مره في الاسبوع احسن بعد الزواج راح تعرفين قصدي من الكلام هذا تحياتي لك |
أختي تبين نصيحتي دقي عليه يوم وقوليله انك وحشتني وماني قادره اشيلك من بالي ومن هالكلام حتى لو تكتبيه في ورقه عشان ماتنسيه واستخدمي اسلوب دلع عاد مايحتاج توصيه وكثري منه صدقيني راح يتجنن وكل شوي وهو يتصل وربي يوفقك ان شاء الله وطمنينا ايش يصير معك
الاشراف: لفظ المشيئة تكتب بهذه الطريقة( ان شاء الله) |
اختي الغالية
فيه ناس ما يحبون التلفونات ولاالمكالمات الكثيرة وهو متطمن عليك في بيت اهلك ومخلي الهم لتجهيز البيت وغيره ونصيحتي لك لا تلومينه اذا كلمك او زاركم بالعكس دايم امدحية واوهميه انه ما قد نسيك يعني قولي له يسلملي اللي ماقد نساني واذا اتصل يسلملي اللي يشتاقلي دايم حتى لو ما تقول احس فيك <<<< كم مرة بيستغرب وبعدها بيصدق ويصير فعلا يشتاق ويسال الله يوفقكم ويسهل لكم مبرووووووووووك |
| الساعة الآن 07:43 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©