|
زوجي مو حاس فيني
بسم الله الرحمن الرحيم أعضاء المنتدى الكرام هذه أول مشاركة لي وياكم ... عندى مشكلة صغيرة ويا زوجي ويا ريت تفيدوني بنصايحكم أول شي أنا انسانة كتومة يعني إذا قالي زوجي كلام يجرحني أنا أسكت وأخاف أرد عليه علشان ما أجرحه وأكتم في خاطري وأقعد أتضايق... السموحه طولت عليكم من يومين زوجي قال لي انه بيروح رحلة ويا ربعه بيكون يوم الخميس وأنا زوجي ما أشوفه إلا يومين يعني الخميس والجمعة ويداوم السبت .. يعني اهو بيروح يوم الخميس وبيرجع يوم الجمعه باليل... أنا اتنرفزت فقلت له حرام عليك أنا ما أشوفك إلا هاليومين وانت ناوي انك اتروح فعلشان أقهره قلت له انه يوم الجمعة بقعد أنا في بيت أهلي وما رح أروح البيت.... فهو عصب وقال اني أسوي شغل عناد واذا كان ايريج لا تين البيت وصكر التلفون في ويهي... والله قعدت أصيح وطرشت له مسج اعتذار وقلته خلاص الي تبيه بيستوي... وهو لين اليوم ما كلمني ... فما أدري أنا غلطانه بشي أو غلطت عليه بس هذا حقي اني أبغي أقعد وياه هاليومين لأني محتاجه ليه وأحس أنه اهو ما يفكر إلا في ربعه... ياليت تفيدوني ولو بكلمة.... الإشراف/ تم تعديل العنوان .. |
اختي طبيعى هذا الشى خلي بالك طويل من اجل سعادة زوجك واكيد هو راح يرجع ويكون معاك عسل:22: :22:
|
حبيبتي ريحي بالك .. هو مب كل ويكند يكون وياهم صح؟؟
اذا صح خليه يشوف ربعه مب كل ويكند يكون فالبيت والله يوفقكم ويبعد المشاكل عنكم يارب |
بصراحه
الايده بالنار مو مثل اللي ايده بالماي انا حاسه بمعاناة الاخت يعني وحده ما شافت زوجها 5 ايام ويبغي يحرمها اليومين اللي هو ححدهم لها من حقها وفوق هذا قعدي ارتزي بالبيت ! انا ما ابغي اشعلل الموضوع بس جد قهر يعني الرجال من حقه يتكشت ويستانس والحرمه مكانها البيت ؟! انا لو منج يا اختي طبيعي بروح بيت اهلي ما احس انج غلطيتي |
اصبرى وحاولى تتقربى منه اكتر وتفهميه اكتر
|
حسستيه انه مقصر زعل
|
طبعا انتي ما غلطتي بس هو حس انك تعاندي فلازم واحد منك يلين شوي طبعا دائما الزوجة هي الا تلين واضحي
الله يهديه ويوفقكم |
لو إنك طلبتي منه بهدوء وقلتي له مادام إنت مش بالبيت خلني أروح أقضي اليوم عند هلي وأرجع قبل ما ترجع ..
صدقيني ماراح يقول لك لا أو يعصب ويزعل .. أتصلي به وكلميه وتطمني على أحواله وإن شاء الله شوي شوي ترد المياه لمجاريها .. بس حاولي ماتفتحين الموضوع مرة ثانية لأنه يمكن لما يتذكره يتنرفز .. |
بصي يا اختي حاولي كثيرا اتصالات حتي يجيبك واتكلمي نعاه بحنية وقولي لية انك في انتظارة وما هتروحي عند اهلك
وشوفي رد فعلة اذا قالك اوك خلاص يبقي حاولي تتناسي وفي لحظة صفا فهمية ان اليومين دول اهم يومين عندك ومش بتحبي الهوا حتي يخدو منك اما بقي اذا اصر اتركية حتي تحافظين علي كبرياءك وهتبقي عملتي اللي عليكي وهو هيرجع لوحدو وكأن شئ لم يحدث وسوف تصير الامور كما هي |
نصيحتي
لا تكثري اتصالات بل بالعكس ولا تناقشي الموضوع اجلسي في بيتك وحاولي تنامي بدري ليله الجمعه عشان يجي وعلى باله انك نفذتي قراراتك وعاندتيه فلما يشوفك في سريرك نااايمه أتوقع ان ردة فعله راح تكوووون أحلى وألطف المشكله بسيطه بس لازم من أسلوب يحسسه بالذنب وما ينتقص من كرامتك ياغاليه تقبلي تحياااااااااااتي .... |
الصراحة ما قصرتوا جزاكم الله كل خير
وفعلا استانست لما شفت ردودكم معاي وخلان يأفكر بعقل..... الله لا يحرمني ولا يحركم كل وحده محتاجة مشورتكم |
اصبرى وحاولى تتقربى منه اكتر وتفهميه اكتر
|
اقتباس:
أوأيـــد هذا الرأي :22: :22: 100% صحيح :22: :22: ياليت تأخذي بكلام الأخت حبيبتي إن شاء الله مايصير إلا كل خيــر وبشرينا عنك |
اختي شموع ...
انت ما غلطتي ... من حقك اذا كان زوجك مو موجود انك تروحين بيت اهلك لكن يا ريت كنت قلتيها له بطريقة ثانية يعني مثلا ...والله يا فلان البيت بدونك مو حلو ...ممكن اروح بيت اهلي واذا رجعت تمر علي تاخذني؟؟؟ ترى كل شي الزوجة تقدر تاخذه مضاعف ...لكن يبغي لك شوية دهاء وذكاء ودبلوماسية بعدين اختي ...ليش تتركينه يجرحك وانت ساااااااااااكته وتكتمين ؟؟؟!!!! شوفي اختي زوجك على ما تعودينه ...اذا ظليتي تسكتين عنه اذا غلط عليك ...راح تروح عليك وبعدين ما تقدرين تاخذين حقك و تخلينه يحترمك الرجل يحترم الزوجة اللي ما تقبل احد يجرحها .. خلي شخصيتك قوية ولكن في نفس الوقت رقيقة تحياتي لك |
السلام عليكم
ابي افهم ليش تعطون لازواجكم حجم اكثر الموضوع عادي اهو بيروح ويا ربعه يتحمل وعند الحساب نتكلم ونواجه بس ليش تسكون اكثر الرياييل غلطانين ومع ذلك مادري ليش تخافون وقلنا الزواج حب وود قبل لا يكون اي شي ثاني يعني الزوج لزوجته واحد نفس وحده وتفكير واحد بس كردي الصراحه لا تعتدرين له وخله يتحمل يعني استخسر في بيته يومين وبعدها يمكن مابيي للبيت وبعدها بيشوف اشياء ثانيه برا وبامانه هذا زواج رايي الخاص المواجهة مع احترام البيت واللي فيه تحياتي صقر المغرب |
أختي الكريمه
زوجك هو الغلطان ولكن دائما تطلعي الى هدفك من قراراتك فمثلا انتي تودين ان تقضي وقتك مع أهلك والمهم هو جمعة الأهل وليس المكان... فلماذا لاتكسبي ود زوجك وتحققي هدفك بدعوة أهلك الى منزلك..... ولامانع ان يبات بعض أخواتك عندك بداعي السمر والسهر ترى الأمور بسيطه جدا ولكن نحن من نعقدها ... فبهذه الطريقه حققت هدفك " الوناسه" وأرضيت زوجك.. دمتي بود |
| الساعة الآن 08:27 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©