|
خطيبي وانشغاله الدائم عني ما الحل..؟
السلام عليكم ورحمة الله وبركاته كيفكم كلكم؟ ان شاء الله بخير وصحه...... ما ادري من وين ابتدي انا صار لي تقريبا خمس شهور من انخطبت والحمدلله خطيبي اخلاقه لا يعلى عليها وطيب ويحبني ومتفهم ومرتاحة معه بس في شي واحد مضايقني وخايفة يستمر الى ما بعد الزواج خطيبي دايم مشغول عني احيانا ينشغل مع اهله واحيانا ارتباطات اجتماعية انا ما ازعل لانه يخدم امه وابوه بالعكس على عيني وراسي بس احيانا ينشغل مع اخوانه او خواته الاكبر منه لانه الاصغر بالبيت وكلهم متزوجين بس فيه اشياء يقدرون هم يسونها من غير ما يعتمدون عليه اذا جى لي خطيبي ما يجي الا متاخر دايم ما يجي الا بعد 11 بالليل وهذا الشي يضايقني ما احس انه في ليله تكون خاصة لنا احنا الاثنين مثل ما يقولون عن المخطوبين لازم يكون عنده شي او ارتباط قبل ما يجيني انا ما ابي يكون متفرغ لي طول الوقت او طول الايام بس ودي احس انه في وقت خاص فيني وفيه قبل شهرين كنا متفقين انه نطلع بالليل وكنت محتاجه غرض ضروري من السوق قالي خلاص انا اللي بروح معك بس تاخر علي وما طلعنا الا 10 ونص بعد ما قفل السوق حاولت اني اكتم غضبي وما ابين له اني متضايقة بس بعد ما رجعت رسلت له رساله بينت له فيه كل شي اني دايم احاول اعذره واقدر ظروفه بس احس اني حاجه هامشية بحياته وحس بغلطته واعتذر مني وصار يعوضني ويجي لي بدري بس حاليا رجعت حليمه لعادتها القديمة دايم مشغول عني حتى الجيه لبيتنا مستحيل تكون قبل 11 او 11ونص بالليل والقهر انه دايم يعاتبني يقولي ودي يوم ترفعين السماعه وتقولين لي تعال عندنا البيت او خلينا نطلع شلون اقوله وانا ادري انه دايم مشغول عني ويا خوفي بكرة نتزوج ويستمر الوضع على حاله والله اني ما ابالغ مرة من المرات كنا بنطلع وفي الطريق دقت عليه اخته المتزوجة تبيه يوصلها هي واخته الثانية لمشوار والسيارة ما تكفي لهم هم وعيالهم واضطرينا نوصلهم على جزأين وضاع الوقت وتاخر الوقت وتمشينا على البحر بالسيارة شوي ورجعنا كنت مقهورة حدي الدمعة واقفة شوي وتطيح من القهر صرت ما اهتم لجيته بيتنا او ان نطلع لانه قبلها بيحسب لالف شي ما ودي تكبر السالفه ودي اوصل له كلامي بطريقة ما تزعله او تجرحه بس شلون ساعدوني......؟ |
اختي الحبيبة ..روز
انتي تعلمين عندما تزوجتي رجلا..ان له عائلة ومسئوليات لابد ان يؤديها بجانب انه زوجك.. احيانا اهل الزوج لايقدروا وضع اخيهم وانه خاطب ولابد ان يكون له وقته الخاص مع خطيبته.. هنا ..لابد ان يحس هو من نفسه.. سأعطيك عدة حلول وان شاء الله تفيد: 1- هو ينكر عليك انك لاتتصلي تدعيه لمنزلك..اتصلي وادعيه ان يأتي على غداء مثلا او عشاء واطهي له بنفسك ..عند دخوله المنزل اطلبي منه اغلاق هاتفه او وضعه على صامت وخدمة موجود لم تترك شيئا..اذن لن يفوته شيء.. 2- اطلبي منه تخصيص يوم يكون فيه معك من بعد صلاة المغرب.. 3- اذا لم تنفع الخطوتين السابقتين..خففي من اتصالك..واذا جائك لاتبدي تضايق او فرح..سيحس انك تبتعدي عنه..وسيحاول ايجاد مايضايقك.. والله يسعدك ان شاء الله أختك حائزة |
الله يعينك بس نصيحه لاتصارحيه كده على طول راح يزعل
نصيحة اختي حائزةالامل حلوه |
اهلين حبيبتي كان الله في عونك....حبيبتي أنا عندي اسئلة.....انتي بينتي سلبيات زوجك وهي انشغالاته
بس وين محاولاتك لجذب الزوج.....شو سويتيله علشان يفرغلك يوم بحاله لك انتي..... هل فكرتي انتي يوم من الايام بحفلة خاصة بكل متطلباتها من اكل وشرب واهتمام واناقة وحب ورومانسية..... حاولي تكسيرين انشغاله بجذبه إليك حاولي اتطلعيله أفكار يحببه فيك ويحاول يفضي نفسه.... هل باستطاعتك هل بمقدورك......يلا خليها تحدي في نفسك |
[QUOTE=حرم فلان فلاني]اهلين حبيبتي كان الله في عونك....حبيبتي أنا عندي اسئلة.....انتي بينتي سلبيات زوجك وهي انشغالاته
بس وين محاولاتك لجذب الزوج.....شو سويتيله علشان يفرغلك يوم بحاله لك انتي..... هل فكرتي انتي يوم من الايام بحفلة خاصة بكل متطلباتها من اكل وشرب واهتمام واناقة وحب ورومانسية..... حاولي تكسيرين انشغاله بجذبه إليك حاولي اتطلعيله أفكار يحببه فيك ويحاول يفضي نفسه.... هل باستطاعتك هل بمقدورك......يلا خليها تحدي في نفسك .................................................. ......................................... يعني مثلا اشتري هدية بسيطة وجهزي نفسك والصالة وكلمية قوليلة اليوم لازم اشوفك ضررررررررررررروري الساعة ( ... ) مو تتعذر وتقول مشغول ولا تعطينة فرصة انه يتحجج ويوم يجي اخذي مو بايلة يعني تلعبين فيه وخلية على السايلنت عشان ما ينشغل عنج .... |
وعليكم السلام ورحمة الله وبركاته اقتباس:
وصل له مابخاطرك كله بحوار وجلسة نقاش وصراحه متناهية ولا تكتمين بداخلك اي شيء وخليه يحط بباله انه إذا تزوجتوا على خيرا ان هالوضع مايعجبه يعني المهم زوجتك هي بالأول باستثناء الوالدين اقتباس:
|
اقتباس:
اختي الله يرضا عليج لو انتي متزوجة واحتجتي لأحد يوصلك ضروري وطلبتي اخوك هل هذا عيب....لو طنشك عشان زوجتك شو راح اتكون ردت فعلك..... هذيلا خواته قبل لاتكون هي زوجته وكل شي في ميزان حسناته....كم تسوى هالايام يكون في رجال قايم بحق بيته وشايل امه وخواته والله نادرا ما نلقى هالنوع المفروض افتخر يكون عندي زوج مثل هذا.... واذا كنت متضايقة لتكرارها كثيرا كثيرا ممكن اتفاهم واتناقش معاه والله ما راح يضيع صبري وعمله الصالح... وفقك ربي |
هذا السؤال ليس وقته الان ولكن بعد الزواج , فهو رجل وله مسؤولياته وأنت في بيت أبيك وهو مسؤول
عنك , فإذا كنت في بيته فلك الحق في التذمر , تخيلي انك انت الوحيده في بيتك وعليك ثقل البيت ولا تستطيعين استقباله مهم كان الأمر , فهل له الحق في التذمر . كوني منصفه وحكيمة في تعاملك فلا تخلقي في قلبه عليك شيئا , حتى لا يكون الأمر نبالا |
اشكر الجميع على نصائحكم لي انا قايمة بواجبي تجاه خطيبي من اهتمام بنفسي وشكلي وانوثتي واهتمامي به اذا كان بيجي لي اطبخ له عشا او حلى وكذا مرة فاجئته بمناسبة مرور مناسبة واقرب مفاجئه كانت بمناسبة تخرجه من الجامعة انا ما تذمرت من اهتمامه باهله بالعكس شي حلو انه خطيبي يكون قد المسؤولية خصوصا امه وابوه على عيني وراسي لكن اخوانه واخواته اللي اكبر منه احيانا يطلبون منه طلبات يقدرون هم بانفسهم ينفذونها وبعضهم عيالهم كبار يقدرون يتحملون المسؤولية صحيح انه خواته هم خواته قبل ما اصير انا زوجته لكن انا اللحين زوجته شرعا يعني اهم منهم في المقام الاول وبعدين هم متزوجين عندهم ازواجهم وعيالهم كبار ما شاء الله انا ما طلبت انه كل وقته يكون لي بس من حقي اني تكون لي خصوصية معاه من حقي انه تكون في اوقات خاصة لي وله انا ما اذم في خطيبي او في اهله بالعكس هم ناس طيبين وحبوبين وخطيبي الحمدلله مرتاحة معاه عدا هذا الشي اللي مضايقني وعارفة ومتاكدة انه قاعد يسوي هالشي من غير قصد عشان كذا ما ابي اصدمه او ازعله بكلامي بحاول اخذ بنصيحة بعض الاخوات الله يجزاهم خير باني اوصله كلامي بطريقة غير مباشرة والله يكتب اللي فيه الخير ان شاء الله..... |
أختي ركزي فكلام اختنا حائزة الأمل فبصراحة حلولها جداً راائعة
خصصي يوم يكون فاضي لج وقولي لها هاليوم مأبيك تنشغل واذا احد يبي يشغلك فأرفض:) امممم هاليوم الي بيجي فيه دلعيه اخر دلع وصدقيني بيستانس وبتلقينه بيتعلق فيج اكثر وبيفضي نفسه اكثر ع فكره انا خطيبتي مسفهه لي خخخخ يعني اوضاعنا عكس بعض سبحان الله |
مشكور اخوي على نصيحتك انا مو مدح بنفسي بس الحمدلله مو مقصرة مع خطيبي في شي مهتمه فيه ومدلعته اخر دلع بس مشكلته انشغاله عني بشكل مستمر في بداية الخطوبة اتفقنا انه تكون ليلة الجمعة انها تكون ليلتنا بس حتى في هاذي الليلة ما عمره جى بدري مو عارفة شلون افاتحه في موضوع انه ودي يكون لي عالاقل يوم او نص يوم يكون فيه معاي ما يشغله عني شي بعض الاخوات قالوا شي حلو انه يهتم في اهله وانه لو كان زوجهم كذا بالعكس هذا شي يفرح انا معاكم واللي ما فيه خير لاهله ما فيه خير مع الناس بس انا بعد اهله انا نصفه الثاني من حقي يكون لي وقت اقضيه معاه لوحدنا امس اتفقنا نطلع نتعشى وكان الكلام انه بيمر علي 9ونص بس تاخر ساعه كاملة وعلى ما مر علي ووصلنا المطعم وصلت الساعه 11 ويا دوبنا تعشينا بسرعه وطلعنا لان الوقت تاخر ودي اطلع معاه وناخذ راحتنا وما نحاتي الوقت انه تاخر بس مع الاسف ولا مرة صار هالشي اللي معذبني اني عارفة انه تقصيره معاي من غير قصد عشان كذا ما ابي اصدمه بس ودي يحس بتقصيره معاي بس مو عارفه شلون :11: |
اختى تصرفات خطيبك مع اخوته تدل على انه راجل بمعنى الكلمه ودة فى حد زاته شىء جميل
ويخليكى تصمنى على نفسك معاه بس انتى مفروض تخليه يهتم بيكى حسسيه بحبك وانك دائما محتاجه لة جنبك وانه لما بيجى ليكى متاخر بتزعلى علشان عايزه تقضى اطول فتره معاه اكيد ده هيخليه يحس بيكى ويقرب منك اكثر الله يوفقك ويعطيكى ما تتمنى ويبارك ليكى فى زواجك إن شاء الله |
عزيزتي .. المصارحه مابتزعل صارحيه وترتاحي
مثلا الا مايقولك انه يحبك قوليله طيب كيف تحبني ودائما بتحطني بالاخير وبتفضل الكل علي اذا قال هذول اهلي قولي طيب وانا ؟ مو من حقي يكون لي وقت خاص معك ؟ ماتوقع يزعل بالعكس ممكن يحس انك تحبينه لانك تبين اكثر وقته لك ولو مايهمك امره ماكان حرصتي انه يقضي اغلب وقته معك ومشكلتك بسيطه مره كل ماتحتاجه المصارحه لا غير . |
مشكورين على نصائحكم خطيبي بكرة ان شاء الله بروح مكه مدة اربع ايام يمكن ابتعاده عني هالكم يومين يقرب بينا وان شاء الله استفيد من نصائحكم واقدر اصارحه........ |
اختي الكريمه
الرجل مايحب كثر العتاب ولا النكد خذي الأمور ببساطه وعادي جدا بس ابغا اعرف اذا جا الساعه (11) الي متى يجلس؟؟؟؟ اذا يطول وعادي عند اهلك خلاص خير وبركه الحمدالله استمتعي بالوقت واللي يجي فيه وعيشي حياتك وخلصي مشاوريك انت كمان اما اذا يجلس ساعه ويمشي لاتشبعيه تماما خليه بين وبين خليه يتشوق للمره اللي بعدها وبعدين لازم تعذرين خطيبك بإنشغاله وانتبهي تحسسيه انك متضايقه من تلبية طلباته لأهله بالعكس قولي له لا تتأخر على اختك اكيد تنتظرك ومن هذا الكلام حبيبتي بالنسبه لأخواته فكري فيهم هم متعودين عليه وهم كمان بحاجته انا اخت وعانيت لما شفت اخويا تغير علي بعد زواجه سار مايسأل عني بأي شي لاصغير ولا كبير بإذن الله اذا تزوجت مارح اخلي زوجي يقصر على اخواته وامه من جد فكري فيها بالعكس حببيه في مشاوير اخواته وخليه يفكر فيهم انت بنت وعارفه احاسيس البنات كيف ذكريه فيهم وهو لما يشوفك مهتمه في اهله راح يهتم فيك وراح يحبك ويقدرك خلي في بالك كل مااحترمتيه واحترمتي اهله راح يحترمك ويحترم اهلك كل مااعطيته لأهله راح يعطي لأهلك واكثر هدي نفسك واشغلي وقتك بالمفيد وشوي شوي الين تتأقلموا على بعض وبعد الزواج راح يتغير كل شي وراح يصير كل اهتمامه فيك وعليك بالدعاء والاستغفار وقرآءة سورة البقره والله لايغير عليكم ويألف بين قلوبكم حصنتكم بلا اله الا الله |
| الساعة الآن 10:34 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©