|
طالبه مشورتكم...
بسم الله الرحمن الرحيم
أعزائي أعضاء المنتدي ....وخصوصا الزوجات ....أحتاج مشورتكم ....لاتبخلوا علي ... اليوم أتصل لي زوجي من خارج البيت مبينا لي أنه حصل سيارة زينة تصلح حقه .. بعد ماتعب من سيارته القديمة كل يوم في التصليح ويتوجب علي أوصله الي محل عمله وارجع أخذه .لاني انا عندي سيارتي الخاصة فيني وماأستغني عنها خصوصا أن ساعات عمله طويلة جدا وعندي أطفال لهم ولي أحتياجات ... المهم هو طلب مني أدبر له مبلغ السيارة وهني المشكلة ....أنا مااشتغل بس هو تعود كلما يحتاج أنا ادبر له من عند أهلي ....حتي مابقي احد الا وتسلفت منه ....بس الصراحة خلاص ماقدر اطلب اكثر استحي ...مع أن زوجي يسدد الديون كلما توفر عنده ....بس والله مالي وجه خلاص تفشلت كل يوم والثاني اطلب منهم ....وزوجي عنده ماشاء الله اخوان واخوات وماشاء الله كلهم بخير بس مايطلب منهم ...واذا مرة حصل وطلب ...يطالبونه بسرعة يردهم حتي لو ماتوفر عنده ... وانا عارفة زوجي حاط عينه علي عقد الذهب اللي عندي وهو اخر مابقي لي من ذهب ...فقد بعت ذهبي كله من اجله ...ويساوي الاف الالاف ...بس قلت عشان زوجي مايسوي شيء في الدنيا .... واهلي يدرون بسالفة الذهب وكانت امي كل مرة تقولي بالك تبيعين عقدك ولا مابكلمك ...خلاص كفاياك بيع ...وكل شوي تذكرني عشان لاابيعه ...وانا بيني وبينك عزيز علي هذا العقد ومو قادرة افرط فيه ...وابغي اخلي لي شيء دخر ..... بالله عليكم انقذوني بحلولكم الزينة ....ولاتفشلوني ... تقبلوا تحياتي |
اللهم يسر امر زوجها ...
|
انت وزوجك واحد
واشوف مافيها شئ لو تساعديه وانت اعلم بظروفك يسعدك ربي |
اقولك حبيبتي كل مره يقولك دبري لي فلوس وانتي مو موضفه لو موظفه كان اهون شوي
حبيبتي الدنيا مالها امان خلي ذهبك لك وخليه هو يدبر نفسه بنفسه تدرين انا اول زواجي من قال لي هالكلام مو امي ولا اختي امه قالت لي خليه يدبر نفسه مثل الرجاجيل ولا يبي شي جاهز ولا ابو بلاش كثر منه والله العظيم هذا كلام امه واي احد اقوله الكلام هذا يقولي هذا كلام العقل الرجال ماينضمن والحياة قبل هذا كله بكره لو يصير شي مالك الا ادخارك |
صراحه مابأيد موقفك وللأسف انتي عودتيه على كدا الرجل لو اتعود على شي راح يحلاله مره واثنين و ثلاثه
بس ياريت تاخدي موقف الان وموقف جدي تجاه زوجك وكافي اللي راح يعني حتى لو حطيتي نفسك مكانه رجل من حقه وقت ماتحتاجي يعطيكي بس انتي غلط انه يعتمد عليكي وبالذات انه ماعندك شغل تعتمدي عليه انا لو عندي مصدر رزق والله ماراح ابخل عليه لو كان انسان يقدرني ومش مادي لكن بحالتك اختي اتمنى انك تتوقفي عن العطاء لانه راح يضرك ويلغي وجودك .. هذا رائي وبس...... |
اقتباس:
|
اقتباس:
بس أنا لو عندي مابقصر ... وبساعده ... وبالعكس الدين اللي عليه كأنه علي انا ...كلما أحصل فلوس أعطيه يسدد دينه ...والعقد الذهب مابوفي قيمة السيارة ... |
اقتباس:
|
اقتباس:
الله المعين ...مشكورة عزيزتي علي مرورك ... |
السلام عليكم
الصراحه هذي انانيه منه انو يحط عينه على شي انتي تحبينه ولو اهو ريال عدل ماجان طلب منج وانتي حليلج ماعندج دوام والله حاله هذي تحياتي لج صقر المغرب |
اقتباس:
بس هو ماجهر لي وقال بيعي عقدك ....لا ...بس قال مشكلتي الفلوس دبري لي مبلغ ....يعني زوجي يعرف اني لاموظفة ولاوارثة...من وين بدبر يعني ... |
قوله له الصراحه
وخله يدبر نفسه بنفسه |
اقتباس:
والله كلامك عدل ...بس أخاف يهون عن شراء السيارة لقلة المادة ...وبعدين أنا اتغربل ...وديني وجيبيني... |
عزيزتي الهنوف..
الحل..جلسة مصارحة ..أعتقد أنك وقفتي معاه وقفة لاينكرها احد..لكن وصل الأمر لحد خارج عن ارادتك اقترحي عليه ان يقترض من اخوانه..او يشتري السيارة بالأقساط..او ياخذ سلفة من الشركة التي يعمل بها ويخصم من مرتبه كل شهر..او قرض من البنك.. اعذريني لكنك لست بنك تسليف..المرأة تساعد زوجها مرة ومرتين اذا لم يوجد سبيل للمساعدة لكنه هنا..استغلك نعم استغلك لو كان رجلا حقيقا لما قبل ان تستلفي انتي له وهو جالس.. المعذرة مرة اخرى..لكني اكره الاستغلال.. الله يسعدك أختك حائزة |
اقتباس:
أشكرك جدا لحلولك المقترحة ...ولكن للاسف كلها مستنفذة ...فزوجي عليه للبنك قرضين ولايسمحون للثالث ...وشركته أستنفذ رصيد الديون لديه والفرصة لغيرة ...أما أخوته فمتنعوا من أعطائة .... وانا رقيقة القلب لاأستطيع أن اراه في ضيقة الا واكون الملاك الذي ينزل عليه من السماء لانقاذة ....وهذة النتيجة ...لكن بعد خلاص ...تعبت ...ماعندي وجه أبطله لاحد ... وفي نفس الوقت لاتأتيني الجرأة أقوله دبر حالك ....الله المستعان ... |
عزيزتي
كلاكما مخطئ ما فهمته من الردود انتما الاثنين ربما لزوجك صاحب النصيب الاكبر في العيش بمستوى اعلى من دخله المادي وهاذا ماسبب له كثرة الديون فلماذا قرضين من البنك واستنفاذ كافة الديون من شركته التي يعمل بها وسلفة من اهلك وخصوصا وضحت لي مطالبة اهله بديونه حتى وهو في ضائقه كما تقولين عزيزتي لابد ان تراجعا نفسيكما لربما السبب في حالة الفوضى لديكما هو الاسراف وعدم الموازنة في المصاريف ثانيا لابد ان تحزمي الامر لزوجك فانتي من عودتيه على ان تكوني من تلعب دور المنقذه له اعلميه وفي جلسة مصارحه ولحظة حب وتفاهم بأنكي لا تستطيعي ان تستمري على هذا المنوال لابد ان يتغير حتى يسد دينه ثم تعودان الى الاستقرار من جديد لاديون ولا مشاكل حياة رغيدة مليئة بالتفاهم واعتقد ان توصليه او تعطيه سيارتك افضل من ان تضيفي دين جديد على عاتقك أو يطيح وجهك قدام اهلك من جديد انا بصراحة مع الزوجة التي تقف بجانب زوجها وقت الضائقة ولكن عندما تكون الضائقة مقننة او هو من كان له دور اساسي فيها ولا مبالاة فلي نظرة مختلفة تماما ففي النهاية انتي اعلم الناس بزوجك وان كنتي تري انه يستحق ان تبيعي كل ذهبك له فافعلي وان كنتي ترين ان مطالبة بيعك ذهبك لا يضرك فافعلي حبيبتي ما تفتقدانه الموازنة في الامور المادية ودمتي حبيبتي |
اذا انتي حابه تعطينه .. وبصدر رحب مافيه مشكله
بس المفروض يكون الزوج هو المسؤول عن المسائل الماليه مو الزوجه .. يعني اذا نتي سويتي هالشي ووفرتيه له ؟؟ هو شنو دوره ؟؟ اسفه مو قصدي اجرحج ... صح انه مافيه فرق بين الريال وحرمته .. لكن مهما يكون هو لازم يتصرف في هالمواقف .. ومهما يكون لازم هو مايرضى عليك .. حاولي تكلمينه ياخذ قرض من البنك .. او يدبر من عند اصدقائه المقربين جداا او من عن اخوانه .. والله ييسر امورج ويفرج همك |
مرحبا اختي
اسمحيلي انتي اللي خليتية يتجرأ على ذهبك ولا ذهبك لك وليش يأخذة ويبيعة علشان سيارة احذري تبيعين ذهبك او تعطين زوجك انتي منتي ملزومة فية هو الملزوم فيك ويوم تزوج عارف انو الحياه فيها حرمة واولاد وهو مطالب ينفذ طلباتهم الرجال يوم يبغى حرمة يبي وحدة هو يصرف عليها وتحسسة بأنوثتها مو تحسسة انه الرجال وترا لو حصل وتزوج عليك تقدرين تقولين وش بيصير موقفك ؟ اولا بتموتين مرتين الاولى لان فلوسك عندة والثانية علشان المره اللي تزوجها احذري تعطينة فلوسك لو بيموت عندة اخوان وخوات خلة يروح لهم لا تخافين ماراح يخلونة ولو دخل السجن لاسمح الله ماراح يتركونة لا تخافين ابدا انتبهي ترا نبهتك اختي هذا وانتي منتي موظفة شلون لو موظفة وش بيسوي ؟؟ اللهم اني بلغت اللهم فأشهد |
| الساعة الآن 10:29 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©