|
الزواج و الوظيفة = عقدتي
السلام عليكم ورحمة الله وبركاته ..
من غير اي مقدمات ولا تطويلات احب اعرض عليكم كارثة هالأيام الا وهي الوظيفه التي ترافق الزواج يا جماعه انا اتقدم لي شخص من اسبوع تقريبا...المهم اول شرطه ان يبيها تشتغل ...سأل اهلي وقال بنتكم تشتغل؟ قالوا له لين الحين ما ردوا عليها حق الوظيفه...فاتصلت اخته يوم الثاني وقالت: اسمحوا لنا ماشي نصيب!! تعرفون ليش؟؟ عشان ما اشتغل.........انا الصراحه من شرط هالشرط وناما دش راسي هالريال..لأن اخس شي يوم الرجل يطلب هالشرط..حلاته يقولها انتي يلسي ونا بتكفل بكل شي..اهم شي تكونين زوجه صالحه وتربين عيالي صح ..هذا المهم الحين مب مهم اتوظف ولا لأ........ والله انا وايد متعقده من نفسي...لأن الناس تسأل من صوب عن الوظيفه...وحتى الخطاب صاروا يسألون عن الوظيفه...انا اعرف ان هالزمن كل شي غالي والحياه صعبه ..ونا مقدره هالشي...بس معناته ان لااااااااااااااااااااااااااااااااازم البنت تشتغل ...ولا انتو شو رايكم في الموضوع ؟؟ :rolleyes: |
فعلا صارت وظيفه المرأه تزيد من مميزاتها للزواج بحجه مساعدتها للرجل بالمصاريف
حتى اصبحوا يشترطون ويعتمدون على هذا الشي عند اختيار الزوجه وكثيييييييييير ما اسمع عن قصص .. ان المرأه اذا امتنعت عن مساعدة زوجها بمصاريف البيت من راتبها قصر عليها بمصاريفها اي ان الرجل اللذي لا يستفيد من راتب زوجته يقصر عليها بواجباته سمعت اكثر من وحده عن هالموقف بالذات تقول ان زوجي سال عن وظيفتي قبل زواجنا وكان موافق على مساله اني اشتغل ومقتنع بمبدأ وجود خادمه بالمنزل وضرورته ولكن بعد الزواج عودته بان راتبي لي ولمصاريفي الشخصيه فقط لما ادرك انه غير مستفيد من هذا الراتب امتنع عن دفع راتب الخادمه وقال اذ لم تدفعي انتي راتبها فاتركي الوظيفه واشتغلي بالبيت عوضا عنها |
اعتقد بأن مسؤليه المراه عن مصاريفها الشخصيه من راتبها يعد ذلك مساعده عظيمه لزوجها
فقد ارتاح من حمل كبير من ناحيه اعطائها مصروف او التكفل بمصاريفها هذا بحد ذاته مساعده وكافي وجزاها الله الف خير .... يريدونها تساعد بمصاريف البيت ايضا ؟؟ شي غريب والله |
للأسف أصبح الكثير من الرجال أو بالأصح أشباه الرجال يرغبون في المرأة لمالها وكم أحتقر هذا الصنف من أشباه الرجال ,,,فليذهب مثل هؤلاء الرجال لا أسف ولاندامة عليهم
ونصيحتي لكل الفتيات وبالذات الموظفات منهن إذا شعرتي أن من يريد الزواج بك يريدك لوظيفتك فأهربي وفري فرارك من المجذوم نسأل الله السلامة والحمدلله الذي نجاكي من الماديين أشباه الرجال ولارجال |
صباح الخير
اختي لا تزعجي نفسك بالموضوع لان الريال الي يبيج بيشتريج لو تميتي طول عمرج من غير وظبفة والي يسال عن الوظيفة هو ما يبيج انت لكن محتاج حق الراتب اي بتستلمينة كل شهر ... الهم ارزقها الزوج الصالح ... |
مو دايما الرجل يقصد من وراء خطبة الموظفة الانتفاع بفلوسها ..
يمكن مايبيها فاضية طول الوقت .. وحتى لو طلبها عشان مالها مافيها شي .. احنا عايشين زمن صعب وغالي..الزوجين لازم يتعاونون على المصاريف .. بعدين جا في حديث عن الرسول عليه السلام ..ان المرأة تخطب لامور عدة من بينها مالها يعني لاتسيئين الظن في الرجل عشان يبي موظفة مافيها شي ..هو مو نصيبج وانت الله يرزقج باللي يصونج يارب |
الاخ محمد هيا ..
النقاط على كلمتي (الوجوه - الجاه) في توقيعك من الخطأ وجودها فهذي هاء وليست تاء مربوطة ,, كما ان الها في الكلمة الأخيرة لاضرورة لوجودها ..كلها اخطاء إملائية لذا وجب التنبيه وشكرا |
عفواً .. يُنقل للمكان المناسب .
|
حبيبتي مش غلط انو الزوج يحب زوجته متوظفة لكن انو مجرد حب وليس لدرجة يرفض ويقبل الزواج عاساس الوظيفة
وعموما الرجال الي هيك مااااااااابدك اياه عنجد سيبك منو انا لماكان يصير معي هيك كنت اقول روحو بلا رجعة مابدي هالاشكال سكة الي تودي ماتجيب عراي اخوتنا المصريين شوبدك في هالاشكال خليكي قاعدة في بيت اهلك مستتة معززة لما يجي واحد يستاهلك يحبك ويصونك وبدو اياكي عشانك انت مش همو الاول والاخير الوظيفة الله يرزقك يارب |
عزيزتي..
أتفق معكِ أن ما فعله هذا الشاب يعتبر صراحة فجة. ولكن.. انسي هذا الشاب قليلاً ولنفكر بشكل أعم. الأمر بشكل عام يعتمد على الرجل المتقدم .. وعلى مميزاته الأخرى من التزام ديني وأخلاقي .. وأيضاً من أطباع ملائمة لكِ .. فإن كان على المستوى المطلوب بالنسبة لكِ .. وشعرتِ معه بالألفة والقبول .. بالإضافة إلى رغبتكِ أصلاً في العمل .. فلا أرى ضيراً من قبوله والتعاون معاً في بناء حياتكما الزوجية المشتركة .. شرط أن يكون ذلك بعد نقاش واتفاق قبل إتمام الزواج حتى تكون الأمور على بينة ولا تتفاجئي في المستقبل بمتطلبات أخرى لم تكن مطلوبة منكِ .. وطبعاً مع إظهار بعض المرونة بما يتناسب مع الموقف. أما إن لم يوجد قبول ورضا .. أو أنكِ لا ترغبين في العمل أساساً بعد الزواج فلا تقبلي بطبيعة الحال. ولا تشعري بالضيق يا عزيزتي .. فالحياة تجارب .. وادعي الله أن يعوضكِ خيراً منه. وفقكِ الله لما تحبين. |
أنا أعتقد انه الوظيفه للمرأه جدا ضروريه لانه فعلا الزمن اتغير وكل شي غالي على الاقل المرأه تتعاون مع زوجها ولكن صعبه الرجال يتزوجك عشان راتبك
تقبلي مروري |
اولا اشكر عضو عضو على كل كلمه ...وعلى المشاركه الحلوه والكلام الأحلى
بس بعض الأخوان فهموني غلط شوي..........اوكي مب مشكله يسأل عني اذا اتوظفت ولا لأ..بس مب معناته يخلي الوظيفه الأهميه في مسألة الخطوبه...على الأقل يسأل اذا انا متحجبه عدل.؟ يعني من هالقبيل ..امور دينيه واخلاقيه ...عقب بنلجأ للوظيفه...بس سبحان الله مع الاستخاره حسيت انه انسان بخيل...وحتى من شفته نظره شرعيه...ماعرف كيف ما حبيته استغفرالله ...... انا اتمنى زوج المستقبل يتزوجني بذاتي ..يعني يعرف انا منو وبنت منو عقب يتزوجني مابي عشان اتوظف ابيه يخليني ملكه في البيت :d ..هههه... خلاص قلت حق امي مابي اتزوج عن طريق فلانه ولا الناس اللي يعرفني ايي بيتنا...... شو نسوي اذا عن طريق الناس ما يعرفون عني شي واطلع ضد المواصفات اللي يبونها ...;) تسلموووووووووووووووووووون جميعا والله يجزاكم الجنه |
الله يعوضك ان شاء الله بواحد احسن منه وصدقيني مو كل الرجال مثل نظرته الله يوفقك ويرزقك بزوج الحلال اللي يحبك ويعزك ويصونك |
غريبه ..
انا فكرته انه رفض بسبب انك تشتغلي .. لا عادي في كثير واغلبهم يبغو الحرمه بالبيت .. عادي لاتتعقدي ولا شي .. بالعكس ربي فكك من واحد تفكيره مادي .. يعني بالله هاذا العريس ماحد بباله ان الوظيفه بتجي بإذن الله .. غريب تفكيره والله !!!!! ولا يهمك حبيبتي بالعكس احمدي الله انه صرفه عنك واحد تفكيره جدا جدا سطحي .. وليه ماتدوريلك وظيفه تشغل وقتك ؟؟ |
روز الشرقيه : آمين ...ومشكوره حبيبتي على المشاركه والدعاء الطيب ^_^
العام:: صح والله ..الحمدلله.......انا ما احب حد يبيني عشان الوظيفه والله العظيم قدمت في مليون مكان لين الحين محد رد علي عشان الوظيفه بس فالحين يسوون لي مقابلات ..وصورة جوازي انتشرت في كل انحاء الدوله عشان الوظيفه ههههه حفظوني الناس ..شو نسوي كل شي بيد الله ...والله كريم ان شالله ;) عموما مشكور على دخولك للموضوع ومشاركتك للقضيه ........... : ) |
مرحبا حبيبتي موعيب ان الزوج يطلب زوجه موظفة لــــكــــن العيب انه لما يجي وقت الخطبه ويسأل هذا الغلط المفروض يكون سائل عن الوظيفة اذا هي مهمة عنده ما يحرج نفسه ولا يحرج اهلك بالسؤال وقت الخطبة المفروض يكون عنده معلومات كافية عن البنت اللي بيخطبها ما اقول ألا رااااح زمن الرجل اللي يصرف على المرة ويعزها في بيتها الحين وقت المرة اللي تصرف على الرجال موفقة حبيبتي |
الشكوى لله
الحياة صعبة مومثل اول سوي مثل مايبغى مجتمعك وتزوجي نصيحتي لك العمر يمشي ^^ ^ نصيحة عانس سابقة:26: |
انا بصراحه ما ايد هذا الشي
انا زوجتي تموت وتطلب الوظيفه وانا امنعه اقول لها مافيه جلسي في البيت انا الرجال مو انتي انتي مكانك البت ارتاحي والله العطيم طلبت مني تبي تشتغل اكثر من 50 مره وانا رافض هذا الشي نهائيا وفيه ناس الله يعلم شنو نيتة من وظيفة زوجته والله يكون بعونكم |
عاد لا تلومونهم الحياة صعبة و كل وحدة تتمنى تساعد زوجها
|
انا اسمع ان الوظيفه صارت من المميزات وكلن يدور عنها
بس مااشوف اني استفدت من هالنقطه بما اني موظفه ولله الحمد بصراحه الرجل اللي يبحث عن وظيفة المرأه ماعنده سالفه والبعد عنه غنيمه ممكن يفضلها موظفه لكن يرفضها عشان وظيفه بس؟ الله يعوضك باللي احسن منه اذكر وحده من البنات تسألهم ام الخاطب بنتكم موظفه رسميه ولا لا ويوم دروا انها مو رسميه اعتذروا عن الخطبه سبحان الله اختلفت مقاييس الناس ونظرتهم للامور |
انا مثلك..والله تعقدت جدا من هذا
وخاصة ان معروف عندنا في بلاد الغربة..كل من يأتي بلا استثناء يكون هذا شرطه!!! تصوروا ان احد مرد كان ما عنده لا أوراق (اقامة) ولا مال ميزاته كانت معنوية...وكان يشترط اني اشتغل واصرف عليه وعلى اهله!! ورفضت والكل لامني تصوروا..حتى النساء لاموني حسبي الله ونعم الوكيل ما هذا الزمان التعيس؟؟ والله ياست ان تكون عندنا في الغربة رجال طيبين ولا يريدون شيء مادي منا |
شرط عجيب غريب !!
يعني لنفرض هو يبغاها تشتغل, مافي داعي يوضح السبب : S شين و قوي عين مع اني كنت أتوقع ان الموظفة يبعدوا عنها |
يا بنت الحلال صارت معي
أنا توظفت فترة ثم تركت لظروف لما عرفوا أني تركت الوظيفة تراجعوا عن الخطبة تدرين هم الخسرانين و أنا الربحانه لأن تفكيرهم استغلالي |
اقتباس:
اما بنسبة ان الخاطب يشرط موظفة فبصراحة !! يريدها تتحمل مسولية نفسها وتنفق على نفسها وما تطلبه فلوس هذا الي يتضح لي ! او عشان تساهمه وتساعده في النفقة والبيت او تكتفي بمستلزماتها الشخصية بس انتِ حبيبتي لا تتعقدين ابدا وإذا انت مو موظفة والشاب يشرط موظفة انت ماخدعتيه انت وضحتي انك غير موظفة ربة بيت وهو شكله مصر وملزم على بنت موظفة ! لهذا ما تناسبينه ولايناسبك وربي بيعوضك خيرا منه |
والله يأختي الفاضلة
في شباب يهمهم الجانب المادي ويقول اذا تشتغل يعني ريحتني من مصاريفها وبصراحة هالنوع من الرجال مب قد المسئولية وغلط يفكر جذي لأنه هذا مب سبب عشان يرفض البنت ونا بعد ماحب هالنوع من الرجال ؟؟!! وفي شباب مدخولهم ضعيف ويبون مساعدة زوجاتهم أممم أما أنا من النوع الي مأحب زوجتي تشتغل والحمدلله الله وفقني مع بنت توها فلجاامعة وإن شاء الله تدرس وتخلص وبيكون عندها كم طفل فبقنعها انها تقعد فلبيت ونا بصرف ومب لازم تتوظف وحتى لو تتوظف فلفتره بسيطة عشان تحس بكبر المسئولية وتقتنع فكلامي :)،،، والحمدلله مدخولي قوي ومانحتاج لوظيفة زوجتي . والله يرزقج ويرزق كل خواتنا رجل طيب وصالح يارب |
بصراحه مدري بس من جد هي مشكله انا مو متزوجه بس كل الي يتقدموا ماقد طلبوا هالشرط ابدا وزي مافي طيب ياختي فيه الباطل وانشاءالله يجيك نصيبك لين عندك ويكون ولد حلال مو استغلالي
|
يمكن في بعضهم هذا شرطهم وحتى لو الواحد تزوج موظفه راتبها لها وهو يصرف عليها وهاي اللي حاصل معاي والحمد لله ويمكن في البعض مدخولهم بسيط ويتساعدون يالله الله يعين الكل
|
تسلمووون جميعا...اخواني واخواتي العزيزات...على ردودكم الطيبه...وخاصة انكم واقفين معاي
بالنسبه للأخ الدوحه -قطر...يالله الله يوفقك ان شالله مع البنت....والصراحه كلامك كلام ريال....ماشالله تبارك الله...المفروض يكون هذا تفكير الرجل...انا اللي اعرفه ان الرجل ما يحب زوجته تشتغل وتختلط بالرجال يعني في شوية غيره.......يالله الحمدلله على كل حال...هم وانزاح واشكركم مرة ثانيه ^_^ |
| الساعة الآن 10:11 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©