|
تكفون ابي حل لاني احس اني حياتي تتحطم..
اكتب هذا اليوم عن هم اقلقني منذ ملكتي قبل ثلاثة اشهر.....
وهو البرود لدى خطيبتي حيث طلبت منها اننا نكلم بعض يوميا في اوقات غير محدوده ولمده قصيره لكنها طلبت مني ان تصبح المكالمات مره او مرتين في الاسبوع وقد كان عذرها هو (عشان نشتاق لبعض اكثر) وان يكون التواصل بيني وبينها بالمسج طوال الاسبوع فقط... حتى في بعض الامور لااستطيع شرحها بالمسج وارسل لها اني اريد ان اكلمها فترفض وتقول لي اجلها الى موعد المكالمه!!!!! حتى في مواعيد الاتصال بيني وبينها لاارها متحمسه للاتصال وغير مهتمه وتعتبره كنوع من تأدية الواجب وجبر الخاطر لي انا ولو اقول لها نأجل المكالمه هذا الاسبوع الى الاسبوع الذي يليه تقول عادي خلاص نأجلها فحسيت بانها تتهرب من المكالمه وتحاول قدر الامكان الغائها او تاجيلها... حتى مره سافرت الى مدينه اخرى بعيده عن طريق ( البر) واخبرتها عن طريق المسج باني سوف اسافر الان فقالت لي بكل برود وعن طريق المسج ايضا (استودعك الله وتوصل بالسلامه)..... فحزنت كثيرا لانها لم تكلمني وتسمع صوتي قبل ان اغادر في طريق محفوف بالمخاطر وقد اصل بسلامه او لااصل ...وكان عذرها عندما اخبرتها بحزني و زعلي عليها انها لم تعودني على الاتصال بي وتتعذر بالحياء ؟؟؟ .... حيث انها من ملكت عليها الى اليوم لم تتصل بي من جوالها ،،، فقط انا من يقوم بالاتصال بها وتحديد المواعيد للمكالمات الاسبوعيه معها.. حتى اني سألتها ان كان اهلها يضايقونها او يمنعونها من الاتصال بي فقالت لي بالعكس اهلي هم الي يحرصون على الاتصال بيننا ويسألوني دائما عنك... او إن سواليفي ماجازت لها فتقول بالعكس انا كل يوم استفيد منك واتعلم !!! ... فاصبحت تاخذ اخباري واخذ اخبارها عن طريق المسج فقط؟؟؟؟؟ فهل هذا يعقل واعتبر انني حساس جدا وان الهدف من هذا هو زيادة الشوق بيننا ام انها باردة العواطف .. تكفون ابي حل لاني احس اني حياتي تتحطم.. افيدوني جزاكم الله خيرا.. اخوكم/ابويزيد |
الاخ الحبيب ابو يزيد شوف للاتتحطم ولاشي هذا طبع البنات الحياءلابعد الحدود وانا اعرف قصدك انك تبي توخر الحياء صدقني عطها فرصه خلك ثقيل شوي بس ارجع كلمها على الحب حسسها بالامان وبتشوف اش يصير ان شاء الله بتكون معك من احسن ما يكون والله يوفقكم للخير سوا وشكر
|
ماهي ظروفها في البيت ؟؟
هل هي قريبة لك ؟؟ هل سبق ان تقدم لها شخص آخر قبلك وتم رفضه ؟؟ |
شوف يااخى امر خطيبتك من اتنين
اما ان احد قبلك اتقدم لها وهى تحبه او تحب شخص اخر او خجولة لحد كبير وياريت ماتتحطش لانى نفس الوضع مع خطيبى وجننته مش ثلاث شهور لا 7 شهور بسبب الحياء وانت اتبع نصيحة الاخ ad1001 وكلها فى الحب وخليها تتقرب منك وتزيل الرهبة بينك وبينها البنات دايما خجولين وصدقنى بعد الزواج بتشوفها قنبلة تتفجر فى وجهك من الحب هى مدخرة الكلام الحلو كله لما بعد الزواج |
شوف عمر الرومانسية ماجت بالقوة يا ابو يزيد انت رومانسي اوكي هي شو ذنبها يعني ؟؟؟؟؟؟؟
عطها فرصة عشان تعبر عن رومانسيتها براحتها ؟؟؟ بقول لك شي عن تجربة وصارت لي انا دايما معروفة بين الناس اني دفشة ومش رومانسية وانخطبت لواحد اعوذ بالله من رومنسيته يقطر رومانسية تعرف هو اللي علمني اياها ببرود يعني مثلا صار يقول لي حبيبتي اكثر من اسمي خلاني احس انه هذي الكلمة مش عيب ( نظرة المجتمع والعادات عندنا تحسسنا انه هذا الكلام عيب) وصرت انا ارددها بدون ماادري وبعدين اطور صار يتفداني وانا بعد لين ماصرنا نبتادل الكلام الرومانسي بشكل كبيييييييييييييير وحلو والله انه حسسني انه الحياة رومانسية عودها على الرومانسية كلمها اذا هي حددت لك انت لاتروح على اللي تحدده لانه صدقني انا كنت جذيه مااتصل فيه واتعذر باي شي بس كان هو يتصل بي واااااااايد >>>>>>اتصل بها اكثر من مرة قول لها كيفي انا احبج واريد اكلمج في اي وقت انتي حلالي وطرش لها مسجات غرامية (بدل نشرة الاخبار ) وحب يعني بين فترة وفتره طرش لها كلمة احبج او اموووووووت فيج صدقني بتحس بيصير هذا الكلام عندها عادي لكن اياني واياك تخليها بكيفها يعني اقصد انه المرأة تستحي بطبعها فلا تخليها تستحي منك يعني حسسها انه هذا الشي يسعدك ويخليك مستانس ( والله والوناسة عاد باجر بتمل منها ) هههههههههه وبس يعني خلك وراها وراها ؟؟ فدييييييييييييييييييت خطيبي انا يعني ماخلا منه والله انه هو اللي علمني صدقني .......................علمها شلووووووون تحب |
هل هي متعلمه
هل هي طالبه هل هي موظفه كيف الحاله الماديه عند اهلها هل انتم من نفس المنطقه هل انتم من نفس البلد هل كل واحد فيكم بمنطقه او ببلد كيف تمت الملكه وشكرا |
من الاخطاء الشائعه عندنا معشر النساء من يبدء بالحب؟
فاغلبنا يعتقد ان الرجل هو اول من يحب هو اول من يطلب هو هو هو هو وهذامن الناحيه العاطفيه لكن الحب والامور العاطفيه بجميع اشكالها امر ممكن ان يعلمها الزوج للزوجه والعكس ولا عيب في ذلك والدليل كما تكلمت الاخت دبووبه اذا صح الاسم وانا انصحك بما قالت وشكرا |
Ad1001
الله يعطيك العافيه وماقصرت طمنتني وراح اطبق اللي قلته وان شاء الله يروح الحياء اللي بيننا الله يجزاك كل خير Hant ماهي ظروفها في البيت ؟؟ من افضل مايكون ولها شخصيه قويه ماشاء الله عليها هل هي قريبة لك ؟؟ من بعيد عن طريق الوالد وابوها هل سبق ان تقدم لها شخص آخر قبلك وتم رفضه ؟؟ تقدم لها كثيرين لكن هي اللي رفضتهم( ركز انها هي اللي رفضتهم مو اهلها ) وانا في انتظارك طيور المحبة الله يعين خطيبك 7 شهور اشوفها كثيره جدا .... لا عزيزتي اتوقع الحياء مثل ماقال اخونا ad1001 وانتو يالبنات لو تخففون من الحياء الزائد لان خير الامور اوسطها لكن...... ومنكم نستفيد جزاك الله كل خير..... Dbooh انا معك اختي لان الرومانسيه ماعمرها جت بالقوه لكن لابد من تبادل الشعور بيننا على الاقل يعني الرومانسيه من طرف واحد متعبه جدا انا ماني طالب منها تتساوى معي في طرح عواطفها تجاهي لكن تعطيني لو القليل .... وفيه نقطه انتي ذكرتيها تقولين كلمها بين فتره وفتره هي اصلا ماعطتني فرصه كلما ارسلت لها رساله ابي اكلمها تتعذر وتقول وش السبب وبعدما اشرح لها السبب تقول اجلها الى موعد المكالمه.. واللي بيني وبينها الرسايل وماشاء الله عليها شاطره وسريعه في كتابة الرسايل... الله يجزاك خير وطمنتيني اكثر ونشوف النتايج ان شاء الله وشكرا لك على طرح تجربتك والله يخلي لك خطيبك لاعدمناك بلوبيرد هلا اخوي هل هي متعلمه هل هي طالبه هل هي موظفه مدرسه وهذي السنه الاولى لها كيف الحاله الماديه عند اهلها؟ ماشاء الله فوق المستوى وحالتي وحالتها الماديه مثل بعض هل انتم من نفس المنطقه ؟ نعم هل انتم من نفس البلد؟ نعم كيف تمت الملكه؟ بحفل اسطوري ومميز بانتظار ردك حبيبي معالم طريق ماذا نفعل فيكم ايها النساء ياعالم حواء انا معك المفروض نحن من يبدأ لكن لابد من التفاعل من الطرف الاخر لكن اين الرومانسيه التي اشتهرن بها النساء فهل تعتبري ماحصل لي نوع من الرومانسيه او مايتستر خلفه النساء بالحياء لكن لكل شيء حدود... لاعدمتك بارك الله فيك وجزاك الله كل خير تحياتي لكم جميعا اخوكم/ابويزيد |
اخوي ابو يزيد .. انت رومانسي وااااايد و واضح انك تركز على اشياء و مواقف و اتم تفكر فيها بينك و بين نفسك و البنت مسكينة اصلاً شكلها ما انتبهت !
اقول لك شي ترا بعض الرومانسية تصير لزقة تنفر البنت خاصة اذا كانت خجولة او مو متعودة على كلام الحب و حركات المخطوبين و سوالفهم يمكن تكون فعلاً مو حاسة اتجاهك بأي شعور ترا كونها صارت خطيبتك مو يعني تذوب في دباديبك مني و الطريج! لازم شطارتك انت و كلام حلو و حركات و ضحك و سوالف و جو يخليها تشتاق تكلمك و اشوي اشوي راح تحب سوالفك و تصير هي الهذرة و تدق 24 ساعة . ربنا يوفقك . |
اخوي ؟!..!؟
بالفعل انا رومانسي واااااااايد لكن اتوقع ان البنات اكثر رومانسيه من الرجال في الغالب.... وكذلك بالنسبة للخجل.... الى متى يستمر هذا الخجل ؟؟؟؟؟؟؟ اشكرك حبيبي على إبداء رايك في مشكلتي وجزاك الله كل خير لاعدمناك --------------------------------------------------------------- على فكره اليوم كلمتها وبعد شق الانفس بعد ماتحايلت عليها و اثناء المكالمه قلتلها انها تكلمني بدون ما اطلب منها باي وقت ردت علي وقالت : ما اقدر (استحي) الى متى هذا الحياء؟؟؟؟؟؟؟ جاوبوني يامعشر البنات الى متى يستمر هذا الحياء؟؟؟؟؟؟؟ بأنتظار ردودكم شاكرا لكم مقدما اخوكم/ابويزيد |
يا اخي هون عليك
[size=2
]يا اخي هون عليك [/size]3 انا من رايي ووفققك الله ازا كنت انت تكن لها هزا الحب الكبير وانت انسان مرهف الحس كما تقول اخبرها بما كتبته لنا في المنتدي وصارحها حتي تنتهي من هزا العزاب الزي تعيشة انت ولا تعيشة هي .اخبرها واشرح لها حالتك النفسية بع ان تستجمع شجاعتك وقل لها انها انك تحتاج لاهتمام اكتر او لا تقل لها واتقل عليها زي ما هي بتتقل عليك ولا تكلمها لفترة طويلة المو ضوع معاك يا صاحبي :d |
ايوة فعلا اتقل عليها شوية يمكن تحس بيك لكن اكيد هى خجولة والمفروض دة يسعدك والله انها اول مرة تسمع من شاب وحدة وحدة وهاتكون كويسة بس انت اصبر
|
أخي الحبيب .... ابو يزيد
تحيه عطرة .... الأمر الأول .... استعن بالله ولا تقلق .. هذا الأمر طبيعي جداً ان يحصل منها .. الأمر الثاني ..... هي تقول لك (عشان نشتاق لبعض اكثر) قد تكون صادقه في مشاعرها واحاسيسها ... فالمفروض منك ان تقول مافيه مانع ولكن قلها لها من ناحيتي انا مشتاق لك دائماً . الأمر الثالث ...... انت تقول (حتى في مواعيد الاتصال بيني وبينها لاارها متحمسه للاتصال وغير مهتمه) هذه طبيعة الفتاه وقد يكون قصدها عدم احراجك او انها لا تريد ان تكون هي التي تحتاج اليك ولكن انت من يحتاج إليها .. (((((فقالت لي بكل برود وعن طريق المسج ايضا (استودعك الله وتوصل بالسلامه))))))).... اخي العزيز هذا هو الرد الصحيح من فتاه خلوقه مؤدبه صالحه .. ويكفي منها انها قالت استودعك الله فهذا الكمله بحد ذاتها عظيمه ورائعة منها وتشكر عليها . -- اخي هذه الأيام لالالالالا تشكي لها كثيراً وتبين مافي خاطرك من عتاب عليها ... وعندما اعتذرت لك بالحياء فهي على حق .. (((((( حيث انها من ملكت عليها الى اليوم لم تتصل بي من جوالها ،،، فقط انا من يقوم بالاتصال بها وتحديد المواعيد للمكالمات الاسبوعيه معها)))) يا أخي العزيز هذا تصرف طبيعي جداً انها لاتبادر بالأتصال عليك في هذا الأيام ... وطبيعي انك انت الذي يحدد المكالمات لانك انت الرجل والمراءة دائماً لا تبادر . (((((((( او إن سواليفي ماجازت لها فتقول بالعكس انا كل يوم استفيد منك واتعلم !!! ...))) يكفي منها هذا العبارة الرائعة والجميله .. وهذا اكبر دليل على انها تحبك ... ((((((((( فهل هذا يعقل واعتبر انني حساس جدا وان الهدف من هذا هو زيادة الشوق بيننا ام انها باردة العواطف ..)))))))) نعم يعقل ولكن قد تكون انت حساس نوعاً ماء .. والهدف صحيح هو زيادة الشوق كما ذكرت ... واقولها لك انها ليست باردة العواطف كما تزعم ... ((((((( تكفون ابي حل لاني احس اني حياتي تتحطم..))))))) هذا عبارة قويه من رجل مثلك ... انت رجل شجاع ويبدو انك رومنسي جداً وفي نفس الوقت حسااااااااااااااااااااااااااااااااااس جداً الحياة تتحطم إذا ماكلمتك زوجتك او إذا ارسلت لك رسائل .. اخي العزيز هذا هو عين العقل من فتاه ناضجه مثل زوجك وفي القريب العاجل ان شاء الله ستتغير نظرتك لها تسعين درجة وتقول انك على خطا وانك استعجلت في الحكم عليها .. اخي طبيعي منها ان تكون خجوله وطبيعي كذلك ان تكون انت من يبادر الأتصال والسلام والرسائل لانك انت الرجل ... عموماً ......... لا تخف وان شاء الله انك على خير ... ولكن عندي لك نصيحه وهي : 1 - عندما تتصل بها حاول ان تثني عليها في كل شي وحاول ان تسمع لها وهي التي تتكلم وليس العكس .... 2 - اجعلها هي التي تحدد وقت الأتصال وليس انت ... 3 - بادرها بكلمات الحب في مسجاتك وبعض الرسائل المضحكه والأخبار الجديدة .... وقلل قدر المستطاع من رسائلك ... 4- حاول ان تعرف ماذا تحب هي وماذا تكره .... 5 - حااااااااااول قدر المستطاع ان تجعلها هي التي تتمسك بك وهذا يعود إليك ... 6 - اسألها عن الوقت الذي ترتاح إليه واتصل عليها فيه وحاول قدر المستطاع ان تكون المكالمه اقل من عشر دقائق ... 7 - حاول في اكثر اتصالاتك ان تبين لها انك مشغول وانك متصل لأجلها . 8 - أجعلها تحدد لك موعد للمكالمه وحاول ان تنسى هذا المكالمه واتصل عليها في وقت اخر وبين لها انك كنت مرهق ونسيت .... 9 - لا تنسى موضوع الهدايا .. عموماً يبدو اني ازعجتك بكثرة ملاحظاتي ولكن بعض العبارات لا تنجح إلا عن طريق التحدث وجهاً لوجه .... اتمنى اني وفقت في طرح بعض الحلول الوقتيه لك واتمنى لك حياة سعيدة وموفقة .. ولك شكري وتقديري ،،،، |
السلام عليكم ورحمة الله وبركاته ..
الأخ الغالي أبو يزيد : اولا بارك الله لكما و عليكما وجمع بينكما في خير .. ثانيا : انا يا أخي العزيز اعاني من خجل خطيبتي ايضا و أشعر احيانا بالضيق من ذلك الامر ولكن دائما ما اسمع من جميع من سألتهم عن موضوع خجل البنات في فترة الملكه انه خجل عارض يزول بعد الزواج بفترة بسيطه يمكن خلال او اسبوعين او ثلاثه و الله اعلم و أعتقد و الله اعلم ان برود زوجتك هو بسبب الخجل الزائد .. ولذلك انصحك اخي الكريم.. بأن تشعرها بحبك لها حتى تتيقن من ذلك ومن ثم صدقني راح تتعلق فيك و تصير تسأل عنك بشكل تلقائي حتى لو بالمسج ولا تنتظر ان تبادر هي بل انت كن المبادر دائما .. و حاول ان تكون صريحا معها ولكن صراحة محب و يتمنى النتيجة الرائعه وليس صراحة شخص مبغض لها يريد التشفي و رد الصاع لما فعلته .. و دائما اسأل الله التوفيق و تقبل أطيب تحية مني : أنـا الألـمــــــاس |
بسم الله الرحمن الرحيم
الهدف من فترة الخطبة هو التعارف الكافي لاتخاذ قرار الاستمرار في الارتباط بهذا الزوج أم لا، فعي فترة تجربة للطرفين والعائلتين وهذه التصرفات لا تكفى وحدها للحكم، لا تعقد أو تكثر من عقد المقارنات بين خطيبتك وبين ما تشاهده هنا من جرأة بعض البنات، فهذه غالبيتها من زوجات عندهن الخبرة الطويلة فلا بد من الصبر على الخطيبة ، والرضا بما قسم الله لك. و عليك بالدعاء أولا بالتوفيق ثم التدرج مع خطيبتك فأنت متعجل ومتلهف وهي مبتدأة ، أو غشيمة وخجولة وبحسب تجربتي المرأة الملتزمة والخجولة يفضلها الرجل والحياء من الإيمان، واحمد ربك على أن هذه الصفة متوفرة فيها ويتدرج معها ولا تقلق ، فبعض النساء ظلت لا تعرف أشياء كثيرة حتى بعد الزواج ، ثم الخطيبة تريدك متشوقا دائما لها وهذه خطة جيدة والله تعالى أعلم أخوكم المحب الناصح أبو همام |
بسم الله الرحمن الرحيم
اخوي هد اعصابك ترا عادي البنات يسوون كذا وقت الملكه لانهم فعلا يستحون و بعدين الحياء من الايمان اصلا لو كانت جريئه و عادي تدق عليك طوال اليوم و تسولف معك من غير اي حياء كان انت نفسك راح تستغرب من جرأتها مع رجل لسا ما صار معها في بيت واحد و لا تمون عليه زي اهلها معليش بدون زعل بس ترا لسا ما امداها تاخذ عليك و هذا شي طبيعي.... لكن مع الوقت راح تتجرأ شوي شوي و فيه شي ثاني .... اكرر و اقول يا بنات ابعدوا عن نصايح الحريم ترا ثلاث ارباعها خرطي انا نفسي وقت الملكه كانت تجيني نصايح غبيه اعدد لك بعضها: - خليك ثقيييييييييييييييييييييييييييييييييييله لا تبينين انك منهبله عليه ترا يصير ما يعطيك وجه. - لا تكثرين الكلام عشان يشتاق لك و تصيرين دايما في باله. - من جد وحده قالت لي كذا: الوحده لازم تسوي نفسها زي الهبله ما تدري وين الله حاطها عشان يحس انها بريئه(الظاهر باين ان اللي تسوي كذا و تصطنع البراءه ليست فعلا بريئه) و هكذا لكن الله اعلم ان زوجتك صغيره و من جد تستحي .... احسن انك تراعي هذا الامر و لا تقسي عليها لانها .. راح تطفشك من كثر الكلام بعد الزواج هههه.... |
| الساعة الآن 03:46 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©