|
أربع سنوات وخيانة لم تنتهي !
السلام عليكم ورحمه الله وبركاته هذي اول مره اشارك بالمنتدى واتمنى انكم تساعدوني بحل لمشكلتي الازليه وهي خويت زوجي قبل الزواج تزوجت من اربع سوات وكانت حياتي حلوه عايشه براحه معاه وحب اعجز عن وصفه وحملت ولدت وكان مر على الزواج سنتين وفجاءه اشوف ان زوجي لازال مستمر يكلم خويته قبل الزواج تضايقت وزعلت وهاوشت بس ماخليت احد يتدخل بيني وبينه (وانا ما احب احد يدري وش مايصير ببيتي من اهلي واهله) ووعدني وتاسف وقالي انه ماكان يعرفني وانه الحين بدى يحبني ومن هالكي وصدقته وعلى طول سكرت الموضوع وتناسيته واستمر يكلمها وانا مااعرف ولا ادري ولا حتى شكيت بس سبحان الخالق قلبي ماكان يرتاح بس كنت اقول بليس يبي يخرب بينا وبعد مده اشوف بسياره ضرف فيه اوراق مشققه استغربت انه مارماها اخذتها ابرميها وابي اتاكد اننه شي مو مهم الا افاجاء بانها فاتورة جوالها وفيها رقم زوجي وبتاريخ قريب قلت يمكن هي تبي تبتليه ودورت فاتورته ولقيها لقيت اوقات اكون جالسه معاه وبسفر وهو يغازل للاسف خويته وقلت له ابي اطلق فانجن وجلس يقولي انه انتي انشغلتي مع ولدي وتركتيني و.و.و. الخ من هالكي مع العلم ان ولدي ماكنت اخليه عندي طول الوقت مع ام زوجي او امي احس اني ماعطيته حنان ولا حتى يعرف اذا انا امه او ام زوجي وسبحان الله تمر سنتين وانا حامل اكتشفت ان زوجي متغير علي مايجيني ابد ولا يلاطفني استغربت وتعذر انه انتي حامل واخاف يعني يصير شي ومن هالحكي وقتها الشك لعب فيني لانه بحملي الاول كانت عندي مشاكل وماكنت تمنعه عني وحملي هذا الحمدلله مافيه شيي وطبيعي مشيت الموضوع خليته على راحنه وعلى اعذاره اللي مطلعها لاني تعبت بصراحه مره مره وفكرت بعيالي الحين ثنين ادمر بيتي عشان مين وسكت وادخل غرفته بالبيت ابي اخذ منه فلم وياسبحان الله الوقت اللي دخلت فيه دقت خويته على الثابت حقه واشوف رقمها من الصدمه رفعت السماعه وكلمتها وصار بينا حديث وقالت انهاماكلمته الايوم قال انه طلقني انها توعدني ماراح تكلمه ولا راح ترد عليه ابد ومن هالحكي بس اني ابعد زوجي عنها ومن غبائي صدقتها وولدت الحمدلله ولارحت عند اهلي رفضت بقوه الا نفاسي يكون ببيتي والله ثم والله تخيلو اني بالبيت ولا هو عندي يجلس بالمجلس حقه بالساعات ولا يفكر حتى يقول كيفك وش صار فيك ولا يشوف ولده او يشيله بس جالسه مع اولادي وهو لحاله كل هذا ما اهتميت قلت يمكن لاهي مع اصحابه شي ابي اهون على نفسي وتبعد شهر واخلص نفاسي تعب ولدي الصغير وطلبت اني اروح للمستشفى قال طيب وشاله وطلع ونسى جواله عندي وللمعلوميه دايم يحط رمز القفل وجواله مايخليك تشوف المتصل ولا شي اذا حط الرمز وبصدفه نسى يحط الرمز وقلت ابشوف ابي ابعد الشك اللي ذابحني مع العلم اني واثقه انه مايكلمها بس ابي نفسي تقتنع ويوم فتحته انصدم بثاني رقم تحت رقمي رقمها وادخل الرسائل اشوف رايل منها وادخل المرسله اشوف زوجي وحبيبي كاتب لها كلام كنت امووت اسمعه او اشوفه بمسج منه ودلع انا يازوجته من اخذته مادلعني مثل كذا مت اذا انتم تعرفون كلمت تموت وانت حي من جد مت وانا حيه احس قلبي انقتل اللي بقلبي له احسه خف بشكل غير طبيعي ونزلت له بالسياره ومعي الجوال ووريته المسج ولا حكيت بكلمه توقعون ايش قال قالي من سمح لك انك تفتحين الجوال شفت قلت ادب بس كذا ماشفت مارديت ومشى رحنا المستشفى ولا كاني مع الناس زي المجنونه امشي ولا حاسه بشي يوم شافني كذا رحمني قرب مني وجلس يحكي معي ويتاسف وقالي انا غلطت وابيك تسامحيني واوعدك اني ماراح ارجع لها واني اذا رجعت لها انتي طالق ومن هالحكي بس اللي صدمني اني اول اكتب اشتاق لك ارسل له واحكي معه وكان رده علي انتي فاضيه انا مو فاضي لهالخرابيط اكتب الحين ودموعي من القهر تنزل وش اسوي رجعت البيت قلت له طلقني واللي بينا انتهى جلس بيوس يديني ويحب راسي ويقول والله ماتنعاد وعاندت من القهر بس يوم شفت عيالي الثنين واحد جمبي والثاني بحظن ابوه ماقدرت وثاني شي اني احبه ولا اقدر ازعل عليه ولا اعرف وش اسوي ياليت تقولون لي السالفه هذي امس وابي اتعامل معاه اليوم ولا ادري كيف ابي يعرف اني جرحني جرح قوي باعماله هذي (للمعلوميه لاتقولون لي انتي اهملتي او ماتلبين له شي كل شي اسوي عمري 18 يوم اتزوج وتركت الناس لااروح ولا اجي لاحد بس عنده اسوي اللي يبي واللي يشتهي والبس له واقوم بحقوقي الزوجيه لدرجه ابوي تعب ونوم بالمستشفى وتوفى مارحت له وهي تاكل بقلبي مثل النار واخرتها هذا الجزاء اللي احصله من زوجي ) الله يعافيكم من جد محتاجه لنصائحكم لاتخلوني وعارفه اني طولت بس لازم اعرف حل |
اختي الله يعينك من جد .. للاسف الواضح انه زوجك مو حاسس بالمسؤوليه
نصيحه - اطلبي منه تغيير رقم جواله حالا - خليه يداوم على الصلاه في المسجد - داومي انت على قراءة القران والادعيه والاذكار - خليه يقعد معاك ومع الاطفال وقت اطول - وقفي الانجاب لحد مازوجك يوقف عن حركات المراهقه ويعقل ويتعلق فيك استعملي مانع ترتاحي عليه لفتره من سنتين لثلاث افضل - غيري لبسك وجددي من شكلك وداومي على التزيين له اقعدي معاه قعده ووضحيله انه هذه اخر مره تسامحيه واذا عادها الموضوع بيوصل لاهله واهلك وانت غير مسؤوله عن اللي بيصير .. الله يوفقك حبيبتي ويعينك وان شاء الله يهدي زوجك للخير اختك كرستال |
مشكوره اختي على المرور واول شي فكرت فيه هو المانع إن شاء الله بسويه
|
خويته يعني أخته؟
هل تغارين من أخته ؟! |
خويته يعني بنت يكلمه بتلفون ولا ابي اقول حبيبه إن شاء الله انه مو حبيبه له
|
اقتباس:
أسأل الله أن يسخر لك زوجك |
اللهم امين يارب
بس ابي حل كيف اتعامل معاه اضحك واسولف عادي او ازعل واتجاهله |
عليكم السلام ورحمة الله وبركاته
الله يكون في عونك يـارب وينور بصيرتك لأفضل الحلول للمحافظة على أركان بيتك قائمـة بعيداً عن اليأس والخوف من الفشل أختي .. زوجك الحمد لله فيه خير ومحبة لك والدليل إنه مايرضى تزعلين منه ويحاول يراضيك كل ماغلط ، وهذا أمر جميل من صالحك ، ليه ماتطلبين منه إنكم تجلسون مع بعض وتسمعين منه كل مافي قلبه كل شي ناقصه وكل شي يتمناه منك واطلبي منه يسمعك وقوليله عن حبك الكبير له وحبك لحياتك معه وإنك ماأنتي مستعدة تخسرينه من أجل بنت لاتخاف الله ، حسسيه بأنك شاريته وماترضين لأحد ياخذه منك وهذا الكلام راح يسعده لأنه كان يقولك ويشكي بأنك بعدتي عنه بعد ماأنجبتي طفلكم الأول صدقيني الكلام بصراحة والفضفضة تزيح هموم مثل الجبال ويمكن يقولك شي ماجاء على بالك ومافكرتي فيه قبل وأكيد لما يسمعك بيعرف عن تقصيره وبإذن الله يتغير أثناء الكلام ذكريه بالله بطريقة حلوة وقوليله عن إنه الدنيا سلف ودين واللي بتعمله الحين بيرجع بكره لزوجتك أو عيالك ، وإنه حياتنا ماتكون فيها بركة لأنك تعصيه وماتخاف منه تكلمي معد بهدوء وإنتبهي لاتعصبين ولا يرتفع صوتك . بقي أن أذكرك بأن لاتغفلي عن الدعـــــــاء بأن يسخر لك زوجك ويبعد عنه الحرام في كل وقت أدعي ربك ولاتنسين أوقات الإستجابة وماخاب من دعي ربه وكذلك الإستغفـار وأقولها لك من تجربة لاتغفلين عنـه وأبشري بالخير من ربك أخيراً حافظي على بيتك ولاتطلعين منه وتجعلين لزوجك مدخل أن يفعل مايفعله بحجة أنك خرجتي من البيت ولم تحافظي عليه وتنازلتي عنه من أول خطأ بيتك وأولادك وزوجك أولى لك والبنت اللي مشغلته أدعي ربك إنه يصرفها عنه ويشغلها في نفسها لاتخربين بيتك علشان إنسانة ماعندها خوف من ربها وبإذن الله ربي يهدي زوجك ويرجعه لك وفقك الله . |
يُنقل للمكان المناسب .
|
شكرا أخت ام يول على التوضيح
ولكن لو كان يحبها لتزوجها هي ولم يتزوجك انت ولذلك لك ان تطمئني |
اقتباس:
|
ذكريه بالله
وبأن على ذمته زوجه وذكريه بأن المحارم امرها عظيم وقد تعجل له العقوبة في أهله وبأن من دق باب الناس دقو بابه وكما تدين تدان ودقة بدقه ولو زدت لزاد السقه واهتمي بنفسك وصارحيه لعله يريد شيء بعينه من لبس او حركات وكان الله في عونك |
هلا اخواني اذا على اللبس البس واتصلح واذا انه قالي عن ولدي انشغلت فيه هو من الغلط يدور اعذار مو صحيحه عشان يبرر لنفسه وهذي المره يوم قلت له وش عذرك قالي مالي وجه اقول شي لانك مو مقصر ولا شي
بس مااعرف وصلت لدرجه اني ادعي ربي بصلاتي يخفف من حبه اللي بقلبي ارحم علي من هذا اللي احسه واذا على الزواج اهله مايرضون فيها لانها مو من ثوبهم على كلام ام زوجي |
اختي ام ويول انتي ذكرتي ان ام زوجك لا ترضى بها ...
ما موقفها ؟ مالها تأثير ع ولدها ؟ |
زوجج بيبله هزه قويه منج ومن اهلج عشان يتأدب
خذي كل اغراضج وروحي بيت اهلج وقولي له ماراح ارجع لك الا لما تتعهد قدام الكل انك ماترجع تخونني وابيك تحلف عالمصحف الشريف انك ماتسمح لهالحثاله تقرب من حياتنا الزوجيه واقطعيه لاتكلميه حسسيه بالجفاء وقولي له ان كنت ماتقدر على فراقها انا بشيل عمري وبخلي العيال تربيهم انته وخويتك اللي كل كلام الغزل والحب يطلع لهاااااا بس حسسيه انج تقدرين تتخلين عن عيالج ودوسي على عواطفج عشان مصلحتهم وصدقيني الرجل يهاب المراه التي تستطيع ان تترك ابناءهااا وقولي له انا لسى بنت صغيره اقدر اتطلق وخلي عيالك عندك لان محد يقبل انه يربي ابناء زوجته وانت ربي عيالك بنفسك عطيه من هالكلام ... وحسسيه بقوتج وانج ماتهابين فراقه لان ان حس انج ماتقدرين تتخلين عنه سيتمادى ويقول هذي على نياتها اكذب عليها كذبتين واتفق مع خويتي ان نتكلم بحذر وعادي يطلع تلفون جوال من وراك وانتي ماتعرفين شي عن هالتلفون ويخبيه ف سيارته .... طنشيه عامليه بجفاف عطيه حقوقه وانتي صامته جاوبيه على قد السؤال حتى لو استمر هذا االاسلوب شهر مو مشكله بس لاتستسلمين لدموعه ابداااااااااااا لانها دمووووووع التماسيح وان شاء الله بعد مايحس زوجج بخطورة اللي يفعله سيعود وكله ولاء لك والاهم لاتنسين خليه يتعهد قدام اهله واهلج والله يوفقج |
حل واحد ...هدديها لو تكلمت مع زوجج وخربت بيتج ... انك بتبلغين اهلها عنها وبتفضحينها
وخلاص تنتهي المشكله |
أخبري شخص حكيم من أهلك أو أهله لينصحه وليعلم أنك لست وحيدة ضعيفة فيستغل ذلك وأكثري الدعاء
اتصلي على هيئة الأمر بالمعروف والنهي عن المنكر وأعطيهم رقم المرأة ليهددوها وينصحوها |
الله يكون في عونج يالغالية..
والله عورتي قلبي.. |
اقتباس:
انا مع هدا الحل 100% فعلا هذا الحل لانه كل مره بيعتذر و بترضي فهو عارف ان اعتذار بعد الصولات و الجولات بيحل الامر |
لاحول الطلاق صار لعبه هذي الايام وليش قلتيله طلقني على سبب بايخ مثل هذا
كل الرجال لهم نزوات بسبب حب الفضول او التسليه او رغبتهم بلشعور بأنهم مازالو مرغوبين من الجنس الاخر وهذي نزوات تروح وتيجي اذا كل حرمه طلبت طلاق لنزوات زوجها ماتمو ثنين متزوجين انا ما اررله طبعا هو الغلط راكبه من فوق لتحت بس ماكان مفروض تذكرين الطلاق وتخلينها سهله عليه انا من رأيي تعالجين سبب التقصير اللى فيج اللى خلاه يشوف ويكلم برع بدال ماتبكين وتطلبين الطلاق |
إدعي الله يغفر لك
بسبب تقصيرك مع والدك الله يهدي لك زوجك |
اقولكم اذا على التقصير مو مقصره وبلسانه يقولها لي بس انا اللي ذابحني انه تاثير رفقاء السوء والمشكله الرفيق هذا اخوه كيف اقطعه من اخوه مااقدر احس كذا اني مفرقه ولا ادري اكلم ام زوجي او لا لاني اعرف جو قلبه يحبني ولا يقدر اني اروح عنه بس مدري هي اكلمها واهددها ولا ارسل لها مسج يعلمها ان الله حق وعند رقم اخوها بس ماابي احد يعرف من اهلي ولا ادري وش اسوي واذا دخلت اهلي بالموضوع هذي الواضيع عندهم غير قابله لنقاش بياخذوني ويطلبون الطلاق وبيعطونه عيالي وهو مايهمه بياخذهم عند امه لانها هي تحبهم ومهتمه فيهم كثير اكثر من اهتمامي انا
|
اللة يكون بعونك ويعين زوجك على مابلاة لكن تاكدي إذا دخل الشك حياتك راح يدمر كل شي وانتي متاكدة مو شاكة انا بنضري سامحية عشان اولادك وانتي راح تعرفين اذا رجع لة او لا مع انة فية رجال يعتبرون هاذي الشي ضعف ويتمادون بس انتبهي انة هذي المرة قال إذا رجعت لها انتي طالق فانيبهي لا يضعف اللة معك لكن بدون زعل اعيب موقفك مع اهلك لان الي مافية خير لاهلة مافية خير لناس
|
الله يكون بعونك ..
|
الله يعينك
احس الحرقه اللي بقلبك وهذا شي ابد مو هين الاخوان و الخوات اللي ردوا فيهم الخير و البركه الله يساعدك و يرجع الماي لمجاريه |
اقتباس:
بس شوفي حبيبتي طنشيييييييه و بيني له انش مو مهتمه ولا خايفه من فراقه زوجك جالك و باس ايدك و حاول يراضيك لمن زعلتي وهو يوم و تعتبر هذي نقطه ضعف استغليها لصالحك تخيلي لو كانت اكثر من يوم صدقيني بيستجن اما لو رضيتي في نفس اليوم بيقول عاااااااادي كل مره بسوي كذا و بترضى بس الحين انتي زعلي زعل خليه عمره ما ينسااااااااااه و بعد انصحش انش تهددين البنت مثل ما قالت حلمي قريب انش بتقولين لأهلها وقولي لها والله عندش فتره و قدرها مثلاً شهر اذا شفتش تكلمين زوجي او تراسلينه و قولي لها انا اعرف كيف اكتشف هالشيء بطريقتي الخاصه ان اخبر اهلش و اخليهم هم اللي يتصرفون معاش و صحيح اذا شفتي اي مكالمه منها خبريهم لمصلحتها كمان علشان يمسكون بنتهم من هالحرام و يراقبونها و اهم شيء خلي زوجش يحلف على القرآن و ذكريه بإن هذا حلف و ع القرآن مو لعبه و ياويله من عقاب رب العالمين لو حلف كذب |
لى عودة لك اختى .
بما اننى اشتركت فى احدى دورات التعامل مع الزوج الخائن. |
==========================================
|
اقتباس:
|
اقتباس:
|
| الساعة الآن 01:47 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©