|
..: عايزين يجوزونى وانا مش عايزه:..
بسم الله الرحمن الرحيم اخواتى الاحباء اخر لما زهقت قولت اكتبلكم مشكلتى وافضفض معاكم بدل لما اموت من كتمتى فى نفسى انا بنت من مصر اهلى صعايده ربونى بطريقه غير تربيتهم خالص يعنى انا دلوعه بابا وعايشه عيشه كويسه وبحمد ربنا عليها كل الى انا عايزاه او بتمناه بابا بيجيبهولىوبجيب اغلى حاجه والحمد لله راضيا انا حاليا المفروض رايحا تانيا تجاره فى سن 18 وكانت حياتى عاديه وماشيا لحد وقت معين كدا وبدات مشكلتى وهى ان بابا عايزنى اتجوز ابن عمىhttp://www.66n.com/forums/images/icons/sad2.gif جم فى يوم كدا من غير مقدمات ولقيت ماما بتقولى انتى قرايت فتحتك بكرا صدقولى لو قولتلكم انى كنت هموت من الصدمه حسيت سعتها انى مليش قيمه ابدا او حتى انى مش انسانه ليا رايى زى بقيت الناس طبعا مكنتش موافقه وبابا مكنتش بيكلمنى وعماتى جم وكلمونى وعمامى وانا حتى مكنتش عارفه انا اقبل او لا مكنتش ساعتها عندى رد لانى كنت مصدومه ازاى انا انسان هعيش معاه العمر كله وهما يكروتو الموضوع فى يوم وليله المهم طبعا كانو عزمو ناس كتير كانت عباره عن عزومه صغيره كدا بين الاهل يعنى اقنعونى انى اعدى قرايت الفتحه بس على شان الناس ويارتنى مكنت عدتها لانى دلوقتى فى حاله زى الزفت قالولى لازم تعدى معاه وتتكلمى وانا مش طايقا انى حتى اسمع صوته لو اتكلم معايا شويه بحس انى خلاص هموت بتخنق من طريقته فى الكلام وفى تفكيره التافه وبعدين دا فاشل فى دراسته وفى حاجات كتير جدا انا مش بحبها فيه ومع ذلك انا مش عايزه اظلمه هو طيب وكويس وغير كدا بيحبنى اوى وممكن يعمل اى حاجه على شانى بس انا مش قابلاه ابدا مش عارفه ممكن اكون غلطانه فى حقه بس مش قادره انا اقبله ابدا حتى لو انا قدرت اضغط على نفسى واعد معاه مش بقدر اتكلم معاه ولو حتى اتكلمت بتكلم بطريقه مش حلوه لانى مقدرش انافقه فى مشاعرى دى حاجه بتخرج منى لوحدها .المهم جت فتره ومكنتش قادره استحمل لان كان كل شويه عايز ينزل معايا وحاجات كدا بس انا طبعا مكنتش عايزه وكان بابا بينزلنى معاه غصب عنى.روحت انا بعتله رساله وقولتله فيها بص انا بحبك زى اخويا ومش اقدر اخدعك وقولتله الى انا عايزاه بس والله انا حاولت بقدر الامكان انى احترمه واحترم مشاعره قام هو باعتلى رساله فيها كلام زى الزفت انا مزعلتش لان دا اكيد رد فعله فعديت الموضوع والحمد لله مبقاش يكلمنى ولا انا اكلمه وحسيت انى استريحت كتيييير اوى بس بابا مش عايز يريحنى ويفشكل الموضوع اقوله يابابا اتجوزه ازاى وانا مش بستحمل منه كلمه يقولى الحب بيجى بعد الزواج اقوله يابابا مبحبش اشوفه يقولى لو متجوزتيهوش انا مش هوديكى الجامعه ومش هخرجك ولا هصرف عليكى وقولتله انا موافقه على كل ده فخاصمنى كتير اوى ومبقيناش نكلم بعض فجت فتره كدا واتصالحنا ورجع يكلمنى تانى فى الموضوع وكل مره يقولى خلاص هخلص الموضوع مع عمك وهقوله انك مش عايزه ابنه ويضحك عليا وحاليا هما بيجهزو الشقه وكل لما والده ابن عمى تكلمنى وتقولى تعالى شوفى انا مش بروح ولا بعمي وفى نفس الوقت مقدرش اقولها اى حاجه اولا لانى من النوع الخجول جدا جدا وتانى حاجه لانى مقدرش اتعدى والدى واتكلم غير معاه هو بس مش عارفه اعمل ايه هتجنن خلاص دا حتى لو سمعنى بعيط غصب عنى صوتى بيعلى وانا بعيط بيبقى هيموتنى بس انا عارفه كويس بابا طيب جدا وبيحبنى اوى اوى بس هو ممصم وانا كمان مصمما انى مجنيش على نفسى او اجنى على ابن عمى لانى عارفه انى لو اخت حاجه غصب عنى مش هرتاح ولا هو هيرتاح وبعدين انا من النوع الى مش بحب الالحاح وبابا بيلح عليا اوى وكمان بيخلى كل الى حوليا يكلمونى وانا مش لاقيا حد اتكلم معاه او اقوله الى انا عايزاه ومفيش حد فاهمنى ابدا حتى ماما اتقلبت عليا مع انها كانت فى الاول مش موافقه لكن انا مقدرش ادخلها فى الموضوع على شان معملش مشاكل معاها ومع بابا اه خلاص زهقت وفى ايام عدت عليا كنت بفكر اموت نفسى بس اخاف ربنا اوى وربنا يسامحنى على التفكير فى كدا خلاص تفكيرى وقت انا حتى الايام الى فاتت دى مكنتش باكل ابدا من كتر همى وضعفت جدا وكمان طريقتى فى الكلام مع بابا بقت وحشه اوى والله انا عارفه انى غلطانه بس انا اعصابى بايظه خالص وعمرى مكنت اتخيل انى اوصل للدرجه دى ابدا بس اعمل ايه ربنا يصبرى ويهدينى ياريت لو تقولولى انا غلطانه على شان نفسى اختار شريك حياتى انا طبعا مش انانيه واقول انا الى اختاره لا طبعا انا بقصد يكون ليا حتى لو رايى فيه او حتى انى اوافق عليه انا مش متخيله انى اتجوز واحد انا مفيش اى حاجه فيه عجبانى امال اتجوزه ليه طيب http://www.66n.com/forums/images/icons/sad2.gif وياريت تسامحونى على كتر كلامى والى فيه الخير ربنا يقدمه |
طيب حبيبتي استخرتي ربك يمكن يكون زواجك من ابن عمك خير لك..
والله يعينك بس اذا شفتي نفسك مش مرتاااحه الموضوع ابداً لا توافقي لان هذا زواااج وعشرة عمر.. والله يعينك.. |
حبيبتى استخرت اكيد من اول لما حصل الموضوع
وبرده مفيش قبول اعمل ايه بس حاجه زفت والله كرهونى فى الزواج وشكرا حبيبتى على كلامك |
اجلسي مع الوالد .. كلميــه .. ذكريه ( ان هذا زواج ) .. مو لعبه قولي ( يا بابا هذا زواج مـآ آقدر اعيش " طول عمري " مع وآحـد مـآ آبغـآه ) و حـآولـي تبينين انـك مصدومـه من هذا الشي و انك حسيتي نفسك ( بلا قيمة عند الوالد ) و ذكريه ان هذا حرام ( تزوج البنت بالغصب " بالعافية " ) .. :( |
الموضوع منتهي حاولي تتقبلين الولد ولا تخربين بيتك بيديك
الله يكون في عونك |
عزيزتي اريد ان اساعدك فهلا اصغتي الموضوع باللغة العربية الفصحى لأني لم افهم..
اختك حائزة |
قصتج مثلي بالاول من سبع سنوات ولد عمي يبيني و انا ارفض بدون سبب
معناه ما يعيبه شى بس عاندت اهلي لانهم فاجئوني بس من 5 شهور صليت استخاره انقلب كل شى و الحمدلله صرت احبه و احترمه |
السلام عليكم
استخيري اكثر من مره اختي و اذا ما ارتحتي معاه لا توافقي مهما كان لان هذا زواج لا تخربي حياتكِ و حياته و اذا كان يحبكِ ..مع الزمن ان شاء الله ينسى ولا يعيش معاكِ غصباً عنكِ!! حاولي اقناع ابوكِ انكِ مو مرتاحه مع الولد ابداً و اخبريه انكِ استخرتي اكثر من مره و لا ارتحتي له و اذا جوزتني اياه راح تظلمني و تظلمه و هذا مو كلام دلع او خجل هذا كلام العقل.... :) يعني كلام كذا وان شاء الله يرزقكِ بأحسن منه اللي تحبيه و يحبكِ و هو ايضاً بالتوفيق و اسمحي لي على الأطاله |
أتوقع غضبك بسبب أسلوب أهلك و إنهم ما أخذوا رأيك
لكن دعي الأمر هذا جانبا و فكري بميزات الشخص و عيوبه و خذي اللي يحبك و لا تاخذي اللي تحبيه لإن حب الرجل ( ثابت ) مو مثل المرأة تنقلب كل شوي :) |
يالغالية ظلي استخيري دايم .. مو مرة ولا مرتين استخيري اكثر من مرة ..
وكلمي الوالد بهدوء وخليه يحس ياللي فيك .. من هم وضيق.. واذا في دمعه دمعتين نزليهم.. راح اتاثرين عليه صدقيني.. وبعدين اذا مافاد وماحسيتي انك مرتاحة لابن عمك .. تفاهمي معاه هو بهدوء وكرامته هذيك الساعه يتكون الاهم.. فبالتالي مابيتم هالزواج والله يكتب لك الي فيه الخير |
السلام عليكم ورحمة الله وبركاتة
حببتى اول حاجة طبعا عليكى بالاستخارة وصدقينى اللى فية الخير ليكى ربنا ان شاء الله هيقدمهولك ولو فية شر هيبعدة عنك طيب مش ممكن تكونى انتى ظلمة الولد!! ياما ناس كتير بنقبلهم فى حياتنا وبنكون مدين نفسنا انطباع وحش عنهم لدرجة اننا مش حبين حتى نتعامل معاهم وسبحان الله بمجرد ماندى نفسنا فرصة ونديهم فرصة نكتشف اد اية احنا كنا غلطنين فى الحكم عليهم ... وبعدين حببتى لو فعلا انسان ملتزم دينيا واخلاقيا لية لاء ؟؟؟ انتى بتقولى ان الولد متمسك بيكى جدا على الرغم من معملتك اللى مش مفروضة لية ... تفتكرى ممكن نلاقى حد بالسهولة دى متمسك بينا اوى كدة وفوق دة كلة طيب وحنين وتفرط فية بسهولة !! حببتى انا مش طلبة منك غير انك تدي نفسك فرصة وتدى الولد هو كمان فرصة يمكن الايام تثبتلك انك غلطانة فى انطباعك عنة .. وانك ظلماة ومتسرعة فى الحكم علية وبعدين انتى بتقولى انك كدة او كدة تعتبرى مخطوبة لابن عمك يعنى كونك انك تدى فرصة لنفسك تعرفية اكتر مش هيغير حاجة فى الموضوع... انتى عارفة انك انتى ممكن تكونى انتى اللى مدى نفسك الانطباع انك مش قادرة تستحميلية ولا قادرة انك تتجاوبى فى الكلام معاة ودة مش هو الصح فى الحقيقة ... اكيد انتى عشان حاسة ان بباكى هو اللى فرضة عليكى وان الموضوع من الاول حصل من غير موفقتك هو اللى مخليكى مش قادرة تقبلية خطيب وزوج ليكى ان شاء الله لو ربنا كتبلك فية نصيب... وعشان تقدرى تتغلبى على الشعور دة اتعملى معاة على انة ابن عمك وانسى انة خطيبك حاولى تتكلمى معاة فى مواضيع عامة والمواضيع اللى تخص العيلة مثلا.. بصى ياحببتى مفيش واحدة بتجوز حد وربنا مش كاتب ليها الجواز منة يعنى اللى ربنا كتبة لكى هتخدية فى الاخر ولو ربنا مش كاتب ليكى الجواز منة مش هتخدية حتى لو الناس كلها وقفت فى وشك عشان كدة بؤالك ادى نفسك فرصة تعرفية اكتر اما بخصوص بباكى اول حاجة انتى طبعا غلطانة فى موضوع انك بيجى عليكى ايام مش بكلمية فيها لان دة طبعا ميرضيش رينا وحطى فى دماغك دايما ان رضى الله من رضى الاب والام صدقينى مفيش حاجة مستهلة ابدا انك تخسرى ربنا اهلك ورضا ربنا على حاجة ربنا مقدرها ليكى اصلا من اول ما اتولدتى سواء ربنا كاتب ليكى انك تجوزى ابن عمك او لاء. وفعلا اهم نقطة فى نصحيتى ليكى هى انك تكونى اريبة من ربنا اوى ودايما تدعية خصوصا فى قيام الليل انة يكتبلك الخير ليكى اى كان ويرضيكى بية ويبعد عنك الشر ... قومى الليل وقليلة يارب انت وحدك اللى تعلم الغيب وانت يارب اللى عارف الخير لى من الشر اخترلى انت يارب الخير واصرف عنى الشر وتوكلى على ربنا وفوضى الية امرك وصلى استخارة باستمرار وخليكى متيقنة دايما ان ربنا ان شاء الله مش هيدكى غير كل خير مدام توكلتى علية من الاول. وربنا يكتبلك اللى فية خير ليكى ولابن عمك ويرضيكم بية انتو الاتنين |
حبيبتي شوفي ... ياما بنات مثلج تزوجو من غير مااهلهم يشاورونهم
. . . . . . . . . . . . . . . . . . . . . . . . . وعاشو مرتاحين في تبات ونبات. . . . . . . . . . . . . . . . . . . كلام العقل . . . يااختي اسمعيه مني الاب حنون وقلبه يتقطع ان راى ابنته هكذا ... بس اباك يرى شيئا انتي لاترينه ... انه يرى ابن عمك رجل والنعم فيه وسيجعلك في عيونه ... وان صارت اي مشكله بينكما لن يرضى عليك بشئ لانك من دمه ولحمه استخيري ربج ... وان ارتحتي اكملي المشوار وان لم ترتاحي ... صارحي والدك بعدم ارتياحك من الزواج بعد الاستخاره باسلوب جيد وهادئ ومقنع وعسى الله يوفقج |
حبيبتي بصي بئى ادعي ربك انو اذا كان زواجك منه فيه خير لك ييسره ويتممه عليك
واذا كان فيه شر لك يبعده وبصرفه عنك مافيش اعلم من ربنا (( وعسى ان تكرهوا شيئا وهو خير لكم )) واذا توكلتي على الله صدقيني ربي مابيخليك بالتوفيق يارب |
الله يسخر قلوبكم الى بعض ، حبيبتي استخيري في الموضوع ...
|
مثل ما قالوا لكي العضوات الاخوات ما قصروا
استخيري الله واجلسي مع الولد وتفاهمي معاه والله يوفقك ياااااااااااااااااا رب وتحياتي لكي |
| الساعة الآن 10:39 AM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©