|
الحمد لله ظهرت نتائج الفحص , واريد افكار للملكة من الاخوات راعيات الذوق
السلام عليكم ورحمة الله وبركاته اولا احب ان اخبركم بأني عملت الفحص الطبي (فحص ماقبل الزواج وكنت في البداية متخوف, لأنهم يقولون ان الاقارب ما يتوافقون ووووووو من الارجاف المخيف حمد لله خطيبتي (بنت عمي وبنت خالتي في نفس الوقت) التحاليل بفضل الله سليمة , واستلمت شهادة التوافق والان ناوي املّك في العيد القادم , واتزوج في العيد بعد سنتين (هل هو مناسب) ربما تقولون ليش تستعجل على الملكة اقول لكم انا عندي فراغ عاطفي كبير جداً واريد ان اعيش السنتين القادمة مرتاح البال ثانيا , اريد ان اتزوج وعمري 25 ولن افصح عن السبب ------------ الامر المهم اني راح اتملّك في العيد ولا اعرف وش اللي يلزمني ! يعني ودي تقترحون علي الهدايا الي ممكن اعطيها كيف اعمل الملكة ابغى افكار حلوة واهم شيء تراعوني في الدراهم (ترا اخوكم متعلق بالاسهم....... يعني ابغى هدايا بحدود الالف وخمسمائة الى الالفين ....... ما نبغى نطوّل عليكم |
أنا والله حبيت ابارك
الف مبروك :14: :14: وبالنسبة للافكار ابشر إن شاء الله الاخوات ما يقصرو ا والحمد لله والشكر انه نتائجكم سليمة تتهنو ببعضكم والله يسعدكم أم وليد |
شكرا ام وليد وجزاك الله خير وعقبال وليد واخوانه ان شاء الله
وترانا نستفيد من آرائكم انتم يا المخضرمين في الحياة الزوجية يعني عطينا ولو شيء بسيط لا تصيرين بخيله :d شكرا على مرورك |
اقتباس:
تكرم أخي |
ألف الف ألف مبروك أخي زياد
الله يوفقك وييسر امورك لكل مدينة أو قبيلة عاداتهم في الملكة انت نورنا بعاداتكم يعني انتو ا تصلحون حفلة كبيرة ولا عائلية العريس والعروسة يجلسون مع بعض ماهي الهدايا اللي عادة تقدم وكيف؟ وغيرها انا في الخدمة انتظر ردك دمت بحفظ الرحمن |
حبيت أمر وابارك لك أخي زياد طبعاً ما عندي خبرة.... :15: & :21: = :d لكن لما بفيدونك الأخوات الكريمات بالأفكار ممكن تعطينا برنت يفيدنا ....:22: :23: الله يتمم لك على خير ويجمع بينكما على خير دمتم في حفظ الرحمن |
اقتباس:
|
أخي زياد
انت قلت من 1500 الى الفين ريال راح أكتب لك الاسعار اذهب لمحل عطور ولا تترك لهم مجال في الفلسفة بيقعدون يطلعون مئة عطر راح اقترح عليك عدة اسماء عطور رااااااااائعة وكشخة وريحتها جنان Delices de cartier Miracle من لانكوم Irresistible من جيفنشي طبعا أنت اشترها على شكل طقم مو منفردة بعدها اختار ساعة حلوة وكشخة والأفضل جلد لأن مظهره أروع طبعا اذا أخذت من كارديال او سيتيزن ماراح تتجاوز 500 ريال وربما اقل لان الماركتين هاذي جيدة وسعرها مو عالي كثير بعدها اشتر خاتم ذهب حلو وناعم طبعا بعدها اختار ورد مجفف لونه زهري او احمر وريحته حلوة لقيت من دون ريحة انت عطره بعطر حلو بعدها رح للمكتبة وانتقي لها كتابين او اشرطة حلوة وعاد ما بوصيك انت ابو الثقافة تعرف اش تختار اكسسورات للهدية تلقى في سيتي بلازا شغلات دلع مثل ميدالية وبطاقات بلاستيك تتعلق بالمغناطيس مكتوب عليها عبارات انجليزية حلوة في حدود 20 او 15 ريال كمان عندهم شموع رااااائعة وريحتها تبقى على مر الايام ممكن تشتري وحدة منها في حدود العشرة او العشرين ريال بعدها في محلات تغليف الهدايا او الاسواق اللي تبيع بريالين و طقتها تلقى عندهم صناديق خشب اختار واحد منها مالقيت الصندوق خذ علبة هدايا (كرتونيه والافضل تكون كبيرة تكفي الأغراض) سعرها ما يتجاوز 30 ريال ضع كمية من الورد اولا رتب الاغراض جوى العلبة (يفضل ان كل شئ مغلف ) ضع الكمية الاخيرة من الورد أفكار اضافية ممكن تتصور صورة حلوة وتوديها لمحل دروع يكتبون عليها كلمات تهنئة وما راح تتعب لان عندهم نماذج حلوة ويصلحونها على شكل درع ما يتجاوز 200 ريال اذا كان صغير (15 في 15) ما عجبتك اكتب كلام حلو في بطاقة حلوة وضعها فوق الورد اذا ما تبغى أحد يشوف العلبة او ماتقدر تشيلها في يدك من الخجل الزايد :24: اشتر كيس كبير من محل هدايا ممكن تجيب لها باقة ورد كلها بلون واحد مع الهدية السابقة أتمنى اني افدتك واي خدمات او استفسارات نحن جاهزون اسأل الله ان يوفقك وييسر امورك دمت بحفظ الرحمن |
الله يوفقك
|
مبرووووك مقدما
|
اختي حنتوشة
والله ما قصرتي وراح اطبق ما قلتيه جزاك الله خير على الافكار الرائعة |
حبيت أبارك س ماعندي افكار ..
الله يتمم لكم ويسعدكم ياااااااااااارب |
والله أنا حالتي نفس حالتك وأدور أفكار عشان الملكة بس انشالله اذا لقيت لك أفكار راح أرجع لك ومبروووووك مقدما
|
السلام عليكم ورحمة الله وبركاته
الف الف مبرووووووووك اخي زياد وان شاء الله ربي يوفقكم مع بعضكم ويجعل كلا منكم قرة عين للاخر بالنسبة للافكار اول شيء بسألك انتوا تلبسوا بعض دبل ولا لا؟؟؟ واذا تلبسونها كيف ترسلها لها ولاانت تلبسها؟؟؟؟ ثاني شيء اكيد لازم تشتري لها هديه وصدقني مو مهم القيمه اهم شيء المعنى يعني تقدر تجمع لها كذا شيء مع بعض يعني تشتري لها عطر وساعه وتغلفها عند محل وتأكد عليه يحط لك ورد طبيعي لانه البنات يحبون هالشيء فمثلا من قزاز فيه عطر جديد مره حلوو اسمه سينما بس قيمته ماادري واذا غالي عليك حاول تقول لااخواتك يغلفوها بطريقه حلوه وبسيطه واشتري بوكيه ورد لوحده وحط بطاقه اكتب كلام بسيط ورومنسي ولاتنسى تكتب دعاء فيها عشان تحس انك متمسك فيها وبس ياسيدي ربي يوفقك |
بسمة امل حياك المولى وبياك
اختي الفاضلة في عاداتنا لا نعرف اني البس البنت خاتم او هي تلبسني لكن ما دام ان الشرع اجازها لي فما المانع ان افعله ؟ لكن ما هو الافضل ان البسها انا او اهديه لها ؟ شكرا لك على معلوماتك القيمة وجزاك الله خيرا |
ياأخي بما أنك زياد النجدي
فأنا أتوقع إنه مايكفي خاتم لحاله.. فعشان تنستر قدام البنت واهلها..زود ألف وإشتر لها تعليقة طقم ذهب حلوه على قد الألفين وخمس واشتر لها ساعة سندريلا سعرها معقول ............... مع التغليف والورد ودرع بسيط ........... هذا أقل شيء أتوقعه عندنا والله يوفقك |
الف الف مبروك اخوي زياد
النصيحه الي جات في بالي الحين انك لا تروح لها ابدااا وانت يدك فاضيه اقل شي لو ورده او اي شي ثاني يعني كل ما رحت خذ معاك شي بسيط يفرح قلبها ويعلقها فيك اكثر الله يجمع ما بينكم على خير |
تسلم اخي الكريم
لي عوده انتظرني |
مبروك والله يجمع بينكم على خير :14: :14:
انا اشوف بما أن فترة الملكة طويلة فالافضل تكون هديتك على فترات يعني ماتجيب كل شيء مع بعض ورى بعض عشان يكون له طعم عند الخطيبة مرة جيب طقم عطور ومره جيب ساعه ومره جيب باقة ورد وعاد اللي يحلي الهدية التغليف الحلو والذوق |
السلام عليكم ورحمة الله وبركاته
ألف مبرووووووووووووووووك بارك الله لكما وبارك عليكما وجمع بينكما في خير اشتري تبسي متكلف :d ( طبعا مو تبسي رز ) تباسي التقديم :d من المحلات الخاصة بعربيات الملكة ممكن تلاقي التباسي غالية فممكن تشتري تبسي وانت واهلك تشرعونه في البيت بطريقة فنية وبذوق حلو ويطلع فَلَّة وعبيه مكاييج وعطورات حلوة بجانب طقم الشبكة والدبل يتغلف التبسي بتل زي فستان العروسة ويتزين التل بورد طبيعي هذي أحد عادات أهل الحجاز في تقديم الهدايا لكن الورد ليس من العادات لكنها من بنات الافكار وألف مبروووووووووووووك مقدما |
السلام عليكم
بالنسبة للدبل صحيح هي حلوه بس اصحك تعتقد انها هي سر المحبه لانه فيه ناس كثير يعتقدون هالشي وحتى لو اتزاعلو مع بعض قام وفصح دبلته وهي كذلك واليك هالرابط عشان ابريء ذمتي لاننا صحيح نلبسها بس كعاده لااكثر ولااقل http://www.islam*****.net/questions/...nt.cfm?id=4350 طيب نرجع لموضوعنا تقدر الدبل تسويها بطريقه حلوه اما تحطها بعلبها على قاعده وتخلي العلب مفتوحه ولمن تتقابلو تلبسك وانت تلبسها وبعد كذا تعطيها هديتها الي اتفقنا تسويها لها لانه ضرووووووووري الهديه ولو كانت بسيطه او فيه حركه ثانيه مسليه عشان حدة الموقف اذا تقدر تسويها انه تحط الدبل في صندوق وتحطوون معاها ورد مقطف طبيعي عشان تدورون على الدبل سوا وهذه الحركه جدا رهيبه عشان تنبسطون مع بعض ومابتنسون الموقف واذا ماعندكم هالشيء اكتفي بهديتك الي اتفقنا تسويها ذووق لانها بمعناها لاني لو جاب لي هديه بنص ريال بس اهم شيء منه فهذا احساس رائع اتمنى فهمت علي وياليت زياد تطلب تشوفها وتقعد معها لانه حلالك بس لاتكثر زيارات بعد كذا لانه الفتره طويله ويمكن تملووون وكل شيء بوقته حلووو ربي يوفقك ويسهلك هالزواج |
الله يبارك لك فيها
والف الف مليون مبروك وانا من رايي بما ان الفتره طويله احسن ماتجيب الهدايا مره واحده يعني خليها منفصلات وبيت فترات وكل ماتشوفها تجيب لها شي بسيط احسن حتى لو ورد وا شياء تذكاريه بسيطه |
مبروووووووووك اولا والله يتتم على خير وتملكون انشالله
ثانيا بالنسبه للهديه يعني خلها وسط لاهي مبالغ فيها ولا هي بسيطه مره مثلا بنت خالتي بعد ماعقد عليها خطيبها جاب لها هدايا مره متكلف يعني دخل عليها قدم لها 11 عطر مو حلوه الحركه ومعاها طقم ذهب ومدري ايش لا اهم شي تكون هديه مميزه بس ممكن تكون عطر وساعه وفيه عطر مخلط يجنن اسمه ظبية الشيخ تلقى بباريس غاليري يعني افضل من العطور الي باي محل اشتر شي ممميز زي كذا وهو سعره تقريبا 800 او 900 والشي الثاني اشتر ساعه معاه بتكون هديتك بسيطه وراقيه |
مبروك زياد والله يتمم لك بخير ويسعدكم
:14: :14: |
الله يجزاكم خير وما قصرتوا كلكم
أسأل الله ان لا يحرمكم الأجر |
حبيت ابارك بس ..
الف مبروك الله يعطيك خيرها ويكفيك شرها ... بس الملكة والزواج سنتين وااااااااااااااااااااااااااااااااااااااااااااااااا اااااااااااااااااااااااااااااااااااااايد ....ز |
اقتباس:
اختي الكريمة اهلا وسهلا بك لدي سؤال بسيط لماذا قلتي وااااااااااااااااااااااااااايد؟ هل هذا يعني ان الأمر ليس بحسن ؟ واتمنى ان تفيديني لماذا يخشى الناس الاطالة في مدة الملكة؟ اتمنى ان تجيبي بما تعرفين وان تعطيني اكبر قدر من معلوماتك |
اقتباس:
اسفة خيو زياد والله نسيت :o :o وانشغلت بالرد ع الاخوة في موضوعي ما شاء الله الاخت حنان ما خلت شئ.لنقوله ألف مبروك مرة تانية :14: :14: ام وليد |
الف مبروك .. الله يسعدكم :14:
بس ماتلاحظ ان المده طويله شويه بين الزواج والملكه .. الله يعينكم << جبتك ياعبد المعين .....:d وانا اقولك ليش الناس ماتحب الملكه تطول .. اول شي مو الناس اللي ماتحب .. هذولا المملكين اللي مايحبو الملكه تطول .. يعني يزداد الشوق ومافي مكان للصبر .. اتمنى تكون فهمت :confused: وثاني شي ترا الواحد يطفش من طول المده .. الواحد يبغى يستقر ببيته وياخذ راحته .. وثالث شي الاهل يتحسسو من كثر الزيارات .. انت بتشوف المده مافيها شي .. بس ملك واعطينا خبر كيف مسوي الصبر معاك :d وبس وحلو اول مره تشوفها تجيب لها طقم ذهب وتغلفه بطريقه حلوه يعني تروح عند اي فلبيني متخصص تغليف هدايا .. وبعدين خلي العطور والاشياء الثانيه في الزيارات الجايه .. |
الحمدلله رب العالمين انه النتائج ظهرت ممتازة ومتوافقة
الله يتمم لكم بالخير ياااارب ويجمع بينكم في الخير ويوفقكم في حياتكم ويجعلكم سكن لبعضكم ويهنيكم في بعض يااارب والصراحة الاخوان والاخوات ماقصروا الله يجزاهم الف خير انا حبيت بس اضيف تبريكاتي ودعائي لك اخوي زياد لاني من كم فترة انتظر تضيف موضوعك وتجيب البشارة الحمدلله الف حمد وشكر موفقين ان شاء الله وبلاش تفكير زايد يازياد لاني احسك شايل اشياء وايد تفكر فيها براسك ولكن الله يعينك |
احنا عاداتنا في الغربية ان العريس يجيب هدايا كثيرة اولها والاساسي طبعا طقم ذهب والدبل بعدين تجي الاشياء الثانيه حسب ذوق العريس يعني يجيب عطور ومكياج وعباية وساعة بس انا انصحك تاخذ لها طفم ذهب ومعاه دبل وعطر اسمه الين جنان وفيه عطر روعة عند نكتار اسمه برايد خذ واحد يكفي بطقمه طبعا وخذلك مكياج ماركة خذ من ماركة نينا ريتشي اشكاها ناعمة وتعجب البنات خذ كم حاجة من عندهم وخلهم يحطونها لك في علبة شيك وغلف الهداي حسب اللون اللي داخل مع فستانها يعني يافضي ياذهبي ومبروك
|
أول هدية مناسبة هي طقم ذهب
بعدين انت تحس بفراغ عاطفي عشان كذا بتملك طيب كيف ما تشوفها وتجلسو مع بعض؟ يعني حتكتفو بالمكالمات وفترة الملكة سنتين طويلة والأسباب عديدة ممكن تختلف حسب ظروف الخطيبين نفسهم والسبب اللي ذكرته أختي العام أساسي طيب انت لا تأجل الملكة .........قدم الزواج بعد سنه مو سنتين إن أمكن ذلك والله يوفقكم ويجمع بينكم على خير |
الف مبروك اخوي , ربنا يجمعكم على خير ويوفقكم دنيا واخره ويرزقكم الدريه الصالحه
نصيحه مني حاول انك تجيب في اول هديه شيء متكلف ولو شويه , لانها صدقني عمرها ماتتنسي انا بنت وعارفه كيف تفكير البنات انا رئيي في الملكه تجبلها طقم دهب حتى لو بسيط مايتجاوز الفين ريال , وممكن معاه طقم عطر من اي ماركه معروفه سعره مايتجاوز 600 يكون عطر مع بدي لوشن وبودرة جسم مثلاً بالاضافه للدبل بس طبعا لازم تاخد خاتم من خواتمها عشان تعرف مقاسها وغلفها في محلات تغليف الهدايا بطريقه ناعمه وحلوة و حاول بعد الملكه كل فترة جبلها معاك اي هديه بسييييطه مو لازم تتكلف فيها يعني مره ورد طبيعي , مره عطر مره اكسسوار فخم في حدود 200 الى 400 , مره علبة مكياج بسيطه في حدود 400 ولا اوصيك بالورد الطبيعي ترا البنات يمووووتو فيه وبس اتمنى اكون افدتك شويه , وربنا يسعدكم |
| الساعة الآن 03:02 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©