احبي زوجك ... أفكار
 

صباح الخير
عن نفسي اتغزل فية عن طريق الرسايل الغرامية ...

صباح الخير

انا زوجي يحب ادلعه

اهتم فيه اكثر من اللزوم ( اهو يحب كذا )

الكلام الحلو هذا لازم

ما اناديه بسمه ابدا دائما اناديه ( حياتي حبيبي قلبو )


اتصل فيه و انا في الدوام بس عشان اقوله "وحشتني حبيت اسمع صوتك"

والكثير الكثير

تحياتي

اناعن نفسي اتغزل به وجها لوجه واتقرب منه بالملاطفه والكلام الجميل
واظهر له شوقي خصوصا عند مجيئه من العمل وكأن البيت كان مظلم بدونه
وارتمي بحضنه وبلهفه طبعا (والنظرات حكـــــــــــــــــايه)
تقبــــلي مـــــــروري

والله موضوع حلو

انا اذا عايزه ابين له اني مغرمه فيه ويصدقني اعمله مسااااااااااج هذا قمت الصدق في الحب عنده لاني اكون تعبااااااااااااااااااااااانه ومع ذلك اعمله مساج لانه زوجي للاسف ابدا مايطلب مني مساج الا اذا شايفني بنام او تعبااااااااااااااااانه من البيت والاولاد والشغل ...............................................

اظهر حبي له بأشياء واشياء أولها
الإهتمام يعني أظهر له ان مافيه حاجة بالدنيا تشغلني عنه "وهو كذلك "لانه حبي الوحيد
الرسائل من فترة لثانية اما على الجوال او على الإيميل
الثناء على والدته كثيرا
الهدية
التفنن في الأكلات و الحلويات
أخذ مشورته في كل صغيرة وكبيرة

وغيرررها كثير وكل حرمه وشطارتها

نسيت حاجه مهمة ...ما أعترف بالتحقيق...

أعامله وأدلله كالطفل الصغير وأغمره الحنان وكلمات الجميله لأشبع غروره وطفولته
الرجل كالطفل الصغير المحتاج للرعايه والحنان
موضوع جميل

انا عن نفسي ابوسه واخليه يجلس بحضني وادلعه ينبسط ويدري اني احبه وهو يموت فيني الله لا يحرمنا من بعض

:d الله لا يحرم كل المتزوجين من بعض وان شاء الله تكون حياتكم حلوه ..
فكرة طرت على بالي وحبيت افيدكم معاي .. يمكن مو جديده بس من باب التذكرة ..
فكرتي مثلا تطرشي له كرت عزيمه على فندق فاخر على العشا او مثلا حجز فندق له وتغيير من روتين الحياة اليومية ..
او تشترين له شي كان في باله ومحتاجه بس مأجل شرائه لسبب ما ..:22:
تحياتي لكم ..
بعد يا بنات نبي افكار حلوة ..

:( اشدعوه يا زوجات ما عندكم افكار ... يالله خلني اشوف شنو عندي ..
ورده كل يوم او مره بالاسبوع .. كلمه احبك على المرايه في الصباح او في مراية الحمام اعزكم الله علشان لما يغسل وجهه يستانس :d ...:26:

يالله ساعدوني .. ابي افكار جديده

مأجورات يأخواتي الكربمات
والله يوفقكن لما يحب ويرضى
زوجك هو جنتك ونارك

:22: السلام عليكم
شكرا على الموضوع الجميل .. بصراحة .. هادي أول مشاركة ليي وحبيت أشارك معكم
إذا جا زوجي من العمل أشيل ثيابه من عليه شوي شوي
يعني كل ما فتحت زرار أبوسه بوسة في المكان اللي افتحه
وبعد ما أخلص أحضنه حضنة قوية وأقول له ما قدرت أطيق بعدك اليوم يا أحلى رجال بالدنيا
وانا اعرف زوجي يحب القبلات .. فما أقصر عليه ابدا
وطبعا غير حركات الدلع والثياب القصيرة اللي يحبها وكل ما أقوم أطيح شي من يدي علشان .. أحم أحم

هلا فيج نويرة وهلا بموضوعج الخفيف

ادا ابي ابين له حبي وانا في كل وقت اصلن مجنونه بحبه

في العلاقة الحميمة: اذا ابي ابين له حبي بجد ابتدي بدلع وغنج ودلال واحلى لبس مثير واتعمد البس شي هو شارنه لي لانه يطير من الفرح والكلام والرومانسية واحط شمعتين كبار او كم شمعة واخليه ملللللك يطير فوق السحاب

في البيت: احب يكون مكانه نظيف واحاول يكون مرتب قدر الامكان مع فوضويته والبس لبس هادئ يحبه علي

من المطبخ : علشان ابين له حبي اسوي له حبيبة قلبه والي اطير عقله شوربة الدجاج
يوم الي اسويها يقول اليوم انتي صج تحبيني مو بس ياكلها لو قدر تروش فيه وكل طبخه يحبها مني اعمله له

وشاي او كابتشينو لانه مولع بالشاي

في الحياة الشخصية : طول ماهو عندي لا يمكن اخليه يتروش لحاله انا الي اروشه واغسل شعره وانظفه بالليفة وقبلها اهيأ الحمام واحط فيه ورد مجفف او ريحه حلو او بخور لانه على السريع بس ادا ناويه بصدق احط شموع واتففن واملي البانيو ماي وفيه ورد مجفف وغيره من هالحركات
واحلق له بالحلاقة ذقنه بعد ادا كان ماامداه يروح الحلاق ..

اسوي له مساج محترم ادا توه جاي عندي بلدي

ارسل له مسجات غرامية من العيار القوي 3 او 4 مسجات يوميا وانقطع عنه فجأة يوم او يومين يجي هو بنفسه يعاتب ويشتاق وارجع له الحركة حبة حبة علشان لا يمل كل يوم المسجات بس بصراحة يموت فيهم ويستنكر ادا ماارسلت

اممممم
اي في السفر بعد شي اخر

ارتب انا شنطته وابخر ثيابه وادس له اوراق واعطرهم بعطري فيها كللمات شوق وحب وادسهم بجيب الثوب او بجيب البنطلون او بالشطنة من تحت واذا لاقهم وهو بسفر يتجنن
احط له اي شي من ثيابي فيه من ريحتي

في الهدايا: كل مناسبة تقريبا مانساه والحين جاي شهر رمضان الله يعوده علينا وعليكم بالخير جهزت له ليلة عساه بس يقوم حبيبي من المرض ويصير بصحة وعافيه ليله مساج وغرام عجيبة
وهديه بمناسبة قدوم رمضان عبارة عن : سبحة + مبخر سيارة وبخور+ وسجادة صلاة + عطر عود صغير توله
وجمعتهم في سلة وغلفتها
وهكذا كل فترة لو اي شي بسيط لو باقة ورد بس اغط اغط فترة وارجع له بهدية يفرح وااايد

احاول اكون صديقته المقربة ومعشوقته وامه واخته وهو اصلن ماعنده اصدقاء فاحاول اكون دايما سواليف عن كل شي واسمعه واايد صح يهدر وااايد بس نتحمل لاجل عيونه
بس بشطارة العب كل دور لانه مو في كل وقت مناسب اكون اخته او صديقته او امه

وفي مرضه آآآه ليتني جنبه الحين بس هو مارضى الله يهديه اروح له
اسهر على راحته واعطيه دواه انا بنفسي واوسوي له شوربات وعصيرات وكمادات واحممه بماي بارد ادا كان انفلونزا واحرص على انه ينام بحضني ادلله اخر دلال في المرض

في شخصيتي : احاول ابتعد شوي عنه علشان يرجع مشتاق يعني اروح امارس هواياتي واطلع مع صديقاتي مع اهلي اسافر مع اهلي اخذ دورات في المعهد اروح النادي فالحمدلله عاجبتنه شخصيتي مو بس لاصقه فيه


في عمله : ارسل له على الاميل رسائل شوق او بطاقات الكترونية او اصمم له على الفوتوشوب بطاقات فيهم صورة وكلمات مني او خواطر

غير الليالي الرومانسية الي اعملها

ادا بيجي او بيرجع بلده دايما بالدعاء احفه ويستانس لما يسمعني ادعي له
غير وقت النوم اقرى عليه وعلي المعوذتين واية الكرسي واذا نسيت يقول اليوم احنا مو على البال
ولو اقدر اكثر سويت له وعطيته روحي يستاهل الغالي

لانه مو مخلي علي قصور

اللهم صلي على محمد من كل عين حاسدة
وماشاء الله

وسامحيني خيه قمت اهدر وايد الظاهر انتقلت عدوة زوجي لي :d

دمعات الروح الله يجزاج خير وما قصرتي صراحه وفيتي وكفيتي ... والفال للجميع ..

نقل إلى عالم المتزوجين ..

مافى شىء جديد اكتبه ماشاء الله الاخوه كفوا ووفوا
لكن ساعات لما احس انى عايزه اقدم له شىء يعبر عن حبى وامتنانى له
اوافق على شىء كان نفسه فيه وكنت ارفضه اقصد الايثار
موضوع مفيد بصراحه
جزاك الله خيرا اختى