|
ماذا نجني من غلاء المهور؟
لكل المقبلين على الزواج
هذه قصة سمعتها من احد اصدقائي يحكيها عن احد اقربائه ................. والقصة ان رجلاً كان يحب ابنة عمه منذ الصغر حتى ان عمه يعرف بهذا الشئ .. وعندما وصل الشاب لسن الزواج طلب الزواج من ابنة عمه .. ولعلم العم بأن الشاب يريد ابنة عمه بأي ثمن .. طلب منه مهر يقدر بـ300 الف ريال ضاقت الدنيا بهذا الشاب .. وبدأ يحاول جمع المبلغ من كل جهه تدين ،، جمع من راتبه ،، باع مايملك ،، اخذ من هذا وهذا وكأنه فقد كرامته بسبب هذا الزواج ولكن الشاب لم يفكر بشئ بقدر مافكر بإبنة عمه وكيف تكون زوجة له .. وبعد اسابيع قليلة ،، تم عقد القران وتم الزواج بعدها بفترة وجيزة وسائت معاملة الزوج لزوجته وكأن كل مايشغل تفكير هذا الرجل .. هو المال وكيفية تخليص الديون التي تسبب فيها هذا الزواج ... وبعد الزواج بأسبوع تقريباً .. جاء العم وعائلته ليزورو ابنتهم في بيتها الجديد واستقبلهم الشاب بوجه عبوس :( وكأنه نسي ان هذا عمه وابو زوجته الشاب : وين ؟ العم : بنشوف بنتنا :d الشاب: لاياحبيبي انسى بنتك ،، رجّع 300 الف ريال ثم تعال شف بنتك زي ماتبي !!! العم ادار ظهره ومشى وبعدها بأسابيع قليلة تم استرداد جزء كبير من المبلغ .. حتى اصبحت علاقته بأنسابه سمن على عسل :d ** الفائده** ارى ان الموضوع لايتعلق بشكل مباشر بمهر فقط .. حيث ان الامثله كثيره على مثل هذه الحادثه مع اختلاف الظروف قد يكره الزوج زوجته بسبب تكاليف ليلة الزفاف وقد يكرهها بسبب مطالبات الاهل الكثيرة والخلاصه: ان اكثر مايزعج العريس هو الامور المادية فنصيحه لكل من هي مقبلة على الزواج الا تكثر من المطالب المادية من ليلة زفاف ومهر وغيرها حتى لاتخسر زوجها نسأل الله التوفيق للجميع الاشراف: تم تعديل العنوان ليناسب النص. |
صحيح معك حق..
موضوع غلاء المهور هذا غريب والله.. قال رسول الله صلى الله عليه وسلم.. "أكثرهن بركة أقلهن مهورا" |
اقتباس:
تقبل تحياتي |
قال رسول الله صلى الله عليه وسلم " أقلهن مهوراً أكثرهن بركة"
ليس بعد هذا الحديث نقاش !!! ومن نزل لمستوى العرض والطلب، والغلة للي يدفع اكثر، فذنبه على جنبة وهو المتضرر الأول والاخير ولكني لا اللوم الفتيات على ما يقوم به اولياء الامور لكني اقول ( التوعية والنصيحة يا اهل النصيحة ) تمنياتي للجميع بالتوفيق أخي الكريم الرجاء التأكد من الاحاديث النبوية... |
اقتباس:
لك تحياتي ====== الف شكر للإدارة على تغيير العنوان |
واذا تزوج زوجته بكل سهوله وما دفع ذاك المهر ولا تكلف للزواج راح يستسهل الموضوع لانها جته بالساهل وممكن يتزوج عليها
عشان كذا لازم يدفع بالزواج عشان يحافظ عليها ومايفرط فيها بسهوله |
اقتباس:
حنا ما قلنا ان على ولي الأمر ان يتنازل عن المهر ( لا ) طبعا لكن حنا نتكلم عن الغلاء في المهور يعني بالله في احد راح يدفع 300000 ريال مهر ليييييش ؟ وفي عوائل للحين وهي تاخذ مئة الف اخي المهر المعقول هو ما بين 20000 و30000 واكثر من كذا بذخ تحياتي لك |
وعليكم السلام ورحمة الله وبركاته
قصه معبره ولا اروع منها في الحكم بارك الله فيك وجزيتي خير الجزاء بووركتم |
الله يصلح كل شباب وبنات المسلمين ....
|
يسبب العضل والتعليق
ماراح يطلق الزوج الا بالكلفة لأنه خسران كثير لو ان المبلغ بسيط كان طلق بالراحة ولا تحسف على الفلوس |
اقتباس:
لعلمك اذا شخص يبي يطلق وبيسترد فلوسه يقدر مايطلقها ولكن يخلي البنت هي اللي تطلب الطلاق مثل ان يكرهها في نفسها حتى تطلب الطلاف وبالتالي يسترد المهر المشكله الكبرى ان اهل البنت لو صفوا نيتهم من الاول ولا فكروا بهالتفكير الخبيث صدقني الله يرزقهم واحد على قد نيتهم |
فعلا غلاء المهور موضوع مهم ومنتشر جدا ويعاني منه كثير من الناس
وهو من اهم اسباب العزوف عن الزواج .. لعدم قدرتهم على ذلك وبرأيي ان القناعه كنز لا يفنى والناس تشتري رجال اختي نجود : نظريتك صحيحه عشان يحس انها ماجت بالساهل ويحافظ عليها لكن ماهي بالفلوس وعمر الفلوس ماصارت مقياس لحفاظ الرجال على زوجته ماهي قطعه اثاث اشتراها ما تجي بالساهل يعني ما يعطي الاب بنته لزوج الا متأكد من اخلاقه ودينه وحسن معاملته وقدرته على فتح بيت وتحمله المسؤليه هذه امور تظمن للاب حفاظ الرجل على بنته وبنفس الوقت تعتبر للخاطب ان زوجته ماجت بسهوله زي ما قلتي هذا رأيي الشخصي والله اعلم |
هلا اخوى فهد هاشم
اول شيء انا بنت مانى ولد ثانى شيء انت تقول المهر المعقول بين 20 الف لين 30 الف اكثر من كذا بذخ ما تشوف اخوى ان السياره لا جيت تشتريها يكون سعرها اكثر من كذا وهى سيارة؟ انا اشوف المهر المعقول من 50 لين 60 الف ويلا يكفى دمت بود |
تحديد المبلغ يعتمد على المستوى المادي للعايلتين
20 الف ممكن يكون مبلغ ممتاز لناس وشي قليل لناس 60 الف ممكان يكون مبلغ خيالي لناس وولا شي لناس هذا رأيي الشخصي والله اعلم |
اقتباس:
احترم وجهة نظرك لكن اخى الكريم تخيل معى لو شريت اى شيء لنفترض مثلا جوال الجوال الى شريته رخييص مثلا ب500 ريال بعد فترة لا طلع موديل غيره راح تركض واره لانك ما دفعت ذيك القيمه فيه . لكن لو كنت شريته بالالاف ماراح تغيره بسهوله وانا ما اقول ان المراه مثل الاثاث لا ابد بس خلنا نفكر شوى المراه يوم تتزوج وش تاخذ غير مهرها وباقى عمرها راح توهبه لزوجها واطفالها بالله عليكم تستخسرون فيها هالمهر وهى راح تكون مثل الخادمه زوجها وتلبي رغباته ومافى احد راح يرحمها لازوج ولا اطفال ما ادرى هى وجهة نظر:25: |
300 الف .. !!!!!!!!!!!!!!!!!!!!!!!!!!!!!!!!!!!!!!!!!!!!!
مـآ يدخل العقـل بالررغم اني اسمع اكثر من كذا بس والله شي يرثى لـه الحـآل .. مهمـآ تكلمنتآ و مهمـآ قلنتآ مـآ رآح يسمعونك النـآس ( صدقني ) .. انت تجد التوعية و الإهتمـآم من كل النـآس بـ غلاء المهور و لـمـآ تروح تخطب يقولون 100 الف .. وين هالتعب و القلق هذا كله راح ؟ آخ بس ... |
مشكله اذا كنتي تقارنين نفسك بجوال او اي بضاعه تنشرى
اختك هضبه من الجهل |
ما عمره كانت قيمة البنت بسعر مهرها اذا كان زوجها يحبها ومتمسك فيها وش فايدة اني اطلب مهر كثير وزواج كبير ومصاريف مالها اول ولا تالي وما ابي اسكن في اي مكان وبالاخير يصير زوجي بضائقه ماليه واكون انا السبب وتصير المشاكل بينا |
اقتباس:
المرأه مثل الجوال !!!!!!!!!!! يعني الجوال اذا خرب ابرميه واذا راح موديله ابغيره ,,,اذن المراه اذا مرضت ارميها واذا عجزت اطلقها !! !!!! تشبيهك هذا فيه انقاص للمرأه يا اختي الرجل يتزوج ليكون اسره سعيده يملاها الحب والحنان واول من يستفيد من هذا الموضوع هو المراه اي انه المراه اذا تزوجت تستفيد وتشوف اولادها وتعيش بحب ووسعاده ويمكن تكون حاجتها للرجل اكثر من حاجة الرجل لها الجوال مايستفيد اذا استخدمناه ,,حنا بس اللي نستفيد منه بعدين اذا تعطل نلقيه في سلة المهملات اقتباس:
هالاشياء تقدر بثمن !! واذا على نظريتك اجل اطلق زوجتي والله واجيب شغاله ب 500 ريال ارخصلي همسة : الله يعني الي بياخذك :18: |
تعتبرين نفسك في مزاد علني؟؟
الزواج مشاركه ازدواج ألفه ورحمه وليست بضاعه بثمن .. الله يحفظ اخواننا المسلمين من تفكير البنات فيهم بهالطريقه والله يحفظ بنات المسلمين من تفكير الشباب فيهم بهالطريقه والله يهدي الاهالي واولياء الامور لعدم تأسيس اولادهم على هذه المبادئ والمفاهيم في الزواج منذ الصغر قال الله تعالى ( الطيبون للطيبات) والله يوفق ويهني الجميع |
اقتباس:
واذا ما استوعبتيها هذه مشكلتك |
اقتباس:
|
اقتباس:
المهر المناسب 20 الى 30 الف اما بالنسبة ل 50 او 60 كثير جدا و لا تساوي الزوجه بالسيارة |
اقتباس:
كل ناس ولهم عوايدهم وطبعا ما اساوى الزوجه بالسياره عشان كذا المفروض الزوجه مهرها يكون اغلى:25: |
اقتباس:
انه يعضل البنت و يسترد المهر لانه تعبان عليه كثير اما اذا كان قليل راح يطلق بالراحة وبدون جرجرة محاكم وصراحة اعرف عوايل مهورهم غالية 200 الف ريال ليش ؟؟ علشان بناتهم مزايين وطويلات حشا صار رقيق ماهو زواج :29: |
| الساعة الآن 09:33 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©